Sindikata e Policisë së Kosovës

01/05/2026

Sindikata e Policisë së Kosovës uron të gjithë pjesëtarët e Policisë së Kosovës për Festën e 1 Majit – Ditën Ndërkombëtare të Punës.
Ju falënderojmë për përkushtimin, profesionalizmin dhe sakrificën tuaj të përditshme në shërbim të sigurisë dhe rendit publik.
Gëzuar 1 Maji!

05/04/2026

URIME PASHKËT EDHE PËR SHUMË MOT

Të nderuar pjesëtarë të Policisë së Kosovës,

Në emër të Sindikatës së Policisë së Kosovës, ju urojmë nga zemra festën e Pashkëve!

Kjo festë le të sjellë paqe, gëzim dhe begati në familjet tuaja. Ju falënderojmë për përkushtimin, guximin dhe sakrificën që tregoni çdo ditë në shërbim të vendit tonë.
Le të na shërbejë kjo festë si një kujtim i rëndësishëm për fuqinë e së mirës dhe për unitetin që na mban të fortë.

Gëzuar Pashkët!

Me respekt,
Sindikata e Policisë së Kosovës

20/03/2026

Gëzuar Bajramin!

Në emër të Sindikatës së Policisë së Kosovës, ju urojmë Festën e Bajramit të gjithë punonjësve të Policisë së Kosovës dhe familjeve të tyre. Qoftë kjo festë e shenjtë një moment reflektimi, paqeje dhe solidariteti, duke sjellë begati dhe mirëqenie në çdo familje.

Një mirënjohje e veçantë shkon për të gjithë ata që edhe në ditë feste do të jenë në detyrë, duke vazhduar me përkushtim shërbimin ndaj qytetarëve dhe vendit.

Faleminderit për përkushtimin dhe profesionalizmin tuaj!

Gëzuar Bajramin - me shëndet, solidaritet dhe dinjitet për të gjithë!

Sindikata e Policisë së Kosovës

08/03/2026

27/02/2026

Komunikata për media nga Sindikata e Policisë se Kosovës, suspendime te ngutshme dhe pa bazë të zyrtareve policor dëmtojnë rendë institucionin e policisë se Kosovës

Sindikata e Policisë së Kosovës shpreh pakënaqësinë e saj lidhur me suspendimin e gjashtë zyrtarëve policorë ne Gjakovë nga Inspektorati Policor i Kosovës, duke e konsideruar këtë veprim si të ngutshëm dhe jo adekuat për rrethanat e rastit.

Sindikata thekson se suspendime të tilla dëmtojnë rëndë institucionin e Policisë, gjë që ndikon drejtpërdrejt në ruajtjen e rendit dhe qetësisë publike, duke krijuar mungesë të fuqisë punëtore në stacionet policore, si dhe në cenimin e autoritetit dhe besueshmërisë së organit të sigurisë.

Pa dashur të ndërhyjë në kompetencat dhe pavarësinë institucionale të Inspektoratit Policor të Kosovës, Sindikata, duke u bazuar në audio incizimin e publikuar në media dhe pas analizimit të plotë të ngjarjes, ka vlerësuar se zyrtarët policorë të suspenduar kanë kryer detyrën e tyre me profesionalizëm dhe në përputhje me ligjin.

Sipas të dhënave të bëra publike, zyrtarët policorë janë kërcënuar me jetë në vendin e tyre të punës, përkatësisht në stacionin policor, në prani të dëshmitarëve – zyrtarë policorë. Në audio incizim dëgjohet i dyshuari duke përcaktuar edhe kohën e mundshme të sulmit ndaj zyrtarëve policorë. Për këtë arsye, me të drejtë ai është trajtuar si i dyshuar për veprat penale të kërcënimit dhe pengimit të personit zyrtar në kryerje të detyrës, dhe me urdhër të prokurorit është caktuar masa e paraburgimit.

Po ashtu, ekziston dyshimi se audio incizimi i publikuar është i shkëputur në pjesë dhe jo i plotë, i shkëputur nga i dyshimti. Ku Sipas legjislacionit në fuqi, asnjë audio incizim i paautorizuar dhe i pa urdhëruar nga organet kompetente nuk mund të konsiderohet provë ligjore ne asnjë rast e as ne raste konkret.

Andaj, Sindikata e Policisë së Kosovës i bën thirrje Inspektorati Policor që të rishqyrtojë vendimin dhe të mundësojë kthimin e menjëhershëm në detyrë të zyrtarëve policorë, pasi konsideron se ata në këtë rast kanë qenë viktima të kërcënimit me jete nga i dyshuari dhe kanë vepruar në përputhje me ligjin gjatë ushtrimit të detyrës së tyre.

Me respekt,
Sindikata e Policisë së Kosovës

26/02/2026

Shoqata Rajonale e Sindikatës së Policisë së Kosovës – DRP Gjilan ka nënshkruar marrëveshje bashkëpunimi me Besi Lab.

Kjo marrëveshje u mundëson anëtarëve të Policisë së Kosovës, si dhe familjarëve të tyre të ngushtë (bashkëshorti/ja, fëmijët dhe prindërit), të përfitojnë 30% zbritje në të gjitha analizat laboratorike. Shërbimet do të ofrohen në mënyrë profesionale dhe konfidenciale, me prioritet sipas kapaciteteve operative.

Ky bashkëpunim synon mbështetjen e shëndetit dhe mirëqenies së pjesëtarëve të Policisë së Kosovës dhe familjeve të tyre.

25/02/2026

Sindikata e Policisë së Kosovës e përshëndet dhe e mbështet angazhimin e European Council of Police Trade Unions (CESP) në avancimin e të drejtave profesionale, sociale dhe ligjore të zyrtarëve policorë, si dhe forcimin e standardeve demokratike në polici në nivel evropian.

Si organizatë sindikale që përfaqëson interesat e policëve të Republikës së Kosovës, Sindikata e Policisë së Kosovës, që nga maji i vitit 2023, është pjesë e familjes sindikale evropiane të European Council of Police Trade Unions (CESP).

📍 CESP në Këshillin e Evropës, Strasburg

Më 16–17 shkurt 2026, CESP zhvilloi një takim të nivelit të lartë në Council of Europe, në Strasbourg.

Gjatë këtij takimi u diskutuan çështje që prekin drejtpërdrejt punën dhe sigurinë e policëve:

▪️standardet demokratike në polici

▪️ të drejtat sociale sipas Kartës Sociale Evropiane

▪️ shëndeti mendor dhe rreziqet psikosociale

▪️ njohja e policisë si profesion me rrezik të lartë

▪️ përdorimi i mjeteve më pak vdekjeprurëse

▪️ ndikimi i teknologjisë dhe inteligjencës artificiale në punën e policisë

🔹 Ky angazhim i CESP konfirmon rolin e sindikatave si zë i drejtpërdrejtë i policëve në proceset evropiane, duke ndikuar në politikat dhe standardet që lidhen me sigurinë, dinjitetin dhe kushtet e punës së zyrtarëve policorë.

🔹 Për Sindikatën e Policisë së Kosovës, kjo përfaqëson një hap të rëndësishëm drejt forcimit të mbrojtjes sindikale dhe përfaqësimit të interesave të policëve në nivel evropian.

Me respekt,
Sindikata e Policisë së Kosovës

https://www.facebook.com/share/p/1CnUUfzj7b/

24/02/2026

Pjesëmarrja e SPK-së në Punëtorinë Sindikale të BSPK-së

Sindika­ta e Policisë së Kosovës mori pjesë në Punëtorinë Sindikale dyditore të organizuar nga Bashkimi i Sindikatave të Pavarura të Kosovës – BSPK, me përkrahje të Solidarity Center, e cila u mbajt në Dragash.

Sindikata e Policisë së Kosovës u përfaqësua nga Kryetari z. Avdi Hoti, Nënkryetarja znj. Edita Azemi, si dhe bashkëpunëtorë të sindikatës.

Punëtoria ishte e fokusuar në strategjitë për zgjerimin dhe konsolidimin e organizimit sindikal, forcimin e kapaciteteve organizative dhe negociuese, si dhe në avancimin e bashkëpunimit ndërsindikal.

Sindikata e Policisë së Kosovës vazhdon të punojë me vendosmëri për një organizim të fortë, një komunitet të bashkuar dhe mbrojtjen e të drejtave të çdo punonjësi policor.

17/02/2026

Faleminderit Sindikatës së Policisë së Lituanisë për urimin dhe solidaritetin me Kosovën në Ditën e Pavarësisë. 🇽🇰🤝🇱🇹

Sveikiname kolegas iš Kosovo Nepriklausomybės dienos proga. 🇽🇰

17/02/2026

URIMI I SINDIKATËS SË POLICISË SË KOSOVËS ME RASTIN E 17 SHKURTIT – DITËS SË PAVARËSISË SË REPUBLIKËS SË KOSOVËS

Të nderuar anëtarë të Sindikatës,

të nderuar punonjës të Policisë së Kosovës,

Me rastin e 17 Shkurtit – Ditës së Pavarësisë së Republikës së Kosovës, Sindikata e Policisë së Kosovës ju përcjell urimet më të sinqerta dhe më vëllazërore për këtë datë të shënuar të historisë sonë kombëtare.

Kjo ditë simbolizon sakrificën, përkushtimin dhe vendosmërinë e brezave të tërë për liri, shtetndërtim dhe dinjitet. Është dita kur u kurorëzua përpjekja shekullore për shtet të pavarur e sovran, në shërbim të qytetarëve dhe të së ardhmes sonë të përbashkët.

Si përfaqësues i punonjësve të Policisë së Kosovës, Sindikata jonë riafirmon përkushtimin për mbrojtjen e të drejtave dhe interesave profesionale, ekonomike e sociale të anëtarëve tanë, duke kontribuar njëkohësisht në forcimin e rendit kushtetues, sigurisë publike dhe sundimit të ligjit në vend.

Gëzuar 17 Shkurti – Dita e Pavarësisë së Republikës së Kosovës!

Lavdi e përjetshme të gjithë të rënëve për liri!

Me respekt,
Sindikata e Policisë së Kosovës

11/02/2026

Sindikata e Policisë së Kosovës, në bashkëpunim me Departamentin e Trajnimeve të Policisë së Kosovës, ka mbështetur organizimin e punëtorisë dy-ditore për instruktorët e Policisë së Kosovës, me fokus në qasjet bashkëkohore në mësimdhënien policore.

Në hapjen e punëtorisë morën pjesë Kryetari i Sindikatës së Policisë së Kosovës, z. Avdi Hoti, si dhe Nënkryetarja, znj. Edita Azemi. Me këtë rast, Kryetari i Sindikatës theksoi rëndësinë e investimit të vazhdueshëm në zhvillimin profesional të zyrtarëve policorë dhe përkushtimin e Sindikatës për të mbështetur iniciativa që forcojnë kapacitetet profesionale të zyrtarëve të Policisë së Kosovës.

Punëtoria po shërben si hapësirë për shkëmbim përvojash dhe bashkëpunim profesional ndërmjet instruktorëve, duke kontribuar në përmirësimin e cilësisë së trajnimeve në Policinë e Kosovës.

Trajnerë të kësaj punëtorie janë Major Avdi Berisha dhe pedagogia znj. Blerta Brahaj.

Sindikata e Policisë së Kosovës ka mbështetur këtë aktivitet dhe do të vazhdojë ta mbështesë edhe në të ardhmen, duke riafirmuar përkushtimin e saj që, përveç mirëqenies dhe mbrojtjes juridike të zyrtarëve policorë, të kontribuojë edhe në zhvillimin dhe avancimin e tyre profesional.