Instituti ATOMI

Instituti ATOMI Identifikimi dhe përkrahja e personave me inteligjencë të jashtëzakonshme, me dhunti e talente.

Instituti ATOMI ka për qëllim:

- Promovimin dhe stimulimin e mendjes, intelektit, dhuntisë, talentit, krijimtarisë, kreativitetit dhe inovacionit në të gjitha fushat.

- Identifikimin dhe përkrahjen e personave me inteligjencë të jashtëzakonshme, me dhunti e talente (në tekstin e mëtejmë atomist) në të gjitha format dhe drejtimet, siç është ofrimi i mundësive, kushteve, trajtimit, përkujdesjes dhe shkollimit të veçantë për atomistët, në mënyrë që përmes kësaj ata të kenë mundësi që potencialin e tyre ta zhvillojnë dhe realizojnë deri në maksimum, duke i kontribuar kështu interesit të tyre personal në radhë të parë, por në të njëjtën kohë edhe interesit të përgjithshëm shoqëror, duke dhënë kontribut me talentin e tyre në zhvillimin moral, psikik, social, politik, ekonomik, shkencor, industrial, teknologjik, etj., të vendit dhe shoqërisë.

- Promovimin e vlerësimeve, shërbimeve, hulumtimeve dhe publikimeve psikologjike e sociale konform kritereve e standardeve të mirëfillta shkencore, profesionale dhe etike për të gjitha palët e interesuara.

🌟 Vullnetarizmi meriton të njihet!Çmimet e Vullnetarizmit të Vitit 2026 janë hapur për aplikime dhe nominime, për të vle...
21/09/2026

🌟 Vullnetarizmi meriton të njihet!

Çmimet e Vullnetarizmit të Vitit 2026 janë hapur për aplikime dhe nominime, për të vlerësuar individë, biznese, përfaqësues/e të diasporës, figura publike dhe vullnetarë/e me kontribut jetësor që kanë sjellë ndryshim pozitiv në komunitet.

Si miq të vullnetarizmit, ATOM-i i bashkohet TOKA-s në këtë thirrje dhe ju ftojmë të nominoni të tjerët, apo të vetënominoheni për kontributin tuaj në vullnetarizëm.

*Vini re, do të vlerësohet kontributi i dhënë vetëm gjatë periudhës maj 2025 – korrik 2026 (përpos çmimit “Vullnetari/ja me Kontribut Jetësor i/e Vitit”).

📅 Afati i fundit për nominime/vetënominime është 25 tetor 2026.
🔗 Nomino përmes linkut në bio të TOKA

Atomistja Entela Mirena fiton Medalje të Bronztë në IOAI 2026Atomistja Entela Mirena ka fituar Medalje të Bronztë në Oli...
15/08/2026

Atomistja Entela Mirena fiton Medalje të Bronztë në IOAI 2026

Atomistja Entela Mirena ka fituar Medalje të Bronztë në Olimpiadën Ndërkombëtare të Inteligjencës Artificiale – IOAI 2026, e zhvilluar në Astana të Kazakistanit, duke e përfaqësuar Kosovën në një prej garave më të rëndësishme ndërkombëtare në fushën e inteligjencës artificiale.

Ky sukses i jashtëzakonshëm i Entelës është para së gjithash rezultat i potencialit të saj të jashtëzakonshëm intelektual, talentit në fushat STEM dhe punës së palodhshme ndër vite. Njëkohësisht, pas këtij suksesi qëndrojnë edhe përkrahja e vazhdueshme e familjes, shkollës, mësimdhënësve dhe të gjithë atyre që kanë kontribuuar në zhvillimin e potencialit të saj.

Për Institutin ATOMI është veçanërisht e rëndësishme që Entela si një nga atomistet që kemi identifikuar dhe mbështetur ndër vite po vazhdon të përfaqësojë Kosovën në nivelet më të larta të garave ndërkombëtare.

Vetëm gjatë vitit 2026, Entela ka përfaqësuar Kosovën në EGMO, IMO, EGOI dhe IOAI, duke dëshmuar një nivel të jashtëzakonshëm të përgatitjes dhe aftësisë në matematikë, informatikë dhe inteligjencë artificiale.

Instituti ATOMI i uron Entelës këtë sukses të jashtëzakonshëm dhe i dëshiron shumë suksese në studimet universitare dhe në rrugëtimin e saj të mëtejshëm akademik e profesional!

Mezi presim të shohim edhe shumë suksese të tjera të saj! 🇽🇰🏅

Shënim: Instituti ATOMI nuk pretendon merita për arritjet dhe sukseset e jashtëzakonshme të atomistëve, meqë ato suksese janë rezultat i potencialit të tyre të jashtëzakonshëm intelektual dhe punës së tyre të madhe. Instituti ATOMI i promovon arritjet dhe sukseset e jashtëzakonshme të atomistëve në mënyrë që t’i motivojë ata dhe në të njëjtën kohë ta rrisë vetëdijen e publikut për potencialin e jashtëzakonshëm të atomistëve dhe rëndësinë e tyre, dhe kështu të krijojë një ambient sa më përkrahës për atomistët në shoqërinë tonë.

Për 9 ditë me radhë Instituti ATOMI organizoi Kampin Veror ku mblodhi së bashku atomistët e identifikuar në ciklin e pes...
29/07/2026

Për 9 ditë me radhë Instituti ATOMI organizoi Kampin Veror ku mblodhi së bashku atomistët e identifikuar në ciklin e pesëmbëdhjetë të Projektit ATOMI. Koha e kaluar gjatë këtyre ditëve është shënuar si një nga eksperiencat e rëndësishme të jetës së secilit pjesëmarrës.

Fuqimisht besojmë që secili, pa përjashtim, në forma të ndryshme ka përfituar nga kampi. Dikujt i është nxitur kureshtja për disiplina të ndryshme, dikush e ka njohur më mirë vetën, dikush ka gjetur të tjerë me interesa të ngjashme, dikush ka filluar miqësi që do jetojnë gjatë...

Urojmë që secili të jetë fuqizuar dhe të vazhdojë të fuqizohet duke qenë pjesë e grupit të atomistëve, pjesë e një grupi ku përkrahja për njëri-tjetrin është kryefjala.

Instituti ATOMI falënderon çdokënd që ishte pjesë e kësaj përvoje, por në veçanti falënderon miqtë e Projektit ATOMI që mundësuan realizimin e kampit veror.

U jemi përherë mirënjohës!

Ministria e Arsimit - MAShT
Xheladin&XhufeMorinaFoundation
Ministria e Mbrojtjes e Republikës së Kosovës
Raiffeisen Bank Kosovë
Gjirafa
Ujë Rugove
Telegrafi.com

28/07/2026

Eksperiencat e disa prej atomistëve në kampin veror!

27/07/2026

Miqësi që do të zgjasin edhe pas kampit.

27/07/2026

Nga 16 ekipet garuese në turneun e debatit në kuadër të kursit të debatit BP të mbajtur gjatë Kampit Veror, fitues u shpallën ekipi Lapsat me përbërje atomistët Erion Hoti dhe Lis Zeqiri. 🏆

Ndërsa, në kategorinë e folësve më të mirë, tre vendet e para u renditën si më poshtë:
🥇 Nart Shefkiu – Folësi më i mirë
🥈 Jon Ameti – Vendi i dytë
🥉 Arijon Syla – Vendi i tretë

Urime të gjithë atomistëve për angazhimin, përkushtimin dhe paraqitjen e shkëlqyer!

Instituti ATOMI falenderon debateren njëherit atomisten Njomza Tmava që ligjeroi kursin e debatit dhe organizoi turnamentin si dhe falenderon gjyqtarët, atomistët Blend Gashi, Raesa Nikshiqi dhe Vijon Baraku.

25/07/2026

Gara e asociacioneve në Kampin Veror!

Fitues dolën ekipi me përbërje atomistët Amar Bytyqi, Blin Berisha, Diar Hajdari dhe Tahir Krasniqi.

22/07/2026

Dita e tretë në Brain Camp | Two-Point Discrimination & Homunculus Mapping

22/07/2026

Asociime të lira me fjalë që lidhen me neuroshkencë.

21/07/2026

Si e shohin njëri-tjetrin atomistët.

Address

Pristina
10000

Opening Hours

Monday 09:00 - 16:00
Tuesday 09:00 - 16:00
Wednesday 09:00 - 16:00
Thursday 09:00 - 16:00
Friday 09:00 - 16:00

Website

Alerts

Be the first to know and let us send you an email when Instituti ATOMI posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Instituti ATOMI:

Shortcuts

Share

Category