Parlamenti Studentor i Universitetit të Prishtinës "Hasan Prishtina"

25/10/2026

🎃 UP AFTER DARK. 👻🩸

Këtë herë, nata s’është për ata që tuten… 😈

🕷️ HALLOWEEN SPOOKY PARTY 🕸️
📍 Holli i fakultetit teknik
📅 29 OCT
⏰ 21:00
🎟️ FREE ENTRY

🎧 DJ MEEX ON THE DECKS! 🔥🩸
Për muzikën, atmosferën dhe energjinë e natës!

Kostumet? Check. 👀
Shoqnia? Check. 🦇
Muzika? DJ MEEX! 🔥🎶

🩸 Vishu, kënaqu dhe festo Halloween-in këtë natë! 👻🔥

24/10/2026

DEKLARATË

Parlamenti Studentor u bën thirrje të gjithë studentëve nga Presheva, Bujanoci dhe Medvegja, të cilët janë duke studiuar në universitetet publike dhe private të Kosovës, që nesër, më 25 tetor, të marrin pjesë në zgjedhjet që do të mbahen në Preshevë, Bujanoc dhe Medvegjë, duke ushtruar të drejtën e tyre për të votuar si vendas të këtyre trevave.

Pjesëmarrja dhe përkrahja e të rinjve janë të rëndësishme për të ardhmen e shoqërisë. Prandaj, i inkurajojmë të gjithë studentët që të bëhen pjesë e këtij procesi demokratik dhe të japin kontributin e tyre përmes pjesëmarrjes aktive dhe ushtrimit të së drejtës së votës.

Parlamenti Studentor i Universitetit të Prishtinës “Hasan Prishtina”

Prishtinë 24.10.2026

21/10/2026

Sot, në organizim të Parlamentit Studentor të Universitetit të Prishtinës, u zhvillua një bashkëbisedim i hapur me deputetin shqiptar, z. Shaip Kamberi, si dhe me studentë nga Presheva, Medvegja dhe Bujanoci.

Gjatë këtij takimi u diskutua për pozitën dhe sfidat me të cilat përballen shqiptarët në Luginën e Preshevës, si dhe rëndësinë e rolit të të rinjve në zhvillimet e ardhshme.

Vëmendje e veçantë iu kushtua edhe zgjedhjeve të së dielës në Serbi, duke theksuar rëndësinë e pjesëmarrjes së shqiptarëve nga Presheva, Medvegja dhe Bujanoci në procesin zgjedhor, ushtrimin e së drejtës së votës dhe përfaqësimin e tyre demokratik.

Falënderojmë z. Shaip Kamberi dhe të gjithë studentët pjesëmarrës për kontributin e tyre në këtë bashkëbisedim!

20/10/2026

Përfaqësuesit e Parlamentit Studentor të Universitetit të Prishtinës zhvilluan një takim me Ministrin e Arsimit dhe Shkencës, Hajrulla Çeku, ku në fokus të diskutimit ishte përfshirja aktive e studentëve në hartimin e Strategjisë së re të Arsimit 2035+.

Gjatë takimit, u theksua rëndësia e pjesëmarrjes së studentëve në diskutimet publike dhe proceset politikëbërëse, me qëllim që Strategjia e re e arsimit të pasqyrojë nevojat, kërkesat dhe vizionin e të rinjve për të ardhmen e arsimit në vend.

Përfaqësuesit studentorë ngritën dhe diskutuan çështje me rëndësi për komunitetin studentor, duke përfshirë mbështetjen financiare, skemat e bursave, përmirësimin e infrastrukturës universitare, kushtet e studimit dhe jetesës, si dhe strehimin në konvikte dhe shërbimet e Qendrës së Studentëve.

Takimi shërbeu si një mundësi për shkëmbimin e ideve dhe adresimin e sfidave me të cilat përballen studentët, duke theksuar rëndësinë e bashkëpunimit dhe dialogut të vazhdueshëm ndërmjet përfaqësuesve studentorë dhe institucioneve përgjegjëse.

Parlamenti Studentor i Universitetit të Prishtinës mbetet i angazhuar në përfaqësimin e interesave të studentëve dhe në sigurimin që zëri i tyre të dëgjohet dhe të merret parasysh në proceset vendimmarrëse dhe reformat në arsimin e lartë.

19/10/2026

Të nderuar kolegë, e veçanërisht të dashur studentë nga Presheva, Medvegja dhe Bujanoci,

Në vazhdën e aktiviteteve të organizuara nga Parlamenti Studentor i Universitetit të Prishtinës, ju ftojmë të na bashkoheni në një bashkëbisedim të hapur me deputetin e vetëm shqiptar në Parlamentin e Serbisë, z. Shaip Kamberi.

Ky bashkëbisedim synon të krijojë një hapësirë diskutimi mbi pozitën e shqiptarëve në Luginën e Preshevës, sfidat me të cilat përballen, përfaqësimin e tyre politik dhe rolin e të rinjve në zhvillimet e ardhshme.

Besojmë se lidhja ndërmjet studentëve të Universitetit të Prishtinës dhe popullit shqiptar në Preshevë, Medvegjë e Bujanoc duhet të forcohet vazhdimisht përmes dialogut, bashkëpunimit dhe solidaritetit.

📅 E mërkurë, 21 tetor
🕠 Ora 17:30
📍 Amfiteatri i Bibliotekës Kombëtare, Prishtinë

Ju mirëpresim të gjithëve!

15/10/2026

DEKLARATË MBËSHTETËSE

Parlamenti Studentor i Universitetit të Prishtinës ka përcjellë me shqetësim ngjarjet e dy ditëve të fundit në Tiranë, ku kolegët tanë studentë po kërkojnë kushte më të mira për studim dhe arsim cilësor.

Dënojmë dhunën e ushtruar nga forcat policore ndaj studentëve dhe shprehim mbështetjen tonë të plotë për kërkesat e tyre për uljen e kostove të studimeve, rritjen e cilësisë së arsimit dhe sigurimin e ambienteve të denja për zhvillimin e mësimit.

Rinia ka qenë gjithmonë forcë shtytëse e zhvillimit dhe e ndryshimeve shoqërore. Zëri i saj meriton të dëgjohet dhe kërkesat e saj të trajtohen me seriozitet e përgjegjësi institucionale. U bëjmë thirrje institucioneve përgjegjëse dhe përfaqësuesve politikë në Shqipëri që të angazhohen në dialog me studentët dhe të ndërmarrin masa konkrete për realizimin e kërkesave të tyre.

Studentët janë e ardhmja e vendit dhe kërkesat e tyre burojnë nga përkushtimi për një të ardhme më të mirë. Çdo formë dhune ndaj tyre është e papranueshme. Kërkojmë nga organet kompetente dhe mbikëqyrëse që të hetojnë veprimet e forcave policore dhe të sigurojnë përgjegjësi për çdo tejkalim të kompetencave.

Parlamenti Studentor i Universitetit të Prishtinës qëndron në solidaritet me studentët në Tiranë dhe mbështet të drejtën e tyre për t’i shprehur kërkesat për arsim më të përballueshëm, më cilësor dhe më dinjitoz.

Prishtinë 15.10.2026

09/10/2026

06/10/2026

Në vazhdën e takimeve, sot u takuam me kryesuesin e Këshillit Drejtues të Universitetit të Prishtinës, z. Altin Sahiti.

Gjatë takimit, paraqitëm planet dhe projektet e Parlamentit Studentor për këtë vit akademik dhe u pajtuam për vazhdimin e bashkëpunimit me Këshillin Drejtues, në funksion të përfaqësimit të interesave të studentëve dhe përmirësimit të kushteve të tyre.

05/10/2026

Mirëmëngjes nga menza e studentëve! ☀️

Sot, me rastin e hapjes së menzës, ishim për mëngjes së bashku me drejtorin e Qendrës së Studentëve, z. Ekrem Rudari, dhe drejtorin e menzës së studentëve, z. Fahri Osmani.

Menza ofron tri racione ditore për rreth 5,000 studentë. Mundësia për t’u pajisur me kartela për menzë u është ofruar edhe studentëve që nuk janë pranuar në konvikte, duke ua lehtësuar qasjen në këtë shërbim të rëndësishëm.

Parlamenti Studentor do të vazhdojë të jetë zëri i studentëve për kushte më të mira dhe urë komunikimi ndërmjet Qendrës së Studentëve dhe banuesve të konvikteve.

Na priftë e mbara në këtë vit të ri akademik!

02/10/2026

1 Tetori i Studentëve🎉