Fakulteti i Edukimit - Keshilli Studentor

21/08/2026

Të nderuar student/e

Ju njoftojmë se, SEMS-i është hapur për gjenerimin e pagesave dhe regjistrimin e semestrit, duke filluar nga data 19.08.2026 deri më 30.09.2026.

Ju lusim që regjistrimin e semestrit ta përfundoni me kohë.

Pas datës 30.09.2026, mundësia për regjistrimin e semestrit do të mbyllet.

Studentat bachelor viti pare qe do fillojne kete vit 2026/27 nuk kan nevoje per regjistrim sepse semestri pare regjistrohet automatikisht!

Me respekt!

31/07/2026

UP-ja shpall konkurs plotësues për vendet e lira nga afati i parë i regjistrimit të studentëve për vitin akademik 2026/’27

Të nderuar maturantë,

Universiteti i Prishtinës ka shpallur konkurs plotësues për pranimin e studentëve të rinj në nivelin bachelor për vitin akademik 2026/’27 në njësitë akademike ku ende ka vende të lira nga konkursi për afatin e parë.

Të drejtë konkurrimi për plotësimin e vendeve të lira të studimeve themelore në këtë konkurs kanë të gjithë kandidatët që e kanë përfunduar me sukses arsimin e mesëm të lartë dhe kanë kaluar testin e Maturës Shtetërore.

Gjithashtu në këtë konkurs mund të aplikojnë edhe pjesëtarët e komuniteteve joshumicë, ata të vendeve fqinje të Kosovës, arbëreshët e Italisë, arbneshët e Zarës dhe grupimet e diasporës kosovare që jetojnë gjithandej nëpër botë, sipas kuotave të përcaktuara.

Aplikimi bëhet në platformën online http://apliko.uni-pr.edu dhe do të jetë i hapur prej datës 28.08.2026 në orën 14:00 e deri më 05.09.2026 në orën 16:00. Gjatë kësaj periudhe kandidatët që aplikojnë online duhet të dorëzojnë edhe dokumentet fizike në njësinë akademike ku aplikojnë.

Për të aplikuar nevojitet ekstrakti i lindjes, jo më i vjetër se gjashtë muaj, dëftesat e të gjitha klasëve të shkollimit të mesëm, diploma e këtij niveli të studimeve (të gjitha këto origjinale), kopja e letërnjoftimit, një fotografi profesionale e kandidatit/tes dhe fletëparaqitja e plotësuar që mund të shkarkohet pas aplikimit elektronik. Për ata që kanë kryer shkollën e mesme jashtë Kosovës nevojitet edhe dëshmi për njohjen e shkollimit të tillë.

Programet e studimit të ofruara nga UP-ja mbulojnë fusha të ndryshme studimi dhe janë të ndërtuara për të përgatitur studentët për sfidat e tregut të punës, duke i pajisur ata me njohuri dhe aftësi të nevojshme për zhvillim profesional dhe personal.

Universiteti i Prishtinës synon të krijojë një ambient të favorshëm akademik, ku studentët mund të rriten në aspektin intelektual dhe të arrijnë objektivat e tyre në karrierë.

Ftoheni të aplikoni dhe të bëheni pjesë e një universiteti me histori, traditë dhe përkushtim ndaj cilësisë në arsim.

Konkursin e plotë plotësues për regjistrimin e studentëve, mund ta gjeni në këtë vegëz:

https://uni-pr.edu/page.aspx?id=1,39,3986

31/07/2026

NJOFTIM I RËNDËSISHËM

AFATI I DYTË I PRANIMIT NE UNIVERSITETIN E PRISHTINËS (2026/2027)

Përshëndetje të gjithëve! 👋

Si Kryetare e Këshillit Studentor, dëshiroj t’ju njoftoj lidhur me hapjen e Afatit të Dytë të Konkursit për pranimin e studentëve të rinj në vitin e parë të studimeve Bachelor në Fakultetin e Edukimit (Viti Akademik 2026/2027).

Më poshtë gjeni të gjitha detajet e nevojshme, vendet e lira, datat dhe dokumentacionin e kërkuar:

Vendet e Lira sipas Programeve:

Në këtë afat janë gjithsej 44 vende të lira për të gjitha kategoritë:

Edukimi Fillor: 0 vende për studentë të rregullt nga Kosova. (16 vendet e lira janë të rezervuara vetëm për komunitetet jo-shumicë, Luginën e Preshevës, Mërgatën dhe rajonin).

Edukimi në Fëmijëri të Hershme: 0 vende për studentë të rregullt nga Kosova. (12 vendet e lira janë të rezervuara për komunitetet, Luginën, Mërgatën dhe rajonin).

Teknologjia Arsimore (STEM): 8 vende të lira për studentë të rregullt nga Kosova (dhe 8 vende të tjera për kategoritë e rezervuara, gjithsej 16 vende).

⚠️ Vëmendje: Për kandidatët e rregullt nga Kosova ka vende të lira VETËM në programin Teknologjia Arsimore (STEM).

2. Datat Kryesore dhe Afatet

Aplikimi Online: Hapet më 28.08.2026 (ora 14:00) deri më 05.09.2026 (ora 16:00) në platformën: apliko.uni-pr.edu.

📂 Dorëzimi i Dokumenteve Fizike: Bëhet nga data 28.08.2026 deri më 05.09.2026 (çdo ditë pune, përveç të dielave).

Provimi Pranues: Do të mbahet më 08.09.2026 në orën 09:00 në ambientet e Fakultetit të Edukimit.

📁 3. Dokumentet e Nevojshme dhe Vendi i Dorëzimit

Dokumentet dorëzohen te sportelet e administratës në Fakultetin e Edukimit, të vendosura në një dosje (fashikull) të bardhë:

Fletëparaqitja e plotësuar (shkarkohet nga interneti pas aplikimit online);

Ekstrakti i lindjes (origjinal, jo më i vjetër se 6 muaj);

Dëftesat e të gjitha klasave të shkollës së mesme (origjinale, dublikatë ose të noterizuara);

Diploma e shkollës së mesme (origjinale, dublikatë ose e noterizuar);

Dëftesa e Provimit të Maturës (nëse e keni kaluar maturën);

Kopja e Letërnjoftimit;

Një fotografi profesionale (35 × 45 mm).

💡 Këshillë: Bëni kopje të noterizuara të dokumenteve tuaja për vete para se t'i dorëzoni origjinalet!

✍️ 4. Lëndët në Provim Pranues

Edukimi Fillor & Fëmijëri të Hershme: Gjuhë dhe Letërsi Shqipe, Matematikë, Psikologji dhe Shkathtësi Analitike.

Teknologjia Arsimore (STEM): TIK (Teknologji Informacioni), Matematikë, Psikologji dhe Shkathtësi Analitike.

Ju uroj shumë sukses të gjithë kandidatëve!

Sistemi elektronik për menaxhimin e studentëve — Universiteti i Prishtinës

16/07/2026

🎓 FALENDERIM DHE SUKSESE PËR KANDIDATËT MASTER 🎓

Me pak vonesë me postimin e fotove, por me të njëjtin përkushtim!

U përmbyll me sukses provimi pranues për nivelin Master në Fakultetin e Edukimit, i cili u mbajt me 14 Korrik!

Këshilli i Studentëve u kujdes që të ishte në terren për t'ju dalë në ndihmë kandidatëve të rinj.
Kemi qenë aty për t'ju orientuar nëpër salla dhe për t'u siguruar që i gjithë procesi i mbarëvajtjes së provimit të shkonte në mënyrën më të rregullt.

✨ Urime dhe shumë suksese të gjithë juve që jeni pranuar dhe po bëheni pjesë e Fakultetit të Edukimit!

Për çdo informatë tjetër rreth hapave të radhës, ne do t'ju lajmërojmë me kohë këtu në faqe.

Faleminderit për besimin dhe bashkëpunimin tuaj! 🌟

Me respekt,
Keshilli Studentor i Fakultetit të Edukimit: Gentianë Bruti

16/07/2026

📢 Njoftim për studentët e studimeve Bachelor

Njoftohen të gjithë studentët (aplikantët) e nivelit Bachelor se dokumentet e tyre mund t’i tërheqin duke filluar nga sot (e enjte), si dhe nesër, gjatë orarit të punës së administratës.

Sa i përket për studimet Master, proceset tutje do të fillojnë pasi të përfundojë shqyrtimi i ankesave, të publikohen rezultatet përfundimtare dhe të pranohet njoftimi zyrtar nga Rektorati per procedurat tutje.

Për çdo informacion dhe hap të radhës, studentët do të njoftohen me kohë.

Faleminderit për mirëkuptimin!

14/07/2026

Rezultatet Preliminare Edukim Master 2026/27

Universiteti i Prishtinës (UP) është universitet publik në Prishtinë, Kosovë. Eshte universiteti më i madh dhe më i vjeter në Kosovë.

09/07/2026

📢 Shpallen rezultatet preliminare!

Sot u publikuan rezultatet preliminare të provimit pranues për studentët e rinj në Fakultetin e Edukimit! 📝✨

Të gjithë kandidatëve që kanë kaluar me sukses këtë fazë u urojmë përgëzimet më të sinqerta. Jemi shumë të lumtur që së shpejti do t'ju kemi pjesë të familjes sonë akademike! 🎓❤️

Për ata që nuk janë pranuar këtë herë, ju falënderojmë për mundin dhe ju urojmë shumë fat e suksese në mundësitë e radhës. Mos u dorëzoni!

Informata të rëndësishme për hapat e radhës:
* 🗓️ Afati për ankesat: Kandidatët që kanë vërejtje rreth rezultateve mund të paraqesin ankesë më së largu 48 orë pas publikimit të tyre (me datë 13.07.2026 dhe 14.07.2026 deri në ora 16:00).
* ⚙️ Regjistrimi: Ju kujtojmë se pas shpalljes së rezultateve përfundimtare, regjistrimi i studentëve të pranuar do të bëhet automatikisht nga Administrata Qendrore.
ℹ️ Për çdo njoftim tjetër dhe udhëzim deri në fillimin e ligjëratave, lajmëroheni në grupet e ndara në Viber. Bashkohuni në grupin e programit tuaj përmes linqeve më poshtë:
🏫 Programi Fillor: [https://invite.viber.com/?g2=AQBivhOX%2B%2FqQU1bRziHO1%2FdkLdjGTG3vYctQRXKktN0dUr%2BtjBntWchZEwkLaF7O ]
🧸 Edukimi në Fëmijërinë e Hershme: [ https://invite.viber.com/?g2=AQBne%2BSo6phjF1bRzZ7WY6g8O8lTjoM4GNVDwuB2scK5YBpbquIyQj8GVrPW4D57 ]
💻 Teknologji Arsimore: [ https://invite.viber.com/?g2=AQAMOu4RAZTRRlbRzjqur9mQTegphqqyIrOnCgoEWHX75dX9ruACixSIDjvvOitk ]
Suksese të gjithëve! 🚀

Universiteti i Prishtinës (UP) është universitet publik në Prishtinë, Kosovë. Eshte universiteti më i madh dhe më i vjeter në Kosovë.

09/07/2026

🎓 U urojmë shumë suksese të gjithë kandidatëve në provimin pranues!

Sot në Fakultetin e Edukimit u zhvillua provimi pranues për programet:
🔹 Programi Fillor – me gjithsej 239 aplikantë
🔹 Edukimi në Fëmijërinë e Hershme – me gjithsej 145 aplikantë
🔹 Teknologji Arsimore – me gjithsej 24 aplikantë

Në këtë ditë kaq të rëndësishme, kryetarët tanë dhe ne si ekip studentësh kemi qenë plotësisht të angazhuar. Si gjithmonë, me vullnetin më të madh, u përfshimë në monitorimin dhe mbarëvajtjen e rregullt të procesit, si dhe në orientimin e studentëve të rinj për t'ua lehtësuar këtë fillim.

Ishte një kënaqësi e veçantë të shihnim kaq shumë entuziazëm dhe të ndihmonim kolegët tanë të ardhshëm në hapat e tyre të parë! Jemi të lumtur të themi se gjithçka shkoi me shumë sukses dhe pa asnjë vërejtje! ✅
Jemi gjithmonë të hapur për bashkëpunim, mbështetje dhe udhëzime gjatë rrugëtimit tuaj akademik.

Me respekt,
Këshilli Studentor – Fakulteti i Edukimit

23/06/2026

📢 Për të gjithë maturantët dhe të interesuarit për Fakultetin e Edukimit! 🎓✨

Të dashur studentë të ardhshëm, meqenëse afati i aplikimit në Universitetin e Prishtinës po afrohet, ne kemi krijuar një grup zyrtar në Viber për t'ju ndihmuar në çdo hap!

Në këtë grup do të gjeni:

- Udhëzimet e detajuara për aplikim.
- Dokumentet që ju duhen.
- Përgjigje për çdo pyetje apo paqartësi.

Mos e humbni kohën duke kërkuar vetë – bashkohuni në grup dhe informohuni në kohë reale! 📌
👇 Kliko këtu për t'u bashkuar me ne:

https://invite.viber.com/?g2=AQBGOM1U%2F4GwuVa9m1m5j%2BA3tJ2ra%2FAPAzIsfE5%2FHzS7iu5V0edCyyQXUGB7oZbo

Ju presim dhe ju urojmë shumë suksese! 🌟

27/05/2026

🎉 Gëzuar Kurban Bajramin dhe suksese në fundvitin akademik! 🎉

Të dashur studentë të Fakultetit të Edukimit,
Këshilli Studentor ju uron nga zemra festën e Kurban Bajramit!
Paçi mbarësi, paqe dhe lumturi në familjet tuaja. ✨
Njëkohësisht, ju priftë e mbara dhe paçi shumë suksese në provimet dhe përmbylljen e këtë vitit akademik!
Me fat! 📚🎓🕊️