Organizata Studentore Reforma

04/10/2026

Sonte qëndrojmë para dyerve të Kuvendit.

Si studentë të Universitetit të Prishtinës, pa dallime partiake, jemi bërë bashkë për një kërkesë të vetme: VOTOJENI LIGJIN!

Nga ora 08:00 e mëngjesit, Organizata Studentore REFORMA i bën thirrje secilit student e qytetar të na bashkohet në sheshin Skënderbeu.
UÇK-ja është historia jonë. Identiteti ynë. Liria jonë.

NESËR, ORA 08:00 MËNGJES
TË GJITHË NË SHESHIN SKËNDERBEU
JO NË EMRIN TIM!

01/10/2026

Kapitujt ndryshojnë, njerëzit ndryshojnë, por REFORMA mbetet.

Me besim në një kapitull të ri dhe me të njëjtin përkushtim ndaj asaj që REFORMA përfaqëson.

Kryesia e re:
Kryetar — Donart Humolli
Nënkryetare — Anda Fejza
Nënkryetar — Lis Abdullahu
Sekretar — Orges Mehana

Nga studentët, për studentët.
Një kapitull i ri fillon. ❤️

01/10/2026

Pas katër vitesh në krye të REFORMËS, Ismet Krasniqi përmbylli dje mandatin e tij si Kryetar i organizatës.

Një mandat i shënuar me punë, angazhim, suksese dhe momente që do të mbeten pjesë e historisë së REFORMËS.

Faleminderit, Ismet! ❤️

26/09/2026

Vazhdojmë!

UP, moti s’kemi festu! 🔥

Viti i ri akademik meriton me nisë me muzikë, shoqni e atmosferë të mirë! 🪩

📍 Salla “1 Tetori”
⏰ 20:00
🎧 DJ MEEX
📅 1 Tetor

Hyrja është FALAS! 🆓

Shihemi më 1 Tetor! 🥂

21/09/2026

Sot, studentët nuk heshtën përballë padrejtësisë.

Nuk ka gjykatë, e as vendim, që do ta ndryshojë mënyrën se si rinia e Kosovës i sheh çlirimtarët tanë.

UÇK - KREJT KOSOVA!

18/09/2026

👇

Të hënën, të gjithë në shesh!

Për UÇK-në, për drejtësinë, për historinë tonë.

Në 11:30, mblidhemi tek Qendra e Studentëve dhe marshojmë së bashku drejt Shesh*t Skënderbeu.

Ejani pa maska. Jemi në të drejtën tonë dhe nuk kemi asgjë për të fshehur.

Jo në emër të studentëve!

12/09/2026

Studentët po ju presin, Kosova po pret! 🇽🇰🇦🇱

10/09/2026

Organizata Studentore “Reforma” u bën thirrje të gjithë studentëve të Universitetit të Prishtinës, si dhe studentëve të të gjitha universiteteve publike e private të Kosovës, që t’i bashkohen Marsh*t për Drejtësi, të organizuar nga platforma “Liria ka emër”, më 12 shtator, duke filluar nga ora 14:00.

📍 Ftojmë të gjithë studentët e interesuar që të mblidhemi pranë Bibliotekës së Universitetit të Prishtinës në ora 13:20, prej nga do t’i bashkohemi së bashku marsh*t, me fillim në ora 14:00.

Studentët e Kosovës nuk kanë qenë kurrë indiferentë ndaj fatit të vendit të tyre. Universiteti ka qenë dhe duhet të mbetet vendi ku mbrohet e vërteta, ku ngrihet zëri kundër padrejtësisë dhe ku brezat e rinj dëshmojnë se nuk harrojnë sakrificën mbi të cilën u ndërtua shteti ynë.

Ne jemi një brez që e kemi njohur Kosovën e lirë falë sakrificës së një brezi tjetër. Prandaj, sot kemi përgjegjësi që të mos heshtim përballë padrejtësisë dhe të mos lejojmë që historia e luftës sonë për liri të deformohet apo të harrohet.

Ne nuk harrojmë ata që u ngritën në ditët më të vështira të Kosovës. Nuk harrojmë familjet që dhanë më të shtrenjtën. Nuk harrojmë dëshmorët dhe martirët. Nuk harrojmë se liria që e gëzojmë sot u pagua me gjak, sakrificë dhe jetë njerëzish.

UÇK-ja ishte ushtria e popullit të Kosovës, e cila luftoi për çlirimin e vendit nga regjimi serb dhe për lirinë që sot e gëzojmë të gjithë.

Asnjë proces gjyqësor nuk mund ta fshijë kujtesën e një populli. Asnjë aktakuzë nuk mund ta zhbëjë historinë e Kosovës. Dhe asnjë përpjekje nuk mund ta ndajë lirinë tonë nga sakrifica e atyre që luftuan për të.

Liria u fitua.
Dhe liria ka emër. UÇK!

12 SHTATOR | 13:20 | BIBLIOTEKA E UNIVERSITETIT TË PRISHTINËS
14:00 | MARSHI PËR DREJTËSI

02/09/2026

Sot, me ftesë të Kryeministrit të Republikës së Shqipërisë, z. Edi Rama, një grup studentësh të Universitetit të Prishtinës, të organizuar nga Organizata Studentore “Reforma”, zhvilluan një vizitë në Tiranë.

Gjatë takimit me Kryeministrin Rama, patëm mundësinë të diskutojmë për një sërë çështjesh me interes të përgjithshëm, ndër të cilat marrëdhëniet dhe raportet ndërmjet Qeverisë së Shqipërisë dhe Republikës së Kosovës, proceset në Hagë, pritshmëritë për 16 shtatorin, arsimin, aktivitetet e të rinjve dhe tema të tjera me rëndësi për studentët dhe të rinjtë.

Organizata Studentore “Reforma” vlerëson lart bashkëpunimin e shkëlqyer me institucionet e shtetit shqiptar dhe angazhimin e tyre në mbështetje të të rinjve dhe studentëve.

Në emër të studentëve dhe Organizatës Studentore “Reforma”, falënderojmë përzemërsisht Kryeministrin e Republikës së Shqipërisë, z. Edi Rama, për pritjen dhe bashkëbisedimin e hapur, si dhe Ambasadën e Republikës së Shqipërisë në Kosovë për bashkëpunimin dhe mbështetjen e vazhdueshme.

🇦🇱🇽🇰 Bashkëpunimi Shqipëri–Kosovë është një vlerë e rëndësishme për të ardhmen e të rinjve tanë.

📷 Albatrit Llugiqi

03/06/2026

THIRRJE PËR PROTESTË

Studentët e Kosovës në mbrojtje të gjuhës shqipe

Të nderuar studentë, qytetarë, profesorë dhe të gjithë ata që besojnë në drejtësi,

Ne, studentët e Kosovës, ju ftojmë t’i bashkoheni protestës paqësore para Ambasadës së Maqedonisë së Veriut në Kosovë, për të ngritur zërin kundër cenimit të së drejtës së përdorimit të gjuhës shqipe në provimin e jurisprudencës dhe në të gjitha provimet e tjera shtetërore në Maqedoninë e Veriut.

Gjuha shqipe nuk është privilegj. Ajo është e drejtë e qindra mijëra shqiptarëve në Maqedoninë e Veriut.

Ne besojmë se arsimi, profesioni dhe e ardhmja e të rinjve nuk duhet të pengohen nga barriera gjuhësore të vendosura padrejtësisht. Prandaj, ftojmë të gjithë studentët, organizatat studentore, shoqërinë civile dhe qytetarët që të bashkohen me ne.

5 Qershor,
Para Ambasadës së Maqedonisë së Veriut në Kosovë,
Ora: 14:00.