Fondacioni Freskia është organizatë joqeveritare, kosovare, me seli në Prishtinë. I themeluar në vitin 2015, dhe i regjistruar sipas ligjit për O.J.Q-të të Republikës së Kosovës. Ky fondacion drejtohet nga një grup aktivistësh që si vizion dhe preokupim kanë mirëqenien e shoqërisë kosovare, ndërsa mbështetet nga donator vendor. Misioni:
Angazhimi në mbështetjen e kapaciteteve të kategorive shoqëro
re me nevoja të veçanta. Vizioni:
Të qenurit shembull pozitiv në sferën e veprimtarisë humanitare në Kosovë. Fusha e veprimtarisë:
Fushë e vetme e veprimtarisë së Fondacionit është humaniteti dhe synon të ndërmarrë kryesisht këto aktivitete:
- Përkrahja e familjeve nevojtare:
Perkrahja me gjera ushqimore, ndertim-rinovim shtëpishë, veshmbathje, dhurim bagëtishë.
- Përkrahjen e fëmijëve bonjakë:
Ndihmesë materiale mujore për jetimët, Veshmbathje, sigurim te elementeve shkollore, mbulimin e shpenzimeve për trajnime të ndryshme edukative.
- Projekte shëndetësore:
Sigurimi i barërave për të sëmurët kronik, ofrimin e karrocave dhe elementeve të nevojshme për të hendikepuarit, realizimi i kampanjave vetëdijësuese për shëndetin dhe rreziqet që i kanosen shëndetit nga sëmundje të ndryshme.
- Ofrimi i ndihmës në të gjitha format në raste katastrofash dhe emergjencash si: vërshime, zjarre, tërmete, ndihmë të të prekurve nga katastrofat eventuale.
