Rame Lahaj Foundation

Rame Lahaj Foundation Rame Lahaj Foundation & Opera Festival
Location: https://g.co/kgs/4vgT5XW

The Rame Lahaj International Opera Festival originated out of the need of creating a bridge between the Kosovar and international scene. The necessity of such an initiative has been driven by the many talents who are growing every day in Kosovo and the region. With the support of the Municipality of Prishtina, the Ministry of Culture, the Swiss Embassy, and the Kosovo Philharmonic, the concert "Ra

me Lahaj & Friends" was held in 2019, which would later lead to the establishment of the first ever Opera Festival in place "Rame Lahaj International Opera Festival" in 2021. In support of youth, art and operatic culture in the country Rame Lahaj Foundation supports and aims to promote Kosovo and its artists worldwide.

—

Festivali Ndërkombëtar “Rame Lahaj International Opera Festival” lindi si nevojë për të krijuar një urë lidhëse midis skenës Kosovare dhe asaj ndërkombëtare. Domosdoshmëria e një nisme të tillë është nxitur nga talentet e shumtë të cilët çdo ditë e më tepër rriten në Kosovë e rajon. Me mbështetjen e Komunës së Prishtinës, Ministrisë së Kulturës, Ministrisë së Punëve të Jashtme, Ambasadës Zvicerane dhe Filarmonisë së Kosovës, u realizua në vitin 2019 koncerti “Rame Lahaj & Friends“ i cili do të sillte më pas themelimin e Festivalit të parë Operistik në vend “Rame Lahaj International Opera Festival” në vitin 2021. Në mbështetje të të rinjve, të artit dhe kulturës operistike në vend Fondacioni Rame Lahaj mbështet dhe synon të promovojë Kosovën dhe artistët e saj në mbarë botën.

05/06/2026

Çdo verë, Rame Lahaj International Opera Festival ka sjellë në Prishtinë artistë që përfaqësojnë skenat më të rëndësishme operistike të botës. Nën frymën e motos së këtij viti, “Play Music, Not War”, misioni jonë vazhdon të dëshmojë fuqinë e muzikës për të bashkuar njerëz dhe kultura të ndryshme përmes artit.

Jemi të lumtur t’ju njoftojmë se dirigjenti italian Giuseppe Finzi do t'i bashkohet edicionit të gjashtë të festivalit, duke marrë drejtimin muzikor të artistëve dhe orkestrës në mbrëmjen më të shumëpritur të festivalit, Gala Night Rame Lahaj & Friends.

I vlerësuar ndërkombëtarisht për punën e tij në repertorin operistik dhe simfonik, Maestro Finzi ka bashkëpunuar me teatro dhe orkestra të rëndësishme në mbarë Europën, duke dirigjuar vepra si Ernani, Il trovatore, Simon Boccanegra, Turandot, Tosca dhe Madama Butterfly.

Me përvojën e pasur artistike dhe intepretimin e tij të formuar në traditën më të mirë të dirigjimit italian, Giuseppe Finzi do të jetë një nga figurat kyçe të mbrëmjes kulmore të festivalit, më 29 korrik në sheshin “Skënderbeu”.

Mezi presim t’ju prezantojmë me artistët e tjerë të gala mbrëmjes në ditët në vazhdim!

Të nderuar përfaqësues të medieve,Rame Lahaj International Opera Festival i cili do të zhvillohet nga 4 deri më 29 korri...
03/06/2026

Të nderuar përfaqësues të medieve,

Rame Lahaj International Opera Festival i cili do të zhvillohet nga 4 deri më 29 korrik hap akreditimet për media. Ftojmë të gjithë gazetarët dhe përfaqësuesit e medieve që dëshirojnë të ndjekin nga afër edicionin e gjashtë të festivalit të aplikojnë për akreditim.

Nën moton “Play Music, Not War”, festivali ndërton një narrativë artistike që vendos paqen dhe bashkimin në qendër të çdo performance.

Akreditimet për medie janë të hapura deri më 30 qershor dhe ofrojnë:
- Qasje në të gjitha aktivitetet e festivalit;
- Mundësi për intervista me artistë dhe pjesëmarrës duke u koordinuar me përfaqesuesin e festivalit;
- Materiale dhe përmbajtje ekskluzive për publikim;

📩 Aplikimet pranohen në email adresën: [email protected]
📌 Aplikimi duhet të përmbajë:
* Emrin dhe mbiemrin e gazetarit/es
* Emrin e mediumit
* Emrin e fotografit/kameramanit
* ID e punës

Ju ftojmë të bëheni pjesë e këtij edicioni dhe të kontribuoni në përcjelljen e një prej ngjarjeve më të rëndësishme kulturore të verës.

01/06/2026

Rame Lahaj International Opera Festival, në bashkëpunim me Orkestrën dhe Korin e Fëmijëve dhe të Rinjve “Amadeus”, sjell Young Classics më 20 korrik!

Nën dirigjimin e Vehbi Shoshollit dhe me pjesëmarrjen e pianistit të ftuar Ermes Balili, publiku do të përjetojë një program unik ku muzika operistike dhe klasike ndërthuret me meloditë më të dashura të fëmijëve nga filmat Disney dhe musical-et ikonike.

Një “sneak peek”? Prisni tinguj magjikë nga Sirena e vogël, Aladin, E bukura dhe bisha, interpretime virtuoze pianistike, momente korale emocionuese dhe plot surpriza të tjera gjatë koncertit.

Pas sukseseve ndërkombëtare të “Amadeus”, kjo paraqitje sjell në festival energjinë e një gjenerate të re artistësh që po përfaqësojnë denjësisht Kosovën në skena prestigjioze botërore.

Prindër, shënoni datën!
Kjo ditë do të jetë një eksperiencë argëtuese, frymëzuese dhe plot emocione për të gjithë familjen.

Detaje të tjera do të publikohen së shpejti.

28/05/2026

Tenori i njohur amerikan Charles Castronovo rikthehet në skenën e Rame Lahaj Opera Festival për mbrëmjen Opera Night, duke sjellë për publikun një program të kuruar me kujdes të repertorit operistik.

I vlerësuar ndërkombëtarisht për muzikalitetin e tij të rafinuar dhe interpretimet në repertorin lirik italian e francez, Castronovo ka interpretuar në disa prej teatrove më prestigjioze të operës në botë, mes tyre Metropolitan Opera, Royal Opera House, Wiener Staatsoper, Opéra national de Paris dhe Bayerische Staatsoper. Karriera e tij ndërkombëtare nisi në Metropolitan Opera përkrah Plácido Domingos në Pagliacci, duke shënuar fillimin e një rrugëtimi artistik që vazhdon të vlerësohet nga publiku dhe kritika ndërkombëtare. Ai ka marrë vlerësime të shumta në role ikonike si Don Carlos, Don José në Carmen, Riccardo në Un ballo in maschera, Rodolfo në La bohème, Alfredo në La traviata, Pinkerton në Madama Butterfly, Carlo në I masnadieri dhe Mario Cavaradossi në Tosca.

Nga viti në vit, Opera Night është kthyer në një mbrëmje që premton emocione të veçanta në skenën e Prishtinës. Ju ftojmë të bëheni pjesë e kësaj mbrëmjeje unike më 26 korrik, ku zërat e bukur të Charles Castronovos dhe Elbenita Kajtazit do t’ju bëjnë të përjetoni momente të paharruara.

22/05/2026

Në mbrëmjen e shumëpritur të Ensemble Evening këtë vit vijnë Cosimo and the Hot Coals, ansambli italian i jazz-it tradicional që po mahnit audiencat ndërkombëtare.

Me miliona ndjekës dhe vlerësime nga artistë të njohur si Michael Bublé, Ray Gelato, Anomalie, Benny Benack III dhe Jamie Cullum, gjashtë muzikantët italianë sjellin magjinë e Hot Jazz dhe New Orleans Jazz të viteve 1920 në një interpretim autentik plot jetë dhe bashkëkohor.

Formacioni, i drejtuar nga nga Cosimo Pignataro, përbëhet nga Stefano Della Grotta në banjo dhe kitarë, Martin Di Pietro në piano, Mirko Boles në kontrabas, Giovanni Amodeo në klarinetë dhe Michele Capasso në bateri.

Pas performancave në festivalet më prestigjioze në Europë dhe Lindjen e Mesme, nga Ascona Jazz Festival e deri te Bahrain Jazz Festival, Cosimo and the Hot Coals do të ngjiten në skenën e RLIOF më 22 korrik 2026 për një natë unike ritmi, nostalgjie dhe elegance.

Jemi të lumtur t’ju njoftojmë për një masterclass ekskluziv fotografie, të udhëhequr nga fotografi i mirënjohur Fadil Be...
20/05/2026

Jemi të lumtur t’ju njoftojmë për një masterclass ekskluziv fotografie, të udhëhequr nga fotografi i mirënjohur Fadil Berisha, që do të mbahet më 5 dhe 6 korrik.

Ky masterclass intensiv është konceptuar për fotografë të rinj dhe në zhvillim, të cilët dëshirojnë të përsosin më tej vizionin e tyre artistik, rrëfimin përmes fotografisë, fotografinë e portretit dhe drejtimin kreativ, nën udhëheqjen e njërit prej fotografëve shqiptarë më të shquar në skenën ndërkombëtare.

Masterclass-i do të zhvillohet gjatë dy ditëve të plota dhe pjesëmarrja aktive është e detyrueshme për të gjithë kandidatët e përzgjedhur. Përmes seancave praktike, diskutimeve dhe mentorimit të drejtpërdrejtë, pjesëmarrësit do të fitojnë njohuri të vlefshme mbi botën profesionale të fotografisë.

Datat: 5 - 6 korrik 2026
Lokacioni: Galeria e Arteve, Marigona Hill

Kriteret e pjesëmarrjes:
Mosha: 18 - 35 vjeç

E hapur për pjesëmarrës të të gjitha kombësive.

Për të aplikuar, kandidatët duhet të dorëzojnë:
- Një biografi të shkurtër / CV
- Një portfolio e përzgjedhur të punëve fotografike

Linku për aplikim: https://tinyurl.com/5cdkswcf

Aplikimet janë të hapura deri më 20 qershor 2026.

Aplikoni tani dhe çojeni fotografinë tuaj në një nivel tjetër!

Në prag të edicionit të gjashtë të Rame Lahaj International Opera Festival, shprehim mirënjohjen tonë për të gjithë part...
18/05/2026

Në prag të edicionit të gjashtë të Rame Lahaj International Opera Festival, shprehim mirënjohjen tonë për të gjithë partnerët, sponsorët dhe institucionet që mbështesin misionin tonë artistik dhe kulturor.

Falënderojmë partnerët tanë institucionalë: Komunën e Prishtinës dhe Ministrinë e Kulturës, Rinisë dhe Sportit të Kosovës, si dhe sponsorin gjeneral Interex për mbështetjen e vazhdueshme.

Një mirëseardhje e veçantë për BKT, sponsorin tonë Gold dhe mbështetësin më të ri të Fondacionit Rame Lahaj.

Mirënjohje për IPKO, Scardian, Hyperactive, LIKA Holding.

Të lumtur që Ambasada Franceze në Kosovë për herë të parë i bashkohet mbështetësve të festivalit tonë, duke kontribuar në forcimin e bashkëpunimit dhe shkëmbimit kulturor ndërkombëtar. Ashtu si Ambasada Italiane në Kosovë me Institutin Italian të Kulturës me mbështetjen e tyre të vazhdueshme.

Falënderojmë gjithashtu Porsche Prishtina, Marigona Hill, 038 Parking Center, Courtyard by Marriott Prishtina, Mahagoni dhe Gjirafa.com për mbështetjen logjistike dhe profesionale.

Krenarë që vazhdojmë të jemi pjesë e rrjeteve Opera Europa dhe FEDORA.

Faleminderit që besoni në fuqinë e muzikës, kulturës dhe në rrugëtimin tonë artistik.

Aplikimet për Masterclass-in në kuadër të Rame Lahaj International Opera Festival janë tashmë të hapura!I udhëhequr nga ...
15/05/2026

Aplikimet për Masterclass-in në kuadër të Rame Lahaj International Opera Festival janë tashmë të hapura!

I udhëhequr nga mjeshtri i vokalit Jean Bernard Thomas, ky program ofron një mundësi të çmuar për artistët e rinj që të përmirësojnë teknikën e tyre dhe të zhvillojnë më tej interpretimin artistik.

Periudha: 18-24 korrik, 2026

Lokacioni: Prishtinë

Detajet e programit:
Masterclass-i do të zhvillohet çdo ditë dhe pjesëmarrja e plotë është e detyrueshme për të gjithë këngëtarët e përzgjedhur.
Më 24 korrik do të mbahet “New Generation”, një koncert përmbyllës nga artistët e përzgjedhur, duke i ofruar të rinjëve mundësinë të interpretojnë përpara publikut.

Kriteret e pjesëmarrjes: E hapur për këngëtarë të të gjitha kombësive nga mosha 18 - 35 vjeç.

Procesi i aplikimit: Ju lutemi dorëzoni materialet e mëposhtme deri më 15 qershor 2026.
- Tre (3) video nga performancat tuaja të fundit (preferohet në skenë, në koncert ose gjatë një interpretimi live).
- Një CV personale me foto, që përshkruan formimin tuaj muzikor dhe arsimor.
- Një listë me 3 - 4 arie që dëshironi të sillni dhe të punoni me mjeshtrin e vokalit.

Linku për aplikim: https://tinyurl.com/mut2rtc8

Për çdo informacion të mëtejshëm, ju lutemi kontaktoni: [email protected].

Mos e humb këtë mundësi! Apliko sot dhe jepi këndimit tënd orientimin e duhur.

06/01/2026

✨🎄 Një kujtim që s’na largohet nga zemra 🎄✨

Atmosfera e ngrohtë dhe plot emocione që na shoqëroi këtë fundvit në Katedralen “Nënë Tereza” me fëmijët e Korit dhe Orkestrës “Amadeus” dhe me fëmijët nga Organizata ZË, ka mbetur ende e gjallë në kujtimet tona. Ishin çaste gëzimi, momente kur vrulli i fëmijëve, i kthyer në muzikë, e bashkoi publikun dhe na bëri të gjithëve pjesë të një kremtimi të vërtetë të festave të fundvitit. 🤍

Udhëtuam nga këngët festive që i këndojmë me zemër, te tingujt plot gjallëri të një Can-Can, e deri te ritmet me ngjyra spanjolle, një program i larmishëm që na solli buzëqeshje dhe emocione në çdo hap. 🎶✨

Në skenë u pa ajo që besojmë dhe duam:
që çdo fëmijë, pavarësisht aftësive, të ketë vendin e vet, të ndihet i pranuar, të jetë pjesë dhe të bëhet njësh me të tjerët. Sepse muzika na bën të flasim me një gjuhë të vetme, dhe aty ku dikur kishte kufij, sot ndërtohen përqafime artistike 🌍🎵

Një falënderim i përzemërt për të gjithë ata që ishin me ne:
për fëmijët që sollën dritë në skenë, për familjet që e mbushën Katedralen me ngrohtësi, dhe për secilin që kontribuoi në organizimin e kësaj mbrëmjeje të veçantë.
Ju e zbukuruat edhe më shumë frymën e festave dhe fillimin e vitit të ri që sapo ka nisur.” ✨

🎄🎶

Address

Rame Lahaj Foundation
Pristina
10000

Website

Alerts

Be the first to know and let us send you an email when Rame Lahaj Foundation posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Rame Lahaj Foundation:

Shortcuts

Share

Category