Klubi"Deshira"Clubhouse

12/10/2026

Shkëmbim përvojash Kosovë–Mbretëri e Bashkuar: Rema Duli viziton Klubin Dëshira

Sot, në ambientet e qendrës sonë, patëm kënaqësinë të mirëprisnim znj. Rema Duli, eksperte e shëndetit publik dhe përfaqësuese e komunitetit shqiptar në Mbretërinë e Bashkuar.

Gjatë vizitës, e njoftuam znj. Duli me punën, aktivitetet dhe shërbimet që ofron Klubi Dëshira në mbështetje të personave me probleme të shëndetit mendor dhe personave me dëmtime intelektuale, me synim rehabilitimin, fuqizimin dhe përfshirjen e tyre në shoqëri.

Nga ana e saj, morëm informacione mbi organizatat dhe praktikat që zhvillohen në Mbretërinë e Bashkuar në fushën e mbështetjes së personave me nevoja të ngjashme. Shkëmbimi i përvojave dhe ideve të tilla është një mundësi e vlefshme për të mësuar nga praktikat e mira dhe për të krijuar ura të reja bashkëpunimi.

E falënderojmë znj. Rema Duli për vizitën, interesimin dhe gatishmërinë për të ndarë përvojat e saj me ne. Besojmë se takime të tilla kontribuojnë në zhvillimin e shërbimeve dhe në krijimin e më shumë mundësive për një jetë të barabartë dhe gjithëpërfshirëse për të gjithë.

11/10/2026

Follow Klan Kosova on...• FB: https://smarturl.it/KlanKosovaFb• I...

10/10/2026

Lumja jonë

E jashtëzakonshme❤️

10/10/2026

10/10/2026

09/10/2026

Sebi jonë 🩷

Në fushatën tonë “Dyer të Hapura”, si gjithmonë, nuk mund të mungonte prania, kujdesi dhe dashuria e drejtoreshës së nderuar të Down Syndrome Kosova, Sebahate Hajdini Beqiri – Sebit tonë të dashur.

Me Sebin, bashkëpunimi, këshillat dhe përkrahja e ndërsjellë janë pjesë e përditshmërisë sonë, sepse na bashkon një kauzë e përbashkët: fuqizimi, avancimi dhe përfshirja e personave me aftësi të kufizuara në çdo sferë të jetës.

Sebi është një luftëtare e palodhur e të drejtave të personave me aftësi të kufizuara, e barazisë dhe e gjithëpërfshirjes. Përkushtimi i saj është frymëzim dhe dëshmi se ndryshimi ndërtohet me dashuri, guxim dhe punë të palodhshme.

Faleminderit që je gjithmonë pranë nesh, Sebi! Prania jote na gëzon, na jep forcë dhe ua mbush zemrat me dashuri anëtarëve tanë.

Të duam shumë, Sebi jonë! 🩷

09/10/2026

“Dyer të Hapura”me Metë Shatri dhe Ermira Bytyqi ❤️

Fushatës sonë vetëdijësuese për shëndetin mendor, “Dyer të Hapura”, sot iu bashkuan Dr. Metë Shatri dhe ekonomistja, znj. Ermira Bytyqi.

Dy personalitete të mrekullueshme kaluan disa orë të veçanta me anëtarët tanë, duke u njohur nga afër me punën, aktivitetet dhe përkushtimin që karakterizojnë përditshmërinë në qendrën tonë.

Ishte një ditë e mbushur me buzëqeshje, ngrohtësi dhe emocione të bukura. Prania, dashamirësia dhe koha që mysafirët tanë ndanë me anëtarët tanë janë të çmuara dhe na kujtojnë se kujdesi, dashuria dhe solidariteti e bëjnë komunitetin tonë më të fortë.

🙏 Falënderojmë përzemërsisht Dr. Metë Shatrin dhe znj. Ermira Bytyqin për vizitën, afërsinë dhe energjinë e bukur që sollën në qendrën tonë.

Së bashku për një shoqëri më të ndërgjegjësuar, më gjithëpërfshirëse dhe më të kujdesshme ndaj shëndetit mendor!

09/10/2026

Faleminderit stafit të “Hajdefolim” për momentet e dashura që kaluam bashkë🩷

09/10/2026

Shoqata Humanitare “Bereqeti” Gjithmonë pranë anëtarëve tanë ❤️

Në kuadër të fushatës vetëdijesuese “Dyer të Hapura”, përfaqësuesit e Shoqatës Humanitare “Bereqeti” ishin sërish pranë anëtarëve të Klubit Dëshira, duke dëshmuar edhe një herë solidaritetin, përkujdesjen dhe mbështetjen e tyre të vazhdueshme.

“Bereqeti” është një nga bashkëpunëtorët tanë të përkushtuar, i cili ndër vite ka qëndruar pranë anëtarëve tanë dhe familjeve të tyre, duke i mbështetur përmes pakove ushqimore, veshmbathjeve dhe formave të tjera të ndihmës humanitare.

Përtej ndihmës materiale, kontributi i tyre përcjell një mesazh të fuqishëm: anëtarët tanë nuk janë vetëm, por kanë pranë njerëz që kujdesen dhe qëndrojnë me ta sa herë që kanë nevojë.

Në shenjë mirënjohjeje për këtë kontribut të çmuar dhe mbështetjen e vazhdueshme, Klubi Dëshira ndau një mirënjohje për Shoqatën Humanitare “Bereqeti”, të cilën e pranoi kryetari i saj, z. Xheladin Fazliu.

Faleminderit Shoqatës Humanitare “Bereqeti” për humanizmin, përkushtimin dhe afërsinë e dëshmuar ndër vite!

Së bashku tejkalojmë çdo sfidë! ❤️

BashkëPërNjëriTjetrin

08/10/2026

🤝 Bashkëpunimi që ndërton ura drejt një të ardhmeje më të mirë!

Sot, në ambientet e Klubit Dëshira, patëm kënaqësinë të mirëpresim përfaqësueset e Shoqatës për Zhvillim dhe Komunikim “Zëri”, zonjat e nderuara Besa Grajqevci dhe Diellza Miftari.

Gjatë takimit, ndamë përvoja nga puna e dy organizatave, diskutuam ide dhe plane të përbashkëta, si dhe mundësitë për bashkëpunim në të ardhmen, në mbështetje të fëmijëve dhe të rriturve me aftësi të kufizuara.

Shprehim vlerësimin dhe urimet tona më të përzemërta për zonjat Besa dhe Diellza për punën e palodhshme që bëjnë çdo ditë me fëmijët në qendrën e tyre. Përkushtimi dhe angazhimi i tyre janë dëshmi e rëndësisë së punës së përbashkët për një shoqëri më gjithëpërfshirëse.

Besojmë se ndërtimi i urave të bashkëpunimit ndërmjet organizatave është çelësi për fuqizimin e komunitetit të personave me aftësi të kufizuara dhe për krijimin e mundësive të barabarta për të gjithë.

Takimi i sotëm na dha edhe më shumë motivim dhe besim në idetë e planet e përbashkëta që synojmë t’i realizojmë në të ardhmen.

Na priftë e mbara në rrugëtimin tonë të përbashkët! ❤️