Dhoma e Tregtisë dhe Industrisë Kosovë

19/06/2026

Suksese Pi&Ki

19/06/2026

🇨🇭 KËRKOJMË AGJENT/E GJERMANOFOLËS (AKCENT ZVICERAN) – NIVELI C1 🇨🇭

A e zotëron gjuhën gjermane në nivel të avancuar dhe dëshiron të zhvillosh karrierën në një ambient ndërkombëtar? Kjo është mundësia ideale për ty!

🚀 Bashkohu me ekipin e Clear Line LLC dhe bëhu pjesë e një projekti dinamik në fushën e mobilitetit & transportit për tregun zviceran.

✅ Çfarë ofrojmë?

💰 Pagë: 1200€ NETTO
🏠 Vendi i punës: Hibrid ose 100% Remote (nga zyra në Gjilan ose Home-Office)
⏰ Orari: 40 orë në javë
📞💬 Lloji i punës: Inbound (Telefon dhe Chat)
📄 Kontratë afatgjate pune
📈 Mundësi reale për avancim në karrierë
🌍 Ekip ndërkombëtar dhe profesional
🎯 Punë që zhvillon aftësitë e komunikimit, organizimit, zgjidhjes së problemeve dhe pragmatizmit

👤 Kërkesat:
🔹 Gjuhë gjermane me akcent zviceran në nivel C1
🔹 Aftësi të mira komunikimi dhe orientim ndaj klientit
🔹 Përgjegjësi, profesionalizëm dhe dëshirë për zhvillim

📩 Apliko tani!

Dërgo CV-në tënde në: [email protected]
📱 WhatsApp: 043 772 631

📍 Lokacioni: Gjilan, Kosovë

19/06/2026

DHTIK dhe Confimprese Italia diskutojnë mundësitë për rritjen e bashkëpunimit ekonomik

Kryetari i Bordit të Dhomës së Tregtisë dhe Industrisë Kosovë, Skender Krasniqi, i shoqëruar nga anëtarja e Bordit, Aida Selimi - Shabani dhe Drejtori Ekzekutiv, Kushtrim Ahmeti, kanë takuar Muharrem Salihun nga Konfederata e Sindikatave të Punëdhënësve për Ndërmarrjet Mikro, të Vogla dhe të Mesme - Confimprese Italia.

Gjatë takimit u vlerësua se ekzistojnë shumë sektorë me potencial për zgjerimin e bashkëpunimit mes dy vendeve, me theks të veçantë në krijimin e lidhjeve më të forta ndërmjet komuniteteve të biznesit.

Palët diskutuan mundësitë për organizimin e aktiviteteve të përbashkëta, shkëmbimin e përvojave dhe promovimin e partneriteteve të reja ndërmjet ndërmarrjeve kosovare dhe italiane.

DHTIK dhe Confimprese Italia u pajtuan të vazhdojnë komunikimin dhe koordinimin e aktiviteteve që synojnë rritjen e bashkëpunimit ekonomik, krijimin e mundësive të reja për bizneset dhe thellimin e marrëdhënieve ndërmjet sektorit privat të Kosovës dhe Italisë.

18/06/2026

DHTIK mirëpret kompaninë E&E Consulting

E&E Consulting është kompani vendore konsulente me mbi 23 vjet përvojë në sektorin e bujqësisë dhe zhvillimit rural në Kosovë, derisa është e angazhuar edhe në projekte në Shqipëri dhe Maqedoninë e Veriut.

Kompania ofron shërbime profesionale për sektorin agro-ushqimor, duke mbështetur fermerët, përpunuesit, eksportuesit dhe bizneset e tjera në zinxhirin e vlerës.

Me mbi 20 vjet përvojë në zbatimin e standardeve të sigurisë ushqimore dhe sistemeve të menaxhimit të cilësisë, E&E Consulting ndihmon kompanitë në implementimin dhe certifikimin e standardeve ISO.

Gjatë veprimtarisë së saj, kompania ka bashkëpunuar me institucione vendore dhe organizata ndërkombëtare, përfshirë projekte të financuara nga USAID, Bashkimi Evropian, FAO, GIZ, BERZH dhe IFC.

Shërbimet e saj përfshijnë planifikimin, zbatimin, monitorimin dhe vlerësimin e projekteve, studime fizibiliteti, trajnime dhe konsulencë biznesore.

Përveç sektorit të bujqësisë dhe ushqimit, E&E Consulting ofron shërbime edhe për industrinë e drurit, mobilieve, tekstilit, përpunimit të metaleve dhe sektorin e IT-së.

Kompania udhëhiqet nga themeluesi dhe drejtori i përgjithshëm, Zijadin Gojnovci, Inxhinier i Bujqësisë me diplomë Master në Menaxhim Bujqësor dhe Lidership Ndërkombëtar.

Për më shumë: https://www.eandeconsult.com/

17/06/2026

Fire Destroyer sjellë në Kosovë teknologjinë e fundit të mbrojtjes nga zjarri

Në Prishtinë është prezantuar brendi i njohur evropian për mbrojtje aktive nga zjarri, Fire Destroyer.

Me teknologjinë inovative, sistemi synon të minimizojë dëmet materiale dhe rrezikun për jetën e njerëzve, duke ofruar një qasje proaktive dhe automatike ndaj zjarreve.

“FireDestroyer është një kompani globale e dedikuar zhvillimit të produkteve dhe inovacioneve në fushën e sigurisë dhe mbrojtjes nga zjarri. Zjarri mbetet një nga rreziqet më të rëndësishme operative për njerëzit, pronën dhe vazhdimësinë e bizneseve. Kjo do të thotë se ne duhet të jemi të shpejtë në mbrojtjen nga zjarri. Ne mund të reagojmë shumë shpejt, në rreth 3 deri në 5 sekonda, duke bërë që humbjet dhe dëmet të jenë më të vogla. Dhe pikërisht këtu Fire Destroyer bën diferencën në treg.. Fire Destroyer është një zhvillues dhe prodhues evropian. Ne punojmë tërësisht sipas standardeve të forta evropiane, duke zhvilluar, prodhuar dhe testuar gjithçka nën një çati”, tha përfaqësuesi i kompanisë nga Sllovenia, Anton Zunic.

Drejtori i kompanisë “Fire Destroyer” në Kosovë, Durim Sheremeti, tha se sistemi i ri dallon nga zgjidhjet tradicionale, pasi aktivizohet automatikisht në kontakt me zjarrin dhe nuk kërkon ndërhyrje njerëzore.

“Është proaktiv nuk ka nevojë për njerëzit, është gardian i veti. Kemi dy linja të produkteve, njëra me bazë me CO2 e kthyer në gjendje të ngurtë dhe pluhuri. Reagon në tre deri pesë sekondat e parë. Reagon me katër kategori të zjarreve. Sfida reale janë pesë sekondat e parë të zjarreve, neutralizimin e ofron Firedestroyer me produktet e veta... pse duhet ta kemi Firedestroyer? Produktet e ndryshme tradicionale duhet deri në 70 gradë, Firedestroyer brenda pesë sekondave. Nuk ka nevojë për energji elektrike apo ndonjë instalim, aktivizohet momentin që ka kontakt me zjarrin. Mirëmbajtja e produkteve është pothuajse zero”, tha Sheremeti.

FireDestroyer, një sistem i avancuar për zbulimin dhe shuarjen automatike të zjarrit në fazat e tij fillestare, prezanton konceptin e tij unik të mbrojtjes aktive, i cili funksionon pa energji elektrike, pa sensorë dhe pa ndërhyrje njerëzore.

17/06/2026

Simtex, kompania me investim nga Turqia që po forcon industrinë prodhuese në Kosovë

Drejtues të DHTIK-së kanë vizituar kompaninë e tekstilit Simtex, investim me kapital turk që operon me sukses në Kosovë.

Në takim u diskutua rreth mundësive për bashkëpunim, zhvillimit të kapaciteteve prodhuese, rëndësinë e krijimit të vendeve të reja të punës dhe rritjen e eksporteve.

Përmes angazhimit të vazhdueshëm dhe orientimit drejt cilësisë, Simtex ka arritur të pozicionohet në tregjet rajonale dhe ndërkombëtare, duke promovuar njëkohësisht potencialin prodhues të Kosovës.

Drejtuesit e kompanisë theksuan se investimet e vazhdueshme në kapacitete dhe në zhvillimin e stafit mbeten ndër prioritetet kryesore të kompanisë.

Gjatë diskutimeve u nënvizua rëndësia e krijimit të një mjedisi sa më konkurrues për bizneset, veçanërisht për kompanitë prodhuese që operojnë në tregjet ndërkombëtare dhe kontribuojnë drejtpërdrejt në punësim dhe eksport.

Në këtë drejtim, përfaqësuesit e Simtex theksuan se, sikurse shumë kompani të tjera prodhuese në Kosovë, edhe ata po përballen me sfida që lidhen me rritjen e kostove operative shkaku i rritjes së çmimit të energjisë elektrike dhe asaj të fuqisë punëtore.

Dyja palët vlerësuan se vetëm dialogu i vazhdueshëm ndërmjet institucioneve dhe komunitetit të biznesit, do të sillte ndikim pozitiv në rritjen ekonomike, zhvillimin e qëndrueshëm, fuqizimin e prodhimit vendës, rritjen e punësimit, eksporteve dhe nxitjen e investimeve të reja.

15/06/2026

Elektroheta - Partner i zhvillimit të sektorit energjetik dhe ekonomisë

Drejtues të Dhomës së Tregtisë dhe Industrisë Kosovë, kanë vizituar kompaninë anëtare Elektroheta.

Gjatë takimit u diskutua për rëndësinë e sektorit privat në zhvillimin ekonomik të vendit, me theks të veçantë në kontributin që bizneset prodhuese dhe shërbyese japin në krijimin e vendeve të reja të punës, rritjen e investimeve dhe fuqizimin e ekonomisë vendore.

Dhe në këtë drejtim Elektroheta paraqet një shembull të përkushtimit ndaj cilësisë, profesionalizmit dhe zhvillimit të qëndrueshëm, duke kontribuar në punësim dhe në avancimin e sektorit energjetik.

Drejtori Ekzektuiv i DHTIK-së, Kushtrim Ahmeti, ka vlerësuar lartë angazhimin e kompanive anëtare që me punën dhe investimet e tyre ndikojnë drejtpërdrejt në zhvillimin ekonomik të Kosovës.

Ai ka shtuar se Dhoma mbetet e përkushtuar për të qenë zë dhe partner kryesor i bizneseve, duke mbështetur nevojat e tyre, promovuar interesat e sektorit privat dhe krijuar mundësi të reja për zhvillim, bashkëpunim dhe rritje.

13/06/2026

Një teknologji inovative që synon të ndryshojë mënyrën e mbrojtjes nga zjarri do të prezantohet në Kosovë më 17 qershor nga brendi FireDestroyer

Një teknologji inovative që synon të ndryshojë mënyrën e mbrojtjes nga zjarri do të prezantohet në Kosovë më 17 qershor nga brendi FireDestroyer. Drejtori ekzekutiv i kompanisë FireDestroyer në Kosovë, Durim Sheremeti, do të shpalosë teknologjinë që qëndron pas FireDestroyer dhe po...

11/06/2026

Zgjerimi i bashkëpunimit ekonomik Kosovë-Shqipëri, në qendër të takimit Krasniqi-Ekonomi

Kryetari i Bordit të Dhomës së Tregtisë dhe Industrisë Kosovë, Skender Krasniqi, ka takuar kryetaren e Komisionit Parlamentar për Ekonominë, Punësimin dhe Financat në Kuvendin e Shqipërisë, Milva Ekonomi.

Gjatë takimit u diskutua për rritjen e bashkëpunimit ekonomik dhe tregtar ndërmjet Kosovës dhe Shqipërisë.

Palët shkëmbyen ide dhe nisma konkrete për nxitjen e investimeve, lehtësimin e të bërit biznes dhe zgjerimin e bashkëpunimit ndërmjet sipërmarrjeve, si një hap i rëndësishëm drejt zhvillimit ekonomik të të dy vendeve.

Në takim u vlerësua se bashkëpunimi ndërmjet institucioneve dhe komunitetit të biznesit mbetet çelësi për krijimin e më shumë mundësive, zgjerimin e tregut dhe nxitjen e zhvillimit ekonomik në dobi të qytetarëve të të dyja vendeve.

05/06/2026

KGJK dhe Dhoma e Tregtisë dhe Industrisë Kosovë diskutojnë forcimin e bashkëpunimit

Drejtori Ekzekutiv i Dhomës së Tregtisë dhe Industrisë Kosovë, Kushtrim Ahmeti është pritur më takim nga Kryesuesi i Këshillit Gjyqësor të Kosovës, Rrustem Thaqi.

Takimi ishte i natyrës njohëse dhe shërbeu për shkëmbim të pikëpamjeve mbi fushat me interes të përbashkët ndërmjet dy institucioneve, si dhe për diskutimin e mundësive për forcimin e bashkëpunimit ndërinstitucional.

Bashkëpunimi ndërmjet sistemit gjyqësor dhe komunitetit të biznesit u vlerësua se mund të kontribuojë në rritjen e transparencës, efikasitetit dhe besimit institucional.

Po ashtu, u theksua nevoja për identifikimin e fushave konkrete të bashkëpunimit, me qëllim ndërtimin e një partneriteti funksional dhe afatgjatë ndërmjet institucioneve.

Palët u pajtuan që të shqyrtohen mundësitë për konkretizimin e bashkëpunimit përmes formave të ndryshme të bashkëveprimit institucional, me qëllim forcimin e mëtejmë të koordinimit ndërmjet sistemit gjyqësor dhe komunitetit të biznesit.