SCAAK/ShKÇAK është organizatë profesionale e kontabilitetit dhe auditimit, i cila i ka krijuar vetës një hapësirë të vlefshme në shoqërinë kosovare, duke themeluar programin e parë të edukimit për profesionin e kontabilitetit në Kosovë dhe duke vepruar në përputhje jo vetëm me Rregulloret për profesionin por njëkohësisht edhe me standardet ndërkombëtare të edukimit dhe trajnimit. SCAAK është anët
are e Federatës Ndërkombëtare të Kontabilistëve (IFAC) dhe prej saj kërkohet detyrimisht që të zbatojë standardet ndërkombëtare që kanë të bëjnë me punën e profesionistëve të kontabilitetit dhe auditimit, si dhe me kualifikimin dhe zhvillimin afatgjatë të anëtarëve të saj. SCAAK është organizatë joqeveritare dhe jofitimprurëse dhe anëtarësimi në të është i hapur ndaj të gjithë qytetarëve të cilët i plotësojnë kërkesat e caktuara të shkollimit, përvojës dhe të etikës. Roli i SCAAK është vendosja dhe zbatimi i standardeve ndërkombëtare të edukimit në kontabilitet. Këto janë standarde globale të vendosura nga Bordi për Standardet Ndërkombëtare të Edukimit të Kontabilitetit (IAESB)
Për më shumë, vizitoni webfaqen tonë www.scaak.org
