Fakulteti i Edukimit - Keshilli Studentor

27/05/2026

🎉 Gëzuar Kurban Bajramin dhe suksese në fundvitin akademik! 🎉

Të dashur studentë të Fakultetit të Edukimit,
Këshilli Studentor ju uron nga zemra festën e Kurban Bajramit!
Paçi mbarësi, paqe dhe lumturi në familjet tuaja. ✨
Njëkohësisht, ju priftë e mbara dhe paçi shumë suksese në provimet dhe përmbylljen e këtë vitit akademik!
Me fat! 📚🎓🕊️

15/05/2026

Shpallen listat e studentëve përfitues të bursave universitare

Universiteti i Prishtinës (UP) është universitet publik në Prishtinë, Kosovë. Është universiteti më i madh dhe më i vjeter në Kosovë.

29/04/2026

VULLNETI JUAJ, FITORJA JONË – USPE VAZHDON! 🖐️🏆

Faleminderit nga zemra çdo studenti të Fakultetit të Edukimit për besimin e palëkundur. Edhe këtë herë, bashkë dëshmuam se puna, përvoja dhe përfaqësimi i dinjitetshëm nuk kanë konkurrencë! 🏆

Vazhdojmë me punë, me projekte të reja dhe me zërin tonë fuqishëm në çdo hap. Edukimi mbetet në duar të sigurta! 🎓✨

Bashkë për fitore, gjithmonë me USPE! ✌️

01/04/2026

Të nderuar studentë,

Ju njoftojmë se Universiteti i Prishtinës ka shpallur konkursin për ndarjen e bursave universitare për studentët e studimeve themelore (bachelor), për arritjet e vitit akademik 2024/25.

Kriteret për aplikim:
• Të jetë student i rregullt në Universitetin e Prishtinës;
• Të jetë i regjistruar në vitin e dytë ose më lart të studimeve;
• Të mos ketë përsëritur vitin gjatë studimeve;
• Të ketë përfunduar të gjitha provimet më së largu në afatin e Shtatorit 2025;
• Të ketë notë mesatare minimale 9.00

Afati i aplikimit:
02.04.2026 – 10.04.2026 (deri në ora 16:00)

Aplikimi bëhet online në: sems.uni-pr.edu

Pas aplikimit online, formulari duhet të printohet dhe dorëzohet në shërbimin e studentëve në fakultet.

Për çdo paqartësi apo problem teknik gjatë aplikimit, mund të drejtoheni tek ankesat e platformës SEMS.

Këshilli i Studentëve - Fakulteti i Edukimit

13/03/2026

NJOFTIM PËR ABSOLVENTËT

Njoftohen të gjithë absolventët se fotografitë për Pano do të realizohen në studion Foto Kabashi.

Çmimi:
• Foto për Pano: 8 €

Për foto ekstra (individuale ose me shokë/shoqe) paguhet veçmas në studio.

Afati për realizimin e fotografive:
📅 Nga 23 Mars 2026 deri më 10 Prill 2026

Vlen per Bachelor dhe Master

Luten të gjithë absolventët që brenda këtij afati të paraqiten në studio për realizimin e fotografive.

07/03/2026

Mësuesi: Arkitekti i padukshëm i kombit. 🇦🇱✍️
​Në çdo germë shqipe që shkruajmë sot, fle sakrifica e një mësuesi.
​Ata që mbrojtën gjuhën kur ishte e ndaluar.
​Ata që udhëtuan nëpër male për të hapur shkolla në fshatrat më të largëta.
​Ata që nuk u dorëzuan kurrë para vështirësive politike e ekonomike.
​Sot festojmë për ju, heronjtë tanë të heshtur.

​Gëzuar 7 Marsin të gjithë mësuesve shqiptarë kudo ku ndodhen!

​"Gëzuar 7 Marsin mësuesve tanë! Faleminderit që investoni te ne, që ne të investojmë te brezat e ardhshëm. Jemi krenarë që mësojmë nga më të mirët!"

KS-FE

22/12/2025

Të nderuar kolegë,

Ju njoftoj se, me kërkesë të menaxhmentit të Universitetit, sistemi SEMS është hapur për të gjitha Njësitë Akademike për paraqitjen e kërkesave për rivlerësim, për periudhën 22–24 dhjetor.

Ky veprim është ndërmarrë me qëllim që:
• provimet të realizohen nga data 25 deri më 28 dhjetor, dhe
• periudha e notimit të zhvillohet më 29–31 dhjetor.

Ju lutem që:
• të njoftoni menaxhmentet e njësive akademike lidhur me hapjen e SEMS dhe afatet përkatëse;
• të sigurohet informimi i personelit akademik dhe studentëve;
• të jeni në gatishmëri për mbështetje teknike, nëse paraqiten nevoja gjatë kësaj periudhe.

Në rast të ndonjë çështjeje teknike apo paqartësie, ju lutem më njoftoni.

Faleminderit për bashkëpunimin.

03/12/2025

02/12/2025

Sot, në Fakultetin e Edukimit, u mbajt një program kulturor–artistik me rastin e 3 Dhjetorit – Ditës Ndërkombëtare të Personave me Aftësi të Kufizuara.
Atmosfera u mbush me vallëzime tradicionale, këngë shqiptare, recitime dhe paraqitje artistike, duke krijuar një mjedis të ngrohtë, paqësor dhe plot dashuri për të gjithë të pranishmit.

Ky aktivitet synoi të promovojë përfshirjen sociale, mirëkuptimin dhe mbështetjen për fëmijët me nevoja të veçanta. Nxënësit e International Maarif Schools of Kosova sollën dhurata simbolike për nxënësit e shkollës “Përparimi”, si një gjest i vogël me zemër të madhe – një shembull i vlerave humane që duam t’i kultivojmë te brezat e rinj. Qendra Burimore Përparimi-Prishtinë

Në program morën pjesë:
• z. Mehmet Nedim Aslan, Drejtor i Përgjithshëm i Fondacionit Maarif në Kosovë,
• znj. Kyvete Shatri, Prodekane e Fakultetit të Edukimit,
• znj. Blerta Perolli, Prodekane e Fakultetit të Edukimit,
• znj. Drita Dushi, Drejtoreshë e shkollës “Përparimi”,
• si dhe përfaqësuesja e Këshillit të Studentëve, Leira Musliu.

Aktiviteti u pasurua me fjalime përshëndetëse, program artistik, bashkëpunime mes studentëve dhe nxënësve, si dhe një ekspozitë artistike në hollin e fakultetit. Në përfundim, dhuratat simbolike u shpërndanë me shumë dashuri dhe respekt, duke përçuar mesazhin e barazisë, solidaritetit dhe pranimit.

🙏 Falënderime të veçanta

Këshilli Studentor i Fakultetit të Edukimit shpreh mirënjohjen e thellë për:

✨ Shkollën “Përparimi” - znj. Drita Dushi – për bashkëpunimin dhe atmosferën e ngrohtë që sollën në këtë ditë;
✨ International Maarif Schools of Kosova për kontributin e tyre të çmuar dhe shpirtin human;
✨ Fakultetin e Edukimit, Prodekanet znj. Kyvete Shatri dhe znj. Blerta Perolli – për mbështetjen e vazhdueshme institucionale;
✨ Të gjithë profesorët, studentët dhe mysafirët që kontribuuan me zemër.

Si studentë të Fakultetit të Edukimit dhe si mësues të ardhshëm, besojmë në një shkollë ku çdo fëmijë pranohet, mbështetet dhe vlerësohet. Përfshirja nuk është vetëm parim – është rrugë drejt një shoqërie më të drejtë dhe më njerëzore.

Le të vazhdojmë ta ndërtojmë këtë rrugë bashkë. 💙

25/11/2025

📣 THIRRJE PËR STUDENTËT E FAKULTETIT TË EDUKIMIT

Të dashur studentë,

Ju ftojmë të jeni pjesë e programit kulturoro–artistik që do të organizohet me rastin e 3 Dhjetorit – Ditës Ndërkombëtare të Personave me Aftësi të Kufizuara.

📍 Vendndodhja: Fakulteti i Edukimit – Amfiteatri i Madh
📅 Data: 2 Dhjetor 2025
🕚 Ora: 11:00

Ky aktivitet organizohet nga Këshilli i Studentëve të Fakultetit të Edukimit, në bashkëpunim me International Maarif Schools of Kosova, me qëllim promovimin e përfshirjes, ndërgjegjësimit dhe mbështetjes për fëmijët me nevoja të veçanta.

🟦 Çfarë do të përmbajë programi?
• Program artistik nga nxënësit e International Maarif Schools of Kosova;
• Shfaqje drame me skenar të përgatitur nga studentët e Fakultetit të Edukimit;
• Pjesëmarrje e nxënësve të shkollës “Përparimi”;
• Ekspozitë artistike në hollin e fakultetit;
• Dhurata simbolike për nxënësit e shkollës “Përparimi”.

🤝 Pjesëmarrja juaj është shumë e rëndësishme për të promovuar vlerat humane, sensibilizimin social dhe bashkëpunimin ndërinstitucional.

Ju presim me shumë dëshirë!
Bëhu pjesë e ndryshimit!