Shoqata e Qumështoreve të Kosovës

21/10/2026

PO PRA! TANI NË RADHË JANË PUNËTORËT!

Pasi që me qumështin nuk ju “doli”, tani po tentoni ta provoni fatin me punëtorët! Por as kërcënimet, as shantazhet dhe as lojërat e lodhta nuk do t’ju çojnë askund.

Të dashur palmorë, kthehuni te fermat dhe te qumështi i Kosovës, sepse e ardhmja e industrisë së qumështit është te qumështi vendor, jo te vaji i palmës!

Thuhet se rreth 200 punëtorë rrezikojnë të largohen nga puna, gjoja për shkak të ndalimit të vajit të palmës.

Pas “tepricave” të qumështit, tani po flitet edhe për “teprica” punëtorësh!

Por kush po ju ndalon të prodhoni me qumështin e fermave vendore?

Fermerët dhe punëtorët nuk e kanë fajin!

VAJI I PALMES NUK KTHEHET MĒ KURRE NĒ FABRIKAT E PĒRPUNIMIT TĒ QUMĒSHTIT.

Viktimizimi nuk duhet të përdoret si mbulesë për vazhdimin e përpunimit të vajit të palmës në kundërshtim me vendimin e Ministrisë së Bujqësisë.

Shoqata e Qumështoreve ngre shqetësimin se prodhimet me vaj palme po vazhdojënē nē mënyrë të fshehtë,Prodhohen fshehtas ne terr dhe sh*ten në treg.

Prandaj, kërkohet ndërhyrje institucionale dhe zbatim i plotë i vendimit të MB-së.

THIRRJE AUV-it!

Zbatoni vendimin e Ministrisë së Bujqësisë me përpikëri, pa kompromis dhe pa standarde të dyfishta. Siguria ushqimore, mbrojtja e konsumatorëve, mbijetesa e fermave dhe investimet vendore nuk mund të sakrifikohen për interesa të ngushta financiare.

Vendimi ekziston dhe duhet të zbatohet. Rikthimi i vajit të palmës në fabrikat e qumështit nuk duhet të jetë opsion.

Palmorë, lërini anash kërcënimet dhe shantazhet! Askush nuk ju ndalon të punoni me qumështin e Kosovës!

Bashkohuni dhe deklaroni hapur:

HEQIM DORË NGA VAJI I PALMËS PËRGJITHMONË, PËR JETË E MOT!

Ndërsa operatorët që nuk përdorin vaj palme duhet të distancohen publikisht nga kjo praktikë, sepse konsumatorët kanë të drejtë ta dinë se kush qëndron pas produkteve që blejnë.

E ARDHMJA E INDUSTRISË SË QUMËSHTIT NË KOSOVË ËSHTË QUMËSHTI VENDOR, JO VAJI I PALMËS!

20/10/2026

RASTET E KANCERIT, SËMUNDJEVE KARDIOVASKULARE DHE DIABETIT PO RRITEN. LIDHJA ME KONSUMIN E PRODUKTEVE ME VAJ PALME DUHET TË HETOHET!

Të dhënat zyrtare tregojnë për një rritje të vazhdueshme të rasteve të kancerit, sëmundjeve kardiovaskulare, diabetit dhe çrregullimeve të yndyrave në gjak.

Lidhja e mundshme ndërmjet konsumit të produkteve me vaj palme dhe këtyre sëmundjeve duhet të gjurmohet dhe të hetohet në mënyrë serioze, të pavarur dhe shkencore.

Mbi 15 vjet konsum masiv i produkteve të pakontrolluara, të prodhuara me yndyrë palme, nuk duhet të kalojnë pa hetim, pa përgjegjësi dhe pa masa ligjore, nëse konstatohen shkelje.

Produktet me vaj palme vazhdojnë të jenë të pranishme në treg, ndërsa dyshohet se shpërndarja e tyre, në një pjesë të rasteve, po bëhet në mënyrë klandestine, në të zezë.

AUV-i nuk po vepron për ndalimin e plotë të tyre, ndërsa vendimi i MB-së po zbatohet vetëm pjesërisht.

Shkelja e vendimit të MB-së po bëhet hapur, sikur të jetë harruar se ky vendim duhet të zbatohet dhe se moszbatimi i tij kërkon përgjegjësi.

Por, pse nuk po zbatohet vendimi?

Ekzistojnë tri mundësi themelore që duhet të hetohen:

1. KORRUPSIONI

2. SHANTAZHI

3. FRIKA NGA ZBATIMI I VENDIMIT

Prandaj, krahas operatorëve që prodhojnë dhe tregtojnë këto produkte, duhet të hetohet dhe të gjurmohet edhe veprimtaria e AUV-it.

Nga ana tjetër, duhet të gjurmohen dhe të marrin përgjigje edhe këto çështje:

● A i konsumojnë edhe familjarët e prodhuesve këto produkte, apo i shmangin produktet që vetë i prodhojnë?

● Nëse ata nuk i konsumojnë, atëherë lind pyetja nëse janë të vetëdijshëm për rreziqet e mundshme që mund të sjellin këto produkte.

● Nëse i konsumojnë, atëherë duhet të mbrohen edhe ata, njësoj si çdo konsumator tjetër.

AUV-i ka për detyrë të mbrojë çdo konsumator të vendit.

● A është përfitimi material arsyeja e vetme për prodhimin e këtyre produkteve, apo ekzistojnë edhe motive të tjera që duhet të hetohen?

● Pse vazhdon prodhimi i produkteve të tilla dhe pse, në raste të caktuara, tentohet të fshihet përbërja e tyre?

● A ekziston te këta prodhues përgjegjësia morale dhe njerëzore ndaj konsumatorëve?

● A e kuptojnë ata se, përveç normave ligjore, ekzistojnë edhe norma morale, njerëzore dhe etike që duhet të respektohen? Për më tepër, normat ligjore mbështeten edhe në parime themelore të drejtësisë, përgjegjësisë dhe mbrojtjes së njeriut.

● Si mund të fshihet përbërja e produkteve që konsumohen çdo ditë nga qytetarët dhe, veçanërisht, nga fëmijët e Kosovës? Me çfarë karakteri moral dhe njerëzor mund të justifikohet shpërndarja e tyre në të zezë, nëse kjo vërtetohet?

SHËNDETI I KONSUMATORËVE NUK MUND TË JETË ÇMIMI I FITIMIT TË ASKUJT!

Kërkojmë nga institucionet kompetente që t’u japin fund dyshimeve, dilemave dhe injorimit të vendimeve institucionale.

E vërteta duhet të zbardhet, konsumatorët duhet të mbrohen dhe çdo shkelje e vërtetuar duhet të ndëshkohet sipas ligjit.

PRODUKTET ME VAJ PALME NUK JANË PRODUKTE VENDORE TË QUMËSHTIT, POR MASKA QË DUHET TË BIEN!

Produktet me vaj palme nuk duhet të paraqiten si produkte vendore të qumështit në mënyrë që të krijojnë një pasqyrë të rreme për prodhimin e vërtetë të industrisë së qumështit në Kosovë.

Ato nuk duhet të përfshihen në statistikat e Ministrisë së Bujqësisë si prodhime vendore të qumështit , sepse nuk janē prodhime nga qumeshti .

Po ashtu, edhe produktet e importuara me vaj palme nuk duhet të paraqiten në statistikat e importit si produkte të qumështit.

Prodhimet me vaj palme duhet te paraqiten ne forme statistikore per te ilustruar dẽmin dhe mashtrimin .

Nuk mund të lejohet që produktet me vaj palme të shtrembërojnë të dhënat për prodhimin vendor, importin dhe gjendjen reale të industrisë së qumështit në Kosovë.

E VËRTETA DUHET TË ZBARDHET! KONSUMATORËT DUHET TË MBROHEN! ÇDO SHKELJE DUHET TË HETOHET DHE TË NDËSHKOHET SIPAS LIGJIT!

15/10/2026

PSE YNDYRA (VAJI) E PALMËS KONSIDEROHET I RREZIKSHËM PËR SHËNDETIN?

Bazuar në raportin e EFSA-së, të datës 3 maj 2016, vaji i palmës ngre shqetësime për shkak të disa substancave të dëmshme që mund të formohen gjatë përpunimit të tij në temperatura të larta.

Dy substanca, 3-MCPD dhe 2-MCPD, janë ndotës që lidhen me shqetësime të ndryshme shëndetësore, kurse esteret e glicidilit mund të çlirojnë glicidol, i cili konsiderohet gjenotoksik dhe kancerogjen.

Është shumë me rëndësi të dihet një fakt.

Ndotësit e procesit të rafinimit, përfshirë esteret e glicidilit, mund të formohen gjatë ngrohjes së vajit në temperatura të larta.
Kjo ngrohje bēhet ne temperature mbi 200 grade .
Ky proces ndodh në fabrikat e përpunimit dhe rafinimit të vajit të palmës në vendin e origjinës, e jo në fabrikat e qumështit.
Prandaj nuk eshte arsyetim te thuhet se ne fabrikat e qumeshtit vaji palmes nuk ngrohet ne temp mbi 200 grade.

Ngrohja në temperatura të larta bëhet për të larguar ngjyrën dhe aromën e vajit, në kuadër të procesit të rafinimit.

Në fabrikat e qumështit, ky vaj mund të ngrohet në temperatura rreth 60–65°C, në mënyrë që të shkrihet dhe të përzihet me përbërës të tjerë, si qumështi pluhur etj.

Pra, nëse gjatë rafinimit janë formuar ndotës të dëmshëm, ata mund të jenë të pranishëm në yndyrën e palmës që vjen nga vendi i origjinës.

Në Kosovë, vaji i palmës ka ardhur në formën e yndyrës së palmës dhe jo domosdoshmërisht në gjendje të lëngshme.

Duhet të bëhet edhe një dallim ,yndyra e palmes hidrogjenizohet me qellim tē ngurtesimit . Hidrogjenizimi është një proces i veçantë që përdoret për të ndryshuar vetitë e yndyrave.

Hidrogjenizimi i pjesshëm mund të krijojë yndyra trans, të cilat rrisin rrezikun e sëmundjeve kardiovaskulare.

Vaji i palmes me hidrogjenizim te pjesshem eshte vaji me i rrezikshem per shendetin e njeriut .

Konsumimi i tepërt i yndyrave të ngopura dhe i yndyrave trans mund të ndikojë negativisht në shëndetin e njeriut, duke rritur rrezikun e sëmundjeve të zemrës dhe enëve të gjakut, përfshirë infarktin dhe goditjen në tru. Ndër faktorët e tjerë të rëndësishëm të rrezikut përfshihen kolesteroli i lartë, tensioni i lartë i gjakut dhe diabeti i tipit 2.

Më poshtë po i rendisim disa nga artikujt dhe dëshmitë shkencore lidhur me vajin e palmës.

1. EFSA – Autoriteti Evropian i Sigurisë Ushqimore

3 maj 2016 · Burim zyrtar shkencor i Bashkimit Evropian.

Titulli: Process contaminants in vegetable oils and foods.

2. Nature – Studim shkencor mbi acidin palmitik dhe metastazat

10 nëntor 2021 · Studim i botuar në revistën Nature.

Titulli: Dietary palmitic acid promotes a prometastatic memory via Schwann cells.

3. EFSA – Raporti shkencor për glicidilin dhe 3-MCPD

Raport shkencor për ndotësit që mund të formohen gjatë përpunimit të ushqimit.

4. Rishikim shkencor – Palm Oil on the Edge

Punim që shqyrton debatin shkencor mbi vajin e palmës, ndotësit e tij dhe efektet e mundshme në shëndet.

Ndërsa më poshtë mund të gjeni studime shkencore lidhur me efektet e vajit të palmës në sëmundjet kardiovaskulare, metabolizmin e sheqerit dhe faktorë të tjerë të rrezikut shëndetësor.

Studimi 1: Konsumimi i vajit të palmës dhe rritja e LDL-kolesterolit

The Journal of Nutrition, 2015 · Meta-analizë e studimeve klinike.

Studimi 2: Vaji i palmës dhe rreziku i sëmundjeve kardiovaskulare

PLOS ONE, 2018 · Rishikim sistematik.

Burimi 3: Organizata Botërore e Shëndetësisë (OBSH)

27 shkurt 2024 · Përmbledhje e rishikimeve shkencore.

Studimi 4: The effects of palm oil on serum lipid profiles: A systematic review and meta-analysis

Rishikim sistematik dhe meta-analizë mbi efektet e vajit të palmës në profilin e yndyrave në gjak.

Studimi 5: Effects of palm oil consumption on biomarkers of glucose metabolism: A systematic review

Rishikim sistematik mbi efektet e konsumimit të vajit të palmës në treguesit e metabolizmit të glukozës.

12/10/2026

NGUSHËLLIME PËR NDARJEN NGA JETA TË YMER BERISHËS – BYLMETI

Me pikëllim të thellë morëm lajmin për ndarjen nga jeta të Ymer Berishës nga Bylmeti.

Në këto momente të rënda, familjes Berisha, të afërmve, miqve dhe të gjithë atyre që e njohën, u shprehim ngushëllimet më të sinqerta.

U prehtë në paqe dhe kujtimi për të qoftë i përjetshëm!

Ngushëllime familjes dhe të gjithë të pikëlluarve!

Me respekt
Ramadan Memaj
Kryetar i SHQK - s

12/10/2026

PO PRA! KLANI I PALMORËVE PO E PRANON PËRDORIMIN E VAJIT TË PALMËS!

Për vite të tëra na thanë se po shpifnim. Tani, kur përdorimi pranohet publikisht, na mbetet vetëm një pyetje: A DO TË KETË TURP, APO EDHE TURPI ËSHTË ZËVENDËSUAR ME VAJ PALME?!

Shoqata e Qumështoreve nuk është e befasuar. Prej vitesh kemi paralajmëruar për këtë problem. E çuditshme është se si përdorimi i vajit të palmës paraqitet si diçka krejt normale, ndërsa kërkohet rikthimi i tij pa kushte në fabrikat e qumështit!

Me sa duket, sipas palmorëve, koha e ndalimit p***a kaluar. Tani, thjesht, hapjani rrugën vajit të palmës dhe vazhdojmë sikur asgjë të mos ketë ndodhur!

Por kemi një pyetje të vogël, krejtësisht të parëndësishme për ta: A kanë edhe konsumatorët të drejtë të dinë se çfarë blejnë dhe kush kërkon rikthimin e vajit të palmës?

Shoqata beson se brenda këtij grupi ka edhe subjekte që nuk e përdorin vajin e palmës.

Por, nëse është kështu, pse heshtin?

Pse nuk deklarohen publikisht dhe nuk distancohen nga kjo kërkesë?

Apo kemi hyrë në epokën e re të transparencës, ku të gjithë flasin në emër të grupit, por askush nuk dëshiron të tregojë se kush është kush?

Sepse heshtja, në sytë e konsumatorëve, mund të krijojë përshtypjen se të gjithë janë njësoj. Dhe kjo nuk është aspak e drejtë për ata që pretendojnë se nuk e përdorin vajin e palmës.

Prandaj, Shoqata e Qumështoreve ka një propozim madhështor për grupin e palmorëve:

PREZANTONI LISTËN!

Po, pra !Një listë të thjeshtë, transparente dhe pa sekrete:

● Kush e përdor vajin e palmës?
● Kush nuk e përdor?
● Kush kërkon leje të posaçme për ta përdorur?
● Dhe, mbi të gjitha, kush po kërkon rikthimin e tij në fabrikat e qumështit?

Çfarë mund të jetë më e bukur se transparenca?

Nëse vaji i palmës qenka aq i mirë, aq i shëndetshëm dhe aq i padëmshëm, siç pretendohet, atëherë pse të mos e promovoni hapur?

Promovojeni, se kurrë nuk i dihet!

Mos e fshihni krenarinë! Publikojeni listën dhe dilni para konsumatorëve me kokën lart!

Konsumatorët edhe mund të duan diçka të tillë.

Kurrë nuk i dihet!

Madje, ekspertët e grupit mund të organizojnë edhe një fushatë informuese dhe promovuese për të na shpjeguar përse shqetësimet shëndetësore qenkan të pabazuara dhe përse kundërshtimi i përdorimit të vajit të palmës, sipas tyre, p***a të bëjë me mbrojtjen e prodhimeve të importit kundrejt atyre vendore.

Sa bukur do të ishte: një listë me emra, një deklaratë publike dhe një fushatë e fuqishme për rikthimin e vajit të palmës!

Kështu do të dëshmonit se jeni transparentë, se nuk fshihni asgjë dhe se kërkesa juaj për rikthimin e vajit të palmës është krejtësisht e ligjshme.

E pra, të dashur palmorë, mos u ndalni te fjalët!

BËJENI PUBLIKE LISTËN!

Konsumatorët meritojnë të dinë. Ata kanë të drejtë të zgjedhin me vetëdije se çfarë blejnë dhe nga kush.

Dhe, nëse jeni kaq të bindur në të mirat e vajit të palmës, atëherë nuk duhet t’ju pengojë aspak ta thoni publikisht se kush e përdor dhe kush kërkon rikthimin e tij.

Përndryshe, do të mbetet një paradoks i bukur: kërkohet me ngulm rikthimi i vajit të palmës, por mungon dëshira për të treguar se kush po e kërkon!

MOS E HUMBNI KËTË RAST!

PREZANTONI LISTËN, PROMOVONI VAJIN E PALMËS DHE MOS HARRONI:

TANI QË E PRANUAT, PYETJA NUK ËSHTË MË NËSE PËRDORET VAJI I PALMËS. PYETJA ËSHTË: KUSH DO TË MBAJË PËRGJEGJËSI PËR SHKELJEN E VENDIMEVE DHE URDHËRESAVE NË FUQI?!

09/10/2026

KORRUPSIONI I MUNDSHËM BRENDA AUV-së MUND TË JETË PROBLEMI MË I MADH I SIGURISË SË PRODUKTEVE TË QUMËSHTIT NË KOSOVË!

Korrupsioni i mundshëm brenda AUV-së mund të jetë një nga problemet më serioze për sigurinë ushqimore, mbijetesën e fermave dhe të ardhmen e fermerëve në Kosovë.

Ai mund të jetë gjithashtu një nga arsyet që duhet të hetohen për të kuptuar dështimet e mundshme të skemave të përkrahjes dhe të investimeve publike e private në industrinë e qumështit.

Produktet me vaj palme po vazhdojnë të shpërndahen: diku fshehurazi e diku hapur!

Diku nga terri në dritë, e diku ditën për diell!

Kontrollet e nisura kohë më parë dhanë rezultate premtuese dhe të prekshme, por më pas u ndërprenë.

Pse u ndërprenë kontrollet?

Kjo ndërprerje ngre dyshime serioze dhe kërkon sqarim institucional. Ndalimi i kontrolleve dhe mosveprimi i mundshëm përballë këtij skandali të pretenduar ushqimor e bëjnë të domosdoshëm hetimin e çdo dyshimi për ndikim të papërshtatshëm apo korrupsion brenda AUV-së.

Problemi i vajit të palmës në produktet e qumështit është një çështje madhore e sigurisë ushqimore, me pasoja të mundshme për konsumatorët, fermerët dhe ekonominë e vendit.

Siguria e produkteve të qumështit dhe zbatimi i masave për ndalimin e përdorimit të vajit të palmës duhet të jenë interes kombëtar!

Kërkohet hetim i pavarur!

Një hetim i pavarur, i kërkuar prej vitesh dhe dekadash nga Shoqata e Qumështoreve të Kosovës, por që, për fat të keq, ende nuk po ndodh, do të duhej të sqaronte nëse industria e qumështit është përballur me probleme serioze si pasojë e keqfunksionimit institucional apo korrupsionit të mundshëm brenda AUV-së.

Një hetim i tillë duhet të përcaktojë nëse konsumatorët e Kosovës janë ekspozuar për dekada ndaj produkteve potencialisht të pasigurta për shëndetin e tyre dhe nëse kjo ka ndodhur për shkak të dështimeve në kontrollin institucional.

Po ashtu, duhet të shqyrtohet nëse ekziston ndonjë lidhje e dokumentuar ndërmjet problemeve të sigurisë ushqimore dhe rritjes së sëmundshmërisë në Kosovë. Çdo përfundim i tillë duhet të mbështetet në prova shkencore dhe hetime profesionale.

Një hetim i pavarur duhet të verifikojë gjithashtu nëse fëmijët tanë kanë konsumuar produkte që përmbajnë vaj palme në vend të përbërësve të qumështit që konsumatorët presin të marrin, si dhe nëse ka pasur dështime institucionale apo shkelje që kanë mundësuar një gjë të tillë.

Duhet të hetohet edhe nëse qindra miliona euro, e ndoshta edhe më shumë, të investuara nga sektori publik dhe privat në industrinë e qumështit kanë arritur rezultatet e pritshme. Nëse jo, duhet të përcaktohet nëse dëmet janë shkaktuar nga neglizhenca, keqmenaxhimi apo korrupsioni i mundshëm.

Një hetim i tillë duhet të përcaktojë edhe dëmin që mund t’i jetë shkaktuar buxhetit të shtetit nga manipulimet, mashtrimet e mundshme dhe dështimet në kontrollin e produkteve ushqimore.

Kosova ka të drejtë të dijë se sa i është dëmtuar ekonomia dhe interesi publik nga çdo dështim eventual institucional apo korrupsion i mundshëm brenda AUV-së.

Kush mban përgjegjësi për sigurinë ushqimore?

Një hetim i pavarur duhet të verifikojë edhe vërtetësinë dhe kontekstin e deklaratave të ish-krerëve të AUV-së, të transmetuara në mediat publike në vitin 2017, të cilat, sipas pretendimeve të ngritura, përfshinin pohime të tilla si:

● “AUV-i nuk mban përgjegjësi për shëndetin publik.”

● “Prodhuesit vendorë nuk janë të çmendur të përdorin vajin e palmës në masë të madhe.”

Ndërkohë, sipas pretendimeve të ngritura, rezultatet e analizave të disa produkteve kanë treguar përmbajtje të vajit të palmës edhe mbi 40% në produkte të sh*tura si “gjizë”.

A janë të sakta këto deklarata? Çfarë tregojnë dokumentet dhe rezultatet e analizave? Kush mban përgjegjësi për sigurinë ushqimore dhe mbrojtjen e shëndetit publik në Kosovë?

KONSUMATORĒT DHE FERMERET NUK KANE TJETĒR INSTITUCION KREDIBIL QĒ I MBRON !

Nēse kjo hallkē dēshton tē na mbrojē ,praktikisht jemi tē rrezikuar ne çdo aspekt .

Prandaj Prokuroria e Shtetit duhet tē hetoj ,sepse ky ēshte njē skandal i madh.

Një hetim i pavarur duhet të tregojë nëse sot Kosova ka një agjenci kredibile, profesionale dhe me kapacitetet e nevojshme për ta përmbushur misionin e saj dhe për t’i mbrojtur konsumatorët e prodhuesit vendorë.

Nëse konstatohen mangësi serioze dhe të vazhdueshme, duhet të shqyrtohet edhe nëse nevojiten reforma të thella institucionale apo një model tjetër organizimi që garanton pavarësi, profesionalizëm dhe llogaridhënie.

Shëndeti i qytetarëve nuk mund të lihet në mëshirën e papërgjegjshmërisë!

Shëndeti i qytetarëve, e ardhmja e fermerëve dhe mbrojtja e investimeve private e publike nuk mund të qëndrojnë mbi themele të kalbura nga papërgjegjshmëria dhe korrupsioni i mundshëm.

Për përfitime të paligjshme, nuk mund të rrezikohen interesat madhore të një populli që ka vuajtur shumë dhe që meriton institucione të përgjegjshme.

Na duhen institucione që na mbrojnë pa hezitim dhe pa kompromis nga shkeljet. Institucione që e konsiderojnë mbrojtjen e qytetarëve, shëndetit publik dhe interesit shtetëror detyrim dhe nder.

Këto nuk janë pyetje politike. Janë çështje të sigurisë ushqimore, të shëndetit publik, të mbrojtjes së fermerëve dhe të interesit shtetëror.

Ato kërkojnë hetim të pavarur, prova, transparencë dhe përgjegjësi.

Kthimi prapa rrezikon tē shemb gjithqka qẽ ka mbetur ,dēmi ekonomik edhe mund tẽ riparaohet por ai shẽndetẽsor kurrẽ .

Kjo nuk ēshtẽ njẽ loj,por e vẽtteta e hidhur 15 vjeqare e dēshtimit institucional .

Ajo çfarẽ ka ndodhur duhet tẽ jet mẽsim qẽ nuk duhet pẽrsẽritur asnjeher .

Nëse nuk ka asgjë për t’u fshehur, atëherë një hetim i pavarur duhet të mirëpritet

08/10/2026

FERMERËT PARALAJMËROJNË PROTESTA ME MJETE BUJQËSORE PARA FABRIKAVE QË REFUZOJNË PAGESËN E QUMËSHTIT!

Fermerët paralajmërojnë protesta me mjete bujqësore para fabrikave që refuzojnë ose vonojnë pagesën e qumështit.

Shoqata e Qumështoreve, prej një kohe të gjatë, u ka bërë thirrje operatorëve të biznesit që t’i përmbushin obligimet dhe ta paguajnë qumështin e fermerëve.

Pa pagesën e qumështit, fermerët e kanë të pamundur të vazhdojnë veprimtarinë dhe të përballojnë shpenzimet e fermave të tyre.

QUMËSHTI TË PAGUHET ME URGJENCË!

KOHA ËSHTË TANI!

L A J M Ë R I M

INICIATIVË E FERMERËVE PËR TË PROTESTUAR

Për shkak të pamundësisë për të pritur më gjatë dhe për shkak të gjendjes së rënduar financiare, pamundësisë për të mbuluar shpenzimet dhe obligimet e fermës, fermerët, në mënyrë të organizuar dhe masive, do të protestojnë para fabrikave të cilat nuk po na përgjigjen në thirrjet tona të vazhdueshme për pagesën e qumështit të pranuar.

Fillimisht, ju bëjmë me dije dhe njoftojmë disa përpunues të qumështit — të cilëve, për hir të bashkëpunimit të gjatë, kësaj here nuk do t’ua përmendim emrat, por të cilët e dinë shumë mirë se për kë bëhet fjalë — se është formuar një grup nismëtar i fermerëve për organizimin e një proteste, fillimisht njëditore, para fabrikave të tyre.

Kjo protestë ka një qëllim dhe një shkak të vetëm: MOSPAGESAT E QUMËSHTIT PËR DISA MUAJ, konkretisht vonesat e pagesave që, në disa raste, kanë arritur deri në 7 muaj.

Për organizimin e protestës do të njoftohen paraprakisht organet kompetente të rendit në komunat përkatëse ku veprojnë këta përpunues, si dhe mediat. Njëkohësisht, ftojmë të gjithë fermerët nga të gjitha anët e Kosovës që t’i bashkohen kësaj proteste, pa dallim.

Kjo iniciativë është ndërmarrë nga vetë fermerët, për shkak të vonesave ekstreme në pagesën e qumështit. Protesta nuk është e dëshiruar nga fermerët, por është bërë e domosdoshme, pasi kërkesat dhe thirrjet e tyre të vazhdueshme po hasin në vesh të shurdhër.

Përpunuesit kanë obligim t’i përmbushin detyrimet e tyre ndaj fermerëve, përfshirë edhe detyrimet e përcaktuara me kontrata. Megjithatë, thirrjeve të vazhdueshme dhe kërkesave të fermerëve për pagesën e qumështit të dorëzuar nuk po u jepet përgjigje e mjaftueshme.

Fermerët janë lodhur dhe demoralizuar nga kjo pritje pa fund.

Ata nuk po mund të përballojnë shpenzimet elementare të fermave dhe familjeve të tyre: karburantin, këstet e kredive, ushqimin për kafshët, mirëmbajtjen e fermave dhe shpenzimet e përditshme familjare.

Ndërkohë, është e papranueshme që paratë e fermerëve të mbeten të papaguara për muaj të tërë, ndërsa bizneset vazhdojnë të bëjnë investime dhe të zhvillojnë aktivitete të tjera.

Nuk mund të investohet dhe të bëhet biznes me paratë e fermerëve, ndërkohë që fermerët presin me muaj për pagesën e qumështit të tyre.

Nëse një biznes i përmbush me kohë obligimet ndaj fermerëve, investimet dhe zhvillimi i tij janë çështje tjetër. Por lënia e qumështit të fermerëve pa pagesë për muaj të tërë, ndërkohë që vazhdojnë shpenzimet dhe investimet e tjera, është e papranueshme dhe bie ndesh me çdo parim të përgjegjësisë dhe korrektësisë në marrëdhëniet afariste.

PROTESTA DO TË ORGANIZOHET PARA FABRIKAVE TË PËRPUNUESVE TË QUMËSHTIT

Fermerët do të marrin pjesë me mjetet e tyre të punës, përfshirë kamionë, traktorë dhe pajisje të tjera bujqësore.

Për ditën, orën dhe lokacionet e sakta të protestës do të njoftohen me kohë të gjithë fermerët, ndërsa bëjmë apel për pjesëmarrje sa më masive.

Kjo çështje nuk mund të negociohet dhe as të shtyhet më tej.

Fermerët kanë kërkuar, kanë pritur dhe kanë apeluar vazhdimisht. Tashmë, sipas tyre, nuk ka mbetur rrugë tjetër përveç veprimit përmes protestës.

Kjo është një iniciativë e fermerëve për të kërkuar vetëm atë që u takon: pagesën me kohë të qumështit që e kanë dorëzuar.

Nga Këshilli Organizativ, i përbërë nga 23 fermerë.

Nënshkrimet dhe zotimet e anëtarëve të Këshillit Organizativ mbahen nga personi përgjegjës i caktuar nga grupi i gjerë i fermerëve.

03/10/2026

TË HETOHET AUV-I!

KU PËRFUNDUAN PRODUKTET E TËRHEQURA NGA TREGU?

Kanë kaluar muaj nga vendimi i Ministrisë së Bujqësisë për ndalimin e prodhimit të produkteve me vaj palme.

Megjithatë, zbatimi i masave dhe urdhëresave për tërheqjen e këtyre produkteve nga tregu kërkon verifikim të plotë dhe transparent.

Nëse produktet janë urdhëruar të tërhiqen nga raftet, atëherë duhet të dihet qartë:

● Sa produkte janë tërhequr?

● Sa ka qenë sasia totale e tyre?

● Ku janë dërguar dhe cili ka qenë destinacioni përfundimtar?

● A janë asgjësuar apo janë kthyer te prodhuesit?

● A ka prova dokumentare për çdo kilogram të produktit të tërhequr?

● A ka pasur raste të rikthimit të tyre në treg?

Çfarë po ndodhë me gastronominë?

Si po lejohet vazhdimi i mashtrimit në minimarkete, furra, restorante dhe lokale të tjera?

Nëse produkte të ndaluara kanë vazhduar të sh*ten, duhet të gjurmohet i gjithë zinxhiri: nga prodhuesi, te distributori, te pika e sh*tjes dhe deri te konsumatori.

PSE NUK KA TRANSPARENCË TË PLOTË PËR DESTINACIONIN E PRODUKTEVE TË TËRHEQURA?

Nëse ekzistojnë dyshime për sabotim të zbatimit të vendimeve, ndikim të paligjshëm, korrupsion apo shantazh, këto nuk duhet të mbeten vetëm në nivelin e dyshimeve.

Duhet hetim.

Një hetim i pavarur dhe i paanshëm duhet të përcaktojë nëse ka pasur shkelje, kush ka dështuar në zbatimin e vendimeve dhe nëse ndonjë produkt i ndaluar është rikthyer në treg.

TË PËRFSHIHET EDHE ATK-ja!

ATK-ja duhet të përfshihet në këtë proces, duke verifikuar dokumentacionin fiskal, faturat dhe qarkullimin e operatorëve ekonomikë. Kjo do të ndihmonte të përcaktohej nëse produktet që duhej të ishin tërhequr kanë vazhduar të sh*ten dhe nëse ka pasur shkelje të detyrimeve ligjore e fiskale.

Kjo nuk është vetëm çështje e një institucioni.

Është çështje e zbatimit të ligjit, sigurisë së konsumatorit, konkurrencës së ndershme dhe mbrojtjes së fermerëve.

SHQK kërkon transparencë të plotë dhe përgjegjësi institucionale.

Kërkojmë që të gjurmohet çdo produkt i tërhequr nga tregu.

Kërkojmë që të hetohet çdo dyshim për rikthimin e produkteve të ndaluara në treg.

Kërkojmë që vendimet e shtetit të zbatohen dhe të mos mbeten vetëm në letër.

NGA TERRI NË DRITË — TË DALË E VËRTETA!

HETIM. TRANSPARENCË. PËRGJEGJËSI.

29/09/2026

FERMAT DUHET TË MBROHEN NGA FALIMENTIMI!

PĒRDORUESIT E VAJIT TĒ PALMES TẼ MOS MBROHEN NGA ASKUSH ,SEPSE BĒHEN BASHKPJESMARRĒS TE SHKATRRIMIT.

VAJI I PALMES NUK ĒSHTĒ PĒR DEBAT POLITIK .

Vetëm gjatë dy ditëve të fundit pika grumbulluesene ne fshatin Mleqan - Malisheve është detyruar të ndërpresë bashkëpunimin dhe të shkëpusë marrëveshjen për furnizim me qumësht me 14 fermer , për shkak të vonesave të mëdha në pagesa.

Pra, 14 fermerë nuk mund ta shesin qumështin e tyre, jo sepse nuk ka treg, jo sepse çmimi është i ulët, por sepse pagesat për qumështin e dorëzuar po vonohen deri në 6 muaj.

Pikat grumbulluese, duke qenë në mes të përpunuesit dhe prodhuesit – fermerit – janë ngarkuar drejtpërdrejt me borxhe dhe detyrime, pa qenë fajtore për krijimin e kësaj situate.

Prodhuesit e qumështit – fermerët dhe pikat grumbulluese – nuk duhet të bëhen viktima të papërgjegjshmërisë dhe abuzimit në treg.

Përdorimi i vajit të palmës në produktet e qumështit ka dëmtuar rëndë zinxhirin e prodhimit vendor të qumështit dhe ka vënë në vështirësi të mëdha mijëra fermerë.

Gjithë dëmi është bërë për interesa financiare të pak personave.

Një shtet i tërë është marrë peng, është mashtruar dhe dëmtuar.

Ky është momenti i ndaljes. Askush nuk duhet të paguajë me shëndet, me mbyllje të fermave, me falimentim dhe me dëmtim të rëndë financiar.

Nuk ka pse të triumfojë e keqja mbi të mirën. Për më tepër, nuk duhet kurrë ta pranojmë me dorën tonë.

Në të njëjtën kohë, konsumatorët janë përballur me produkte që janë paraqitur apo maskuar në mënyrë që të krijohet një perceptim i gabuar për përbërjen e tyre, një mashtrim me përmasa të mëdha.

Së paku, mbi 15 vite ka zgjatur mashtrimi.

Kjo situatë ka dëmtuar fermerët, konsumatorët dhe vetë industrinë e qumështit, ndërsa rrezikon të zhvlerësojë edhe qindra miliona euro investime publike dhe private të bëra ndër vite në këtë sektor.

Fermerët janë zhytur në borxhe, kredi dhe obligime, ndërsa një pjesë e përpunuesve vazhdojnë të kërkojnë rikthimin e vajit të palmës.

Siç po duket, nuk ka reflektim dhe vetëdijesim.

Nuk ka kërkim falje dhe as pendim.

Po, ka rezistencë. Duan të kthehen në të kaluarën, duan rikthimin e vajit në fabrikat e tyre dhe të vazhdojnë mashtrimin, abuzimin dhe dëmtimin.

Duan shkatërrimin e përmasave të gjera, me të vetmin qëllim: të fitojnë PARA!?

Por fitimin dhe paratë nuk i duan duke punuar me qumësht, por me vaj palme, sepse:

Fitimi më i madh, më i lehtë, më i shpejtë.

Po pra!

Dëmi nuk ka rëndësi!?

Por, JO!

Kjo nuk mund të jetë zgjidhja.

Zgjidhja është një treg i rregullt, transparent dhe i kontrolluar, ku qumështi i fermerit grumbullohet, përpunohet dhe paguhet në kohë.

FERMERËT NUK MUND TË FALIMENTOHEN DUKE PRITUR PAGESËN E QUMËSHTIT!

KONSUMATORËT NUK MUND TË MASHTROHEN DHE TË PAGUAJNË EDHE ME SHËNDET!

DËMI EKONOMIK DHE FINANCIAR NUK MUND TË VAZHDOJË PO ASHTU!

Shteti duhet të mbrojë fermerin, prodhuesin vendor dhe konsumatorin, ASHTU SIÇ KA FILLUAR TĒ SHKOJ DERI NĒ FUND .

Përgjegjësia për detyrimet ndaj fermerëve duhet të jetë e qartë dhe pagesat për qumështin e dorëzuar duhet të kryhen në kohë.

26/09/2026

FERMERËT NUK MUND TË FALIMENTOJNĒ DUKE PRITUR PAGESËN E QUMËSHTIT!

● QUMËSHTI PO GRUMBULLOHET.

● NUK RAPORTOHEN REDUKTIME.

● ÇMIMI ËSHTË RIKTHYER.

POR KA VONESA SHUMË TË MËDHA NË PAGESA – JO TEK TË GJITHË.

MOSPAGESA E QUMËSHTIT MUND TË ÇOJË NË FALIMENTIMIN E FERMAVE!

THIRRJE PËRPUNUESVE:

PAGUANI OBLIGIMET NDAJ FERMERËVE!

Qindra, e ndoshta mijëra fermerë, po përballen me vonesa të jashtëzakonshme në pagesën e qumështit që tashmë e kanë dorëzuar.

Në disa raste, sipas njoftimeve të fermerëve, vonesat kanë arritur deri në 6 muaj. Ka fermerë që thonë se nuk janë paguar për qumështin e dorëzuar që nga muaji mars.

Dhe më shqetësuesja është se shumë prej tyre nuk kanë as informacion të qartë se kur do t’i marrin paratë e tyre.

KJO NUK MUND TË NORMALIZOHET!

Fermeri nuk mund të prodhojë qumësht, ta dorëzojë atë dhe pastaj të presë me muaj për pagesën.

Sot fermerët kanë nevojë për para për mbjelljet vjeshtore, ushqimin e kafshëve, karburantin, pagat dhe shpenzimet e fermës.

Në një kohë kur kostoja e prodhimit është kaq e lartë, vonesa e pagesave e vendos fermerin në një pozitë jashtëzakonisht të vështirë financiare.

Nuk mjafton vetëm grumbullimi i qumështit.
Nuk mjafton vetëm rikthimi i çmimit.
QUMËSHTI I DORËZUAR DUHET TË PAGUHET!

Një fermer që nuk paguhet për muaj të tërë rrezikon të mos ketë më mundësi të vazhdojë prodhimin.

PËRPUNUESIT DUHET TA KUPTOJNË:

Në momentin që fermeri e dorëzon qumështin, ai e ka kryer detyrimin e tij.

Fermeri nuk duhet të bartë pasojat e problemeve financiare, menaxheriale apo të tregut të përpunuesit.

Fermeri nuk duhet të ndëshkohet pse ka punuar dhe e ka dorëzuar qumështin!

VAJI I PALMËS NUK KTHEHET MË NË FABRIKAT E PËRPUNIMIT TË QUMËSHTIT!

PRITJET JANË TË KOTA!

Tregu është i hapur për qumështin e fermave vendore.

SIGURIA USHQIMORE DO TË JETË PRIORITET KOMBËTAR DHE QEVERITAR.

NDËSHKIMI I FERMERËVE DUHET TË MARRË FUND!

THIRRJE MINISTRISË SË BUJQËSISË DHE AUV-së

Kërkojmë që institucionet përgjegjëse të reagojnë dhe të ndërmarrin masat që lejon ligji:

● Të kontrollohen dhe të ndalen plotesisht produktet KLANDESTINE te paligjshme me vaj palme.

● Për operatorët që kanë detyrime shumē tē mēdha tē papaguara ndaj fermerëve, të ndërmerren masat ligjore dhe administrative, përfshirë edhe PEZULLIMIN e përkohshëm të licencave.

● Të shqyrtohet mundësia që operatorët me detyrime të papaguara ndaj fermerëve të mos përfitojnë nga grantet dhe subvencionet publike, dhe nga asnje institucion financiar në përputhje me kriteret dhe ligjin në fuqi.

● Ministria e Bujqësisë të ofrojë mbështetje juridike dhe institucionale për fermerët, në mënyrë që ata të mund të realizojnë inkasimin e mjeteve të papaguara.

Prodhimi vendor dhe siguria ushqimore te mbrohen me ç’do çmim.

MOS E LINI FERMERIN TË PRESË!

Ai kërkon pagesën për qumështin që ka prodhuar dhe dorëzuar.

Pa fermerë nuk ka qumësht vendor.
Pa qumësht vendor nuk ka industri vendore tē qumēshtit.

QUMËSHTI ËSHTË DORËZUAR.

TANI DUHET TË PAGUHET!