15/02/2026
Nxitur nga reagimi i shoqërisë civile për nevojnën urgjente të restaurimit të Kullës së Hajzer Pecit në Zhazhë të Mitrovicës!
Është e mirëseardhun kërkesa për trajtimin e kësaj kulle. Në fakt presioni duhet të jetë që kullat e Shalës së Bajgorë të trajtohen si një problem i tërësishëm. Në gjithë Shalën sot nuk kanë mbetë ma shumë se 30 kulla e shtëpi guri së bashku.
Kullat e Shalës janë zemra e trashëgimisë fisnore të kësaj zone. Pa to historia shqiptare e këtij rajoni e humb kuptimin! Ato janë pjesë e gjallë e trashëgimisë arkitektonike. Simbolet e gdhenduna në to dëshmojnë për shtresimet e besimet e njerëzve të saj. Ndërkohë, sot ato kanë një potencial të madh turistik dhe edukativ, krejtësisht të pashfrytëzuem. Nëse institucionet nuk veprojnë në 10 vitet e ardhshme rrezikojmë humbjen e plotë të shpirtit të Shalës.
Nevojitet një ndërhyrje urgjente nga Ministria e Kulturës, Komuna e Mitrovicës dhe Komuna e Vushtrrisë përmes një pakoje të përgatitun posaçërisht për Shalën e Bajgorës tani gjysmë e shpopulluar por me shumë potencial që pret momentin e saj për ringritje turistike!
Fshatra si Cernusha apo një pjesë e Vllahisë dhe e Gumnishtës ende ruajnë shumë shtëpi guri që dikur përbanin bërthamën e katundit të cilat sot mund të shndërrohen lehtësisht në komplekse për turizëm kulturor e agrokulturor. Ndërsa secila kullë veç e veç plotëson mozaikun kulturorë të historisë së Shalës, duke kulmu me Kullën e Isa Boletinit, një prej personazheve ma të rëndësishme të historisë kombëtare.
Ma poshtë është lista e disa nga kullave ma të rezikuara në Shalë të evidentume disa vite ma parë nga projekti "Kujtesë në Gurë; Gdhendja e Simboleve në Kulla", libri i të cilit gjendet në sh*tje:
Kulla e Hajzer Ahmet Pecit në Zhazhë
Kulla e Ajet Malës në Vllahi
Dy kullat e Fazli Bllatës në Rashan
Kulla e Asllan Tupellës, e Kurtesh Tupellës dhe ajo e Sali Kajtazit në Kçiq
Kulla e Gjylazimit në Boshlan
Komplekse shtëpishë në Vllahi, Cërnushë, Karaçë, Gumnishtë, Skromë, Karaçë, Gojbulë!
