OHT - Oda e Hotelierisë dhe Turizmit të Kosovës

23/08/2026

Oda e Hotelerisë dhe Turizmit të Kosovës (OHTK) përcjell me shqetësim veprimet e institucioneve lidhur me mbylljen e Hotel Dukagjini në Gjakovë.

Hotel Dukagjini në Gjakovë nuk duhet të shihet vetëm si një biznes, por edhe si një aset i rëndësishëm i turizmit dhe hotelerisë në Kosovë, me ndikim të drejtpërdrejtë në punësim, ekonomi, atraktivitet dhe imazhin turistik të vendit.

OHTK vlerëson se shteti dhe bizneset nuk duhet të jenë në përplasje. Roli i institucioneve duhet të jetë zbatimi i ligjit, por edhe mbështetja, orientimi dhe ruajtja e bizneseve, veçanërisht në sektorin e turizmit, i cili ka rëndësi të veçantë për zhvillimin ekonomik dhe promovimin e Kosovës.

Nëse ka shkelje ligjore, ato duhet të adresohen dhe korrigjohen, por mbyllja e një biznesi duhet të jetë masa e fundit, pasi të jenë shteruar mundësitë për dialog, afate për përmirësim dhe zgjidhje institucionale.

Kërkojmë nga institucionet që në raste të tilla të tregojnë më shumë tolerancë, proporcionalitet dhe gatishmëri për bashkëpunim, duke marrë parasysh interesin më të gjerë publik: ruajtjen e vendeve të punës, zhvillimin e turizmit, atraktivitetin e destinacionit dhe vazhdimësinë e aktivitetit ekonomik.

Shteti nuk duhet ta luftojë biznesin, por ta trajtojë atë si partner. Ligjshmëria duhet të garantohet, por njëkohësisht duhet të ruhet ajo që krijon vende pune, zhvillon turizmin dhe ndërton imazhin e Kosovës si destinacion.

OHTK kërkon që edhe në rastin e Hotel Dukagjinit në Gjakovë të gjendet një zgjidhje përmes dialogut, e cila garanton respektimin e ligjit, por edhe vazhdimësinë e këtij aseti të rëndësishëm turistik.

Oda e Hotelerisë dhe Turizmit të Kosovës (OHTK)

21/08/2026

Oda e Hotelierisë dhe Turizmit të Kosovës (OHTK) dhe Organizata e Veteranëve të Luftës së UÇK-së (OVL-UÇK) kanë nënshkruar memorandum bashkëpunimi, me synim mbështetjen e veteranëve, invalidëve, familjeve të dëshmorëve dhe anëtarëve të tyre, raporton Ekonomia Online. Marrëvesh...

20/08/2026

OHTK dhe OVL-UÇK do të nënshkruajnë Memorandum Bashkëpunimi

Prishtinë, 20 gusht 2026 – Oda e Hotelierisë dhe Turizmit të Kosovës (OHTK) njofton mediat dhe publikun se nesër, më 21 gusht 2026, nga ora 11:00, në selinë e Organizatës së Veteranëve të Luftës së UÇK-së (OVL-UÇK), do të bëhet nënshkrimi i Memorandumit të Bashkëpunimit ndërmjet OHTK-së dhe OVL-UÇK-së.

Memorandumi do të nënshkruhet nga Kryetari i OHTK-së, Prof. Dr. Sc. Hysen Sogojeva, dhe Kryetari i OVL-UÇK-së, z. Hysni Gucati.

Qëllimi i këtij Memorandumi është forcimi i bashkëpunimit institucional, shoqëror dhe profesional ndërmjet dy organizatave, si dhe zhvillimi i iniciativave të përbashkëta në fusha me interes të përbashkët.

Në kuadër të bashkëpunimit parashihet krijimi i mundësive për trajnime profesionale, orientim dhe përfshirje në punësim në sektorët e hotelerisë, gastronomisë dhe turizmit, organizimi i aktiviteteve të përbashkëta, si dhe promovimi i turizmit memorial, historik dhe kulturor dhe i trashëgimisë së lidhur me luftën e UÇK-së.

Palët synojnë gjithashtu të bashkëpunojnë në zhvillimin dhe aplikimin e projekteve të përbashkëta me institucione publike, donatorë dhe partnerë vendorë e ndërkombëtarë.

Ftohen përfaqësuesit e mediave që ta përcjellin ceremoninë e nënshkrimit.

Data: 21 gusht 2026
Ora: 11:00
Vendi: Selia e OVL-UÇK-së, Prishtinë

Oda e Hotelierisë dhe Turizmit të Kosovës – OHTK

15/08/2026

Kryetari i Odës së Hotelerisë dhe Turizmit të Kosovës (OHTK), Prof. Dr. Sc. Hysen Sogojeva, i ftuar në emisionin “Mirëmëngjesi Kosovë”, ku diskutoi për zhvillimet aktuale, sfidat dhe perspektivën e sektorit të hotelerisë dhe turizmit në Kosovë. 🇽🇰

Video zyrtare nga Radio Televizioni i Kosovës (RTK).Ndiqni RTK pë...

14/08/2026

OHTK viziton bizneset e hotelerisë dhe gastronomisë në Regjionin e Gjilanit

Oda e Hotelerisë dhe Turizmit të Kosovës realizoi vizita te bizneset e sektorit të hotelerisë dhe gastronomisë në Regjionin e Gjilanit, përfshirë Restaurant Bujana, Astoria, Planet Resort, Vali Ranch, si dhe biznese të tjera të këtij regjioni.

Qëllimi i vizitave ishte koordinimi dhe komunikimi i drejtpërdrejtë me bizneset, identifikimi i nevojave, sfidave dhe shqetësimeve me të cilat po përballen gjatë këtij sezoni, si dhe diskutimi rreth fluksit dhe ndikimit të turistëve në sektorin e hotelerisë dhe gastronomisë.

OHTK do të vazhdojë takimet në terren me bizneset anëtare dhe përfaqësuesit e sektorit, me qëllim që kërkesat dhe sfidat e tyre të adresohen dhe të përfaqësohen në mënyrë sa më efektive.

10/08/2026

OHTK: Kosova ka nevojë për përgjegjësi, institucione stabile dhe dialog

Oda e Hotelerisë dhe Turizmit të Kosovës (OHTK), me shqetësim të madh, po e përcjell gjendjen në të cilën ndodhen bizneset anëtare, por edhe situatën ekonomike dhe politike në vend në përgjithësi.

Kosova nuk i takon një personi, një subjekti politik apo një grupi të caktuar. Kosova është e të gjithë qytetarëve të saj dhe kërkon përgjegjësi maksimale nga ata që janë zgjedhur për ta përfaqësuar dhe udhëhequr atë.

Besimi që qytetarët ua kanë dhënë përmes votës nuk është privilegj, por përgjegjësi dhe obligim ndaj shtetit dhe qytetarëve. Ky shtet është ndërtuar me shumë mund, sakrificë dhe gjak, prandaj nuk guxon të trajtohet si pronë e askujt dhe as të përdoret për interesa të ngushta politike.

OHTK u bën thirrje të gjitha subjekteve politike dhe liderëve institucionalë që të ulen, të dialogojnë dhe të gjejnë zgjidhje, duke i dhuruar vendit institucione stabile, të përgjegjshme, transparente dhe funksionale.

Ekonomia e Kosovës ndodhet në një udhëkryq. Shumë biznese janë të pasigurta për të ardhmen dhe po përballen me një dilemë të vështirë: të investojnë dhe të zgjerojnë veprimtarinë e tyre në Kosovë apo të largohen, ashtu siç po largohet një pjesë e madhe e rinisë sonë.

Biznesit i duhet siguri, stabilitet institucional, politika të qarta ekonomike dhe një klimë e parashikueshme për të investuar e për të krijuar vende të reja pune.

OHTK e mbështet fuqishëm punën e institucioneve të kontrollit dhe inspektimit. Kontrollet dhe inspektimet janë të domosdoshme, veçanërisht kur bëhet fjalë për sigurinë ushqimore dhe shëndetin publik. Por ato duhet të zhvillohen në mënyrë profesionale, të barabartë, të koordinuar dhe në përputhje me ligjin.

Ajo që nuk i bën nder askujt janë spektaklet, skenarët dhe përplasjet publike që kemi parë ditëve të fundit. Ato nuk i ndihmojnë biznesit, nuk i japin siguri qytetarit dhe, mbi të gjitha, nuk i bëjnë nder shtetit të Kosovës.

Në vend të përplasjeve, Kosovës i duhet dialogu.
Në vend të bllokadave, i duhen institucione funksionale.
Në vend të pasigurisë, i duhet zhvillim ekonomik dhe perspektivë.

OHTK u bën thirrje të gjithë atyre që kanë marrë besimin e qytetarëve: uluni në një tavolinë dhe vendoseni interesin e Kosovës mbi interesat partiake dhe personale.

Kosova nuk ndërtohet duke luftuar njëri-tjetrin.
Kosova ndërtohet duke punuar së bashku.

Për një Kosovë me institucione stabile, ekonomi të fortë, turizëm të zhvilluar dhe perspektivë për të rinjtë tanë.

OHTK – Oda e Hotelerisë dhe Turizmit të Kosovës

09/08/2026

Intervistë në Ekonomia Online me Kryetarin e OHTK-së, Prof. Dr. Sc. Hysen Sogojeva

Kryetari i Odës së Hotelerisë dhe Turizmit të Kosovës (OHTK), Prof. Dr. Sc. Hysen Sogojeva, në një intervistë për Ekonomia Online, foli për rritjen e vazhdueshme të numrit të turistëve dhe potencialin turistik të Kosovës.

Ai ritheksoi nevojën për themelimin e Agjencisë Kombëtare të Turizmit, si hap të rëndësishëm për promovimin dhe zhvillimin e turizmit në vend.

Kryetari i Odës së Hotelerisë dhe Turizmit të Kosovës, Hysen Sogojeva, ka deklaruar se Kosova po shënon rritje të vazhdueshme të numrit të turistëve, ndërsa ka bërë thirrje për më shumë investime në promovimin e vendit dhe themelimin e Agjencisë Kombëtare të Turizmit. Sogojeva n....

07/08/2026

Pritje në Shoqatën e Invalidëve të Luftës së UÇK-së

Kryetari i Odës së Hotelerisë dhe Turizmit të Kosovës (OHTK), Prof. Dr. Sc. Hysen Sogojeva, së bashku me Drejtorin e Gastronomisë në OHTK, Sadik Maqedonci, u pritën në një takim nga Kryetari i Shoqatës së Invalidëve të Luftës së UÇK-së, Fadil Shurdhaj. Fadil Shurdhaj shërben si kryetar i kësaj shoqate.

Gjatë takimit u diskutua për rëndësinë e bashkëpunimit ndërinstitucional, ruajtjen dhe promovimin e vlerave të luftës çlirimtare, si dhe për mundësitë e bashkërendimit të aktiviteteve me interes të përbashkët.

Përfaqësuesit e OHTK-së shprehën mirënjohjen për mikpritjen dhe vlerësuan kontributin e Shoqatës së Invalidëve të Luftës së UÇK-së në mbrojtjen e të drejtave dhe dinjitetit të invalidëve të luftës, duke riafirmuar gatishmërinë për bashkëpunim edhe në të ardhmen.

04/08/2026

Rritja e Turizmit nga Festivalet

Intervistë e realizuar nga RTK me Kryetarin e Odës së Hotelierisë dhe Turizmit të Kosovës Prof. Dr. Sc. Hysen V. Sogojeva.

Video zyrtare nga Radio Televizioni i Kosovës (RTK).Ndiqni RTK pë...

31/07/2026

Oda e Hotelierisë dhe Turizmit të Kosovës dhe Komuna e Prishtinës nënshkruajnë Memorandum Bashkëpunimi

Sot u nënshkrua Memorandumi i Bashkëpunimit ndërmjet Odës së Hotelierisë dhe Turizmit të Kosovës dhe Komunës së Prishtinës. Memorandumi u nënshkrua nga Kryetari i OHTK-së, Prof. Dr. Hysen Sogojeva, dhe Shkëlqesia e Tij, Kryetari i Komunës së Prishtinës, z. Përparim Rama, duke shënuar fillimin e një partneriteti institucional me fokus në zhvillimin e sektorit të hotelerisë, gastronomisë dhe turizmit.

Oda e Hotelierisë dhe Turizmit të Kosovës në këtë takim u përfaqësua nga:

Prof. Dr. Hysen V. Sogojeva – Kryetar i OHTK-së
Sadik Gashi – Drejtor Ekzekutiv i OHTK-së
Aferdita Hoxha – Kryetare e Regjionit në OHTK
Labinot Ademi – Kryetar i Regjionit të Prishtinës në OHTK

Ky memorandum krijon bazën për një bashkëpunim të strukturuar ndërmjet dy institucioneve në promovimin e Prishtinës si destinacion turistik, zhvillimin e projekteve të përbashkëta, organizimin e aktiviteteve, konferencave, panaireve dhe trajnimeve, si dhe fuqizimin e sektorit të hotelerisë, gastronomisë, turizmit, agjencive turistike dhe bizneseve të tjera të ndërlidhura. Gjithashtu, memorandumi parasheh bashkëpunim në ngritjen e kapaciteteve profesionale, aplikimin në projekte dhe fonde vendore e ndërkombëtare, si dhe mbështetjen e iniciativave që kontribuojnë në zhvillimin ekonomik lokal dhe rritjen e cilësisë së shërbimeve turistike.

Oda e Hotelierisë dhe Turizmit të Kosovës e vlerëson këtë memorandum si një hap të rëndësishëm drejt forcimit të bashkëpunimit me Komunën e Prishtinës dhe është e bindur se përmes këtij partneriteti do të realizohen iniciativa konkrete në interes të bizneseve të sektorit, qytetarëve dhe zhvillimit të qëndrueshëm të turizmit në kryeqytet dhe në mbarë Kosovën.

Perparim Rama