OHT - Oda e Hotelierisë dhe Turizmit të Kosovës

07/10/2026

OHTK uron formimin e institucioneve të Republikës së Kosovës

Oda e Hotelerisë dhe Turizmit të Kosovës (OHTK) uron formimin e institucioneve të reja të Republikës së Kosovës, duke iu dëshiruar suksese dhe mbarësi në ushtrimin e përgjegjësive të tyre.

OHTK shpreh gatishmërinë për bashkëpunim të ngushtë me institucionet e vendit, me synim avancimin e sektorit të hotelerisë dhe turizmit, përmirësimin e klimës së të bërit biznes dhe krijimin e mundësive të reja për zhvillim ekonomik dhe punësim.

Besojmë se përmes dialogut dhe bashkëpunimit ndërmjet institucioneve dhe sektorit privat mund të ndërtojmë politika të qëndrueshme që e fuqizojnë turizmin dhe e bëjnë Kosovën një destinacion edhe më konkurrues.

Urime dhe suksese institucioneve të Republikës së Kosovës!

Oda e Hotelerisë dhe Turizmit të Kosovës – OHTK

06/10/2026

OHTK në vizitë në Hilton Hotel

Me ftesë të Hilton Hotel, Kryetari i Odës së Hotelerisë dhe Turizmit të Kosovës (OHTK), Prof. Dr. Sc. Hysen V. Sogojeva, së bashku me Drejtorin Ekzekutiv, z. Sadik Gashi, zhvilluan sot një vizitë në ambientet e hotelit.

Gjatë vizitës, përfaqësuesit e OHTK-së u pritën nga menaxhmenti i Hilton Hotel, me të cilin zhvilluan një takim rreth mundësive të bashkëpunimit, iniciativave të përbashkëta dhe kontributit në zhvillimin e mëtejmë të sektorit të hotelerisë dhe turizmit në Kosovë.

Në fokus të takimit ishte gjithashtu anëtarësimi i Hilton Hotel në OHTK me statusin “Anëtar i Artë”, si një hap drejt forcimit të bashkëpunimit dhe krijimit të partneriteteve të reja në sektor.

OHTK mirëpret interesimin për bashkëpunim dhe vazhdon angazhimin për zgjerimin e rrjetit të anëtarëve dhe fuqizimin e sektorit të hotelerisë dhe turizmit në Kosovë.

28/09/2026

🌿 “Nga destinacioni te përvoja digjitale: e ardhmja e turizmit”

Me këtë moto u shënua Dita Botërore e Turizmit në Deçan, duke promovuar bukuritë natyrore, kulturën, traditën dhe potencialin turistik të kësaj treve.

Aktiviteti u pasurua me valle, muzikë, ushqime tradicionale dhe prezantime të trashëgimisë kulturore.

Të pranishëm ishin Prof. Dr. Sc. Hysen V. Sogojeva, Kryetar i OHTK-së; z. Sadik Maqedonci, Drejtor i Departamentit për Hoteleri dhe Gastronomi në OHTK; z. Bashkim Ramosaj, Kryetar i Komunës së Deçanit; Prof. Dr. Armand Krasniqi, Rektor i Universitetit “Haxhi Zeka”, si dhe përfaqësues të Ministrisë së Arsimit dhe Ministria e Kulturës.

✨ Deçani – traditë, kulturë, natyrë dhe përvojë që mbetet në kujtesë!

26/09/2026

ODA E HOTELERISË DHE TURIZMIT TË KOSOVËS BËN THIRRJE PËR TË GJITHA BIZNESET

Oda e Hotelierisë dhe Turizmit të Kosovës fton të gjitha bizneset hoteliere, gastronomike dhe turistike në Kosovë që të mbajnë të ekspozuar flamurin e UÇK-së në ambientet e tyre, në shenjë nderimi, respekti dhe mirënjohjeje për të gjithë ata që luftuan dhe sakrifikuan për lirinë tonë.

Le të jetë ky flamur një kujtesë e përditshme se liria që gëzojmë sot ka një histori sakrifice dhe përkushtimi.

Liria ka Emër!

Ta nderojmë me dinjitet sakrificën për liri, kudo që punojmë dhe jetojmë.

Lavdi dëshmorëve!
Respekt dhe mirënjohje për të gjithë luftëtarët e UÇK-së!

25/09/2026

OHTK në Ditën Botërore të Turizmit në Kosovë

Ministria e Kulturës dhe Turizmit ka organizuar Ditën Botërore të Turizmit, duke bashkuar përfaqësues të institucioneve publike, organizatave dhe bizneseve të sektorit të turizmit.

Në këtë ngjarje morën pjesë përfaqësues të Odës së Hotelierisë dhe Turizmit të Kosovës (OHTK), ku u diskutua mbi gjendjen aktuale të turizmit në vend, sfidat e sektorit dhe mundësitë për zhvillimin e tij.

Gjatë diskutimeve u theksua rëndësia e bashkëpunimit ndërmjet institucioneve dhe bizneseve, promovimit të destinacioneve turistike, ngritjes së cilësisë së shërbimeve dhe krijimit të mundësive të reja për zhvillimin e turizmit në Kosovë.

Në ditën e organizuar nga Ministria e Kulturës dhe Turizmit, Oda e Hotelerisë dhe Turizmit e Kosovës (OHTK) u përfaqësua nga Kryetari, Prof. Dr. Sc. Hysen V. Sogojeva dhe Drejtori i Departamentit të Hotelerisë z. Sadik Maqedonci dhe anëtar të tjerë te OHTK-së. Përfaqësuesit e OHTK morën pjesë në panele të ndryshme diskutimi, ku u trajtuan tema të rëndësishme që lidhen me zhvillimin e turizmit, sfidat dhe perspektivat e tij në Kosovë.

OHTK mbetet e përkushtuar në përfaqësimin dhe mbështetjen e sektorit të hotelierisë dhe turizmit, si dhe në avancimin e bashkëpunimit institucional për një industri më të zhvilluar dhe konkurruese.

Së bashku për zhvillimin e turizmit në Kosovë!

22/09/2026

PRANË BIZNESEVE, PRANË ZHVILLIMIT TË TURIZMIT!

Më 17 dhe 18 shtator 2026, Oda e Hotelierisë dhe Turizmit zhvilloi vizita në terren në Pejë, Deçan dhe Junik, duke u takuar nga afër me biznese të hotelerisë, gastronomisë dhe turizmit.

📍 Flo’s Restaurant
📍 Rugova Camp
📍 Te Liqeni
📍 Guri Kuq
📍 Ujëvara e Drinit
📍 Trofta e Drinit
📍 N.T.H Antika
📍 Perendesha
📍 Rio De Janeiro
📍 Grand Jerina
📍 Medjana
📍 Iliria
📍 Trofta e Junikut
📍 Oda e Junikut

Gjatë takimeve diskutuam për sfidat dhe nevojat e bizneseve, si dhe për mundësitë e bashkëpunimit dhe zhvillimit të mëtejshëm të sektorit.

Falënderojmë të gjitha bizneset për mikpritjen dhe bashkëpunimin!

OHT – pranë bizneseve, bashkë për zhvillimin e turizmit në Kosovë! 🇽🇰

15/09/2026

LIRI PËR ÇLIRIMTARËT! 🇽🇰

Në prag të vendimit të nesërm, Oda e Hotelerisë dhe Turizmit të Kosovës (OHTK) shpreh mbështetjen dhe solidaritetin e saj me ish-krerët e Ushtrisë Çlirimtare të Kosovës që po përballen me procesin gjyqësor në Hagë.

Lufta e Ushtrisë Çlirimtare të Kosovës ishte luftë për liri, dinjitet dhe të drejtën e popullit të Kosovës për të jetuar i lirë në vendin e vet. Sakrifica e brezave që luftuan për lirinë tonë mbetet pjesë e pandashme e historisë së Kosovës.

Me respekt për drejtësinë dhe me besim se e vërteta do të triumfojë, presim vendimin e nesërm me shpresën për drejtësi.

Kosova nuk e harron historinë e saj.
Lavdi të rënëve për liri!
Liri për çlirimtarët! 🇽🇰

Oda e Hotelerisë dhe Turizmit të Kosovës – OHTK

14/09/2026

Web: https://rtv21.tvFacebook: https://www.facebook.com/RTV21live...

14/09/2026

Kosova po shënon rritje të numrit të vizitorëve

Kryetari i Odës së Hotelerisë dhe Turizmit të Kosovës (OHTK), Prof. Dr. Sc. Hysen V. Sogojeva, në paraqitjen e tij flet për rritjen e numrit të vizitorëve në Kosovë dhe faktorët që po ndikojnë në zhvillimin e sektorit të turizmit.

Sogojeva thekson potencialin që ka Kosova si destinacion turistik, si dhe rëndësinë e promovimit të vendit, ngritjes së cilësisë së shërbimeve dhe mbështetjes së vazhdueshme të bizneseve të hotelerisë dhe turizmit.

📈 Rritja e interesimit për Kosovën është një sinjal pozitiv për sektorin, por njëkohësisht kërkon angazhim dhe bashkëpunim të vazhdueshëm ndërmjet institucioneve dhe sektorit privat për ta shndërruar këtë potencial në zhvillim të qëndrueshëm ekonomik.

🎥 Ndiqeni intervistën e plotë të Kryetarit të OHTK-së, Hysen Sogojeva.

Web: https://rtv21.tvFacebook: https://www.facebook.com/RTV21live...