Shoqata e Qumështoreve të Kosovës

20/08/2026

QUMËSHTI DUHET TË KONKUROJË ME QUMËSHT — JO ME VAJ PALME!

Qumeshti vendor po rikthehet — tani duhet të mbrohet nga zëvendësimi me vaj palme dhe qumësht pluhur

Sot kemi një situatë dukshëm më të mirë në sektorin e qumështit: i gjithë qumështi vendor po grumbullohet, kërkesa është e lartë dhe çmimi i qumështit te fermeri është rikuperuar në nivelin më të lartë të këtij viti.

Kjo është një kthesë e rëndësishme pas një periudhe të vështirë për fermerët tanë. Megjithatë, ende mbeten probleme me vonesat në pagesa ndaj disa fermerëve dhe kjo duhet të rregullohet. Fermeri jo vetëm duhet ta ketë të garantuar grumbullimin e qumështit, por duhet të paguhet drejt dhe në kohë për çdo litër që dorëzon.

Duhet ta themi qartë edhe çfarë e dëmtoi këtë sektor. Vaji i palmës dhe qumështi pluhur janë produkte të importuara. Kur ato përdoren si zëvendësues të qumështit të freskët, zvogëlojnë kërkesën për qumështin e fermerëve tanë dhe ushtrojnë presion të drejtpërdrejtë mbi çmimin e tij. Në fund, fermeri vendor humb tregun përballë një lënde të parë të importuar, më të lirë, e cila zëvendëson qumështin e prodhuar në Kosovë.

Prandaj, rikuperimi që po shohim sot nuk duhet të jetë i përkohshëm. Duhet të ndërtojmë rregulla që e mbrojnë në mënyrë afatgjatë fermerin, përpunuesin korrekt dhe konsumatorin.

Qeveria e Republikës së Kosovës, Ministria e Bujqësisë dhe Ministria e Industrisë, Ndërmarrësisë dhe Tregtisë duhet të ndërmarrin një paketë të koordinuar masash për mbrojtjen e sektorit vendor të qumështit.

Së pari, duhet të ndalohet përdorimi i vajit të palmës si zëvendësues i yndyrës së qumështit në produktet që prodhohen dhe tregtohen si qumësht apo produkte të qumështit. Nuk ka arsye që një sektor i ndërtuar mbi punën dhe investimet e mijëra fermerëve vendorë të dobësohet për t'i hapur treg një lënde të parë të importuar.

Së dyti, duhet të rritet ngarkesa fiskale, përfshirë akcizën aty ku krijohet baza përkatëse ligjore, për qumështin pluhur dhe hirrën pluhur të importuar që përdoren si zëvendësues të qumështit të freskët. Nuk duhet të jetë ekonomikisht më e leverdishme të importosh pluhur dhe të zëvendësosh qumështin sesa ta grumbullosh qumështin e freskët nga fermerët e Kosovës.

Së treti, duhet të ndalohet importimi dhe vendosja në treg si “qumësht” apo “produkt i qumështit” e produkteve të huaja në të cilat yndyra e qumështit është zëvendësuar me vaj palme apo yndyra të tjera bimore. Produktet me yndyrë bimore duhet të identifikohen, kategorizohen dhe etiketohen qartë si të tilla. Ato nuk duhet të futen në treg dhe të konkurrojnë me produktet e mirëfillta të qumështit duke përdorur emërtimin, prezantimin apo kategorinë e rezervuar për produktet e qumështit.

Së katërti, Administrata Tatimore e Kosovës duhet të zhvillojë një verifikim të posaçëm tatimor për të shqyrtuar dyshimet nëse produkte të prodhuara me vaj palme apo yndyra të tjera bimore janë deklaruar, faturuar ose raportuar si qumësht apo produkte të qumështit dhe, rrjedhimisht, kanë përfituar në mënyrë të padrejtë nga norma e reduktuar e TVSH-së që zbatohet për qumështin. Nëse konstatohen raste të tilla, duhet të përcaktohen detyrimet shtesë tatimore, përgjegjësitë përkatëse dhe, kur plotësohen kushtet ligjore, rastet t'u referohen organeve kompetente.

Krahas këtyre masave, duhet të garantojmë kontrata të rregullta ndërmjet fermerëve dhe përpunuesve, afate të qarta të pagesës, transparencë në çmim dhe mbikëqyrje të vazhdueshme të tregut. Nuk mjafton që qumështi të grumbullohet sot; duhet të krijojmë kushtet që fermeri të ketë siguri se qumështi i tij do të ketë treg edhe nesër.

Këto masa nuk janë kundër tregtisë apo konkurrencës. Përkundrazi, janë masa për konkurrencë të drejtë, mbrojtje të konsumatorit dhe mbrojtje të prodhimit vendor.

Qumështi duhet të konkurrojë me qumësht. Një produkt ku yndyra e qumështit është zëvendësuar me vaj palme nuk duhet të paraqitet dhe të trajtohet në treg sikur të ishte produkt i mirëfilltë i qumështit.

Fermeri kosovar investon në fermë, bagëti, ushqim, pajisje, higjienë dhe cilësi. Përpunuesi vendor investon në kapacitete dhe punësim. Konsumatori paguan duke besuar se po blen atë që shkruan në produkt. Ky zinxhir duhet të mbrohet nga konkurrenca e padrejtë dhe nga zëvendësimi i qumështit vendor me lëndë të para të importuara.

Qumësht vendor. Përpunim vendor. Konsum vendor.

Kjo është mënyra për ta mbajtur vlerën brenda Kosovës — nga ferma, te përpunuesi dhe deri te konsumatori.

Qumështi duhet të konkurrojë me qumësht — jo me vaj palme të importuar të paraqitur si produkt qumështi.

Shoqata e Qumështoreve të Kosovës është organizatë joqeveritare, e cila përfaqson sektorin e qumështit në Kosovë

18/08/2026

THIRRJE DHE NJOFTIM PËR OPINIONIN PUBLIK

Nga informacionet që vijnë nga terreni, jemi njoftuar se në raste të ndryshme ka refuzim të pranimit dhe grumbullimit të qumështit nga fermerët, me pretekste të ndryshme.

Këto refuzime po perceptohen si shenjë hakmarrjeje ndaj veprimeve dhe vendimeve të ndërmarra nga AUV-i, MB-ja dhe MTI-ja gjatë ditëve të fundit, lidhur me produktet që përmbajnë vaj palme dhe qumësht pluhur.

Shoqata e Qumështoreve, pikat grumbulluese të qumështit dhe, në përgjithësi, fermerët e Kosovës u bëjnë thirrje përpunuesve të qumështit që të ndalojnë veprime të tilla dhe të vazhdojnë normalisht grumbullimin e qumështit nga fermerët.

Vaji i palmës dhe qumështi pluhur nuk do të kthehen më kurrë në fabrikat e përpunimit të qumështit.

Nuk do të lejohet që të luhet më me dinjitetin e konsumatorëve dhe me të drejtën e tyre për të konsumuar produkte të sigurta dhe të deklaruara qartë.

Dëmi që u është shkaktuar konsumatorëve, fermerëve, buxhetit të shtetit dhe investimeve të fermerëve nuk duhet të lejohet të vazhdojë më në të ardhmen.

Shteti i Kosovës ka filluar të kryejë punën që është dashur të bëhej shumë kohë më parë.

Por le të jetë e qartë për të gjithë: puna ende nuk ka përfunduar, pavarësisht aksioneve dhe veprimeve të ndërmarra deri tani.

Prandaj, u bëjmë thirrje të gjitha institucioneve përgjegjëse që të mos ketë asnjë lloj hezitimi apo tolerance. Ligji duhet të veprojë. Konsumatorët dhe fermerët duhet të mbrohen me çdo çmim dhe me çdo kusht.

Asnjë grup interesi, i madh apo i vogël, nuk duhet të lejohet të dalë mbi interesat e shtetit, konsumatorëve dhe fermerëve.

Kompromis me shëndetin e konsumatorëve dhe me të ardhmen e fermerëve nuk duhet të ketë.

Prandaj kërkojmë që masat të jenë të plota, të qarta dhe efektive. Vetëm duke vepruar drejt, me vendosmëri dhe me përgjegjësi mund të zgjidhen problemet e krijuara ndër vite.

Kërkojmë mirëkuptimin dhe kontributin e të gjithëve në këtë vend, pa dallim.

Çështja e vajit të palmës dhe qumështit pluhur prek secilin prej nesh. Është një çështje që lidhet drejtpërdrejt me konsumatorët, fermerët, industrinë vendore dhe të ardhmen e vendit.

Gjendja është emergjente, sepse po tentohet të imponohet një krizë artificiale. Qëllimi, sipas shqetësimeve që po vijnë nga terreni, është komprometimi i vendimeve të organeve përgjegjëse, në mënyrë që të imponohet rikthimi i vajit të palmës dhe qumështit pluhur në fabrikat e përpunimit të qumështit.

Shteti i Kosovës dhe qytetarët e këtij vendi nuk duhet të lejojnë kurrë më që diçka e tillë të ndodhë.

Sepse kjo nuk do të thotë vetëm dëmtim i tregut. Do të thotë rrezik për prodhimin vendor, goditje ndaj fermerëve dhe humbje e besimit të konsumatorëve. Do të thotë vuajtje, mbyllje të fermave dhe degradim të një sektori të tërë.

Mjaft jemi dëmtuar për dekada me radhë. Nuk duhet të presim edhe dekada të tjera për të kuptuar një fakt të thjeshtë:

Nuk na duhet ushqimi që dëmton shëndetin, na mbyll fermat, dobëson prodhimin vendor dhe rrezikon të ardhmen e fëmijëve tanë.

Tani është koha për vendime të qarta, zbatim të ligjit dhe mbrojtje të interesit publik.

Kosova ka nevojë për ushqim të sigurt, fermerë të mbrojtur, prodhim vendor të fuqishëm dhe një të ardhme më të mirë për brezat që vijnë

16/08/2026

100 MILIONË KG QUMËSHT MË TEPËR!

Zëvendësimi i produkteve të prodhuara me vaj palme dhe qumësht pluhur me produkte të bazuara në qumështin vendor do të krijonte hapësirë brenda tregut ekzistues edhe për rreth 100 milionë kilogramë qumësht shtesë nga fermat vendore.

Produktet e prodhuara me vaj palme dhe qumësht pluhur , si të tilla, nuk përfaqësojnë prodhimin vendor të qumështit.

Vaji i palmës kryesisht importohet nga vende si Malajzia dhe Indonezia, ndërsa qumështi pluhur importohet nga vende të ndryshme.

Përdorimi i tyre nuk kontribuon në:

- rritjen e sipërfaqeve të tokës së punuar;

- rritjen e numrit të vendeve të punës në fermat vendore;

- rritjen e prodhimit vendor të qumështit;

- rritjen e të hyrave përgjatë zinxhirit vendor të prodhimit;

- rritjen e numrit të lopëve qumështore;

- rritjen e prodhimit të mish*t.

Përkundrazi, një model i tillë mund të ndikojë drejtpërdrejt në dobësimin dhe shkatërrimin e fermave vendore, në zvogëlimin e punësimit dhe në pengimin e zhvillimit të qëndrueshëm të bujqësisë dhe blegtorisë.

Dhe, sigurisht, pasojat më të rëndësishme lidhen me konsumatorin dhe sigurinë ushqimore.

PRANDAJ:

Ndalimi me ligj i përdorimit të vajit të palmës dhe qumështit pluhur në produktet e qumështit do të krijonte mundësi të mëdha për zhvillimin e industrisë së qumështit në Kosovë.

Në mënyrë pothuajse të drejtpërdrejtë, kjo do të hapte një perspektivë të re për zhvillimin e industrisë vendore dhe për rritjen e kërkesës për qumështin e fermerëve të Kosovës.

Bazuar në vlerësimet mbi importin e vajit të palmës dhe produkteve që përmbajnë vaj palme, zëvendësimi i tyre me lëndë të parë vendore mund të krijonte potencial për rritjen e prodhimit vendor me të paktën 100 milionë kilogramë qumësht në vit.

Nëse prodhimi aktual vendor vlerësohet në rreth 70–80 milionë kilogramë në vit, atëherë kjo rritje do të mund ta çonte prodhimin në mbi 170–180 milionë kilogramë në vit – pra, potencialisht më shumë se dyfishimin e prodhimit aktual.

KOSOVËS I DUHEN 380 MILIONË KG QUMËSHT NË VIT

Kosovës i nevojiten rreth 380 milionë kilogramë qumësht në vit për të plotësuar nevojat e tregut të saj.

Ky objektiv mund të synohet të arrihet brenda një periudhe pesëvjeçare. Në këtë mënyrë, Kosova do të krijonte mundësi reale për ta zvogëluar ndjeshëm varësinë nga importi dhe për të ndërtuar një industri të qumështit të mbështetur kryesisht në prodhimin vendor.

Prodhimi i 380 milionë kilogramëve qumësht nga fermat vendore do të krijonte kushte që vlera e eksporteve dhe importeve të produkteve të qumështit të afrohej ndjeshëm, duke e forcuar pozitën e prodhimit vendor në treg.

Zëvendësimi i produkteve me vaj palme dhe qumësht pluhur mund të krijojë rreth 100 milionë kilogramë prodhim shtesë, ndërsa arritja e vetëmbulimit të plotë të nevojave të tregut do të kërkonte edhe rreth 200 milionë kilogramë të tjerë.

Ne mund ta rrisim prodhimin vendor në 180–200 milionë kilogramë qumësht brenda një periudhe prej tre vitesh, nëse krijohen politika të qëndrueshme dhe skema të përshtatshme mbështetëse për fermerët.

SI NDIKON DHE SI DO TË BËHEJ KJO RRITJE?

Rritja prej 100 milionë kilogramësh qumësht në vit mund të synohet të realizohet brenda tri viteve të ardhshme.

Fermerët ekzistues mund të organizohen dhe të mbështeten më lehtë dhe më shpejt. Ata tashmë kanë njohuri bazike dhe të avancuara për prodhimin cilësor të qumështit dhe për mënyrat e duhura të ushqimit dhe mbajtjes së bagëtive.

Kësaj baze fermerësh mund t’i bashkohen edhe fermerë nga diaspora, të cilët mund të investojnë në ferma moderne dhe në teknologji të reja të prodhimit.

Kombinimi i këtyre dy faktorëve, së bashku me hapjen e fermave të reja, do të mundësonte që industria e qumështit të përjetonte një zhvillim të madh në një periudhë relativisht të shkurtër.

Një numër i madh fermerësh, me investime të arsyeshme dhe sidomos me një program të mirëfilltë qeveritar, ku skemat e përkrahjes do të ndryshonin në aspektin cilësor dhe do të orientoheshin drejt rritjes së prodhimit, mund të japin rezultate të dukshme në kohë rekord.

SI DO TË NDIKONTE RRITJA PREJ 100 MILIONË KG NË VIT?

Një rritje prej 100 milionë kilogramësh qumësht në vit do të mund të sillte:

- rreth 12,500 vende të reja pune;

- rreth 22,500 lopë qumështore më shumë;

- rreth 30,000 hektarë tokë të punuar më shumë;

- rreth 15 milionë kilogramë mish më shumẽ

- rikthimin e besimit të konsumatorëve në prodhimin vendor;

- forcimin e sigurisë ushqimore dhe të kontrollit të produkteve;

- krijimin e kushteve për eksport të qëndrueshëm të produkteve vendore.

Ndërsa arritja e prodhimit prej 380 milionë kilogramësh qumësht në vit do të mund të sillte një efekt shumë më të madh në të gjithë zinxhirin e bujqësisë dhe blegtorisë.

Përfitimi do të ishte i madh edhe për konsumatorin. Një industri më e fortë, më transparente dhe më e kontrolluar krijon kushte më të mira për gjurmueshmëri, siguri ushqimore dhe rikthimin e besimit në produktet vendore.

Pra, në njërën anë kemi një model që krijon varësi nga lëndët e para të importuara dhe mund të dobësojë prodhimin vendor.

Në anën tjetër, kemi mundësinë për të ndërtuar një industri më të fortë, më të qëndrueshme dhe të mbështetur mbi qumështin e fermerëve të Kosovës.

Prandaj, nuk ia vlen që, për interesin ekonomik të një numri të kufizuar personash, të lejojmë dobësimin e fermerëve, dëmtimin e industrisë vendore dhe cenimin e interesit publik.

Pak persona nuk duhet të lejohen kurrë dhe për asnjë çmim ta vendosin interesin e tyre mbi interesin publik, sigurinë e konsumatorëve dhe mijëra vende pune që varen nga zhvillimi i bujqësisë dhe blegtorisë.

MASAT DUHET TË VAZHDOJNË DERI NË FUND!

Masat e ndërmarra nga Ministria e Bujqësisë, AUV-ja dhe MTI-ja i duhen këtij vendi më shumë se kurrë.

Nuk ka asgjë më të rëndësishme sesa mbrojtja e konsumatorëve, mbrojtja e fermerëve dhe zhvillimi i prodhimit vendor.

Prandaj, zbatimit të vendimeve duhet t’i kushtohet rëndësia e merituar.

Pa asnjë dyshim dhe pa asnjë hezitim, masat duhet të vazhdojnë deri në fund, në përputhje me ligjin, në mënyrë që tregu të pastrohet nga praktikat që dëmtojnë konsumatorin dhe prodhimin vendor.

Kosovës i duhet më shumë qumësht vendor, më shumë fermerë, më shumë vende pune, më shumë prodhim dhe një industri më e fortë.

Mbrojtja e interesit publik dhe ndalimi i çdo praktike që e dëmton atë nuk është vetëm zgjedhje – është obligim dhe përgjegjësi

12/08/2026

NJOFTIM PËR OPINIONIN PUBLIK DHE RIKUJTIM I DISA FAKTEVE

Nga mjetet e informimit publik jemi njoftuar për pretendimet lidhur me hapjen e një padie ndaj Ministrisë së Bujqësisë.

Fillimisht, dëshirojmë ta njoftojmë opinionin publik se Gani Durmishaj po prezantohet në mënyrë të rreme si kryetar i Shoqatës së Industrisë së Qumështoreve të Kosovës (SHIQK).

Këtë prezantim po e bën prej një kohe të gjatë dhe, sipas qëndrimit tonë, në kundërshtim të plotë me vendimet e njëpasnjëshme të Gjykatës Themelore dhe të Gjykatës së Apelit.

Nuk ekzistojnë dy shoqata të qumështoreve. Ekziston vetëm një shoqatë.

Nuk ekzistojnë as dy kryetarë të kësaj shoqate. Ekziston vetëm një kryetar dhe ai është Ramadan Memaj.

Pas një kontesti të gjatë gjyqësor, Gjykata Themelore dhe Gjykata e Apelit, në dy raste dhe dy herë radhazi, kanë vendosur se kryetar i ligjshëm dhe legjitim i SHIQK-së është Ramadan Memaj.

Këto vendime janë sjellë në mënyrë të vazhdueshme nga viti 2018 deri në vitin 2025.

Madje, ai hapur dhe publikisht po deklaron se është kryetar prej 14 vitesh rresht!?

Mirë ta zëmë se ai ishte. Por, si ka mundësi që periudha 2018–2025 të bëjë 14 vite!?

A ka mundësi që këta persona nuk dinë as kalkulime elementare?

Si ka mundësi kështu, kaq hapur dhe pa pikë turpi?

Një çështje tjetër:

Emërtimi i shoqatës nga SHQK në SHIQK është bërë nga persona që, sipas qëndrimit tonë, nuk kanë pasur të drejtë ta bëjnë një ndryshim të tillë, sepse nuk kanë pasur legjitimitet.

VENDIMET GJYQËSORE

Vendimi i fundit gjyqësor është i datës 16.12.2025. Me
Nr i lẽndẽs :2019:265292
Nr i dok : 08214734

Përkundër këtyre vendimeve, paraqitja publike në media si kryetar i një shoqate tjetër është një paraqitje e pavërtetë dhe mashtruese.

Këto paraqitje mund të kenë edhe pasoja ligjore. Mosrespektimi i vendimeve gjyqësore, kur plotësohen kushtet e përcaktuara me ligj, mund të përbëjë vepër penale. Për këtë arsye, çdo deklarim publik duhet të bëhet me përgjegjësi dhe në përputhje me vendimet e gjykatave.

Pra, edhe ankohen në gjykata, edhe nuk i respektojnë vendimet.

DISA FAKTE QË NUK DUHET TË HARROHEN

Është e çuditshme që persona me përgjegjësi institucionale në periudha kyçe, kur sektori i qumështit në Kosovë është përballur me probleme serioze për së paku 15 vite, sot dalin publikisht dhe mbajnë leksione se si duhet të tejkalohen dhe të negociohen problemet në këtë sektor.

Para se të japin këshilla për të ardhmen, duhet të kërkohet përgjegjësi dhe transparencë për atë që ka ndodhur në të kaluarën.

Le t’i rikujtojmë disa fakte:

1. LULZIM RAFUNA – ISH-DREJTOR I DOGANËS SË KOSOVËS DHE AKTUALISHT KRYETAR I ODËS EKONOMIKE TË KOSOVËS

Gjatë periudhës kur ka drejtuar Doganën e Kosovës, Shoqata e Qumështoreve kishte paraqitur fakte dhe shqetësime konkrete në takime të drejtpërdrejta në zyrat e Doganës së Kosovës, gjatë viteve 2014–2015, në një kohë kur industria vendore e qumështit po kalonte ndër periudhat më të vështira.

Sipas të dhënave dhe shqetësimeve të paraqitura atëherë nga industria, importet masive të produkteve me vaj palme dhe qumësht pluhur po krijonin pasoja të rënda për prodhimin vendor.

Gjatë kësaj periudhe u mbyllën shumë ferma dhe, sipas të dhënave të industrisë, grumbullimi i qumështit vendor u zvogëlua për rreth 100 mijë litra në ditë.

Përkundër faktit se institucionet përkatëse ishin të informuara për shqetësimet e industrisë, kërkohet të sqarohet se çfarë veprimesh konkrete u ndërmorën për mbrojtjen e prodhuesve vendorë dhe të tregut të Kosovës.

Sipas të dhënave të paraqitura nga industria, në atë periudhë në Kosovë mund të kenë hyrë çdo vit rreth 5 milionë kilogramë produkte me vaj palme, ndërsa importet zyrtare të vajit të palmës raportohej të ishin rreth 2 milionë kilogramë.

Qumështi pluhur gjithashtu ishte në shifra milionëshe.

Nëse këto shifra janë të sakta, atëherë lind një pyetje shumë serioze:

Ku përfunduan miliona kilogramë produkte me vaj palme dhe si u kontrollua përdorimi i tyre në tregun e Kosovës?

Kjo është çështje që kërkon verifikim të plotë institucional dhe jo deklarata politike apo mediatike.

2. VALDET GJINOVCI – ISH-KRYESHEF I AUV-së

Edhe për periudhën kur Valdet Gjinovci ishte në krye të AUV-së duhet të kërkohet një përgjigje e plotë institucionale.

Sipas pretendimeve dhe informatave të paraqitura ndër vite nga industria, institucionet kompetente kanë qenë të informuara për përdorimin e vajit të palmës, qumështit pluhur dhe produkteve të tjera të përpunuara në tregun e Kosovës.

Për këtë arsye, duhet të sqarohet:

Çfarë masash janë ndërmarrë për mbrojtjen e fermerëve, industrisë vendore, konsumatorëve dhe interesit publik?

Nëse ka pasur informacione zyrtare dhe paralajmërime nga vende të tjera lidhur me mashtrimin e konsumatorëve të Kosovës me produkte që përmbajnë vaj palme, qumësht pluhur apo hirrë pluhur, atëherë është e domosdoshme të hetohet se pse nuk janë ndërmarrë masa të mjaftueshme dhe në kohën e duhur.

Nuk mund të mjaftohemi vetëm me pyetjen se çfarë duhet bërë sot.

Duhet të kërkohet përgjigje edhe për atë që nuk është bërë dje.

AUV, si institucion kryesor për sigurinë ushqimore, duhet të sigurojë transparencë të plotë për veprimet e ndërmarra ndër vite.

KËRKESË PËR TRANSPARENCË DHE HETIM

Aleksandër Lumezi, ish-Kryeprokuror i Shtetit, gjithashtu është person kyç sa i përket përgjegjësisë që kishte gjatë kohës sa ishte Kryeprokuror.

Kallëzimi penal që Shoqata e Qumështoreve kishte bërë në vitin 2017 u trajtua, sipas qëndrimit tonë, në heshtje të plotë.

Asnjë reagim, asnjë veprim dhe asnjë përgjigje.

Çështja e vajit të palmës, qumështit pluhur dhe produkteve të tjera të përdorura në industrinë e qumështit nuk duhet të trajtohet si konflikt personal apo si përplasje mes individëve.

KËRKOJMË TRANSPARENCË DHE HETIM TË PLOTË

Këtu bëhet fjalë për fermerët, industrinë vendore, konsumatorët, konkurrencën e drejtë dhe interesin publik.

Prandaj, çdo pretendim duhet të verifikohet me dokumente, çdo përgjegjësi duhet të përcaktohet mbi bazën e fakteve dhe çdo shkelje, nëse konstatohet, duhet të trajtohet nga institucionet kompetente.

Ne kërkojmë transparencë të plotë, verifikim të dokumenteve dhe hetim të paanshëm të të gjitha veprimeve dhe mosveprimeve institucionale gjatë viteve të kaluara.

Sepse vetëm përmes së vërtetës, dokumenteve dhe përgjegjësisë institucionale mund të ndërtohet një sektor i qëndrueshëm i qumështit dhe një treg i sigurt për konsumatorët e Kosovës.

PËRFUNDIM

Çështjet e ngritura nuk lidhen me individë, por me industrinë e qumështit, fermerët, konsumatorët dhe interesin publik.

10/08/2026

JO MBI LIGJIN. JO BARAS ME LIGJIN.
TË GJITHË NËN LIGJ.

Njoftimi i ministrit të Bujqësisë, z. Armend Muja, për dorëzimin e padisë lidhur me shkeljet e mundshme ligjore të së paku 15 viteve të fundit, përbën një nga zhvillimet më të rëndësishme për industrinë e qumështit.

Megjithatë, kjo çështje e tejkalon këtë sektor. Ajo lidhet drejtpërdrejt me sundimin e ligjit, mbrojtjen e konsumatorit, mbrojtjen e fermerit dhe funksionimin e institucioneve.

Shoqata e Qumështoreve ka kërkuar hetime që nga viti 2017, kur kishte dorëzuar kallëzim penal ndaj AUV-it dhe subjekteve të tjera. Kanë kaluar gati 10 vite dhe drejtësia ka vonuar ndjeshëm.

Sot, megjithatë, shënohet një hap i rëndësishëm: Ministria e Bujqësisë po adreson shqetësimet e ngritura prej vitesh nga prodhuesit, përpunuesit dhe konsumatorët. Ky është një reflektim dhe një zgjim institucional që i ka munguar gjatë këtij procesi.

Nuk mund të ketë industri të shëndoshë pa ligj, treg të drejtë pa kontroll, konsumator të mbrojtur pa transparencë dhe fermer të sigurt pa ndalimin e shkeljeve dhe abuzimeve.

Konsumator i dinjitetshëm. Fermer i mbrojtur. Prodhues i ndershëm. Industri e kontrolluar. Institucione që zbatojnë ligjin.

Ky duhet të jetë standardi i ri.

Askush nuk duhet të jetë mbi ligjin.

Askush nuk duhet të jetë baras me ligjin.

Të gjithë duhet të jenë nën ligj.

Lufta kundër krimit, korrupsionit, mashtrimit dhe abuzimit nuk është zgjedhje politike, por detyrim institucional dhe shoqëror.

Nuk mund dhe nuk duhet të ketë kompromis me shkeljen e ligjit.

Mashtrimi, abuzimi dhe dëmtimi i konsumatorit duhet të marrin fund.

Dhe mbi të gjitha:
E vërteta duhet të dalë në dritë.

09/08/2026

VALDET GJINOVCI, ISH-KRYESHEF I AUV-SË, NË T7 PO NA TREGON SE SI DUHET TË KONTROLLOHEN PRODUKTET E QUMËSHTIT DHE SE SI INDUSTRIA E QUMËSHTIT KA PASUR ARRITJE TË MËDHA.

Bukur fort, por:

Çfarë deklaronte ish-kryeshefi i AUV-së, Valdet Gjinovci, në vitin 2017, kur Shoqata e Qumështoreve të Kosovës prezantonte rreziqet nga konsumimi i vajit të palmës në produktet e qumështit?

Më saktësisht, në mediat publike, ai deklaronte:

“Prodhuesit vendorë nuk janë të çmendur të përdorin vajin e palmës në masë të tejkaluar.”

Rikujtojmë ish-kryeshefin se në vitin 2026, nga mostrat e analizuara, është konstatuar një produkt që është sh*tur si “gjizë”, por që, sipas rezultatit të analizës, ka përmbajtur 40% vaj palme.

Prandaj, pyesim ish-kryeshefin:

A është çmenduri kjo?

A ka diçka për të shtuar?

Dhe, mbi të gjitha, a jemi brenda kufijve të lejuar?

Z. Gjinovci, pas rezultateve të vitit 2026, a keni diçka për të shtuar në deklaratën tuaj të vitit 2017?

Hetimi mẽ i nevojshem se kurrẽ .

Konsumatori meriton të dijë të vërtetën.

09/08/2026

VALDET GJINOVCI, ISH-KRYESHEF I AUV-SË, NË T7 PO NA TREGON SE SI DUHET TË KONTROLLOHEN PRODUKTET E QUMËSHTIT DHE SE SI INDUSTRIA E QUMËSHTIT KA PASUR ARRITJE TË MËDHA.

Bukur fort, por:

Çfarë deklaronte ish-kryeshefi i AUV-së, Valdet Gjinovci, në vitin 2017, kur Shoqata e Qumështoreve të Kosovës prezantonte rreziqet nga konsumimi i vajit të palmës në produktet e qumështit?

Më saktësisht, në mediat publike, ai deklaronte:

“Prodhuesit vendorë nuk janë të çmendur të përdorin vajin e palmës në masë të tejkaluar.”

Rikujtojmë ish-kryeshefin se në vitin 2026, nga mostrat e analizuara, është konstatuar një produkt që është sh*tur si “gjizë”, por që, sipas rezultatit të analizës, ka përmbajtur 40% vaj palme.

Prandaj, pyesim ish-kryeshefin:

A është çmenduri kjo?

A ka diçka për të shtuar?

Dhe, mbi të gjitha, a jemi brenda kufijve të lejuar?

Z. Gjinovci, pas rezultateve të vitit 2026, a keni diçka për të shtuar në deklaratën tuaj të vitit 2017?

Hetimi mẽ i nevojshem se kurrẽ .

Konsumatori meriton të dijë të vërtetën.

Valdet Gjinovci - kryeshef ekzekutiv i Agjencisë së Veterinës dhe Ushqimit, tha se të gjitha produktet e qumështit janë shumë cilësore dhe nuk ka nevojë të hutohen qytetarët në këtë aspekt. Ai

06/08/2026

DEKLARATË E SHOQATËS SË QUMËSHTOREVE

Shoqata e Qumështoreve e përkrah fuqimisht aksionin e Inspektoratit të MTI-së për kontrollin e produkteve të qumështit dhe e konsideron atë një hap të domosdoshëm për mbrojtjen e shëndetit publik, garantimin e sigurisë ushqimore dhe vendosjen e rendit e ligjshmërisë në treg.

Mbështesim çdo veprim institucional që synon largimin nga tregu të produkteve të falsifikuara, të maskuara ose të etiketuara në mënyrë mashtruese.

Mashtrimi i konsumatorëve dhe rrezikimi i shëndetit të tyre janë të papranueshme dhe duhet të marrin fund njëherë e përgjithmonë.

Kosova nuk mund të jetë strehë e mashtrimit dhe e krimit .

Qytetarët kanë të drejtë të konsumojnë produkte të sigurta, cilësore dhe të prodhuara në përputhje me ligjin.

Dyshimet serioze që janë ngritur ndër vite lidhur me përdorimin dhe mosdeklarimin e vajit të palmës dhe qumështit pluhur kërkojnë një hetim të plotë, të pavarur dhe transparent. Çdo fakt duhet të zbardhet, çdo përgjegjësi duhet të përcaktohet dhe çdo shkelje e ligjit duhet të marrë përgjigjen e merituar.

Saga 15-vjeçare e këtij mashtrimi nuk mund dhe nuk duhet të mbyllet pa u zbardhur deri në fund. Çdo individ apo subjekt që ka mashtruar konsumatorët, ka fshehur të vërtetën ose ka cenuar sigurinë ushqimore duhet të përballet me drejtësinë. Askush nuk duhet të jetë mbi ligjin.

Shoqata e Qumështoreve u bën thirrje Prokurorisë, Policisë së Kosovës dhe të gjitha institucioneve përgjegjëse që të zhvillojnë një hetim të gjithanshëm, profesional dhe të paanshëm, duke identifikuar të gjithë përgjegjësit dhe duke siguruar që ata të mbajnë përgjegjësi sipas ligjit.

Njëkohësisht, kërkojmë që kontrollet në treg të vazhdojnë pa ndërprerje, me transparencë të plotë dhe pa asnjë kompromis ndaj shkelësve të ligjit.

Vetëm e vërteta, drejtësia dhe zbatimi i barabartë i ligjit mund ta rikthejnë besimin e qytetarëve te produktet e qumështit, ta mbrojnë shëndetin publik dhe të garantojnë që një mashtrim i tillë të mos përsëritet më kurrë.

Vetem njẽ hetim i plot transparent dhe gjithperfshirẽs mund tẽ zbuloj sesa shumẽ dẽm i ẽshtẽ bẽrẽ konsumtorẽve, fermerẽve dhe vendit nẽ pẽrgjithẽsi .

05/08/2026

PARALAJMEROHET PẼRSẼRI GODITJE NDAJ FERMAVE ?!

Kërcënimet për ndërprerje të sinkronizuar të grumbullimit të qumështit mund të jenë goditje e radhës për fermerët.

Zakoni për të goditur fermerët nuk po gjen qetësi dhe as fundin e vet!

Pra, nëse tregoni çfarë po bëj, shkatërroj fermat!?

E çuditshme, por a mund të kemi një ligj për të “fortit” dhe një tjetër për ata që janë më të dobët?

Ndoshta kjo do të ishte zgjidhje në imagjinatën e dikujt, megjithate:

Në një demokraci që synon integrimin në BE, kjo është e pamundur.

Të barabartë para ligjit nuk është një frazë boshe apo një refren që përsëritet vend e pa vend, por një detyrim që buron nga Kushtetuta e Kosovës, më saktësisht nga Neni 3 i Kushtetutës së Republikës së Kosovës.

E drejta për informim e konsumatorëve është e rregulluar gjithashtu me ligj, konkretisht me Ligjin për Ushqimin.

Kurse obligimi për të mbrojtur interesin publik buron gjithashtu nga akte të ndryshme kushtetuese dhe ligjore.

Prandaj, nuk ka të drejtë askush të shkelë interesat dhe të drejtat e fermerëve, konsumatorëve dhe as financat publike.

Nëse dikush ngre zërin, kërkon transparencë, zbatim të ligjit dhe tregon se çfarë po ndodh në treg, a duhet të përfundojë kjo me dëmtimin apo shkatërrimin e fermave?

Shantazhimi qoftẽ edhe i organizuar nuk duhet tẽ gjej strehẽ dhe mbẽshtetje .

Me asnje çmim nuk duhet lejuar dẽmtimi i konsumatorẽve fermerẽve dhe finanacave private apo publike,por :

Shẽndeti publik ẽshtẽ mbi fermat dhe fermerẽt por edhe mbi çdo interes tjeter financiar .

Industria e qumështit është në një pikë kthese dhe shumë delikate, sikurse edhe siguria e produkteve të qumështit.

Prodhuesit e mirëfilltë vendorë të qumështit, ashtu sikurse edhe konsumatorët e Kosovës, kanë nevojë më shumë se kurrë për njëri-tjetrin.

Në njërën anë janë fermerët dhe prodhuesit vendorë që investojnë, prodhojnë dhe mbajnë gjallë ekonominë rurale.

Në anën tjetër janë konsumatorët, të cilët kanë të drejtë të kërkojnë produkte të sigurta, cilësi, transparencë dhe informim të plotë.

Konsumatorẽt e Kosoves duhet tẽ rrisin vẽmendjen dhe interesimin pẽr prodhimet e qumẽshtit .

Mashtrimi dhe dẽmtimi 15 vjeqar nuk mund tẽ vazhdoj edhe me tej .

Prandaj, Ministria e Bujqësisë duhet urgjentisht të kërkojë llogari dhe përgjegjësi:

Ministria e Bujqësisë duhet me urgjencë të kërkojë llogari dhe përgjegjësi se pse vendimi për pezullimin e vajit të palmës dhe qumështit pluhur nuk po zbatohet.

Pse po vazhdon përdorimi i vajit të palmës dhe qumështit pluhur në fabrikat e përpunimit të qumështit?

Dhe mbi të gjitha:

Kush po e kontrollon zbatimin e vendimit dhe kush do të mbajë përgjegjësi nëse ai nuk zbatohet.

Veprimet kriminale me pasoja shkatrruese nuk duhet te kalojne pa u hetuar dhe ndẽshkuar.

Shoqata e Qumështoreve të Kosovës është organizatë joqeveritare, e cila përfaqson sektorin e qumështit në Kosovë