06/01/2026
Në këtë ditë me shi kujtojmë një ditë me diell, në të cilën një grua shtatzënë u informua mbi fakte të sakta rreth procesit të gjidhënies.
Çfarë ndodh kur një grua shtatzënë merr informata të sakta për gjidhënien?
Pritshmëritë e saj afrohen me realitetin, hendeku ndërmjet njohurive mbi atë që pritet të ndodhë pas lindjes dhe përvojës reale zvogëlohet dhe, si rrjedhojë, ajo ka më pak gjasa të përjetojë ankth postnatal dhe depresion. Ajo bëhet më e aftë të kërkojë ndihmë dhe mbështetje për gjidhënie pas lindjes nga partneri dhe familja. Foshnja fillon të pijë kulloshtër, ndërsa nëna ndjehet e aftë të ushqejë fëmijën e saj. Me këtë, ajo fiton vetëbesim dhe e merr situatën në duart e veta.
Por çfarë ndodh me natyrën dhe botën përreth nesh?🌍⛰️🏖🌄🌍
Një nënë që ushqen foshnjën me gji kontribuon drejtpërdrejt në mbrojtjen e mjedisit:
• Gjidhënia nuk prodhon mbetje - pa shishe plastike, apo ambalazh;
• Ushqimi me formulë kërkon energji për prodhim, paketim, transport dhe përgatitje;
• Një foshnjë e ushqyer me formulë përdor dhjetëra shishe plastike dhe qindra kanaçe gjatë vitit të parë;
• Gjidhënia kursen ujë dhe energji elektrike;
Gjidhënia është ushqimi më natyral për foshnjën dhe një zgjedhje e qëndrueshme për planetin. Një akt dashurie për foshnjën dhe për botën ku ajo do të rritet 💚
📍 Së shpejti, La Leche League Kosova dhe Action for Mothers and Children do të fillojnë me klasa informuese për gjidhënien, të cilat do të organizohen çdo muaj, për të mbështetur gratë para lindjes me informacione të sakta dhe të bazuara në dëshmi.
