What are the opening hours?

Monday 08:00 - 16:00 Tuesday 08:00 - 16:00 Wednesday 08:00 - 16:00 Thursday 08:00 - 16:00 Friday 08:00 - 16:00

Kryqi i Kuq i Kosovës / Red Cross of Kosova

Home
Kosovo
Pristina
Kryqi i Kuq i Kosovës / Red Cross of Kosova

Directions Website Contact the organization

Kryqi i Kuq i Kosovës është Shoqatë Kombëtare e pavarur, humanitare, vullnetare, joprofitabile, e themeluar nga 1945.

Kryqi i Kuq i Kosovës është Shoqatë Kombëtare e pavarur, humanitare, vullnetare dhe joprofitabile, e themeluar në vitin 1945.

13/10/2026

Kryqi i Kuq i Kosovës pjesëmarrës në REAS 2026 në Itali 🇽🇰🇮🇹

Përfaqësues të Kryqit të Kuq të Kosovës morën pjesë në REAS 2026 – Panairin Ndërkombëtar të Emergjencave, i cili u mbajt nga 8 deri më 10 tetor 2026, në Montichiari të Italisë.

Ky aktivitet ndërkombëtar, që shënoi edicionin e 25-të, mblodhi 311 ekspozues nga 25 vende, duke prezantuar pajisje, teknologji dhe praktika bashkëkohore në fushën e menaxhimit të emergjencave, mbrojtjes civile dhe reagimit ndaj fatkeqësive.

Pjesëmarrja e Kryqit të Kuq të Kosovës në këtë ngjarje ishte një mundësi e rëndësishme për shkëmbimin e përvojave, njohjen me praktikat ndërkombëtare dhe forcimin e kapaciteteve për përgatitje dhe reagim ndaj emergjencave.

🤝 Së bashku për komunitete më të sigurta dhe më të përgatitura!

12/10/2026

Kryqi i Kuq i Kosovës mirëpriti në një vizitë zyrtare Presidenten e Gjysmëhënës së Kuqe Turke, Prof. Dr. Fatma Meriç Yılmaz, e cila u prit nga Kryetarja e Kryqit të Kuq të Kosovës, znj. Feride Hyseni, dhe Sekretari i Përgjithshëm, z. Agron Humolli.

Në kuadër të delegacionit mori pjesë edhe z. Alper Uluca, Ushtrues i Detyrës së Drejtorit të Përgjithshëm për Çështje Ndërkombëtare dhe Shërbime të Migracionit pranë Gjysmëhënës së Kuqe Turke.

Gjatë takimit u diskutuan mundësitë për thellimin e bashkëpunimit institucional ndërmjet dy Shoqatave Kombëtare, me fokus të veçantë në zhvillimin e iniciativave të përbashkëta, shkëmbimin e përvojave dhe fuqizimin e kapaciteteve në fushën e veprimtarisë humanitare.

🤝 Takimi shërbeu si një mundësi e rëndësishme për të riafirmuar përkushtimin e ndërsjellë ndaj vlerave dhe parimeve themelore të Lëvizjes Ndërkombëtare të Kryqit të Kuq dhe Gjysmëhënës së Kuqe, si dhe për të avancuar bashkëpunimin në shërbim të komuniteteve dhe personave në nevojë.

❤️ Solidariteti, partneriteti dhe veprimi i përbashkët mbeten në thelb të misionit tonë humanitar.

01/10/2026

"Solidariteti në vepër 01-31 Tetor"

Kryqi i Kuq i Kosovës ka nisur më 1 tetor aktivitetin tradicional “Solidariteti në vepër”, i cili do të zhvillohet deri më 31 tetor.

Ky aktivitet synon të nxisë solidaritetin e qytetarëve dhe të mbështesë familjet në gjendje të rëndë ekonomike dhe sociale.

Gjatë këtij muaji, u bëjmë thirrje të gjithë qytetarëve të Kosovës dhe më gjerë të kontribuojnë me ushqime, veshmbathje, produkte higjienike, mjete financiare dhe ndihma të tjera të nevojshme për këto familje.

Aktiviteti zhvillohet në të gjitha komunat e Kosovës. Qytetarët e nderuar mund t’i dorëzojnë donacionet e tyre në degën e Kryqit të Kuq në komunën ku banojnë.

Kryqi i Kuq i Kosovës ju falënderon përzemërsisht për solidaritetin dhe kontributin tuaj.

Solidarity in Action

The Red Cross of Kosova launched its traditional “Solidarity in Action” campaign on 1 October. The campaign will run until 31 October.

This initiative aims to encourage community solidarity and support families facing economic and social hardship.

Throughout October, we kindly invite all citizens of Kosovo and beyond to contribute food, clothing, hygiene products, financial donations, and other essential items to help these families.

The campaign takes place in all municipalities across Kosovo. You can make your donations at the local Red Cross branch in the municipality where you live.

The Red Cross of Kosova sincerely thanks you for your solidarity and contribution.

29/09/2026

Së bashku për më shumë solidaritet!

Kryqi i Kuq i Kosovës – Dega në Prishtinë po realizon aktivitetin për ngritjen e fondeve, me qëllim mbështetjen e aktiviteteve humanitare dhe sociale në komunitet.

📍 Aktiviteti po zhvillohet sot dhe nesër në Albi Mall në Prishtinë, ku qytetarët kanë mundësi të kontribuojnë dhe të bëhen pjesë e kësaj nisme humanitare.

🙏 Falënderojmë Albi Mall për koordinimin, bashkëpunimin dhe përkrahjen e ofruar në realizimin e këtij projekti.

Çdo kontribut ka rëndësi. Së bashku mund të bëjmë më shumë për ata që kanë nevojë! ❤️

16/09/2026

Garat e Ndihmës së Parë në nivel regjional!

Kryqi i Kuq i Kosovës ka përmbyllur me sukses garat e Ndihmës së Parë në nivel regjional, pjesë e të cilave ishin ekipet e shkollave të mesme nga të gjitha degët e Kryqit të Kuq të Kosovës.

Gjatë garave, ekipet patën mundësinë të demonstrojnë njohuritë, shkathtësitë praktike, bashkëpunimin ekipor dhe gatishmërinë për reagim në situata të ndryshme emergjente.

Pas përfundimit të garave regjionale, vendet e para në regjionet përkatëse i fituan ekipet e degëve të Kryqit të Kuq në:

🏆 Fushë Kosovë
🏆 Novobërdë
🏆 Ferizaj
🏆 Prizren
🏆 Istog
🏆 Skenderaj

Këto ekipe do të vazhdojnë më tej rrugëtimin e tyre dhe do të përfaqësojnë regjionet përkatëse në Garën e Ndihmës së Parë në nivel kombëtar, ku do të garojnë për titullin e ekipit më të mirë në vend.

Kryqi i Kuq i Kosovës uron ekipet fituese dhe falënderon të gjitha ekipet pjesëmarrëse, nxënësit, vullnetarët, instruktorët, gjyqtarët, shkollat dhe degët e Kryqit të Kuq për angazhimin dhe kontributin e tyre në realizimin e suksesshëm të këtyre garave.

Përmes garave të Ndihmës së Parë synojmë të fuqizojmë njohuritë dhe aftësitë e të rinjve, të promovojmë solidaritetin, humanizmin dhe gatishmërinë për të vepruar atëherë kur ndihma është më së shumti e nevojshme.

Urime ekipeve fituese dhe shumë suksese në Garën Kombëtare të Ndihmës së Parë! ❤️⛑️

24/08/2026

30 Gusht – Dita Ndërkombëtare e Personave të Zhdukur

Në këtë ditë kujtojmë të gjithë personat e zhdukur dhe qëndrojmë pranë familjeve që ende jetojnë me mungesën, pyetjet dhe shpresën.

Për ata që presin, koha nuk e zbeh mungesën. Ajo vetëm e bën pritjen më të gjatë.

Thënie të shkëputura nga rrëfimet e familjarëve të personave të zhdukur, që përcjellin zërin, mallin, dhimbjen dhe shpresën e tyre.

18/06/2026

“Përmirësimi i kushteve në QKMF-në e qytetit të Suharekës”

Ky projekt u realizua nga nxënësit e IAAP “Skender Luarasi” nga Suhareka, në kuadër të projektit “Promovimi i Vlerave Humane”, me qëllim përmirësimin e kushteve dhe krijimin e një ambienti më të përshtatshëm për pacientët dhe stafin e QKMF-së.

Përmes angazhimit të nxënësve dhe mbështetjes së komunitetit lokal, u realizua lyerja e mureve, u siguruan perde dhe mbulesa për shtretër, ndërsa ambientet u zbukuruan me piktura të punuara nga nxënësit. Një kujdes i veçantë iu kushtua hapësirës së vaksinimit të fëmijëve, ku u vendosën lodra për krijimin e një atmosfere më të ngrohtë dhe më miqësore.

Në hyrje të QKMF-së u vendos edhe Betimi i Hipokratit, duke i dhënë ambientit një mesazh të veçantë profesional dhe human. Nga ky projekt përfitojnë të gjithë qytetarët që marrin shërbime në QKMF-në e Suharekës.

Ky projekt dëshmon se përmes kreativitetit, bashkëpunimit dhe përgjegjësisë sociale, të rinjtë mund të kontribuojnë në përmirësimin e institucioneve publike dhe të kushteve për komunitetin.

Projekti “Promovimi i Vlerave Humane” mbështetet nga Komiteti Ndërkombëtar i Kryqit të Kuq – Misioni në Prishtinë.

#𝒑𝒗𝒉

17/06/2026

"Ndihmë në Shtëpinë e të Moshuarve dhe Pa Përkujdesje Familjare"

Ky projekt u realizua nga nxënësit e Qendrës së Kompetencës nga Skenderaj, në kuadër të projektit “Promovimi i Vlerave Humane”, me qëllim përmirësimin e kushteve të jetesës dhe rritjen e sigurisë për të moshuarit në Shtëpinë e të Moshuarve dhe Pa Përkujdesje Familjare “Zaim Bajrami”.

Përmes vizitave dhe vlerësimit të nevojave, nxënësit identifikuan probleme në instalimet sanitare dhe elektrike, përfshirë gypa të dëmtuar, rrjedhje të ujit, priza dhe ndërprerës të amortizuar, si dhe ndriçim të pamjaftueshëm. Projekti synon rregullimin e këtyre instalimeve dhe krijimin e një ambienti më të pastër, më të sigurt dhe më dinjitoz për banorët.

Nga ky projekt përfitojnë të moshuarit që jetojnë në këtë institucion, stafi që kujdeset për ta dhe, në mënyrë indirekte, i gjithë komuniteti.

Ky projekt dëshmon se përmes angazhimit, përgjegjësisë dhe kujdesit ndaj të moshuarve, të rinjtë mund të kontribuojnë në përmirësimin e sigurisë dhe cilësisë së jetës së tyre.

Projekti “Promovimi i Vlerave Humane” mbështetet nga Komiteti Ndërkombëtar i Kryqit të Kuq – Misioni në Prishtinë.

#𝒑𝒗𝒉

14/06/2026

Ndahet nga jeta ish-Sekretari i Kryqit të Kuq të Kosovës – Dega në Istog, z. Sylë Huli

Me pikëllim të thellë morëm lajmin për ndarjen nga jeta të ish-Sekretarit të Kryqit të Kuq të Kosovës – Dega në Istog, z. Sylë Huli.

Z. Huli ishte një veprimtar i përkushtuar humanitar, i cili me punën, angazhimin dhe përkushtimin e tij dha kontribut të çmuar në zhvillimin dhe forcimin e aktiviteteve të Kryqit të Kuq në Istog dhe më gjerë. Ai do të kujtohet gjithmonë për profesionalizmin, humanizmin dhe gatishmërinë e tij për t’u dalë në ndihmë njerëzve në nevojë.

Kontributi i tij në shërbim të komunitetit dhe vlerave humane do të mbetet pjesë e rëndësishme e trashëgimisë së Kryqit të Kuq të Kosovës.

Ngushëllimet tona më të sinqerta i shprehim familjes Huli, të afërmve, miqve dhe bashkëpunëtorëve të tij.

Qoftë i përjetshëm kujtimi për të.

Me respekt,
Kryqi i Kuq i Kosovës

12/06/2026

Kryqi i Kuq i Kosovës – Dega Gjilan mori pjesë në punëtorinë “Ushtrim Tavoline – Tërmet”, të organizuar nga Drejtoria për Mbrojtje dhe Shpëtim e Komunës së Gjilanit në bashkëpunim me Agjencinë e Menaxhimit Emergjent dhe me mbështetjen e Misionit të OSBE-së në Kosovë.

Ky aktivitet kontribuoi në rritjen e gatishmërisë, koordinimit dhe kapaciteteve institucionale për reagim në rast të tërmeteve dhe situatave të tjera emergjente.

Address

Enver Zymberi 24
Pristina
10000

Opening Hours

Monday	08:00 - 16:00
Tuesday	08:00 - 16:00
Wednesday	08:00 - 16:00
Thursday	08:00 - 16:00
Friday	08:00 - 16:00

Website

http://www.redcross-ks.org/

Alerts

Be the first to know and let us send you an email when Kryqi i Kuq i Kosovës / Red Cross of Kosova posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Kryqi i Kuq i Kosovës / Red Cross of Kosova:

Want your organization to be the top-listed non profit organization in Pristina?