Komiteti Paralimpik i Kosovës

29/09/2026

Një rrugëtim historik që vazhdon – tre vite nga pranimi i Kosovës me të drejta të plota në Komitetin Ndërkombëtar Paralimpik (IPC)

Pranimi i Kosovës në IPC përbën një nga momentet më të rëndësishme në historinë e sportit paralimpik të vendit tonë dhe shënoi fillimin e një kapitulli të ri për përfaqësimin ndërkombëtar të Kosovës.

Ky moment historik, i arritur nën udhëheqjen e Presidentes së Komitetit Paralimpik të Kosovës, Njomza Emini, dhe me angazhimin e vazhdueshëm të institucioneve, drejtuesve, sportistëve, trajnerëve, vullnetarëve, bashkëpunëtorëve dhe partnerëve vendorë e ndërkombëtarë, ishte rezultat i një pune të gjatë për anëtarësimin dhe përfaqësimin e plotë të Kosovës në lëvizjen paralimpike ndërkombëtare.

Një rol të rëndësishëm në forcimin e lidhjeve të Kosovës me familjen paralimpike ndërkombëtare ka pasur edhe bashkëpunimi me Presidentin e Komitetit Ndërkombëtar Paralimpik, Andrew Parsons, përfshirë edhe vizitën e tij në Kosovë, e cila shënoi një moment të rëndësishëm në marrëdhëniet ndërmjet KPK-së dhe IPC-së.

Anëtarësimi në IPC fuqizoi lidhjet e Kosovës me familjen paralimpike ndërkombëtare, zgjeroi bashkëpunimin me organizatat partnere dhe krijoi mundësi të reja për zhvillimin e sportistëve dhe të lëvizjes paralimpike në vend.

Gjatë këtyre viteve, Kosova ka rritur praninë e saj në aktivitete dhe ngjarje ndërkombëtare dhe ka ndërtuar partneritete që kontribuojnë në zhvillimin dhe afirmimin e mëtejmë të sportit paralimpik. Ky rrugëtim u shënua edhe me pjesëmarrjen historike të Kosovës në Lojërat Paralimpike Paris 2024, ku vendi ynë u përfaqësua për herë të parë nga paraatleti Grevist Bytyqi-Djali i Historisë, i cili mbajti flamurin e Kosovës në skenën më të madhe të sportit paralimpik botëror.

Në këtë përvjetor, shprehim mirënjohjen tonë për institucionet e Republikës së Kosovës, organizatat partnere, federatat sportive, trajnerët, sportistët, bashkëpunëtorët dhe të gjithë ata që kanë dhënë kontribut në zhvillimin dhe fuqizimin e sportit paralimpik në vendin tonë.

Tre vite më pas, ky rrugëtim vazhdon me përkushtim për fuqizimin e sportistëve, zgjerimin e bashkëpunimit ndërkombëtar dhe afirmimin e Kosovës në lëvizjen paralimpike botërore. 🇽🇰

23/09/2026

🥉 Grevist Bytyqi në podium në Maratonën Ndërkombëtare të Prishtinës!

Paraatleti i Kosovës, Grevist Bytyqi, ka fituar medaljen e bronztë në garën 5 km, në kuadër të Maratonës Ndërkombëtare të Prishtinës.

Një sukses që merr vlerë të veçantë për faktin se Grevisti garoi në konkurrencë të hapur dhe arriti të zërë vend në podium, duke konfirmuar progresin e tij të vazhdueshëm dhe rezultatet e punës së palodhshme.

Për Grevistin, çdo garë dhe çdo rezultat është pjesë e një synimi më të madh: rrugëtimit drejt Lojërave Paralimpike Los Angeles 2028. 🇽🇰

Komiteti Paralimpik i Kosovës përgëzon Grevist Bytyqin dhe trajnerin e tij Ardian Mazreku për këtë arritje dhe për punën e përkushtuar që po bëjnë së bashku.

Urime Grevist! Vazhdojmë përpara! 🥉🇽🇰👏

03/09/2026

Sot, Presidentja e Komitetit Paralimpik të Kosovës, znj. Njomza Emini, mori pjesë në konferencën për media, të organizuar në prag të pjesëmarrjes historike të Kosovës në World Boccia Challenger Pilsen 2026.

Në fjalën e saj, Presidentja Emini theksoi rolin e rëndësishëm të Komitetit Paralimpik të Kosovës në krijimin e mundësive, hapjen e dyerve ndërkombëtare dhe mbështetjen e vazhdueshme të federatave dhe parasportistëve tanë.

Komiteti Paralimpik i Kosovës do të vazhdojë të jetë pranë federatave dhe sportistëve, duke punuar që çdo mundësi e krijuar për ta të shndërrohet në një mundësi më shumë për Kosovën.

Sabri Çabrës dhe ekipit përfaqësues u dëshirojmë shumë suksese dhe përfaqësim sa më dinjitoz në Pilsen! 🇽🇰

29/07/2026

🏐 Urime Kombëtares së Kosovës 🇽🇰 në Paravolejboll për suksesin në Turneun Ndërkombëtar “Nerulum Cup” në Rotonda të Italisë 🇮🇹

Komiteti Paralimpik i Kosovës përgëzon Kombëtaren e Kosovës në Paravolejboll për paraqitjen e jashtëzakonshme në turneun ndërkombëtar “Nerulum Cup”, të zhvilluar në Rotonda të Italisë, ku u rendit në vendin e dytë, duke shënuar një tjetër sukses të rëndësishëm për sportin paralimpik të Kosovës. Me fitore ndaj Spanjës dhe Anglisë, ekipi siguroi pjesëmarrjen në finale, ku u përball me Italinë, duke dëshmuar cilësi, disiplinë dhe përkushtim të lartë gjatë gjithë garës.

Një vlerësim i veçantë iu nda Skender Krasniqit, i cili u shpall Lojtari Më i Vlefshëm i Turneut (Most Valuable Player – MVP). Ky është çmimi më i lartë individual i turneut dhe i jepet sportistit që spikat me performancën, ndikimin dhe kontributin më të madh gjatë gjithë garës, duke e bërë këtë arritje edhe më domethënëse për Kosovën.
Ky sukses është rezultat i punës së palodhshme të sportistëve, stafit teknik dhe Paravolley Kosova, si dhe dëshmi e përkushtimit të vazhdueshëm për zhvillimin e sportit paralimpik dhe përfaqësimin dinjitoz të vendit në arenën ndërkombëtare.

Komiteti Paralimpik i Kosovës u shpreh urimet më të sinqerta sportistëve, stafit teknik dhe Federatës së Paravolejbollit të Kosovës, duke u dëshiruar edhe shumë suksese në garat e ardhshme.
Urime dhe krenarë me ju! 🇽🇰🏐

Kosova nënkampione e Turneut Ndërkombëtar “Nerulum Cup”, në Rotonda të Italisë!

Kombëtarja e Kosovës e përfundoi turneun ndërkombëtar “Nerulum Cup”, në Rotonda të Italisë me një sukses historik, duke u renditur në vendin e dytë pas finales ndaj Italisë, e cila përfundoi me rezultat 3:0.

Pavarësisht humbjes në finale, ky është një rezultat historik për paravolejbollin e Kosovës dhe një dëshmi e përparimit të vazhdueshëm të ekipit tonë në arenën ndërkombëtare.

Një arritje e veçantë erdhi edhe në nivel individual, ku Skender Krasniqi u shpall MVP i të gjithë turneut, duke kurorëzuar paraqitjet e tij të jashtëzakonshme me çmimin më të lartë individual.

Urime të gjithë sportistëve, stafit teknik dhe të gjithë atyre që kontribuuan në këtë sukses.

Krenarë me djemtë e Kosovës! 🇽🇰

25/06/2026

🏛️ Qeverisje e mirë – themeli i organizatave sportive të suksesshme

Komiteti Paralimpik i Kosovës organizoi sot trajnimin në kuadër të Programit për Ngritjen e Kapaciteteve të Organizatave Sportive, me pjesëmarrjen e përfaqësuesve të federatave sportive paralimpike dhe klubeve anëtare.

Trajnimi u fokusua në rëndësinë e qeverisjes së mirë, transparencës, llogaridhënies dhe forcimit të kapaciteteve institucionale, si elemente kyçe për zhvillimin dhe funksionimin efektiv të organizatave sportive.

Përmes këtij programi, Komiteti Paralimpik i Kosovës synon të mbështesë federatat dhe klubet sportive në ngritjen e kapaciteteve organizative dhe institucionale, duke kontribuar në krijimin e organizatave më profesionale, më të qëndrueshme dhe më të përgatitura për sfidat dhe mundësitë e zhvillimit në nivel vendor dhe ndërkombëtar.

Ministria e Sportit dhe Rinisë, Kosovë
TEB SH.A.
Kompania e Sigurimeve "PRISIG" bdhparasfoundation

16/06/2026

💜🏓 Nga Vushtrri në Kamenicë, nga Istog në Prishtinë, e tash në Obiliq – Karvani i Fëmijëve po vazhdon të mbledhë energji, talent dhe shumë kampionë të vegjël gjatë rrugës!
Si partner i kësaj nisme të organizuar nga CED – Center for Empowerment and Development, Komiteti Paralimpik i Kosovës po u jep fëmijëve mundësinë të provojnë nga afër sportin paralimpik, të sfidojnë veten, të argëtohen dhe të zbulojnë se sporti nuk njeh barriera.

Në Obiliq, pingpongu, sfidat sportive dhe atmosfera fantastike dëshmuan edhe një herë se fëmijët janë kampionët më të mirë kur bëhet fjalë për energji, guxim dhe fair-play. 🙌

Nën moton “Dream Together”, po ndërtojmë një kulturë ku secili fëmijë ndihet i përfshirë, i vlerësuar dhe pjesë e lojës.

Një lojë. Një ekip. Pa barriera.

InclusionThroughSport

Ministria e Sportit dhe Rinisë
TEB ShA
Prisig - Kompania e Sigurimeve
BDH PARAS Foundation

15/06/2026

🚍💙 Karvani vazhdon. Radha e Obiliqit!

Nga një qytet në tjetrin, me të njëjtin mision: më shumë buzëqeshje, më shumë lojë dhe më shumë gjithëpërfshirje. ♿✨

Për tri ditë me radhë, Obiliqi do të jetë pjesë e këtij rrugëtimi të veçantë, ku sporti, kreativiteti dhe argëtimi bashkojnë fëmijët në një atmosferë plot gëzim dhe energji pozitive.

📍 Obiliq
📅 16–18 Qershor

💙 Sepse çdo fëmijë meriton të luajë, të ëndërrojë dhe të shkëlqejë.

🚍✨ KARVANET E FËMIJËVE zbarkojnë në Obiliq! ✨🎉
3 ditë plot lojë, buzëqeshje, kreativitet dhe aventura po vijnë në sheshin e qytetit! 🧩⚽🎨Fëmijët do të kenë mundësi të marrin pjesë në:
🏌 Mini Golf
♟️ Shah
👩‍🎨 Këndi i pikturës
🛠️ Lojëra të shumta
📚 Këndin e leximit
🎬 Kinemaja Verore për Fëmijë

🎁 Surpriza dhe dhurata nga sponsorët
Obiliqi bëhet stacioni ku argëtimi takohet me edukimin dhe energjinë e fëmijëve mbush çdo cep të qytetit! 🌟
📍Stacioni: Komuna E Obiliqit, Sheshi Dëshmorët e Kombit.
📅 16-18 qershor, 2026 oraret 11:30- 13:00 dhe 16:00 -18:00. Kinemaja verore fillon nga ora 20:00.
👨‍👩‍👧‍👦 Hyrja e lirë për të gjitha aktivitetet.
See less See less

10/06/2026

Karvanet e Fëmijëve kanë ndaluar sot në Prishtinë. Si partnerë të kësaj iniciative, mbështesim aktivitetet që bashkojnë dhe përfshijnë çdo fëmijë 💙

06/06/2026

📌 Në Stamboll, Kosova prezanton rrugëtimin e saj në zhvillimin e lëvizjes paralimpike

Me ftesë të Komitetit Paralimpik Evropian (EPC), Presidentja e Komitetit Paralimpik të Kosovës, Njomza Emini, mori pjesë si folëse në sesionin “Small Country, Big Impact” në kuadër të European Para Youth Games Legacy Initiative dhe Policy and Development Hubs që u mbajt në Stamboll.

Gjatë prezantimit të saj, Emini ndau me përfaqësuesit e Komiteteve Paralimpike Kombëtare dhe organizatave nga shumë vende të Evropës përvojën e Kosovës në zhvillimin e lëvizjes paralimpike, sfidat e hasura ndër vite, si dhe hapat që kanë mundësuar avancimin e parasportit dhe krijimin e më shumë mundësive për sportistët me aftësi të kufizuara.

Në fokus të prezantimit ishte rrugëtimi i Komitetit Paralimpik të Kosovës, puna shumëvjeçare për fuqizimin e sportistëve me aftësi të kufizuara, themelimin dhe zhvillimin e federatave e klubeve parasportive, si dhe procesi i anëtarësimit dhe përfaqësimit të tyre në organizatat ndërkombëtare. Gjithashtu, u theksua rëndësia e lidershipit në zhvillimin e federatave parasportive, ku Presidentja Njomza Emini ka luajtur rol aktiv në mbështetjen, orientimin dhe fuqizimin e tyre, duke kontribuar në rritjen e kapaciteteve dhe pranisë së tyre në arenën ndërkombëtare.

Ftesa e EPC-së për Njomza Eminin si folëse në këtë ngjarje dhe mundësia për të prezantuar përvojën e Kosovës para përfaqësuesve nga shumë vende të Evropës janë dëshmi e vlerësimit që gëzojnë puna dhe rezultatet e Komitetit Paralimpik të Kosovës në arenën ndërkombëtare. Ky vlerësim u konfirmua edhe në shtator 2025 në Londër, ku Emini mori numrin më të madh të votave në zgjedhjet për Bordin Ekzekutiv të Komitetit Paralimpik Evropian. 💙♿🇽🇰

05/06/2026

Nga Stambolli, një partneritet i ri për të ardhmen e lëvizjes paralimpike 🇽🇰🤝🇹🇷

Presidentja e Komitetit Paralimpik të Kosovës, Njomza Emini dhe Presidenti i Komitetit Paralimpik të Turqisë, Murat Aksu, nënshkruan Marrëveshjen e Bashkëpunimit ndërmjet dy komiteteve, duke forcuar bashkëpunimin dhe duke krijuar mundësi të reja për zhvillimin e lëvizjes paralimpike në të dy vendet.

Ky partneritet bashkon përvojën, ekspertizën dhe vizionin e përbashkët për avancimin e parasportit, fuqizimin e sportistëve dhe promovimin e vlerave të gjithëpërfshirjes, barazisë dhe solidaritetit.

Për Kosovën, ky bashkëpunim është dëshmi se edhe përballë sfidave të shumta, përkushtimi, këmbëngulja dhe vizioni mund të hapin dyer të reja dhe të ndërtojnë partneritete strategjike me ndikim afatgjatë për zhvillimin e lëvizjes paralimpike.

Krenarë për rrugën që kemi ndërtuar deri këtu dhe të motivuar për gjithçka që na pret përpara.

Kosova vazhdon të dëshmojë se madhësia e një vendi nuk përcakton ndikimin e tij, e përcaktojnë vizioni, puna dhe guximi për të mos u ndalur asnjëherë. 🇽🇰🇹🇷💙