GERMIN

06/06/2026

Ka filluar votimi në përfaqësitë diplomatike të Republikës së Kosovës 🇽🇰

Sot, më 6 qershor, qytetarët e Kosovës të regjistruar për votim fizik jashtë vendit po votojnë në 30 qendra votimi në përfaqësitë diplomatike, një ditë para ditës së zgjedhjeve në Kosovë.

Sipas të dhënave të KQZ-së, për këtë formë votimi janë të regjistruar 27,724 votues. Qendrat me mbi 1,000 votues të regjistruar janë në Hamburg, Berlin, Vjenë, Bruksel, Londër, Bernë, Gjenevë, Frankfurt, Cyrih, Mynih, Shtutgart dhe Dyseldorf.

Pamje nga pritjet e qytetarëve para Konsullatës së Kosovës në Shtutgart tregojnë interesimin e diasporës për të marrë pjesë në procesin zgjedhor të Kosovës.

GERMIN vazhdon të monitorojë dhe informojë publikun mbi Votimin Jashtë Kosovës.

06/06/2026

Ka filluar procesi i votimit në përfaqësitë diplomatike të Kosovës🇽🇰 në 30 qendra votimi dhe 27,724 votues të regjistruar.

03/06/2026

Votat e vlefshme nga procesi i votimit me postë dhe në përfaqësi diplomatike gjatë zgjedhjeve të vitit 2025 në Kosovë 🇽🇰 përbënin 6.52% dhe 8.52% të totalit të votave. Sa do të jetë përqindja e tyre në zgjedhjet e 7 qershorit?

29/05/2026

Në kuadër të iniciativës Diaspora4Innovation dhe si pjesë e Memorandumit të Bashkëpunimit ndërmjet GERMIN dhe EPOKA University , po mbahet punëtoria “Mapping the Past, Informing the Future: GIS Applications in Spatial Analysis”.

Punëtoria katërditore sjell mentorin nga diaspora Artan Hysa, PhD, arkitekt, planifikues dhe Associate Researcher në TUM, së bashku me studentët për të eksploruar se si Sistemet e Informacionit Gjeografik mund të forcojnë analizën hapësinore dhe urbane. Përmes sesioneve praktike, pjesëmarrësit po përdorin mjete hartëzimi, të dhëna hapësinore, harta historike, analiza të mobilitetit dhe diagrame profesionale për të kuptuar më mirë zhvillimin urban.

Studentët po punojnë me platforma zyrtare dhe të hapura të hartëzimit, po analizojnë rritjen urbane, po llogarisin distancat reale të ecjes, po identifikojnë zona me qasje të kufizuar në shërbime dhe po përgatisin diagrame profesionale hapësinore për analizë të lokacionit.

Në emër të Bashkimit Evropian, Gjermanisë dhe Suedisë, EU4Innovation po mbështet GERMIN për të lehtësuar qarkullimin e dijes globale shqiptare në nivel lokal.

28/05/2026

GERMIN dhe Albanian Engineering of Switzerland nënshkruan një Memorandum Mirëkuptimi për të forcuar bashkëpunimin në angazhimin e inxhinierëve, arkitektëve dhe ekspertëve teknikë shqiptarë në Zvicër në mbështetje të shkëmbimit të njohurive, mentorimit, trajnimeve dhe bashkëpunimit profesional me institucione, universitete, biznese dhe organizata të shoqërisë civile në Kosovë, Shqipëri dhe rajon.

Ky partneritet bazohet në përkushtimin e përbashkët për të lidhur ekspertizën e diasporës me nevojat zhvillimore, për të krijuar mundësi për profesionistët e rinj dhe për të mbështetur inovacionin përmes bashkëpunimit të strukturuar.

Me kënaqësi presim të punojmë së bashku me AES për të zgjeruar rrjetet profesionale dhe për të krijuar mundësi të reja për angazhimin e diasporës.

26/05/2026

Përmes Diaspora4Innovation, Dr. Endrit Kromidha, Dr. Blendi Shima dhe Dr. Gentjan Ulaj bashkëpunuan për të modernizuar edukimin në fushën e ndërmarrësisë në Shqipëri, duke lidhur mësimin akademik me inovacionin, transformimin digjital dhe ekosistemet globale të ndërmarrësisë.

Bashkëpunimi përfshiu rishikimin e lëndëve në CIT dhe UNYT, duke i njohur studentët me ndërmarrësinë digjitale, AI për SME, strategjitë e inovacionit, ndërmarrësinë e qëndrueshme dhe qasje praktike si prototipizimi, lean startup experimentation dhe zhvillimi i investor pitch.

Përtej klasës, partneriteti forcoi shkëmbimin akademik, mbështeti ligjërata të hapura dhe kontribuoi në bashkëpunim kërkimor, duke treguar se si ekspertiza e diasporës mund të ndihmojë në formësimin e një edukimi më bashkëkohor dhe të orientuar drejt së ardhmes në Shqipëri.'

Lexo artikullin e plotë - https://germin.org/revising-entrepreneurship-education-in-albania-for-global-and-digital-entrepreneurial-ecosystems/

Në emër të Bashkimit Evropian, Gjermanisë dhe Suedisë, EU4Innovation po mbështet Germin për të lehtësuar qarkullimin e dijes globale shqiptare në nivel lokal.

25/05/2026

Interesi i diasporës për të marrë pjesë në zgjedhjet në Kosovë po vazhdon të rritet nga një cikël zgjedhor në tjetrin. 🗳️🌍

Në tryezën e organizuar nga Germin me temën “Votimi nga jashtë vendit, diaspora në zgjedhjet për Kuvendin e Kosovës”, u publikua analiza mbi organizimin, pjesëmarrjen dhe ndikimin e votës së diasporës në zgjedhjet parlamentare të vitit 2025.

Sipas të dhënave të prezantuara:
📌 Mbi 64% e votuesve nga diaspora kanë votuar përmes postës, përmes kutive postare të hapura jashtë Kosovës.
📌 Votimi me postë mbetet forma më e preferuar dhe më e qasshme për qytetarët jashtë vendit.
📌 Në zgjedhjet e 9 shkurtit 2025 u pranuan 79,019 vota nga diaspora, ndërsa në zgjedhjet e 28 dhjetorit 2025 u pranuan 62,194 vota të vlefshme.
📌 Deri më tani janë aprovuar rreth 132,800 kërkesa të diasporës për votim në zgjedhjet e 7 qershorit 2026.

Gjatë diskutimit u theksua se sfidë kryesore mbetet informimi i qytetarëve lidhur me procedurat, afatet e aplikimit, format e votimit dhe qasjen në qendrat e votimit jashtë Kosovës.

Pjesëmarrësit mbështetën rekomandimet e Germin për përmirësimin e informimit publik, standardizimin e procedurave dhe forcimin e transparencës në procesin e votimit jashtë Kosovës.

Analizën e plotë, e gjeni në lidhjen në vijim -https://germin.org/wp-content/uploads/2026/05/Analize-e-Votimit-nga-Diaspora-2025.pdf

Ky aktivitet u mbështet nga Swiss Agency for Development and Cooperation, SDC.

24/05/2026

Nesër, GERMIN organizon tryezën ku publikohet raporti krahasues për zgjedhjet parlamentare 2025, me fokus në votimin nga diaspora.

Në diskutim do të ketë lidhje direkte me aktivistë dhe pjesëtarë të diasporës, prandaj është një rast i mirë që partitë politike të jenë të pranishme dhe të bashkëbisedojnë me diasporën.

Të interesuarit për pjesëmarrje, si në Kosovë ashtu edhe në diasporë, mund të shkruajnë në [email protected] dhe do t’i ndajmë detajet e nevojshme.

Të hënën, më 25 maj, GERMIN organizon tryezën ku do të publikohet raporti krahasues për zgjedhjet parlamentare të vitit 2025, me fokus në votimin nga diaspora.

Raporti analizon në mënyrë krahasuese zgjedhjet e 9 shkurtit dhe 28 dhjetorit 2025, pjesëmarrjen e diasporës, trendet e aplikimeve, format e votimit, sfidat e Komisioni Qendror i Zgjedhjeve, dhe efektin elektoral të votave nga jashtë. Raporti përmbyllet me rekomandime të politikave për institucionet relevante.

Ky aktivitet mbështetet nga Swiss Development & Cooperation, zyra në Prishtinë.