25/11/2025
Tryeza e diskutimit e moderuar nga Arlinda Sejda u organizua nga OPEA për të adresuar gjendjen, sfidat dhe nevojat e grave migrante që punojnë në Kosovë. Aktiviteti u realizua në kuadër të projektit të ECMI Kosova “Fuqizimi i Qeverisjes së Migracionit dhe Kapaciteteve të Shoqërisë Civile në Kosovë”, i mbështetur nga GIZ Kosovo.
Qëllimi i tryezës ishte forcimi i dialogut ndërinstitucional dhe përmirësimi i qasjeve për mbrojtjen dhe integrimin e grave migrante në vend.
Diskutimet u fokusuan në kushtet e punës dhe jetesës, sfidat emocionale dhe sociale, barrierat gjuhësore, mungesën e mekanizmave të raportimit, si dhe rëndësinë e rritjes së ndërgjegjësimit publik e institucional. U theksua nevoja për bashkëpunim të koordinuar dhe mekanizma më të fuqishëm mbrojtës për gratë migrante.
Pjesëmarrësit
Në tryezë morën pjesë:
Kushtrim Haliti – Udhëheqës i Divizionit për të Huaj, Ministria e Punëve të Brendshme
Arton Qerkini – Inspektorati Qendror i Punës
Z. Esat Alickaj – IOM Kosovo
Z. Ilir Hoti – IOM Kosovo
Doruntina Gashi – Drejtoreshë Ekzekutive, Humanus Vita
Mimoza Tafarshiku – Drejtoreshë, Agjencia për Zhvillim Rajonal (AZHR)
Sala Mustafa – Zyrtare për Shërbime Sociale, Komuna e Prishtinës
