Association for Environmental Protection and Clean-up of Kosova - Pamkos

11/08/2026

Edhe në ditët e nxehta të verës, ekipet e NPL "Përparimi" Sh. A - Vushtrri janë në terren, duke u kujdesur për hapësirat e gjelbra, mbledhjen e mbeturinave dhe mirëmbajtjen e shërbimeve publike.

👏 Faleminderit për përkushtimin e përditshëm!

31/07/2026

31/07/2026

Një mjedis i pastër dhe i mirëmbajtur është rezultat i përkushtimit të vazhdueshëm! 🌿

Faleminderit që çdo ditë kontribuoni për një mjedis më të pastër dhe një jetë më të mirë për qytetarët. 🌱♻️

31/07/2026

💚 Pas çdo qyteti të pastër qëndrojnë njerëz të përkushtuar!

Faleminderit që çdo ditë kontribuoni për një mjedis më të pastër dhe një jetë më të mirë për qytetarët. 🌱♻️

31/07/2026

Çdo ditë punë, çdo ditë pastërti. 💚🌳
Faleminderit KRM “Uniteti” Mitrovicë!

24/07/2026

♻️ Kanë përfunduar hapat e parë të pilot-projektit për digjitalizimin e menaxhimit të mbeturinave në KRM Eko Regjioni SH.A - Njësia Operative Prizren.

Gjatë kësaj jave, ekspertët e Elte Group qëndruan në Kosovë për të nisur implementimin e pilot-projektit për digjitalizimin e menaxhimit të mbeturinave, i cili po realizohet në bashkëpunim ndërmjet KRM "Ekoregjioni" Sh.A., Elte Group dhe PAMKOS, facilituar nga GIZ Kosovo

Në kuadër të aktiviteteve të para të projektit u realizuan:
✅ Instalimi i RFID transponderëve në 2,000 kontejnerë;
✅ Konfigurimi dhe aktivizimi i qasjes në platformën softuerike;
✅ Instalimi i pajisjeve në automjetet e përzgjedhura për pilotim;
✅ Trajnimi i stafit të KRM "Ekoregjioni" për përdorimin e platformës, aplikacioneve mobile dhe funksionaliteteve kryesore të sistemit.

Në fazën e ardhshme, fokusi do të jetë në zbatimin e suksesshëm të pilot-projektit përmes monitorimit të funksionimit të sistemit në terren, mbledhjes dhe analizimit të të dhënave operative, si dhe vlerësimit të performancës së zgjidhjes së implementuar. Rezultatet e këtij pilotimi do të shërbejnë si bazë për vlerësimin e potencialit të digjitalizimit të proceseve të menaxhimit të mbeturinave dhe krijimin e një modeli që mund të replikohet edhe në kompani të tjera të menaxhimit të mbeturinave në Kosovë, duke kontribuar në rritjen e efikasitetit operacional dhe modernizimin e sektorit.

PAMKOS shpreh mirënjohjen e saj për ekipin e Elte Group, në veçanti për Z. Blakala dhe Z. Drabik, për profesionalizmin, përkushtimin dhe bashkëpunimin e shkëlqyer gjatë kësaj faze të implementimit. Gjithashtu, falënderojmë stafin e KRM "Ekoregjioni" Sh.A. për angazhimin dhe mbështetjen e ofruar gjatë realizimit të aktiviteteve të projektit.

Së bashku po ndërtojmë një sektor më modern, më efikas dhe më të digjitalizuar të menaxhimit të mbeturinave në Kosovë. 🌍♻️

23/07/2026

Sot, në ambientet e KRM “Ekoregjioni” Sh.A. në Prizren, 🤝u mbajt një takim i përbashkët me përfaqësues të Zyrës së Bashkimit Evropian në Kosovë, Ambasadës Gjermane në Kosovë, GIZ Kosova – Kosovo for Green, PAMKOS, KRM “Çabrati” Gjakovë dhe kompanisë pritëse.

🌍 Takimi u zhvillua me fokus në shkëmbimin e përvojave dhe praktikave të mira në sektorin e menaxhimit të mbeturinave, si dhe në diskutimin e mundësive për forcimin e mëtejshëm të bashkëpunimit ndërmjet institucioneve, partnerëve zhvillimorë dhe kompanive publike të menaxhimit të mbeturinave.

Gjatë vizitës u prezantuan përvojat, kapacitetet dhe arritjet e KRMve prezente në takim, ndërsa diskutimet u përqendruan edhe në projektet e realizuara dhe planet për projektim e instalim të infrastrukturës së re, sfidat me të cilat përballet sektori, bashkëpunimin e shkëlqyer me komunat, pilotimin e zgjidhjeve inovative për menaxhimin e mbeturinave, përmirësimet financiare të arritura, si dhe planet dhe prioritetet për zhvillimin e ardhshëm të kompanive. ♻️🌳

🙏 PAMKOS shpreh mirënjohjen e saj për GIZ Kosova, Zyrën e Bashkimit Evropian në Kosovë, Ambasadën Gjermane në Kosovë, KRM “Ekoregjioni” Sh.A. dhe KRM “Çabrati” Gjakovë për bashkëpunimin dhe angazhimin e përbashkët në mbështetje të zhvillimit të një sistemi modern, efikas dhe të qëndrueshëm të menaxhimit të mbeturinave.

🌱 Bashkëpunimi, shkëmbimi i përvojave dhe promovimi i praktikave të suksesshme mbeten kyçe për ndërtimin e një sektori më të fortë të menaxhimit të mbeturinave dhe një mjedisi më të pastër për të gjithë.
………

Today, in the premises of RWC "Ekoregjioni" J.S.C. in Prizren, 🤝 hosted a joint meeting with representatives of the European Union Office in Kosovo, the Embassy of Germany in Kosovo, GIZ Kosovo – Kosovo for Green, PAMKOS, RWC "Çabrati" Gjakova, and the host company.

🌍 The meeting focused on the exchange of experiences and best practices in the waste management sector, while also exploring opportunities to further strengthen cooperation among institutions, development partners, and public waste management companies.

During the visit, RWCs participating in the meeting presented their experience, operational capacities, and key achievements. Discussions also covered ongoing and planned infrastructure design and installation projects, the challenges facing the sector, the excellent cooperation with municipalities, the piloting of innovative waste management solutions, financial improvements achieved by the company, as well as future development plans and strategic priorities.♻️🌳

🙏 PAMKOS expresses its sincere appreciation to GIZ Kosovo, the European Union Office in Kosovo, the Embassy of Germany in Kosovo, RWC "Ekoregjioni" J.S.C., and RWC "Çabrati" Gjakova for their continued cooperation and joint commitment to supporting the development of a modern, efficient, and sustainable waste management system in Kosovo.

🌱Cooperation, knowledge exchange, and the promotion of successful practices remain essential for building a stronger waste management sector and a cleaner environment for all.

15/06/2026

PAMKOS mori pjesë aktive në punëtorinë dyditore të organizuar nga Ministria e Mjedisit, Planifikimit Hapësinor dhe Infrastrukturës (MMPHI) dhe GIZ Kosova, kushtuar hartimit të Programit Nacional për Parandalimin e Mbeturinave (PNPM) dhe Planit të Veprimit për Plastikën Njëpërdorimshe.

Si pjesë e grupit punues, PAMKOS kontribuoi në shqyrtimin dhe zhvillimin e masave prioritare për parandalimin e mbeturinave, me fokus në fraksionet prioritare, instrumentet rregullative dhe ekonomike, masat e bazuara në informim, si dhe mekanizmat e nevojshëm për implementim efektiv.

Gjatë punëtorisë u diskutuan mundësitë dhe sfidat për zbatimin e masave të propozuara, rolet dhe përgjegjësitë e institucioneve, komunave, operatorëve ekonomikë dhe akterëve të tjerë relevantë, si dhe nevojat për koordinim dhe financim në funksion të një sistemi më të qëndrueshëm të menaxhimit të mbeturinave.

Dita e dytë e punëtorisë iu kushtua Planit të Veprimit për Plastikën Njëpërdorimshe, ku u analizuan masat për reduktimin e produkteve me ndikimin më të madh në mjedis, alternativat e mundshme, potenciali i tregut, si dhe aspektet ligjore dhe institucionale të zbatimit të tyre.

PAMKOS vlerëson rëndësinë e përfshirjes së sektorit në hartimin e politikave kombëtare dhe mbetet e përkushtuar të kontribuojë me ekspertizën e saj në zhvillimin e zgjidhjeve të qëndrueshme që mbështesin ekonominë qarkore, përdorimin efikas të burimeve dhe mbrojtjen e mjedisit në Kosovë.

05/06/2026

🌍 5 Qershor – Dita Botërore e Mjedisit

Çdo ditë është një mundësi për të bërë më mirë për Tokën.
Me rastin e Ditës Botërore të Mjedisit, PAMKOS riafirmon përkushtimin e saj për mbrojtjen e mjedisit dhe promovimin e praktikave të qëndrueshme në menaxhimin e mbeturinave.

Një mjedis i pastër është përgjegjësi e përbashkët dhe investim për shëndetin, mirëqenien dhe të ardhmen e brezave që vijnë.

♻️ Ndryshimi fillon nga të gjithë.
Bëhu ndryshimi që i duhet Tokës.

12/05/2026

📍Gjatë vizitës në panairin ndërkombëtar IFAT 2026, delegacioni i PAMKOS mori pjesë edhe në punëtorinë e organizuar nga GIZ me temën: “Nga Sfida në Mundësi – Rindërtimi i Qëndrueshëm, zgjidhje për Mbeturinat e Ndërtim & Demolimit”.

Aktiviteti mblodhi përfaqësues institucionesh, ekspertë dhe kompani ndërkombëtare për të diskutuar mbi sfidat dhe mundësitë në menaxhimin e mbeturinave të ndërtimit dhe demolimit, me fokus në ekonominë qarkore dhe zgjidhjet e qëndrueshme për sektorin.

Gjatë punëtorisë u prezantuan praktika dhe modele konkrete për trajtimin, riciklimin dhe ripërdorimin e materialeve ndërtimore, si dhe përvojat nga projekte të zbatuara në vende të ndryshme. ♻️ Diskutimet u fokusuan në rëndësinë e zhvillimit të politikave dhe mekanizmave që mundësojnë menaxhim më efikas të mbeturinave të N&D, reduktimin e ndikimit në mjedis dhe krijimin e mundësive të reja ekonomike përmes rikuperimit të materialeve.

📌 Në kuadër të agjendës u prezantuan gjithashtu teknologji moderne për trajtimin e mbeturinave të ndërtimit, modele të operimit dhe përvoja praktike të implementimit nga kompani ndërkombëtare, përfshirë edhe raste të rimëkëmbjes qarkore dhe menaxhimit të sfidave në zonat e prekura nga konfliktet dhe rindërtimi.

Punëtoria përfshiu edhe diskutime interaktive mbi barrierat aktuale, kushtet e nevojshme për avancimin e sektorit dhe mundësitë e bashkëpunimit ndërmjet institucioneve, sektorit privat dhe partnerëve ndërkombëtarë.

📌 Gjatë ditës, delegacioni i PAMKOS zhvilloi gjithashtu vizita dhe takime me kompani ndërkombëtare të sektorit, duke u njohur me teknologji inovative dhe modele moderne të operimit që mund të kontribuojnë në avancimin e shërbimeve të menaxhimit të mbeturinave në Kosovë dhe shkëmbim përvojash mbi zhvillimet më të fundit në sektorin e menaxhimit të mbeturinave. ♻️

Përmes pjesëmarrjes në aktivitete të tilla, PAMKOS vazhdon të forcojë bashkëpunimin ndërkombëtar dhe të promovojë praktika moderne që mbështesin zhvillimin e qëndrueshëm të sektorit të menaxhimit të mbeturinave në vend.🌳