11/09/2024
Në solidaritet me studentët/et palestinez/e dhe hebre/je të Universitetit të Haifës - Të shkëputet bashkëpunimi me institucionet që përkrahin aparteidin dhe gjenocidin në Palestinë!
Pamjet tmerruese që na përçohen gati që një vit nga territori i okupuar i Palestinës, e që vijnë si pasojë e poltikave koloniale dhe gjenocidale të fuqisë okupuese zioniste të Izraelit përgjatë shekullit të kaluar e deri më sot, kanë ngritur në revoltë miliona studentë/e nëpër botë. Gjenocidi i tanishëm në rripin e Gazës, vrasjet dhe spastrimet etnike në bregun perëndimor, janë produkt i marrëdhënieve koloniale dhe raciste, të cilat ndodhin edhe brenda të ashtuquajturit shtet të Izraelit. Brenda kufinjëve të njohur ndërkombëtarisht të Izraelit, ku sipas parullave të mediave liberale perëndimore sundon “demokracia e vetme në lindjen e mesme”, aparteidi vazhdon të zbatoj politika raciste ndaj popullatës palestineze.
Popullit palestinez në entietin zionist, përveç përballjeve me geto-izim dhe asimilim, i cënohet edhe liria dhe vetëvendosja në fushën e arsimit. Në vazhdën e kësaj, pamë veprimet e fundit të Univeristetit të Haifas (një partneri zyrtar i Universitetit të Prishtinës) i cili bllokoi regjistrimin dhe u ndaloi votimin studentëve/eve arabë/e dhe hebre/je të cilët/at kundërshtojnë politikat zioniste në zgjedhjet studentore, ndonëse pjesë e trupës studentore janë më shumë se 50% arabë. Duke u përpjekur të shuaj në këtë mënyrë lirinë dhe vetëvendosjen e studentëve/eve të vet, ky institucion që një kohë të gjatë tashmë ka humbur çdo mëtim të sinqertë të shpërndarjes së diturisë, e cila asesi nuk mund të ndodh nën kushte të nënshtrimit apo shtypjes.
Gati një vit më parë, UP-ja nënshkroi një marrëveshje për bashkëpunim akademik dhe shkëmbim të stafit dhe studentëve/eve me universitetin e Haifës, marrëveshje e cila vazhdon në mënyrë skandaloze edhe sot, përgjatë kohës kur Izraeli ka vrarë së paku 40,000 palestinezë/eze, ka lënduar e zhdukur me dhjetëra e qindra mijëra të tjerë. Të dyja universitetet, si Universiteti i Prishtinës dhe ai i Tiranës vazhdojnë të mbajnë marrëveshje dhe marrëdhënie bilaterale me institucionet e tjera si:
Kolegji Akademik Zefat
Kolegji Perëndimor i Galilesë dhe
Universiteti Bar Ilan
Duke e vlerësuar lirinë e studentëve/eve dhe edukimin e tyre në kushte të lira, të drejtën e tyre për t’u vetëvendosur në Universitetet e tyre, si pashmangshmërisht të ndërthurrur me lirinë e popullit të tyre, ne, si LFS dhe LPU qëndrojmë palëkundshëm në anën e studentëve/eve dhe thërrasim që UP-ja dhe UT-ja të shkëpusin menjëherë marrëdhëniet me Universitetin e Haifas dhe/ose me institucionet e tjera që kanë humbur çdo legjitimitet dhe integritet akademik e moral.
Ne ju bëjmë thirrje studentëve/eve, në Prishtinë e Tiranë, të qëndrojnë në solidaritet me vuajtjet dhe sfidat e studentëve/eve dhe popullit palestinez dhe të vazhdojnë thirrjet për një Palestinë të lirë nga okupimi dhe aparteidi.
Për Universitetin
