https://www.facebook.com/1620588164886983/

FSPE-Federata e Sindikatave të Pavarura Elektrokosova

Home
Kosovo
Pristina
FSPE-Federata e Sindikatave të Pavarura Elektrokosova

Call Directions Contact the organization

Kjo faqe paraqet qëndrimet zyrtare të FSPE në mbrojtjen e të drejtave dhe angazhimit për realimizin e kërkesave të punëtorëve të Keds/Kesco.

Kryetari i FSPE: Ahmet Hyseni.

12/10/2026

URIME PENSIONIMIN, REXHEP HALITI!

Sot, përcollëm në pension kolegun tonë, aktivistin dhe punëtorin e palodhur, Rexhep Haliti, i cili për shumë vite punoi me përkushtim, përgjegjësi dhe profesionalizëm të lartë, fillimisht në Operime e më pas në Departamentin e Humbjeve.

Së bashku me Kryetarin e SHSPE-së – Prishtinë, Ahmet Mujeci si dhe drejtorët Milazim dhe Shukri, patëm kënaqësinë t’i urojmë pensionimin, duke i shprehur mirënjohjen tonë për kontributin dhe angazhimin e tij ndër vite.

I urojmë shëndet të plotë, jetë të gjatë, lumturi dhe shumë momente të bukura pranë familjes e njerëzve të dashur. Qoftë pensionimi një kapitull i ri, i mbushur me qetësi, gëzim dhe krenari për punën e bërë!

02/10/2026

Sot, në nëndistriktin e Besianës, përcollëm në pension aktivistin sindikal dhe shokun tonë të punës, Enver Gashi.

Për shkak të bashkëpunimit të gjatë dhe të ndërsjellë, mysafir nderi në këtë ceremoni ishte edhe Drejtori,z. Milazim Avdiu.

E falënderojmë Enverin për përkushtimin, kontributin dhe angazhimin e tij ndër vite, si në punë ashtu edhe në aktivitetin sindikal.

Urime pensionimin, Enver! Të urojmë shëndet, mbarësi dhe shumë vite të lumtura pranë familjes! 🤝

01/10/2026

Sot përcollëm në pension aktivisten sindikale dhe punëtoren të palodhur, znj. Rukije Prebreza.

Rukija gjatë gjithë viteve të punës u dallua për përkushtimin, korrektësinë dhe angazhimin e saj të vazhdueshëm në mbrojtje të të drejtave të punëtorëve.

Në këtë ditë të veçantë, i shprehim mirënjohjen tonë për kontributin e saj të çmuar dhe për gjithë punën e bërë ndër vite.

I urojmë pension të mbarë, shëndet, qetësi dhe shumë vite të bukura pranë familjes!

Faleminderit për gjithçka, Rukije! ❤️

17/09/2026

Një dhuratë e veçantë nga ish-kolegu dhe aktivisti sindikal dhe dizajneri, tashmë në pension, z. Milaim Janova.

E çmojmë dhe e vlerësojmë lart kontributin e z. Milaim Janova, si për angazhimin e tij të atëhershëm, ashtu edhe për mbështetjen dhe kontributin e tij edhe në ditët e sotme.

Mirënjohje dhe respekt për përkushtimin e tij ndër vite në shërbim të punëtorëve dhe veprimtarisë sindikale.

15/09/2026

Kryetari i FSPE-së, Ahmet Hyseni, dhe kryetari i Shoqatës Sindikale të Prizrenit, Baki Latifi, u pritën në takim nga Kryeprokurori i Republikës së Kosovës, z. Zejnullah Gashi.

Gjatë takimit, kryetari Ahmet Hyseni e uroi z. Gashi për detyrën e Kryeprokurorit të Republikës së Kosovës dhe i dëshiroi suksese në përgjegjësinë e tij të re.

Në takim u diskutua për mundësitë e bashkëpunimit dhe për çështje me interes të përbashkët, me theks të veçantë në forcimin e bashkëpunimit institucional dhe sindikal.

01/09/2026

Shoqata Sindikale e Mitrovicës përcolli sot në pension kolegun dhe aktivistin sindikal, Latif Osmani.

Sot, Shoqata Sindikale e Mitrovicës përcolli në pension kolegun tonë të respektuar, Latif Osmani, punëtor i Departamentit të Humbjeve dhe aktivist i palodhshëm sindikal.

Latifi gjatë gjithë viteve të punës u dallua për përkushtimin, korrektësinë dhe kontributin e tij në punë, si dhe për angazhimin e vazhdueshëm në mbrojtjen e të drejtave dhe interesave të punëtorëve.

Në emër të Shoqatës Sindikale të Mitrovicës, i shprehim mirënjohjen tonë të sinqertë për kontributin e dhënë ndër vite.

Latif, të urojmë pensionim të mbarë, shëndet, jetë të gjatë dhe shumë ditë të lumtura pranë familjes!

25/08/2026

Për Mbrojtjen dhe Sigurinë në Punë

Si Sindikatë, vlerësojmë lart angazhimin e KEDS/KESCO në fushën e mbrojtjes dhe sigurisë në punë. Kompania ka ndërtuar një qasje serioze dhe profesionale, veçanërisht në trajnimin e vazhdueshëm të punëtorëve, parandalimin e rreziqeve dhe ruajtjen e shëndetit dhe sigurisë së tyre.

Për ne, siguria e punëtorit është prioritet dhe përgjegjësi e përbashkët. Trajnimet e rregullta, pajisjet mbrojtëse, vetëdijesimi dhe masat parandaluese janë elemente thelbësore për krijimin e një ambienti të sigurt pune.

Nga këndvështrimi sindikal, vlerësojmë se KEDS/KESCO ka bërë hapa të rëndësishëm dhe është ndër kompanitë që i kushton vëmendje të veçantë sigurisë, shëndetit dhe mirëqenies së punëtorëve.

Megjithatë, ne si Sindikatë do të vazhdojmë të kërkojmë që standardet e sigurisë të avancohen vazhdimisht, sepse asnjë objektiv pune nuk është më i rëndësishëm se kthimi i çdo punëtori shëndoshë e mirë në familjen e tij.

24/08/2026

Të nderuar kolegë të KEDS/KESCO,

Sot, më datë 24.08.2026, na la kolegu ynë dhe aktivisti sindikal, Ahmet Gjocaj.

Do ta kujtojmë si një njeri të drejtë, punëtor dhe mbi të gjitha shumë të ndershëm, i cili gjatë gjithë kohës ishte i gatshëm të kontribuonte dhe të qëndronte pranë kolegëve të tij.

Ikja e tij është një humbje e madhe për familjen, kolegët.

Në këto momente të dhimbshme, u shprehim ngushëllimet më të sinqerta familjes, të afërmve dhe të gjithë atyre që e njohën dhe punuan me të.

Ahmet Gjocaj do të mbetet gjatë në kujtesën tonë si një koleg i mirë, punëtor i palodhur dhe aktivist i përkushtuar.

U prehtë në paqe!

Ngushëllime familjes dhe gjithë kolegëve.

Varrimi i të ndjerit Ahmet Gjocaj bëhet nesër, më 25.08.2026, në fshatin Rashiq, Komuna e Pejës, në orën 14:00.

20/07/2026

Kryetari i FSPE Elektrokosova, z. Ahmet Hyseni, së bashku me Kryetaren e Forumit të Gruas në FSPE dhe sekretarin organizativ të FSPE-së, pritën në takim Kryetarin e rizgjedhur të BSPK-së, z. Atdhe Hykolli.

Kryetari Hyseni i uroi mirëseardhje në këtë vizitë Kryetarit të BSPK-së dhe e përgëzoi për rizgjedhjen në këtë detyrë. Gjatë takimit u diskutua për bashkëpunimin ndërmjet sindikatave, sfidat me të cilat ato përballen, si dhe për angazhimin e përbashkët në mbrojtjen dhe avancimin e të drejtave dhe interesave të punëtorëve.

15/05/2026

Sot, Kryetari i FSPE-së, Ahmet Hyseni, së bashku me ekipin e tij dhe Kryetarin e Shoqatës Sindikale të Ferizajt, Fadil Mehmeti, zhvilluan një vizitë tek menaxheri i posazgjedhur i Distriktit të Ferizajt, Përparim Cakolli, si dhe kordinatori rexhional i distriktit, Bardhyl Fazliu.

Gjatë takimit u diskutua për thellimin e bashkëpunimit, sfidat e përbashkëta dhe angazhimin e ndërsjellë drejt respektimit të të drejtave të punëtorëve, përmirësimit të kushteve të punës dhe forcimit të dialogut social në interes të punëtorëve.

Address

Bulevardi Bill Klinton
Pristina
10000

Telephone

+38349793936

Website

facebook.com

Alerts

Be the first to know and let us send you an email when FSPE-Federata e Sindikatave të Pavarura Elektrokosova posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to FSPE-Federata e Sindikatave të Pavarura Elektrokosova:

Want your organization to be the top-listed non profit organization in Pristina?