Kosovo Generation Unlimited

02/10/2026

Si mund të krijojmë më shumë mundësi për të rinjtë në rrugëtimin nga shkolla drejt punës? 💡

Zgjerimi i qasjes në praktika dhe përgatitja e të rinjve për tregun e punës kërkojnë angazhim të përbashkët dhe hapa konkretë. Për këtë qëllim, punëtoria dyditore e Kosovo Generation Unlimited (K-GenU), e organizuar në bashkëpunim me UNICEF Programme in Kosovo, po mbledh përfaqësues të institucioneve, shoqërisë civile, sektorit privat dhe organizatave që punojnë me të rinjtë për të vlerësuar progresin e programit dhe për të përcaktuar prioritetet për të ardhmen.

Me mbështetjen e Agjencisë Austriake për Zhvillim, punëtoria po i kushton vëmendje të veçantë shtrirjes së programit në shkolla, qendra rinore dhe komunitete rurale, si dhe përfshirjes së të rinjve nga grupet e margjinalizuara. Synimi është që vendbanimi apo rrethanat sociale të mos bëhen pengesë për qasje në përvojën e parë profesionale.

Përmes diskutimeve dhe punës në grupe, pjesëmarrësit po kontribuojnë në hartimin e një plani të përbashkët veprimi, me Agjencinë e Punësimit në rol qendror dhe me bashkëpunim ndërmjet partnerëve. Ky plan synon t’i kthejë përvojat dhe rekomandimet në veprime konkrete për zgjerimin e mundësive të praktikës në nivel lokal dhe kombëtar.

Investimi në të rinjtë është investim në zhvillimin e Kosovës. Bashkëpunimi i sotëm hap rrugën për më shumë mundësi nesër. 🤝

Photo by UNICEF/2026/F.Limani

28/09/2026

Këtë verë, në festivalin e kajakut në Batllavë, takuam një praktikante të programit Kosovo Generation Unlimited (K-GenU) dhe e pyetëm për përvojën e saj në praktikë. 🚣‍♀️
Në video, ajo tregon çfarë ka mësuar dhe si e ka ndihmuar kjo përvojë të hedhë hapat e parë drejt punësimit.

Shikojeni rrëfimin e saj!

Programi zbatohet në partneritet ndërmjet UNICEF Kosovo, Ministrisë për Punë, Familje dhe Vlerat e Luftës Çlirimtare dhe Odës Ekonomike Gjermano-Kosovare, me mbështetjen e Agjencisë Austriake për Zhvillim.

21/09/2026

💻 Nga studimet në projekte konkrete – përvoja e Dionës në Aldastra

Diona Hakaj, studente e vitit të tretë në Fakultetin e Shkencave Kompjuterike dhe Inxhinierisë, është angazhuar në Aldastra si Software Developer, me fokus në Research & Development (R&D).

Gjatë praktikës, ajo po zhvillon dhe teston zgjidhje teknike, hulumton teknologji të reja, analizon të dhëna dhe ndërton prototipe që kontribuojnë në zhvillimin e produkteve të kompanisë.

🗣️ “Përvoja ime deri më tani ka qenë shumë pozitive. Mbështetja e ekipit dhe puna në projekte konkrete më kanë dhënë mundësinë t’i zbatoj dhe zgjeroj njohuritë e mia. Jam thellësisht mirënjohëse ndaj Kosovo Generation Unlimited dhe Aldastra për këtë mundësi të vlefshme.”

Programi zbatohet në partneritet ndërmjet UNICEF Kosovo, Ministrisë për Punë, Familje dhe Vlerat e Luftës Çlirimtare dhe Odës Ekonomike Gjermano-Kosovare, me mbështetjen e Agjencisë Austriake për Zhvillim.

09/09/2026

Nga dashuria për kafshët, drejt një të ardhmeje të madhe. 🐾✨
Nora po ndjek ëndrrën e saj dhe po ndërton rrugën në kujdesin veterinar. 🩺❤️

“Praktika në Mitro Vet Hospital është një përvojë shumë e vlefshme për mua. Çdo ditë kam mundësi të mësoj gjëra të reja, të fitoj përvojë praktike dhe të punoj në një ambient profesional. Kjo përvojë më ka ndihmuar të kem më shumë besim në veten time dhe të kuptoj më mirë se çfarë dua të arrij në të ardhmen.”

Historia e Norës tregon se një mundësi për punë praktike mund të sjellë shumë më tepër sesa përvojë pune: mund të forcojë vetëbesimin dhe t’i japë drejtim të ardhmes profesionale.

Programi zbatohet në partneritet ndërmjet UNICEF Kosovo, Ministrisë për Punë, Familje dhe Vlerat e Luftës Çlirimtare dhe Odës Ekonomike Gjermano-Kosovare, me mbështetjen e Agjencisë Austriake për Zhvillim.

09/09/2026

Më shumë mundësi për të rinjtë përmes bashkëpunimit 🤝

Oda Ekonomike Gjermano-Kosovare nënshkroi Memorandum Mirëkuptimi me BONEVET Prishtina, në kuadër të Kartës Rinore Evropiane dhe programit Kosovo Generation Unlimited (K-GenU).

Karta Rinore Evropiane në Kosovë është program i Ministrisë së Sportit dhe Rinisë, i cili zbatohet nga BONEVET Prishtina.

Ky bashkëpunim synon t’i lidhë të rinjtë me më shumë mundësi për zhvillimin e aftësive, përvojë praktike dhe përgatitje më të mirë për tregun e punës.

Kosovo Generation Unlimited (K-GenU) është një koalicion shumësektorial që synon rritjen e investimeve për dhe me të rinjtë, në mënyrë që ata ta shfrytëzojnë dhe zhvillojnë potencialin e tyre. Nisma bashkon institucionet qeveritare, partnerët zhvillimorë, sektorin privat, organizatat e shoqërisë civile dhe të rinjtë.

Përmes programit të punës praktike, trajnimeve për zhvillimin e aftësive dhe mentorimit, K-GenU ua lehtëson të rinjve kalimin nga shkolla në tregun e punës. Përmes partneritetit të zgjeruar, nisma synon të krijojë mundësi angazhimi për deri në 10,000 të rinj.

Programi zbatohet në partneritet ndërmjet UNICEF Kosovo, Ministrisë për Punë, Familje dhe Vlerat e Luftës Çlirimtare dhe Odës Ekonomike Gjermano-Kosovare, me mbështetjen e Agjencionit Austriak për Zhvillim.

04/09/2026

Nga praktika në punësim: Vesa Shehu në Baker Tilly

Vesa Shehu e nisi rrugëtimin e saj në Baker Tilly si praktikante në Departamentin e Kontabilitetit, përmes Kosovo Generation Unlimited. Sot, ajo është pjesë e ekipit si Kontabiliste Junior.

“Praktika më dha mundësinë t’i zbatoj njohuritë e fituara gjatë studimeve dhe të fitoj përvojë, pavarësi dhe më shumë përgjegjësi në punë.”

Nga praktika në punësim – historia e Vesës është një shembull konkret i mundësive që mund të krijohen për të rinjtë. 🌱

Kosovo Generation Unlimited (K-GenU) është një koalicion shumë-sektorial për bashkëpunim, me qëllim të rritjes së investimeve për dhe me të rinjtë, që ata të mund të shfrytëzojnë dhe rrisin potencialin e tyre. Nisma bashkon institucionet qeveritare, partnerët zhvillimorë, akterët e sektorit privat, organizatat e shoqërisë civile dhe të rinjtë.

K-GenU fuqizon dhe angazhohet me të rinjtë duke i lidhur ata me mundësi për të përmirësuar apo lehtësuar kalimin e tyre nga shkolla në punë, përmes programit të punës praktike, shoqëruar me trajnime për zhvillimin e aftësive dhe mentorim. Përmes një partneriteti të zgjeruar, kjo nismë e suksesshme për zhvillimin e aftësive dhe punësueshmërisë do të ofrojë hapësirë dhe mundësi angazhimi për deri në 10,000 të rinj.

Programi udhëhiqet në partneritet nga UNICEF Kosovo Programme, Ministria për Punë, Familje dhe Vlerat e Luftës Çlirimtare dhe Oda Ekonomike Gjermano-Kosovare.

03/09/2026

Kur njohuritë juridike marrin formë në praktikë

Për Avdi Halitin, praktika në Zyrën Përmbarimore DB Associates LLC është një mundësi për ta parë nga afër se si funksionon një proces juridik përtej literaturës dhe ligjëratave.

Si jurist i diplomuar dhe student i nivelit Master në drejtimin Civil në Fakultetin Juridik të Universitetit të Prishtinës, Avdi po ndërton përvojë në një ambient ku saktësia, përgjegjësia dhe respektimi i procedurave ligjore janë pjesë e përditshme e punës.

Në kuadër të praktikës, ai po njihet me mënyrën e trajtimit të lëndëve përmbarimore, organizimin e dokumentacionit juridik dhe zbatimin praktik të dispozitave ligjore, duke fituar një perspektivë më të qartë mbi profesionin që synon ta zhvillojë.

Nga DB Associates LLC, angazhimi i tij vlerësohet veçanërisht për seriozitetin dhe qasjen profesionale:

💬 “Avdi ka dëshmuar përgjegjësi, përkushtim dhe motivim të lartë për zhvillim profesional. Ai shfaq aftësi të mira analitike dhe komunikuese, etikë profesionale dhe gatishmëri për punë në ekip.”

Përvoja në një zyrë përmbarimore po i jep Avdit mundësinë që përgatitjen akademike ta plotësojë me njohuri konkrete nga puna e përditshme dhe të kuptojë më mirë përgjegjësinë që bart profesioni juridik.

Kosovo Generation Unlimited (K-GenU) është një koalicion shumë-sektorial për bashkëpunim, me qëllim të rritjes së investimeve për dhe me të rinjtë, që ata të mund të shfrytëzojnë dhe zhvillojnë potencialin e tyre.

K-GenU i fuqizon dhe i angazhon të rinjtë duke i lidhur me mundësi për ta përmirësuar apo lehtësuar kalimin e tyre nga shkolla në punë, përmes programit të punës praktike, të shoqëruar me trajnime për zhvillimin e aftësive dhe mentorim.

Programi udhëhiqet në partneritet nga UNICEF Kosovo Programme, Ministria për Punë, Familje dhe Vlerat e Luftës Çlirimtare dhe Oda Ekonomike Gjermano-Kosovare.

01/09/2026

👏🏻👏🏻

Të rinjtë e moshës 16–24 vjeç në Kosovë mund të aplikojnë për praktikë profesionale me pagesë prej 300 euro në muaj përmes Kosovo Generation Unlimited (K-GenU). Në të njëjtën platformë, kompanitë, bizneset dhe organizatat mund të regjistrohen për të ofruar vende praktike dhe ...

31/08/2026

✨ Nga mësimi te përvoja praktike në estetikë

Përmes programit Kosovo Generation Unlimited praktikantja po fiton përvojë të drejtpërdrejtë në fushën e estetikës, grimit dhe kujdesit për flokët.

Gjatë praktikës, ajo është angazhuar në asistimin gjatë aplikimit të grimit, larjen dhe tharjen e flokëve, krehjen dhe stilimin e tyre. Krahas zhvillimit të aftësive profesionale, ajo ka ndihmuar edhe në përgatitjen e mjeteve të punës, mirëmbajtjen e hapësirës dhe komunikimin e kujdesin ndaj klientëve.

“Gjatë praktikës kam asistuar në aplikimin e grimit, po ashtu kam mësuar dhe praktikuar larjen dhe tharjen e flokëve, krehjen dhe stilimin e tyre. Gjithashtu kam ndihmuar në përgatitjen e mjeteve të punës, pastrimin e hapësirës dhe komunikimin e kujdesin ndaj klientëve. Kjo përvojë më ka ndihmuar të fitoj më shumë aftësi në punën time.”

Përvoja praktike po i jep mundësinë që njohuritë t’i zbatojë në një ambient real pune, të zhvillojë më tej aftësitë e saj dhe të fitojë më shumë siguri në profesionin që ka zgjedhur. 🌱

Kosovo Generation Unlimited (K-GenU) është një koalicion shumë-sektorial për bashkëpunim, me qëllim të rritjes së investimeve për dhe me të rinjtë, që ata të mund të shfrytëzojnë dhe zhvillojnë potencialin e tyre.

K-GenU i fuqizon dhe i angazhon të rinjtë duke i lidhur me mundësi për ta përmirësuar dhe lehtësuar kalimin e tyre nga shkolla në punë, përmes programit të punës praktike, të shoqëruar me trajnime për zhvillimin e aftësive dhe mentorim.

Programi udhëhiqet në partneritet nga UNICEF Kosovo Programme, Ministria për Punë, Familje dhe Vlerat e Luftës Çlirimtare dhe Oda Ekonomike Gjermano-Kosovare.

28/08/2026

Mundësi reale për të rinjtë përmes platformës K-GenU

Platforma K-GenU po lidh të rinjtë me organizata dhe biznese që investojnë në zhvillimin profesional dhe ndërtimin e karrierës.
🤝 17,000 praktikantë të regjistruar
🏢 1,497+ organizata aktive në platformë

📲 Shkarko aplikacionin K-GenU dhe eksploro mundësi të reja angazhimi.

Programi Kosovo Generation Unlimited zbatohet nën udhëheqjen e Ministrisë së Punës, Familjes dhe Vlerat e Luftës Çlirimtare, UNICEF Kosovo Programme dhe Odës Ekonomike Gjermano-Kosovare.