Unioni i Turizmit të Kosovës - UTK

Unioni i Turizmit të Kosovës - UTK Unioni i Turizmit të Kosovës me seli në Prishtinë është themeluar me 16.06.2020 në Prishtinë.

Qëllimi i themelimit të këtij unioni është forcimi dhe zhvillimi i sektorit të turizmit.

24/08/2026

Dëshironi të ndërtoni karrierë në industrinë e hotelerisë dhe mikpritjes?
Ky trajnim profesional është i fokusuar në zhvillimin e aftësive praktike për punën si Guestroom Attendant, duke përgatitur pjesëmarrësit sipas standardeve ndërkombëtare të hotelerisë.
Gjatë trajnimit do të mësoni:
Rolin dhe rëndësinë e Guestroom Attendant në hotel
Standardet profesionale dhe detyrat ditore
Sigurinë e pronës dhe sendeve të klientëve
Menaxhimin e inventarit dhe pajisjeve të punës
Teknikat moderne të pastrimit dhe mirëmbajtjes
Komunikimin dhe menaxhimin e situatave me klientët
Organizimin e detyrave përfundimtare në fund të orarit të punës
Në përfundim të trajnimit, pjesëmarrësit do të jenë të përgatitur për të punuar në departamentin e housekeeping në hotele dhe struktura të tjera akomoduese.
Pjesëmarrësit do të certifikohen me certifikatë ndërkombëtarisht të njohur nga American Hotel & Lodging Educational Institute (AHLEI).
Trajnimet do të mbahen nga trajnerë ndërkombëtarë me përvojë në industrinë e hotelerisë dhe fillon gjatë muajit Shtator
Aplikoni tani dhe bëhuni pjesë e një profesioni me mundësi të mëdha punësimi!
Aplikoni këtu: https://akademiaeturizmit-ks.com

Pata kënaqësinë të pres në zyrat e Unionit të Turizmit të Kosovës – UTK së bashku me z.Sylejmani një delegacion zyrtar n...
22/08/2026

Pata kënaqësinë të pres në zyrat e Unionit të Turizmit të Kosovës – UTK së bashku me z.Sylejmani një delegacion zyrtar nga Izmiri, Turqi.

Gjatë takimit, i falënderova për vizitën dhe diskutuam për thellimin e bashkëpunimit në fushën e turizmit, duke pasur parasysh lidhjet e veçanta që Kosova ka me Izmirin, si dhe komunitetin e madh shqiptar që jeton dhe vepron në këtë qytet.

U dakorduam që të jemi pjesë e aktiviteteve që do të organizohen në muajin nëntor, me ftesë të Kryetarit të Izmirit, Dr. Cemil Tugay, si dhe të marrim pjesë në Panairin Ndërkombëtar të Turizmit, i cili do të mbahet në Izmir në muajin dhjetor.

Delegacioni përbëhej nga përfaqësues të Odës së Tregtisë së Izmirit dhe të shoqatave shqiptare që veprojnë në Izmir:

• z.Uğur Çengez
• z.Mustafa Kul
• znj.Sevgi Sert
• z.Necmi Sufta

🤝 Besoj se këto takime dhe bashkëpunime do të kontribuojnë në forcimin e lidhjeve ndërmjet Kosovës dhe Izmirit dhe në krijimin e mundësive të reja për zhvillimin dhe promovimin e turizmit.

Unioni i Turizmit të Kosovës – UTK 🇽🇰

Sot u mbajt takimi gjithëpërfshirës me përfaqësues të agjencive turistike në Kosovë, ku u diskutua lidhur me Udhëzimin A...
21/08/2026

Sot u mbajt takimi gjithëpërfshirës me përfaqësues të agjencive turistike në Kosovë, ku u diskutua lidhur me Udhëzimin Administrativ për kushtet, kriteret dhe detyrimet për ushtrimin e veprimtarisë së Agjencive të Udhëtimit.

🤝 Unioni i Turizmit të Kosovës – UTK mbetet i përkushtuar që zëri i bizneseve dhe profesionistëve të këtij sektori të dëgjohet dhe të përfshihet drejtpërdrejt në këtë proces.

Gjatë takimit u prezantuan dhe u diskutuan rekomandimet, vërejtjet dhe sugjerimet konkrete të agjencive turistike, të cilat do të shërbejnë si bazë për kontributin e sektorit në plotësim-ndryshimin e Udhëzimit Administrativ.

Bashkë për një sektor turistik më profesional, të standardizuar dhe të qëndrueshëm

Pata nderin të pres në një takim zyrtar një delegacion të nivelit të lartë nga Pakistani, të udhëhequr nga:• Farooq Ali ...
20/08/2026

Pata nderin të pres në një takim zyrtar një delegacion të nivelit të lartë nga Pakistani, të udhëhequr nga:

• Farooq Ali Khalid – Përgjegjës për Programin Rinor të Kryeministrit për Lidhje Ndërkombëtare
• Tariq Puri – Ish-diplomat i Qeverisë së Pakistanit
• Azhar Iqbal – Drejtor Menaxhues i Hazza Institute of Technology
• Moiz Ur Rehman – Kospak LLC
• Veronika Bajçinovci – Këshilltare për Biznes dhe Menaxhere e Vendit për Kospak LLC

Takimi u zhvillua në një frymë konstruktive dhe miqësore, me fokus të veçantë në thellimin e bashkëpunimit ndërmjet Kosovës dhe Pakistanit në fushën e turizmit, si dhe në krijimin e mundësive të reja për bashkëpunim dhe shkëmbim të përvojave.

🤝 Takime të tilla përbëjnë një mundësi të rëndësishme për të ndërtuar ura të reja bashkëpunimi, për të krijuar partneritete të qëndrueshme dhe për të promovuar potencialet turistike të Kosovës në tregje të reja ndërkombëtare.

Unioni i Turizmit të Kosovës – UTK mbetet i përkushtuar në forcimin e bashkëpunimit ndërkombëtar dhe në krijimin e partneriteteve të reja në funksion të zhvillimit dhe promovimit të turizmit të Kosovës.

Ju mirpresim
19/08/2026

Ju mirpresim

14/08/2026

Trajnimi për Recepsionist

Është i fokusuar në zhvillimin e aftësive profesionale për menaxhimin e shërbimit në recepsionin e hoteleve dhe strukturave të tjera të akomodimit. Ky rol është pika e parë e kontaktit me klientin dhe ka një ndikim të drejtpërdrejtë në përvojën e mysafirëve.
Gjatë këtij trajnimi, pjesëmarrësit do të mësojnë procedurat kryesore të operimit në recepsion, duke përfshirë menaxhimin e rezervimeve, procesin e check-in dhe check-out, si dhe komunikimin efektiv me klientët. Programi mbulon gjithashtu përdorimin e sistemeve dhe pajisjeve që përdoren në operacionet ditore të hotelit.
Në përfundim të trajnimit, pjesëmarrësit do të jenë të përgatitur për të ofruar shërbim profesional, për të menaxhuar situata të ndryshme me klientët dhe për të kontribuar në funksionimin efikas të recepsionit.
Po ashtu, ata do të certifikohen me certifikatë ndërkombëtare nga AHLEI – American Hotel & Lodging Educational Institute.
Këto trajnime do të mbahen nga trajnerë ndërkombëtarë dhe fillojn në muajin shtator.
Aplikoni këtu: https://akademiaeturizmit-ks.com/

Ky trajnim/Kjo iniciative mbështetet nga Matching Skills to Jobs - MSJ, projekt I Agjencisë Zvicërane për Zhvillim dhe Bashkëpunim (SDC) dhe implementohet nga Swisscontact.

🇽🇰🌍 KOSOVA PËRMES TURIZMIT – NGA DIPLOMACIA TEK DESTINACIONINë kuadër të Konferencës së Ambasadorëve të Republikës së Ko...
12/08/2026

🇽🇰🌍 KOSOVA PËRMES TURIZMIT – NGA DIPLOMACIA TEK DESTINACIONI
Në kuadër të Konferencës së Ambasadorëve të Republikës së Kosovës, Unioni i Turizmit të Kosovës (UTK) prezantoi potencialet e jashtëzakonshme turistike të Kosovës përpara përfaqësuesve të diplomacisë së Republikës së Kosovës.
Ky aktivitet ishte një mundësi e veçantë për të zhvilluar takime me ambasadorët dhe përfaqësuesit e stafit diplomatik të Kosovës në botë, me të cilët ndamë vizionin për një promovim edhe më të fuqishëm dhe më të koordinuar të Kosovës si destinacion turistik ndërkombëtar.
🤝 UTK shprehu gatishmërinë për të thelluar bashkëpunimin me rrjetin diplomatik të Kosovës, duke e shndërruar diplomacinë ekonomike në një urë të rëndësishme për promovimin e turizmit, kulturës, trashëgimisë, gastronomisë, natyrës dhe përvojave autentike që ofron vendi ynë.
Kosova ka çfarë t’i ofrojë botës.
Detyra jonë është që këtë potencial ta promovojmë më fuqishëm, më profesionalisht dhe në mënyrë të koordinuar në çdo treg ndërkombëtar.
🌍 Më shumë promovim.
Më shumë turistë.
Më shumë investime.
Më shumë Kosovë në botë. 🇽🇰

10/08/2026

1.Trajnim Profesional – Shërbim Restoranti (Kamarier)

Ky trajnim profesional është i dizajnuar për të zhvilluar aftësitë praktike dhe profesionale në fushën e shërbimit dhe mikpritjes.
Programi fokusohet në teknikat moderne të shërbimit në restorant, komunikimin efektiv me klientët dhe organizimin profesional të punës në ekip.
Çfarë do të mësoni?
Teknikat profesionale të shërbimit
Etikën profesionale në gastronomi
Menaxhimin dhe organizimin e restorantit
Komunikimin dhe kujdesin ndaj klientit
Pjesëmarrësit do të pajisen me certifikatë ndërkombëtarisht të njohur nga American Hotel & Lodging Educational Institute (AHLEI).
Trajnimet do të mbahen nga trajnerë ndërkombëtarë me përvojë në industrinë e hotelerisë dhe gastronomisë.
Trajnimi është ideal për të rinjtë dhe të gjithë ata që dëshirojnë të zhvillojnë aftësi praktike për punësim në sektorin e gastronomisë dhe hotelerisë.
Trajnimi fillon gjatë muait Shtator Aplikoni këtu: https://akademiaeturizmit-ks.com/

Ky trajnim/Kjo iniciative mbështetet nga Matching Skills to Jobs - MSJ, projekt I Agjencisë Zvicërane për Zhvillim dhe Bashkëpunim (SDC) dhe implementohet nga Swisscontact.

Rritje prej 10.6% e vizitorëve në Kosovës gjatë muajit qershor 2026Prishtinë, Gusht 2026 – Unioni i Turizmit të Kosovës ...
07/08/2026

Rritje prej 10.6% e vizitorëve në Kosovës gjatë muajit qershor 2026
Prishtinë, Gusht 2026 – Unioni i Turizmit të Kosovës mirëpret publikimin e të dhënave më të fundit të Agjencisë së Statistikave të Kosovës (ASK) për Statistikat e Hotelerisë, të cilat dëshmojnë vazhdimin e trendit pozitiv të zhvillimit të sektorit të turizmit në vend.
Sipas raportit të ASK-së, gjatë muajit qershor 2026, hotelet në Kosovë regjistruan gjithsej 70,234 vizitorë, prej të cilëve 28,638 ishin vizitorë vendorë, ndërsa 41,596 vizitorë të huaj.
Krahasuar me muajin qershor të vitit 2025, kur ishin regjistruar 63,502 vizitorë, numri i përgjithshëm i vizitorëve është rritur për 10.6%, duke reflektuar interesimin në rritje për Kosovën si destinacion turistik.
Po ashtu, gjatë kësaj periudhe janë regjistruar 163,739 net-qëndrime, ku 85,783 (52.4%) janë realizuar nga vizitorët e huaj, ndërsa 77,956 (47.6%) nga vizitorët vendorë.
Këto statistika konfirmojnë se Kosova po vazhdon të konsolidojë pozitën e saj në hartën turistike rajonale dhe ndërkombëtare, falë promovimit të vazhdueshëm, organizimit të aktiviteteve turistike dhe bashkëpunimit ndërinstitucional me sektorin privat.
Unioni i Turizmit të Kosovës vlerëson se rritja prej 10.6% e numrit të vizitorëve në muajin qershor është një tregues i qartë i potencialit të madh që ka turizmi kosovar për të gjeneruar zhvillim ekonomik, vende të reja pune dhe investime të qëndrueshme në këtë sektor.

Address

Pristina
10000

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00

Telephone

+38349124154

Website

Alerts

Be the first to know and let us send you an email when Unioni i Turizmit të Kosovës - UTK posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Unioni i Turizmit të Kosovës - UTK:

Shortcuts

Share

Category