Social Housing and Property Rights in Kosovo

22/05/2026

Akademia për Lidership në Istog

Drejtori Ekzekutiv i SHPRK Agron Beka mori pjesë në ngjarjen e përfundimit të Leadership Academy (LA) në Istog. Ai u shpreh i kënaqur me angazhimin dhe përkushtimin e pjesëmarrësve gjatë gjithë aktivitetit, duke theksuar rëndësinë e zhvillimit të lidershipit tek të rinjtë dhe fuqizimit të tyre për të sjellë ndryshime pozitive në komunitet.

Ky aktivitet u realizua në kuadër të projektit GL2i, i mundësuar nga Global Learning Lab International përmes OJQ SHPRK. Gjatë akademisë, pjesëmarrësit patën mundësi të zhvillojnë aftësi në lidership, bashkëpunim, komunikim dhe angazhim qytetar përmes aktiviteteve praktike dhe punës ekipore.

Një falënderim i veçantë shkon për Drejtorinë e Arsimit në Istog dhe Drejtorin Naim Behluli, si dhe për Drejtorin e Gjimnazit “Haxhi Zeka”, Ibrahim Bytyqi, për kontributin dhe mbështetjen e vazhdueshme në realizimin me sukses të kësaj akademie për lidership.

Gjithashtu, u vlerësua kontributi i fasilitatorëve, të cilët ndihmuan në realizimin me sukses të këtij aktiviteti. SHPRK mbetet e përkushtuar që përmes partneriteteve dhe projekteve të tilla të vazhdojë fuqizimin e të rinjve në gjithë Kosovën.

22/05/2026

Akademia për Lidership në Istog

Drejtori Ekzekutiv i SHPRK Agron Beka mori pjesë në ngjarjen e përfundimit të Leadership Academy (LA) në Istog. Ai u shpreh i kënaqur me angazhimin dhe përkushtimin e pjesëmarrësve gjatë gjithë aktivitetit, duke theksuar rëndësinë e zhvillimit të lidershipit tek të rinjtë dhe fuqizimit të tyre për të sjellë ndryshime pozitive në komunitet.

Ky aktivitet u realizua në kuadër të projektit GL2i, i mundësuar nga Global Learning Lab International përmes OJQ SHPRK. Gjatë akademisë, pjesëmarrësit patën mundësi të zhvillojnë aftësi në lidership, bashkëpunim, komunikim dhe angazhim qytetar përmes aktiviteteve praktike dhe punës ekipore.

Një falënderim i veçantë shkon për Drejtorinë e Arsimit në Istog dhe Drejtorin Naim Behluli, si dhe për Drejtorin e Gjimnazit “Haxhi Zeka”, Ibrahim Bytyqi, për kontributin dhe mbështetjen e vazhdueshme në realizimin me sukses të kësaj akademie për lidership.

Gjithashtu, u vlerësua kontributi i fasilitatorëve, të cilët ndihmuan në realizimin me sukses të këtij aktiviteti. SHPRK mbetet e përkushtuar që përmes partneriteteve dhe projekteve të tilla të vazhdojë fuqizimin e të rinjve në gjithë Kosovën.

08/05/2026

08/05/2026

🎉 Akademia e Lidershipit në Lipjan u përmbyll me sukses!

SHPRK dhe Global Learning Lab kanë realizuar me sukses Akademinë e tretë dy-ditore të Lidershipit në bashkëpunim me Gjimnazin Gjimnazi “Ulpiana” dhe Drejtorinë Komunale të Arsimit (DKA), më 28–29 prill 2026.

👥 26 pjesëmarrës (25 nxënës dhe 1 mësimdhënës) zhvilluan aftësi në lidership, komunikim, punë ekipore dhe mendim kritik përmes punëtorive praktike dhe aktiviteteve interaktive.

✨ Më 4–5 maj u mbajt edhe Trajnimi për Trajnerë (ToT), ku u certifikuan 16 trajnerë të rinj që do të udhëheqin akademitë e ardhshme të lidershipit.

👏 Falënderim i veçantë për Drejtorin e shkollës, Semir Gashi, për mbështetjen e vazhdueshme.

👏 Gjithashtu falënderojmë Robin Smith për udhëheqjen, mentorimin dhe inspirimin e vazhdueshëm në këtë program.

Drejtori Ekzekutiv i SHPRK-së, Agron Beka, theksoi se programi do të zgjerohet edhe në komuna dhe shkolla të tjera në Kosovë.

💡 SHPRK dhe Global Learning Lab mbeten të përkushtuar për fuqizimin e të rinjve përmes edukimit dhe lidershipit.

02/05/2026

SHPRK, në cilësinë e partnerit në Kosovë të Global Learning Lab International (GL2i), ka filluar me sukses Akademinë e tretë dy-ditore të Lidershipit në Lipjan, më 28–29 prill 2026, në bashkëpunim me Gjimnazin “Ulpiana”, pas nënshkrimit të Memorandumit të Mirëkuptimit me Drejtorinë Komunale të Arsimit (DKA).

Katër trajnerë të certifikuar të GL2i — Erblina, Fjolla, Verona dhe Floreta — mentoruan 26 pjesëmarrës (25 nxënës dhe 1 mësimdhënës).

Drejtori i shkollës, z. Semir Gashi, dhe Drejtori i Drejtorisë Komunale të Arsimit (DKA), z. Rasim Hasani, u falënderuan për mbështetjen e tyre.

Drejtori Ekzekutiv i SHPRK-së, Agron Beka, theksoi rëndësinë e zgjerimit të programit GL2i në shkolla të tjera, ndërsa Robin Smith, mentorja dhe ideatorja e Akademisë për Lidership, si dhe bashkëthemeluesja e Global Learning Lab International, e cila u impresionua me rininë kosovare dhe i inkurajoi pjesëmarrësit të jenë aktivë.

SHPRK dhe GL2i mbeten të përkushtuara për fuqizimin e të rinjve përmes edukimit dhe lidershipit.

20/04/2026

Drejtori Ekzekutiv i SHPRK-së, z. Agron Beka, sot më datë 20.04.2026 mori pjesë si ligjërues në një punëtori të organizuar nga Komuna e Istogut – Sektori për të Drejtat e Njeriut dhe Komunitete, në kuadër të Drejtorisë për Administratë Komunale, me temën: “Qasja e grave në të drejtat pronësore përmes ofrimit të këshillave juridike dhe inicimit të lëndëve”.

Qëllimi i këtij takimi ishte informimi i grave të Komunës së Istogut për të drejtat e tyre në pronën e paluajtshme, përfshirë trashëgiminë, ndarjen e pronës, bashkëpronësinë dhe inicimin e rasteve në gjykatë përmes padive.

Diskutimet ishin shumë të vlefshme dhe reflektuan sfidat reale me të cilat përballen gratë në realizimin e të drejtave të tyre pronësore. U adresuan gjithashtu pengesat që burojnë nga praktikat dhe traditat shoqërore, të cilat shpesh ndikojnë në heqjen dorë nga e drejta në trashëgimi.

Z. Agron Beka shtoi se beson fuqishëm se rritja e vetëdijes dhe qasja në mbështetje juridike janë hapa kyç drejt fuqizimit të grave dhe garantimit të barazisë në pronë.

Falënderojmë në veçanti Sektorin për të Drejtat e Njeriut dhe Komunitete, në kuadër të Drejtorisë për Administratë Komunale, për inicimin dhe organizimin e shkëlqyer të këtij aktiviteti.

30/03/2026

Drejtori Ekzekutiv i SHPRK Agron Beka mori pjesë në ngjarjen e implementimit të projekteve në Shkollën e Mesme të Ulët, Qendra e Kompetencës "11 Marsi" në Prizren. Ai u shpreh i kënaqur që projektet e SIP u implementuan me sukses më 30 mars 2026, një arritje e mundësuar nga Global Learning Lab International përmes OJQ SHPRK.

Ishte shumë inkurajuese të dëgjohej Drejtori i Shkollës, Z. Arben Selimi, duke vlerësuar projektin GL2i si një iniciativë të fortë dhe me ndikim. Ai prezantoi secilin projekt veç e veç dhe shprehu fjalë mirënjohëse për iniciativën.

Gjithashtu, prezenca e Znj. Fikrije Zymberi, Drejtore e Agjencisë për Arsim dhe Aftësim Profesional dhe Arsimin e të Rriturve, i shtoi rëndësi ngjarjes dhe tregoi mbështetje të fortë institucional. Gjatë takimit, u diskutua mundësia e nënshkrimit të një Memorandumi Mirëkuptimi që do të shtrihej në të gjitha shkollat e ngjashme në Kosovë. Drejtoresha mirëpriti iniciativën dhe shprehu gatishmërinë për ta mbështetur atë.

25/02/2026

Sot, në kuadër të projektit PIAKOS të Bankës Botërore, i cili implementohet nga OJQ ATRC dhe bashkë-implementohet nga OJQ SHPRK, u mbajt sesioni informues me gratë e Komunës së Vushtrrisë dhe Mitrovicës.

Gjatë takimit u prezantuan shembuj praktikë mbi të drejtat e grave në pronën e paluajtshme, me fokus të veçantë në trashëgimi, një sfidë e vazhdueshme për gratë në praktikë. Pjesëmarrëset u treguan shumë të interesuara për mundësitë ligjore dhe mekanizmat institucionalë që mbrojnë të drejtat e tyre.

Falenderim të veçantë për znj. Fikrije Ferizi, Drejtoreshë e OJQ ATO, për organizimin shembullor brenda një kohe shumë të shkurtër; ky aktivitet nuk do të ishte i mundur pa përkrahjen dhe angazhimin e saj.

SHPRK mbetet e përkushtuar në fuqizimin e grave, duke ofruar mbështetje deri në regjistrimin e pronës së tyre në Kadastër.

25/02/2026

Sot, Drejtori Ekzekutiv i SHPRK-së, Agron Beka, së bashku me bashkëpunëtorë, realizoi vizitën e parë zyrtare për këtë vit në Drejtorinë e Pronës, Kadastrit dhe Gjeodezisë në Komunën e Ferizajt, ku u mirëprit nga Drejtoresha Festina Sadiku Hyseni me bashkëpunëtorët e saj.

Drejtori i SHPRK-së i uroi Drejtoreshës marrjen e detyrës së re dhe shprehu gatishmërinë për vazhdimin e bashkëpunimit, i cili prej vitesh po zhvillohet përmes projekteve të ndryshme të përbashkëta.

Nga ana e saj, Drejtoresha e Drejtorisë së Pronës, Kadastrit dhe Gjeodezisë, Festina Sadiku Hyseni, konfirmoi gatishmërinë për thellimin e bashkëpunimit institucional, duke theksuar se në qendër të këtij bashkëpunimi mbetet qytetari.