SMASHT

01/05/2026

Të drejtat në punë nuk janë privilegj. Janë themel i dinjitetit.

Sot, në Ditën Ndërkombëtare të Punëtorëve, riafirmojmë rolin dhe kontributin e çdo shërbyesi civil në funksionimin e institucioneve dhe zhvillimin e arsimit, shkencës dhe teknologjisë në Republikën e Kosovës.

Puna jonë është themel i një sistemi arsimor cilësor dhe i një administrate funksionale.

Si Shoqatë Sindikale, ne angazhohemi për:

✅ Kushte dinjitoze të punës
✅ Respekt dhe vlerësim profesional
✅ Të drejta të barabarta dhe mbrojtje ligjore
✅ Dialog dhe përfaqësim të drejtë

Sfidat janë të përbashkëta, por edhe zgjidhjet janë në bashkimin tonë.

🤝 Të bashkuar për të drejtat tona
📘 Të përkushtuar për arsimin, shkencën dhe të ardhmen

Gëzuar 1 Majin!

20/03/2026

NJOFTIM MORTOR

Me pikëllim të thellë, ju njoftojmë se sot, më 20 mars 2026, ka ndërruar jetë kolegu ynë i nderuar, Habib Aliu.

I ndjeri jetën ia kushtoi zhvillimit të arsimit, duke kontribuar për shumë vite në institucione arsimore dhe duke mbajtur pozita të ndryshme profesionale. Kontributi i tij në ngritjen dhe avancimin e sistemit arsimor do të mbetet i vlerësuar dhe i paharruar.

Pjesëmarrës në demonstratat e vitit 1981 dhe bashkëthemelues i Sindikatës së Arsimit, që sot është SBASHK-u, ai dëshmoi përkushtimin e tij ndaj kauzës kombëtare. Rrugëtimin e tij e nisi si profesor i Historisë deri në vitin 1996, më pas shërbeu si Këshilltar Pedagogjik në Këshillin e Arsimit të Prishtinës (1996-2003), Zyrtar i Lartë në Ministrinë e Arsimit për Arsimin Parauniversitar, Inspektor i Arsimit dhe, nga viti 2020, si Zyrtar i Lartë për Arsimin e Lartë Privat.

Kontributet e tij të çmuara përfshijnë iniciativën për Rrjetin Shkollor Parauniversitar (2007), si dhe udhëheqjen e projektit për parandalimin e braktisjes së shkollës nga nxënësit. Ai është ideator dhe organizator i manifestimit mbarëkombëtar “Festa e Abetares”, një ngjarje që promovon rëndësinë e arsimit fillestar.

Varrimi i të ndjerit do të bëhet sot, më 20 mars 2026, në varrezat e qytetit të Prishtinës, në ora 15:00.

Për ngushëllime, e pamja do të mbahet më 21.03.2026 dhe 22.03.2026, në hotel Sirius, nga ora 09:00 deri në 16:00.

Në këto momente të vështira, shprehim ngushëllimet më të sinqerta familjes Aliu, miqve dhe të gjithë bashkëpunëtorëve.

Qoftë i përjetshëm kujtimi për të.

08/03/2026

Gëzuar Ditën Ndërkombëtare të Gruas, 8 Marsin!

Sot nderojmë forcën, guximin dhe kontributin e jashtëzakonshëm të grave në familje, në arsim, në shoqëri dhe në çdo fushë të jetës. Gratë janë shtylla e zhvillimit të një shoqërie të drejtë, të barabartë dhe të qëndrueshme.

Le të jetë kjo ditë një kujtesë për të vazhduar fuqizimin e grave dhe vajzave, duke krijuar më shumë mundësi, respekt dhe barazi për të gjithë.

Gëzuar 8 Marsin, Ditën Ndërkombëtare të Gruas! 🌸💐🌷💜✨

07/03/2026

07/03/2026

Urim për 7 Marsin, Ditën e Mësuesit

Sot, më 7 Mars, shënojmë me respekt dhe mirënjohje Ditën e Mësuesit, një ditë e veçantë kushtuar të gjithë atyre që me përkushtim, dije dhe pasion ndërtojnë të ardhmen e shoqërisë sonë përmes edukimit të brezave të rinj.

Mësuesit janë udhërrëfyes të dijes, formues të karakterit dhe shtylla të zhvillimit të shoqërisë. Përmes punës së tyre të palodhur, ata kultivojnë tek nxënësit jo vetëm njohuri, por edhe vlera, përgjegjësi dhe dashuri për të mësuar gjatë gjithë jetës.

Në këtë ditë të veçantë, SMAShT shpreh mirënjohjen dhe respektin më të thellë për të gjithë mësimdhënësit, të cilët çdo ditë kontribuojnë në ndërtimin e një sistemi arsimor cilësor dhe në zhvillimin e shoqërisë sonë.

Ju falënderojmë për përkushtimin, profesionalizmin dhe rolin e pazëvendësueshëm që keni në edukimin dhe formimin e gjeneratave të reja.

Gëzuar 7 Marsin, Ditën e Mësuesit! 📚👩‍🏫👨‍🏫

20/02/2026

Kërkesë për përgënjeshtrim, kërkimfalje publike dhe paralajmërim për veprime ligjore.