Oda e Mjekëve të Kosovës

Call Directions Website Contact the organization

Oda e Mjekëve të Kosovës Oda e Mjekëve të Kosovës është organizatë e përfaqësimit profesional të mjekëve, e cila mbron etikën dhe deontologjinë mjekësore.

Oda e Mjekëve të Kosovës (OMK) është organizatë e pavarur e cila mbron dhe përfaqëson interesat profesionale të anëtarëve të saj, e cila siguron standardet e larta të kodit të etikës dhe deontologjisë mjekësore. OMK po ashtu promovon dhe mbron veprimtarinë e profesionistëve shëndetësor në institucionet shëndetësore publike dhe private, si dhe siguron edukimin e vazhdueshëm profesional me qëllim të ofrimit të shërbimeve shëndetësore sa më cilësore dhe shërbimeve tjera që kanë të bëjnë me kujdesin shëndetësor.

Ligjëruese në Kongresin e VIII të Mjekësisë – Prof. Dr. Padmini Murthy.Kemi kënaqësinë të prezantojmë Prof. Dr. Padmini ...
09/10/2026

Ligjëruese në Kongresin e VIII të Mjekësisë – Prof. Dr. Padmini Murthy.

Kemi kënaqësinë të prezantojmë Prof. Dr. Padmini Murthy si ligjëruese në Kongresin e VIII të Mjekësisë. Ajo është një profesioniste e njohur ndërkombëtarisht, me kontribut të rëndësishëm në fushën e shëndetit publik, shëndetit global dhe të drejtave të grave. Pjesëmarrja e saj në kongres përbën një mundësi të çmuar për shkëmbimin e përvojave, avancimin e njohurive shkencore dhe promovimin e bashkëpunimit ndërkombëtar në mjekësi. Jemi të nderuar ta mirëpresim dhe të ndajmë me të këtë ngjarje të rëndësishme shkencore.

Punëtoritë në kuadër të Kongresit të VIII të MjekësisëTë nderuar anëtarë,Në kuadër të përgatitjeve për Kongresin e VIII ...
08/10/2026

Punëtoritë në kuadër të Kongresit të VIII të Mjekësisë

Të nderuar anëtarë,

Në kuadër të përgatitjeve për Kongresin e VIII të Mjekësisë, Oda e Mjekëve të Kosovës ju njofton për organizimin e katër punëtorive, të cilat do të jenë pjesë e programit të Kongresit.

Kongresi, me temën “Promovimi dhe Edukimi Shëndetësor – Në 40-vjetorin e Kartës së Otavës: Së bashku për shëndet dhe mirëqenie”, do të mbahet në Hotel Emerald, Prishtinë, dhe do të mbledhë profesionistë shëndetësorë nga vendi dhe ndërkombëtarë për të diskutuar tema të rëndësishme në fushën e shëndetit, promovimit dhe edukimit shëndetësor.

Përgjatë dy ditëve të Kongresit, përveç sesioneve dhe prezantimeve qendrore, pjesëmarrësit do të kenë mundësi të ndjekin edhe katër punëtori të dedikuara për profesionistët shëndetësorë, të cilat do të zhvillohen paralelisht me programin kryesor.

Temat e punëtorive:

- Intervistimi motivues në edukimin shëndetësor: nga këshillimi tradicional drejt komunikimit që nxit ndryshimin
- Moshimi i shëndetshëm në praktikë: prezantimi i Kornizës ICOPE të OBSH-së për Kujdesin e Integruar për Personat e Moshuar
- Komunikimi shëndetësor: mbështetja e sjelljeve më të shëndetshme
- Aktivitetet e promovimit të shëndetit në vendin e punës për punëtorët me orar të ndërruar (TBC).

Punëtoritë synojnë të krijojnë një hapësirë interaktive për shkëmbimin e përvojave, avancimin e njohurive profesionale dhe diskutimin e praktikave bashkëkohore në fushën e promovimit dhe edukimit shëndetësor.

Orari dhe detajet e zhvillimit të punëtorive do të bëhen të ditura së bashku me publikimin e agjendës së plotë të Kongresit.

Ju ftojmë të bëheni pjesë e këtij programi dhe të shfrytëzoni mundësinë për të pasuruar përvojën profesionale përmes diskutimeve dhe punës praktike me profesionistë të fushave përkatëse.

Prof. Asoc. Dr. Magdalena , Ligjëruese në Kongresin e VIII të Mjekësisë.Kongresi VIII i Mjekësisë do të mbledhë profesio...
06/10/2026

Prof. Asoc. Dr. Magdalena , Ligjëruese në Kongresin e VIII të Mjekësisë.

Kongresi VIII i Mjekësisë do të mbledhë profesionistë dhe ekspertë të njohur nga vendi dhe bota, duke krijuar një hapësirë të rëndësishme për shkëmbimin e përvojave, njohurive dhe praktikave bashkëkohore në mjekësi dhe kujdesin shëndetësor. Në mesin e ligjëruesve do të jetë edhe Prof. Asoc. Dr. Magdalena Wrzesińska, PhD, nga Universiteti Mjekësor i Łódź në Poloni, e cila do të sjellë perspektivën e saj ndërkombëtare në fushën e shëndetit publik, promovimit të shëndetit, rehabilitimit psikosocial dhe inovacionit në kujdesin shëndetësor.

Përfundojnë matjet në tri shkolla të Prishtinës në kuadër të projektit shkencor për skriningun e skoliozësNë kuadër të M...
05/10/2026

Përfundojnë matjet në tri shkolla të Prishtinës në kuadër të projektit shkencor për skriningun e skoliozës

Në kuadër të Memorandumit të Bashkëpunimit ndërmjet Odës së Mjekëve të Kosovës dhe Drejtorisë së Arsimit të Komunës së Prishtinës, ka përfunduar procesi i matjeve për projektin shkencor hulumtues “Skriningu i skoliozës dhe deformimeve të shtyllës kurrizore te nxënësit e Prishtinës 9–14 vjeç”.

Projekti synon të vlerësojë shpeshtësinë e shenjave klinike të skoliozës dhe asimetrive posturale te nxënësit e kësaj grupmoshe, si dhe të analizojë faktorët që mund të ndërlidhen me shëndetin e tyre muskuloskeletal.

Matjet janë realizuar sipas metodologjisë së përcaktuar të hulumtimit në tri shkolla të Komunës së Prishtinës: SHFMU “Faik Konica”, SHFMU “Ismail Qemali” dhe SHFMU “Hasan Prishtina”. Me përfundimin e kësaj faze, projekti vijon me përpunimin dhe analizimin e të dhënave të mbledhura.

Projekti është iniciuar nga kryetari i Odës së Mjekëve të Kosovës, Dr. Pleurat Sejdiu, dhe Prof. Dr. Kreshnike Dedushi-Hoti, nënkryetare e Odës së Mjekëve të Kosovës, nën mbikëqyrjen e së cilës zhvillohet hulumtimi. Realizimi i tij mbështetet në angazhimin e bashkëpunëtorëve të projektit dhe bashkëpunimin me Drejtorinë e Arsimit dhe shkollat pjesëmarrëse.

Kjo nismë bashkon profesionistët shëndetësorë dhe institucionet arsimore në një angazhim të përbashkët për identifikimin e hershëm të problemeve të shtyllës kurrizore dhe promovimin e shëndetit të nxënësve.

Mirënjohje e veçantë u shprehim mjekëve specialistë, specializantëve, mjekëve të rinj dhe studentëve që iu bashkuan projektit dhe kontribuuan me përkushtim, profesionalizëm dhe frymë bashkëpunimi. Angazhimi i tyre ishte thelbësor për realizimin e matjeve dhe mbarëvajtjen e punës në shkolla, duke dëshmuar vlerën e bashkëpunimit ndërmjet brezave të profesionistëve në shërbim të shëndetit të fëmijëve.

Falënderojmë Drejtorin e Arsimit, drejtoreshat dhe stafin e tri shkollave për mbështetjen, mikpritjen dhe koordinimin gjatë realizimit të projektit. Mirënjohje u shprehim gjithashtu prindërve dhe nxënësve për besimin, bashkëpunimin dhe pjesëmarrjen.

Të dhënat e mbledhura do të shërbejnë për të krijuar një pasqyrë më të qartë mbi praninë e shenjave të mundshme të skoliozës dhe ndryshimeve posturale te nxënësit e përfshirë në hulumtim.

Pas përfundimit të analizës, do të prezantohen të gjeturat dhe rekomandimet përkatëse, me synim që rezultatet të shërbejnë si bazë për masa parandaluese, vlerësim të mëtejshëm sipas nevojës dhe iniciativa të ardhshme për përmirësimin e shëndetit të fëmijëve të moshës shkollore.

Shëndeti i nxënësve është përgjegjësi e përbashkët dhe investim në të ardhmen e tyre.

Ligjëruesit e Kongresit të VIII të Mjekësisë.Prof. Dr. Liane Comeau, specialist i shëndetit publik është ligjëruese e ft...
30/09/2026

Ligjëruesit e Kongresit të VIII të Mjekësisë.

Prof. Dr. Liane Comeau, specialist i shëndetit publik është ligjëruese e ftuar në Kongresin e VIII të Mjekësisë.

Pjesëmarrja e saj si ligjëruese e ftuar në Kongresin e VIII të Mjekësisë sjell në fokus përvojën ndërkombëtare në promovimin e shëndetit, parandalimin e sëmundjeve dhe përmirësimin e mirëqenies së fëmijëve, të rinjve dhe familjeve.

Kongresi i VIII i Mjekësisë - Oda e Mjekëve të KosovësTashmë një traditë e konsoliduar, Oda e Mjekëve të Kosovës organiz...
30/09/2026

Kongresi i VIII i Mjekësisë - Oda e Mjekëve të Kosovës

Tashmë një traditë e konsoliduar, Oda e Mjekëve të Kosovës organizon Kongresin e VIII të Mjekësisë, i cili këtë vit do t’i kushtohet temës: “Promovimi dhe Edukimi Shëndetësor – Në 40-vjetorin e Kartës së Otavës: Së bashku për shëndet dhe mirëqenie”. Kongresi do të mbahet më 22–24 tetor 2026, në Hotel Emerald.

Në kuadër të Kongresit, mjekë vendorë dhe ndërkombëtarë do të ligjërojnë dhe do të ndajnë përvojat e tyre profesionale në fusha të ndryshme të mjekësisë. Pjesëmarrës ndërkombëtarë do t’i bashkohen Kongresit nga institucione të ndryshme mjekësore dhe akademike nga Shqipëria, Austria, SHBA-ja, Kanadaja, Mbretëria e Bashkuar, Zvicra, Brukseli dhe vende të tjera.

Qëllimi kryesor i Kongresit është ngritja dhe avancimi i vazhdueshëm i kapaciteteve profesionale të mjekëve në Kosovë, përmes shkëmbimit të përvojave, prezantimit të zhvillimeve të reja në mjekësi dhe diskutimit të praktikave bashkëkohore. Në këtë mënyrë, Kongresi synon të kontribuojë në përmirësimin e vazhdueshëm të cilësisë së shërbimeve shëndetësore dhe të kujdesit ndaj pacientëve.

Kongresi ofron një mundësi të veçantë për zhvillim të vazhdueshëm profesional, rrjetëzim ndërmjet profesionistëve shëndetësorë, diskutim të sfidave aktuale, si dhe njohje me qasje, metoda dhe praktika të reja në diagnostikim dhe trajtim.

Një pjesë e rëndësishme e Kongresit do të jetë edhe Panairi i Mjekësisë, ku kompani farmaceutike dhe të pajisjeve mjekësore do të prezantojnë produktet, teknologjitë dhe risitë e tyre. . Panairi do të ofrojë një hapësirë për shkëmbim profesional dhe njohje me zhvillimet më të fundit në fushën e mjekësisë, duke krijuar mundësi për ndërveprim ndërmjet profesionistëve shëndetësorë dhe përfaqësuesve të industrisë.

Kongresi i VIII i Mjekësisë synon të vazhdojë traditën e krijimit të një platforme të përbashkët profesionale për komunitetin mjekësor në Kosovë. Përmes ligjëratave, diskutimeve, shkëmbimit të përvojave dhe prezantimit të risive në mjekësi, Kongresi do të krijojë një hapësirë ku profesionistët shëndetësorë mund të ndajnë njohuritë dhe përvojat e tyre dhe të diskutojnë zhvillimet e reja në fushën e mjekësisë.

Oda e Mjekëve të Kosovës mbetet e përkushtuar që, përmes aktiviteteve të tilla, të mbështesë edukimin e vazhdueshëm profesional të anëtarëve të saj dhe të kontribuojë në forcimin e standardeve profesionale dhe në përmirësimin e vazhdueshëm të shërbimeve shëndetësore në Kosovë.

24/09/2026

28 vite nga rënia heroike e Dr. Lec Gradicës.

Mjekoi ushtarë të UÇK-së, gra, nëna, fëmijë e të plagosur, ndërsa ndihmoi në ardhjen në jetë të mbi 300 fëmijëve.

Ligjëruesit e Kongresit të VIII të Mjekësisë.Ligjërues në Kongresin e VIII të Mjekësisë do të jetë edhe Prof. Dr. Hanns ...
21/09/2026

Ligjëruesit e Kongresit të VIII të Mjekësisë.

Ligjërues në Kongresin e VIII të Mjekësisë do të jetë edhe Prof. Dr. Hanns Moshammer nga Austria.

Prof. Dr. Moshammer është ekspert në fushën e Shëndetit Mjedisor, me një karrierë të gjatë akademike dhe profesionale në Higjienë dhe Mikrobiologji, si dhe në Shëndetin Mjedisor dhe Profesional.

Kanë mbetur edhe disa hapësira të lira për ekspozim në Panairin Mjekësor të Kongresit VIII të MjekësisëOda e Mjekëve të ...
17/09/2026

Kanë mbetur edhe disa hapësira të lira për ekspozim në Panairin Mjekësor të Kongresit VIII të Mjekësisë

Oda e Mjekëve të Kosovës njofton kompanitë dhe partnerët e sektorit shëndetësor se, në kuadër të Kongresit VIII të Mjekësisë, i cili do të mbahet më 23–24 tetor 2026 në Hotel Emerald, Prishtinë, do të organizohet edhe Panairi Mjekësor, ndërsa aktualisht kanë mbetur edhe disa hapësira të lira për ekspozim.

Panairi Mjekësor përbën një mundësi të rëndësishme për kompanitë që dëshirojnë të prezantojnë dhe promovojnë pajisjet, produktet, teknologjitë dhe shërbimet e tyre shëndetësore para një audience të gjerë të profesionistëve të shëndetësisë, studiuesve, akademikëve dhe përfaqësuesve të institucioneve dhe sektorit shëndetësor.

Në Kongres pritet të marrin pjesë mbi 2,000 mjekë dhe profesionistë shëndetësorë nga Kosova, rajoni dhe vende të tjera, duke e bërë panairin një hapësirë të përshtatshme për prezantimin e risive dhe zgjidhjeve bashkëkohore në fushën e shëndetësisë.

Hapësirat ekspozuese janë të limituara

Kompanitë e interesuara mund të rezervojnë hapësira ekspozuese me sipërfaqe:

• 8 m²
• 10 m²
• 15 m²

Çmimi i hapësirës ekspozuese është 100 € për m².

Për shkak të numrit të limituar të hapësirave, rezervimi do të bëhet sipas renditjes së konfirmimit të rezervimit dhe pagesës.

Oda e Mjekëve të Kosovës fton kompanitë farmaceutike, distributorët e pajisjeve dhe teknologjisë mjekësore, laboratorët, institucionet shëndetësore private, kompanitë e sigurimeve, institucionet financiare dhe partnerët e tjerë të sektorit shëndetësor që të shfrytëzojnë këtë mundësi për të qenë pjesë e Kongresit VIII të Mjekësisë dhe Panairit Mjekësor.

Pjesëmarrja në panair u mundëson ekspozuesve të rrisin dukshmërinë e markës së tyre, të prezantojnë produktet dhe shërbimet e reja, si dhe të krijojnë kontakte dhe mundësi të reja bashkëpunimi me profesionistë dhe institucione të sektorit shëndetësor.

Për më tepër, përvoja e panaireve mjekësore të organizuara nga Oda e Mjekëve të Kosovës ka qenë shumë pozitive. Mbi 61 kompani pjesëmarrëse kanë dhënë vlerësimet më të larta për pjesëmarrjen në panair, duke dëshmuar interesin dhe rëndësinë e këtij organizimi për kompanitë që veprojnë në sektorin shëndetësor.

Për informata shtesë lidhur me rezervimin e hapësirës ekspozuese dhe procedurën e aplikimit, mund të kontaktoni në numrin: 049 872 305
ose të vizitoni zyrat e Odës së Mjekëve të Kosovës në: QKUK, Instituti A, Kati III, 10 000 – Prishtinë.

Hapësirat janë të limituara – rezervoni hapësirën tuaj dhe bëhuni pjesë e Kongresit dhe Panairit Mjekësor 2026.

Oda e Mjekëve të Kosovës ju mirëpret në këtë ngjarje të rëndësishme, e cila synon të promovojë shkencën, inovacionin dhe bashkëpunimin profesional në shërbim të zhvillimit të sektorit shëndetësor.

Ndarja nga jeta e Dr. Ibrahim I. BehluliMe pikëllim të thellë morëm lajmin për ndarjen nga jeta të Prof. Dr. Ibrahim I. ...
16/09/2026

Ndarja nga jeta e Dr. Ibrahim I. Behluli

Me pikëllim të thellë morëm lajmin për ndarjen nga jeta të Prof. Dr. Ibrahim I. Behlulit, mjekut, anatomit, gjinekologut dhe profesorit të nderuar të Fakultetit të Mjekësisë të Universitetit të Prishtinës.

Për dekada me radhë, Prof. Dr. Behluli kontribuoi në arsimin, shkencën dhe profesionin mjekësor, duke edukuar breza të tërë të profesionistëve shëndetësorë dhe duke lënë gjurmë të çmuara në komunitetin akademik e mjekësor.

Oda e Mjekëve të Kosovës u shpreh ngushëllimet më të sinqerta familjes Behluli, kolegëve, miqve dhe të gjithë atyre që e njohën dhe bashkëpunuan me të.

I përjetshëm qoftë kujtimi për Prof. Dr. Ibrahim I. Behlulin!

Address

Pristina
10000

Opening Hours

Monday 08:00 - 16:00
Tuesday 08:00 - 16:00
Wednesday 08:00 - 16:00
Thursday 08:00 - 16:00
Friday 08:00 - 16:00

Telephone

+38349872300

Website

Alerts

Be the first to know and let us send you an email when Oda e Mjekëve të Kosovës posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Oda e Mjekëve të Kosovës:

Shortcuts

Share

Category