17/02/2025
Vëllezër të dashur, miq dhe bashkëkombës,
Sot, në këtë ditë të shënuar, festojmë dy përvjetorë domethënës që mishërojnë sakrificën, përkushtimin dhe vlerat e qëndrueshme që na bashkojnë: 17 vjet Pavarësi për Kosovën tonë të dashur dhe 7 vjet rrugëtim muratorik të Lozhës së Madhe të Kosovës.
Ashtu si mjeshtrit e lashtë që ndërtuan katedralet me vetëdijen se nuk do të shihnin përfundimin e veprës së tyre, po ashtu edhe brezat e shqiptarëve sakrifikuan për lirinë që ne sot e gëzojmë. Muratorët e Lirë, ndërtues të shpresës dhe ndriçimit, vazhdojnë këtë rrugëtim duke me angazhimin e tyre për një shoqëri më të drejtë, më të ndritur dhe më të bashkuar.
Sot, më shumë se kurrë, jemi të thirrur të ruajmë dhe të kultivojmë vlerat e lirisë, barazisë dhe vëllazërisë.
Le të jetë ky përvjetor një moment reflektimi, force dhe bashkimi për të gjithë ata që punojnë me përkushtim për një të ardhme më të ndritur.
Gëzuar këtë ditë të madhe! 🔥🔥🔥
