Kryqi i Kuq i Kosovës / Red Cross of Kosova

Kryqi i Kuq i Kosovës / Red Cross of Kosova Kryqi i Kuq i Kosovës është Shoqatë Kombëtare e pavarur, humanitare, vullnetare, joprofitabile, e themeluar nga 1945.

Kryqi i Kuq i Kosovës është Shoqatë Kombëtare e pavarur, humanitare, vullnetare dhe joprofitabile, e themeluar në vitin 1945.

30 Gusht – Dita Ndërkombëtare e Personave të Zhdukur Në këtë ditë kujtojmë të gjithë personat e zhdukur dhe qëndrojmë pr...
24/08/2026

30 Gusht – Dita Ndërkombëtare e Personave të Zhdukur

Në këtë ditë kujtojmë të gjithë personat e zhdukur dhe qëndrojmë pranë familjeve që ende jetojnë me mungesën, pyetjet dhe shpresën.

Për ata që presin, koha nuk e zbeh mungesën. Ajo vetëm e bën pritjen më të gjatë.

Thënie të shkëputura nga rrëfimet e familjarëve të personave të zhdukur, që përcjellin zërin, mallin, dhimbjen dhe shpresën e tyre.

18/06/2026

“Përmirësimi i kushteve në QKMF-në e qytetit të Suharekës”

Ky projekt u realizua nga nxënësit e IAAP “Skender Luarasi” nga Suhareka, në kuadër të projektit “Promovimi i Vlerave Humane”, me qëllim përmirësimin e kushteve dhe krijimin e një ambienti më të përshtatshëm për pacientët dhe stafin e QKMF-së.

Përmes angazhimit të nxënësve dhe mbështetjes së komunitetit lokal, u realizua lyerja e mureve, u siguruan perde dhe mbulesa për shtretër, ndërsa ambientet u zbukuruan me piktura të punuara nga nxënësit. Një kujdes i veçantë iu kushtua hapësirës së vaksinimit të fëmijëve, ku u vendosën lodra për krijimin e një atmosfere më të ngrohtë dhe më miqësore.

Në hyrje të QKMF-së u vendos edhe Betimi i Hipokratit, duke i dhënë ambientit një mesazh të veçantë profesional dhe human. Nga ky projekt përfitojnë të gjithë qytetarët që marrin shërbime në QKMF-në e Suharekës.

Ky projekt dëshmon se përmes kreativitetit, bashkëpunimit dhe përgjegjësisë sociale, të rinjtë mund të kontribuojnë në përmirësimin e institucioneve publike dhe të kushteve për komunitetin.

Projekti “Promovimi i Vlerave Humane” mbështetet nga Komiteti Ndërkombëtar i Kryqit të Kuq – Misioni në Prishtinë.

#𝒑𝒗𝒉

17/06/2026

"Ndihmë në Shtëpinë e të Moshuarve dhe Pa Përkujdesje Familjare"

Ky projekt u realizua nga nxënësit e Qendrës së Kompetencës nga Skenderaj, në kuadër të projektit “Promovimi i Vlerave Humane”, me qëllim përmirësimin e kushteve të jetesës dhe rritjen e sigurisë për të moshuarit në Shtëpinë e të Moshuarve dhe Pa Përkujdesje Familjare “Zaim Bajrami”.

Përmes vizitave dhe vlerësimit të nevojave, nxënësit identifikuan probleme në instalimet sanitare dhe elektrike, përfshirë gypa të dëmtuar, rrjedhje të ujit, priza dhe ndërprerës të amortizuar, si dhe ndriçim të pamjaftueshëm. Projekti synon rregullimin e këtyre instalimeve dhe krijimin e një ambienti më të pastër, më të sigurt dhe më dinjitoz për banorët.

Nga ky projekt përfitojnë të moshuarit që jetojnë në këtë institucion, stafi që kujdeset për ta dhe, në mënyrë indirekte, i gjithë komuniteti.

Ky projekt dëshmon se përmes angazhimit, përgjegjësisë dhe kujdesit ndaj të moshuarve, të rinjtë mund të kontribuojnë në përmirësimin e sigurisë dhe cilësisë së jetës së tyre.

Projekti “Promovimi i Vlerave Humane” mbështetet nga Komiteti Ndërkombëtar i Kryqit të Kuq – Misioni në Prishtinë.

#𝒑𝒗𝒉

Ndahet nga jeta ish-Sekretari i Kryqit të Kuq të Kosovës – Dega në Istog, z. Sylë HuliMe pikëllim të thellë morëm lajmin...
14/06/2026

Ndahet nga jeta ish-Sekretari i Kryqit të Kuq të Kosovës – Dega në Istog, z. Sylë Huli

Me pikëllim të thellë morëm lajmin për ndarjen nga jeta të ish-Sekretarit të Kryqit të Kuq të Kosovës – Dega në Istog, z. Sylë Huli.

Z. Huli ishte një veprimtar i përkushtuar humanitar, i cili me punën, angazhimin dhe përkushtimin e tij dha kontribut të çmuar në zhvillimin dhe forcimin e aktiviteteve të Kryqit të Kuq në Istog dhe më gjerë. Ai do të kujtohet gjithmonë për profesionalizmin, humanizmin dhe gatishmërinë e tij për t’u dalë në ndihmë njerëzve në nevojë.

Kontributi i tij në shërbim të komunitetit dhe vlerave humane do të mbetet pjesë e rëndësishme e trashëgimisë së Kryqit të Kuq të Kosovës.

Ngushëllimet tona më të sinqerta i shprehim familjes Huli, të afërmve, miqve dhe bashkëpunëtorëve të tij.

Qoftë i përjetshëm kujtimi për të.

Me respekt,
Kryqi i Kuq i Kosovës

12/06/2026

Kryqi i Kuq i Kosovës – Dega Gjilan mori pjesë në punëtorinë “Ushtrim Tavoline – Tërmet”, të organizuar nga Drejtoria për Mbrojtje dhe Shpëtim e Komunës së Gjilanit në bashkëpunim me Agjencinë e Menaxhimit Emergjent dhe me mbështetjen e Misionit të OSBE-së në Kosovë.

Ky aktivitet kontribuoi në rritjen e gatishmërisë, koordinimit dhe kapaciteteve institucionale për reagim në rast të tërmeteve dhe situatave të tjera emergjente.

12/06/2026

“Solidaritet në Veprim – Java e Ndihmës për Familjet në Nevojë”

Ky projekt u realizua nga nxënësit e Gjimnazit “Remzi Ademaj” nga Prizreni, në kuadër të projektit “Promovimi i Vlerave Humane”, me qëllim mbështetjen e familjeve në nevojë përmes grumbullimit të veshmbathjeve dhe produkteve bazë ushqimore.

Përmes angazhimit të nxënësve dhe bashkëpunimit me komunitetin shkollor, u organizua aktiviteti “Java e Ndihmës”, ku nxënësit kontribuan me rroba të përdorura në gjendje të mirë dhe produkte ushqimore, të cilat do të shpërndahen përmes Kryqit të Kuq tek familjet që kanë më shumë nevojë.

Ky projekt dëshmon se përmes solidaritetit, empatisë dhe bashkëpunimit, të rinjtë mund të kontribuojnë në lehtësimin e vështirësive të familjeve në nevojë dhe në ndërtimin e një komuniteti më human e më të bashkuar.

Projekti “Promovimi i Vlerave Humane” mbështetet nga Komiteti Ndërkombëtar i Kryqit të Kuq – Misioni në Prishtinë.

#𝒑𝒗𝒉

Ushtrim praktik për reagim në emergjenca në SHFMU “Anton Zako Çajupi” në VushtrriKryqi i Kuq i Kosovës, në partneritet m...
11/06/2026

Ushtrim praktik për reagim në emergjenca në SHFMU “Anton Zako Çajupi” në Vushtrri

Kryqi i Kuq i Kosovës, në partneritet me Komunën e Vushtrrisë dhe me mbështetjen e Agjencisë së Menaxhimit Emergjent (AME), realizoi sot ushtrimin praktik në SHFMU “Anton Zako Çajupi” në Vushtrri.

Ky aktivitet u zhvillua në kuadër të Programit të Financimit të Ndihmës Teknike për Parandalimin dhe Përgatitjen ndaj Fatkeqësive (TAFF), në bashkëpunim me Bankën Botërore, me financim nga Bashkimi Evropian dhe i menaxhuar nga GFDRR.

Ushtrimi kishte për qëllim ngritjen e vetëdijes dhe testimin e kapaciteteve të reagimit dhe koordinimit në rast emergjencash, duke përfshirë institucionet lokale, shërbimet emergjente, nxënësit, komunitetin dhe vullnetarët e Kryqit të Kuq të Kosovës.

Përmes simulimit të skenarëve praktikë, pjesëmarrësit ushtruan procedurat e evakuimit, ofrimit të ndihmës së parë, reagimit emergjent dhe koordinimit operacional, duke kontribuar në forcimin e gatishmërisë dhe sigurisë së komunitetit.

Kryqi i Kuq i Kosovës mbetet i përkushtuar në ngritjen e kapaciteteve për menaxhimin e rrezikut nga fatkeqësitë, edukimin e komunitetit dhe mbështetjen e institucioneve në parandalimin, zbutjen dhe reagimin ndaj emergjencave.

Address

Enver Zymberi 24
Pristina
10000

Opening Hours

Monday 08:00 - 16:00
Tuesday 08:00 - 16:00
Wednesday 08:00 - 16:00
Thursday 08:00 - 16:00
Friday 08:00 - 16:00

Website

Alerts

Be the first to know and let us send you an email when Kryqi i Kuq i Kosovës / Red Cross of Kosova posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Kryqi i Kuq i Kosovës / Red Cross of Kosova:

Shortcuts

Share

Category