Instituti Hasan Tahsin

27/05/2026

18/05/2026

Instituti Hasan Tahsin shënon Ditën Botërore të Hipertensionit në Mitrovicë

Në kuadër të shënimit të Ditës Botërore të Hipertensionit, Instituti Hasan Tahsin organizoi një aktivitet vetëdijesues në qytetin e Mitrovicës, me qëllim promovimin e shëndetit dhe ngritjen e vetëdijes mbi rëndësinë e kontrollit të rregullt të tensionit të gjakut.

Ky aktivitet u realizua në bashkëpunim me Drejtoria për Shëndetësi-Komuna e Mitrovicës, Qendra Kryesore e Mjekësisë Familjare – Mitrovicë dhe Shkolla e Mesme e Lartë e Mjekësisë “Dr. Xheladin Deda”.

Gjatë aktivitetit, profesionistët shëndetësorë realizuan m***en e tensionit të gjakut për qytetarët, ndërsa të pranishmit patën mundësinë të informohen më shumë rreth hipertensionit, faktorëve të rrezikut dhe rëndësisë së parandalimit të sëmundjeve kardiovaskulare përmes kujdesit të vazhdueshëm ndaj shëndetit.

Falënderojmë profesionistët shëndetësorë, nxënësit dhe të gjithë qytetarët që u bënë pjesë e kësaj iniciative, duke dhënë kontribut në promovimin e një shoqërie më të shëndetshme dhe më të vetëdijshme për rëndësinë e kujdesit ndaj shëndetit.

14/05/2026

Me 17 Maj, në kuadër të Ditës Botërore të Hipertensionit, ju ftojmë te Liqeni Akumulues Mitrovicë, ku do të ofrojmë m***e falas të tensionit të gjakut dhe këshilla shëndetësore nga profesionistë. Ky aktivitet organizohet nga Instituti Hasan Tahsin në bashkëpunim me
Drejtoria për Shëndetësi-Komuna e Mitrovicës dhe Qendrën Kryesore të Mjekësisë Familjare - Mitrovicë. Ju mirëpresim!

14/05/2026

🌿 U realizua me sukses Seminari Pranveror i radhës 2026

Mbrëmë, në ambientet e Institutit për Studime Humane dhe Avancim të Lartë Hasan Tahsin, u mbajt seminari me temë:

“E bukura përtej së mirës dhe së keqes” nga Adnan Shala.

Gjatë seminarit u diskutua mbi mënyrën se si koncepti i bukurisë është kuptuar ndër shekuj — nga filozofia greke klasike, te mendimi islam dhe qasjet moderne e postmoderne. Diskutimi trajtoi lidhjen ndërmjet bukurisë, moralit, harmonisë dhe perceptimit njerëzor, duke ngritur pyetje mbi atë nëse bukuria është vetëm përjetim subjektiv apo pjesë e një rendi më të thellë të ekzistencës.

Po ashtu, u reflektua mbi dallimin ndërmjet bukurisë së jashtme dhe asaj të brendshme, raportin mes etikës dhe estetikës, si dhe mënyrën se si njeriu ndërton gjykimet e veta morale, ekzistenciale dhe shpirtërore në jetën bashkëkohore.

Seminari u zhvillua në një atmosferë të hapur diskutimi dhe reflektimi kritik, me pjesëmarrje aktive të të pranishmëve.

Falënderojmë të gjithë pjesëmarrësit për praninë dhe kontributin e tyre në këtë seminar.

10/05/2026

🌿 Seminaret Pranverore – 2026

Në kuadër të aktiviteteve pranverore, kemi kënaqësinë të mirëpresim ligjëruesin, Adnan Shala, filozof dhe drejtor i Institutit për Studime Humane dhe Avancim të Lartë Hasan Tahsin, me angazhim në fushën e filozofisë, etikës dhe reflektimit mbi çështjet bashkëkohore.

🔍 Tema e seminarit:
“E Bukura Përtej së Mirës dhe së Keqes”
Mbi gjykimin ekzistencial, moral dhe etik të njeriut

Seminari do të trajtojë mënyrën se si njeriu e kupton dhe e vlerëson të bukurën përtej kategorive tradicionale të së mirës dhe së keqes, duke e vendosur këtë reflektim në kontekstin e përvojës njerëzore dhe jetës bashkëkohore.

Diskutimi do të fokusohet në ndërtimin e gjykimeve ekzistenciale, morale dhe etike, si dhe në mënyrën se si këto procese ndikojnë në perceptimin tonë për vlerat, realitetin dhe vetveten.

📅 13 Maj 2026
🕒 18:00
📍 Instituti Hasan Tahsin, Prishtinë

Synojmë një diskutim të hapur që nxit reflektim të thellë, mendim kritik dhe një kuptim më të gjerë mbi raportin ndërmjet së bukurës, moralit dhe ekzistencës njerëzore.

07/05/2026

Seminari i Parë Pranveror 2026 u realizua me sukses

Mbrëmë, në ambientet e Instituti Hasan Tahsin, u mbajt seminari me temën: “Etika dhe Drejtësia Sociale në Shoqëritë Moderne”

Patëm kënaqësinë të mirëpresim ligjëruesin Bedri Syla, i cili ndau mendime dhe reflektime të vlefshme mbi rëndësinë e etikës, drejtësisë sociale dhe përgjegjësisë qytetare në shoqëritë moderne.

Gjatë seminarit u diskutuan sfidat e bashkëjetesës, kohezionit social dhe roli i secilit në ndërtimin e një shoqërie më të drejtë, gjithëpërfshirëse dhe të përgjegjshme.

Falënderojmë të gjithë pjesëmarrësit për praninë, interesimin dhe kontributin në diskutim.

03/05/2026

🌿 Seminari i Parë Pranveror 2026
Në kuadër të aktiviteteve pranverore, kemi kënaqësinë të mirëpresim Bedri Sylën, imam dhe ligjërues në IAKV – Islamisch Albanischer Kulturverein e.V.
Troisdorf, Gjermani, me përvojë në edukimin fetar, angazhimin qytetar dhe punën me komunitetin shqiptar në hapësirën evropiane.

🔍 Tema e seminarit:
“Etika dhe Drejtësia Sociale në Shoqëritë Moderne”
Seminari do të trajtojë rolin e etikës dhe drejtësisë sociale si pjesë e jetës së përditshme dhe e përgjegjësisë qytetare në shoqëritë ku jetojmë dhe kontribuojmë.

Diskutimi do të fokusohet në sfidat e bashkëjetesës, kohezionit social dhe drejtësisë, si dhe në mënyrat konkrete se si vlerat dhe identiteti ynë mund të shndërrohen në kontribut aktiv për të mirën e përbashkët.

📅 6 Maj 2026
🕒 18:00
📍 Instituti Hasan Tahsin, Prishtinë
📌 Seminari është i hapur për të gjithë.

Synojmë një diskutim të hapur që nxit reflektim, përgjegjësi dhe angazhim për një shoqëri më të drejtë, të barabartë dhe gjithëpërfshirëse.

02/05/2026

🌍💡 Instituti Hasan Tahsin përfaqësoi Kosovën në projektin Erasmus+ KA1: "Being a Youth Worker in the Shadow of Wars"

Ky projekt u realizua në Bursa nga data 17 deri më 26 Prill, me pjesëmarrës nga Bosnja dhe Hercegovina, Azerbajxhani, Palestina, Kosova dhe Turqia. Pjesëmarrësit ishin nga organizata të shoqërisë civile që punojnë me të rinjtë në këto shtete, duke kontribuar në proceset e integrimit social dhe edukativ.

🎯 Qëllimi i projektit:
Të krijojmë ndihmë të qëndrueshme për të rinjtë e prekur nga lufta dhe popullatën e pasluftës, si dhe të fuqizojmë punonjësit e rinisë që punojnë me ta. Ky projekt kishte një ndikim të jashtëzakonshëm për të rinjtë dhe organizatat që kontribuojnë në proceset e integrimit social dhe edukativ.

💡 Përfitimet kryesore:
• Trajnime intensive për menaxhimin e traumës dhe ndihmën psikologjike
• Metoda edukative inovative, me fokus në përdorimin e mjeteve digjitale dhe platformave online
• Krijimi i mundësive të reja për integrimin social dhe edukativ të rinisë së prekur nga lufta
• Rritja e aftësive të punonjësve të rinisë, për të trajtuar problemet e përjashtimit social dhe traumës
• Zhvillimi i projekteve sociale, që përmirësojnë jetën e rinisë dhe i ndihmojnë ata të rindërtojnë të ardhmen e tyre

🌍 Pjesëmarrësit patën mundësinë të:
• Takohen me veprimtarë, gazetarë, psikologë, punonjës social dhe ekspertë nga fusha të ndryshme, për të shkëmbyer njohuri dhe përvoja të çmuara nga terreni i punës me të rinjtë, menaxhimin e traumës dhe ndihmën psikologjike.
• Vizitojnë organizata që punojnë për të drejtat e njeriut, integrim dhe mbështetje për të rinjtë.
• Realizojnë një vizitë me kryetarin e komunës Gürsu, ku diskutun për mundësitë e bashkëpunimit dhe zgjidhjet për integrimin dhe zhvillimin e të rinjve.
Pjesëmarrësit patën gjithashtu mundësinë të angazhohen në trajnime intensive, diskutime dhe vizita në terren, duke pasur kështu një përvojë të pasur dhe të shumëanshme që shtrihej nga teoria në praktikë.
Për ne si shqiptarë, ky projekt ka qenë një mundësi për të reflektuar mbi detyrat dhe obligimet tona ndaj Kosovës, dëshmorëve, të pagjeturve, familjeve të tyre dhe të gjithë atyre që përjetuan luftën dhe që çdo ditë përballen me kujtimet e tmerrit dhe vuajtjeve që populli shqiptar ka përjetuar në vitet 1998-1999.

Si një shoqëri që ka dalë nga lufta, ky projekt na ofroi mundësinë për të kuptuar më thellë të kaluarën tonë por edhe realitetin e shumë popujve që vazhdojnë të vuajnë padrejtësisht, nga Kyievi deri në Gazza dhe në mbarë botën.

Përmes këtij projekti, shpresojmë të kemi ngjallur një ndjenjë të thellë empatie për të kaluarën e popullit tonë dhe për të rinjtë që janë të prekur nga dhuna dhe lufta kudo. Ky ishte një hap drejt ndihmës për të krijuar një të ardhme më të ndritur dhe për të përgatitur brezin e ardhshëm që të punojë për një botë më të drejtë dhe në paqe. 🌱💬

🙏 Faleminderit partnerëve tanë ndërkombëtarë për bashkëpunimin dhe mundësinë për të kontribuar në këtë projekt të rëndësishëm.

Erasmus+ Kosovo Erasmus+ Office Türkiye Ulusal Ajansı Gürsu Belediyesi Sosyal Kumbara

20/03/2026

Gëzuar Fitër Bajramin! Qoftë kjo festë burim paqeje, besimi dhe mirësie për ju dhe të dashurit tuaj!

17/02/2026

Kjo vatër e jona, e lindur nga sakrifica e e rritur me shpresë, sot na thërret ta mbrojmë me dinjitet dhe ta ndërtojmë me zemër.
Urime 18-vjetorin e Pavarësisë, Kosovë.