Kosova Disability Forum

Home
Kosovo
Pristina
Kosova Disability Forum

Kosovo Disability Forum (KDF) is a non-profit umbrella organization and a representative mechanism of

20/08/2026

Forumi Kosovar i Aftësisë së Kufizuar (FKAK), në bashkëpunim me Ministrinë e Punës, Familjes dhe Vlerave të Luftës Çlirimtare, po vazhdon punën për hartimin e Udhëzimit Administrativ për Realizimin e të Drejtës në Ndihmë Materiale dhe Përfitime Financiare për Familjet me Fëmijë me Aftësi të Kufizuar të Përhershme.

Gjatë punëtorisë së sotme u prezantua drafti final i Udhëzimit Administrativ, pas shqyrtimit të komenteve dhe rekomandimeve të mbledhura gjatë procesit konsultativ nga përfaqësues të institucioneve publike, organizatave të shoqërisë civile dhe akterëve të tjerë relevantë.

Ky proces përfaqëson një hap të rëndësishëm drejt krijimit të një kuadri administrativ që adreson nevojat reale të fëmijëve me aftësi të kufizuar të përhershme dhe familjeve të tyre, duke synuar një zbatim më të drejtë, transparent dhe efektiv të të drejtave dhe përfitimeve sociale.

FKAK mbetet e përkushtuar për të kontribuar në zhvillimin e politikave dhe legjislacionit që fuqizojnë mbrojtjen sociale, promovojnë barazinë dhe garantojnë realizimin e të drejtave të fëmijëve me aftësi të kufizuar në Republikën e Kosovës.
Ky aktivitet realizohet në kuadër të projektit “Asgjë për ne pa zërin tonë”, i zbatuar nga Forumi Kosovar i Aftësisë së Kufizuar në partneritet me Save the Children Kosova/o dhe i financuar nga Agjencia Suedeze për Bashkëpunim Ndërkombëtar për Zhvillim (Sida).

04/08/2026

👩‍🦽 A janë të drejtat e grave me aftësi të kufizuara të garantuara në praktikë?

Pavarësisht përparimeve në legjislacion, shumë gra me aftësi të kufizuara në Kosovë vazhdojnë të përballen me diskriminim, barriera në qasjen në shërbime, arsim, punësim dhe pjesëmarrje të barabartë në shoqëri.

📘 Për t'i dhënë zë përvojave të tyre dhe për të nxitur ndryshim, Forumi Kosovar i Aftësisë së Kufizuar ka publikuar hulumtimin "Të Drejtat e Grave me Aftësi të Kufizuara në Kosovë". Raporti paraqet gjetjet kryesore dhe rekomandime konkrete për institucionet dhe vendimmarrësit, me qëllim avancimin e të drejtave dhe fuqizimin e grave me aftësi të kufizuara.

Ky hulumtim është realizuar me mbështetjen financiare të European Disability Forum (EDF).

📄 Lexoni raportin në gjuhën shqipe:
🔗 https://drive.google.com/file/d/1PMqOtyNRoEHabCm3MfYTjLDQn9BJuyan/view?usp=sharing

📄 Read the report in English:
🔗 https://drive.google.com/file/d/1RgeVuHR-7nlnq1N6OLhJ4YaS3j36TTZP/view?usp=sharing

💬 Ndani raportin dhe bëhuni pjesë e përpjekjeve për një shoqëri më gjithëpërfshirëse, ku çdo grua gëzon të drejtat dhe mundësitë që i takojnë.

28/07/2026

📍 Forumi Kosovar i Aftësisë së Kufizuar (FKAK), në bashkëpunim me Ministrinë e Punës, Familjes dhe Vlerave të Luftës Çlirimtare, është duke organizuar punëtori për hartimin e Udhëzimit Administrativ për Realizimin e të Drejtës në Ndihmë Materiale dhe Përfitime Financiare për Familjet me Fëmijë me Aftësi të Kufizuar të Përhershme.

Punëtoria synon prezantimin e draftit fillestar të Udhëzimit Administrativ, shqyrtimin e dispozitave të tij dhe mbledhjen e komenteve e rekomandimeve profesionale nga përfaqësues të institucioneve publike, organizatave të shoqërisë civile dhe akterëve të tjerë relevantë.

Ky proces konsultativ është një hap i rëndësishëm drejt hartimit të një udhëzimi administrativ që reflekton nevojat reale të fëmijëve me aftësi të kufizuar të përhershme dhe familjeve të tyre, duke siguruar zbatim më të drejtë, më transparent dhe më efektiv të së drejtës në ndihmë materiale dhe përfitime financiare.

FKAK mbetet e përkushtuar të kontribuojë në zhvillimin e politikave dhe legjislacionit që forcojnë mbrojtjen sociale, promovojnë barazinë dhe garantojnë realizimin e të drejtave të fëmijëve me aftësi të kufizuar në Republikën e Kosovës.

Ky aktivitet po realizohet në kuadër të projektit “Asgjë për ne pa zërin tonë”, i cili zbatohet nga Forumi Kosovar i Aftësisë së Kufizuar në partneritet me Save the Children Kosova/oSave, financohet nga Agjencia Suedeze për Bashkëpunim Ndërkombëtar dhe Zhvillim.

24/07/2026

Pjesëmarrja e personave me aftësi të kufizuara në proceset zgjedhore duhet të jetë e plotë dhe kuptimplotë.
Përfshirja në zgjedhje nuk kufizohet vetëm në ushtrimin e së drejtës për të votuar. Një proces zgjedhor gjithëpërfshirës kërkon gjithashtu mundësi të barabarta për pjesëmarrje në administrimin, monitorimin dhe mbikëqyrjen e tij.

Rritja e përfaqësimit të personave me aftësi të kufizuara në strukturat dhe mekanizmat që lidhen me proceset zgjedhore do të kontribuonte në identifikimin më të mirë të barrierave, përmirësimin e qasjes dhe forcimin e transparencës dhe llogaridhënies institucionale.

Pjesemarrja e tyre në këto procese nuk duhet të shihet vetëm si një masë për përmbushjen e parimit të përfshirjes. Ajo është pjesë e domosdoshme e ndërtimit të proceseve zgjedhore që pasqyrojnë diversitetin e shoqërisë dhe respektojnë të drejtën e secilit për të marrë pjesë në jetën publike.

Proceset zgjedhore gjithëpërfshirëse kërkojnë jo vetëm qasje në votim, por edhe përfaqësim në proceset që e bëjnë demokracinë të funksionojë.

Ky postim është realizuar në kuadër të projektit "Forcimi i Procesit Zgjedhor në Kosovë". Ky projekt mbështetet nga OSBE-ja – Misioni në Kosovë.

16/07/2026

🗳️ Votimi është e drejtë. Përfshirja është përgjegjësi.

Çdo qytetar ka të drejtë të marrë pjesë në jetën demokratike të vendit. Kjo e drejtë nuk është e plotë nëse procesi zgjedhor nuk është i qasshëm dhe gjithëpërfshirës për të gjithë.

Kushtetuta e Republikës së Kosovës garanton barazinë para ligjit dhe ndalon çdo formë diskriminimi, ndërsa siguron të drejtën e çdo qytetari për të marrë pjesë në jetën publike dhe politike. Këto parime obligojnë institucionet që procesi zgjedhor të jetë i qasshëm për personat me aftësi të kufizuara, pa barriera fizike, komunikuese apo informuese.

Një proces zgjedhor gjithëpërfshirës nënkupton:
♿ Qendra votimi të qasshme;
📄 Informacion zgjedhor në formate të qasshme;
🤝 Staf të trajnuar për të ofruar mbështetje me dinjitet dhe respekt;
🗣️ Komunikim gjithëpërfshirës që arrin te secili qytetar.

Demokracia matet jo vetëm me të drejtën për të votuar, por edhe me mundësinë reale që secili ta ushtrojë këtë të drejtë në mënyrë të barabartë.

Vota e çdo qytetari ka vlerë. Përfshirja është përgjegjësi e përbashkët.

Ky postim është realizuar në kuadër të projektit "Forcimi i Procesit Zgjedhor në Kosovë".Ky projekt mbështetet nga OSBE- Misioni në Kosovë.

15/07/2026

📍 U mbajt takimi i dytë i Grupit Punues për Projektligjin për Vlerësimin, Njohjen e Statusit, Përfitimet dhe Shërbimet për Personat me Aftësi të Kufizuar.

🧩Në këtë takim morën pjesë përfaqësues të institucioneve relevante, organizatave të personave me aftësi të kufizuara, si dhe bashkëpunëtorë të tjerë të angazhuar në proces.

🧩Gjatë takimit u diskutuan komentet dhe propozimet e anëtarëve të grupit punues lidhur me instrumentet e vlerësimit, si pjesë e procesit të hartimit të një kornize ligjore gjithëpërfshirëse dhe të bazuar në të drejtat e personave me aftësi të kufizuara.

🧱Ky aktivitet po realizohet në kuadër të projektit “Asgjë për ne pa zërin tonë”, i cili zbatohet nga Forumi Kosovar i Aftësisë së Kufizuar në partneritet me Save the Children Kosova/o, financohet nga Agjencia Suedeze për Bashkëpunim Ndërkombëtar dhe Zhvillim.

30/06/2026

📢 E drejta për të votuar nuk duhet të pengohet nga aftësia e kufizuar

Pjesëmarrja e personave me aftësi të kufizuar në proceset zgjedhore nuk është vetëm çështje e qasshmërisë, është një e drejtë kushtetuese dhe ligjore.

Në Kosovë, Kushtetuta e Republikës së Kosovës garanton barazinë para ligjit dhe ndalon diskriminimin, ndërsa Ligji për Mbrojtjen nga Diskriminimi obligon institucionet publike të sigurojnë trajtim të barabartë dhe qasje të barabartë për të gjithë qytetarët. Këto parime janë në përputhje edhe me standardet e Konventës së OKB-së për të Drejtat e Personave me Aftësi të Kufizuar, e cila garanton pjesëmarrjen e plotë dhe efektive të personave me aftësi të kufizuar në jetën politike dhe publike, përfshirë të drejtën për të votuar.

Megjithatë, sfidat vazhdojnë të mbeten:�🔹 Qendra votimi jo plotësisht të qasshme;�🔹 Mungesa e materialeve zgjedhore në formate të qasshme;�🔹 Kufizime në ushtrimin e votës në mënyrë të pavarur dhe të fshehtë;�🔹 Keqpërdorimi i votimit me asistencë;�🔹 Përfshirja e pamjaftueshme e personave me aftësi të kufizuar në administrimin dhe monitorimin e proceseve zgjedhore.

Këto çështje u diskutuan në kuadër të aktivitetit të organizuar nga Forumi Kosovar i Aftësisë së Kufizuar (FKAK), në kuadër të projektit "Forcimi i Procesit Zgjedhor në Kosovë", ku u theksua nevoja për masa konkrete që do të sigurojnë zgjedhje më të qasshme, më gjithëpërfshirëse dhe në përputhje me standardet e të drejtave të njeriut.

🗳️ Një proces zgjedhor është vërtet demokratik vetëm kur çdo qytetar mund ta ushtrojë të drejtën e votës në mënyrë të lirë, të barabartë, të pavarur dhe me dinjitet.

Ky aktivitet është realizuar në kuadër të projektit "Forcimi i Procesit Zgjedhor në Kosovë" dhe është mundësuar me përkrahjen e OSBE-së - Misioni në Kosovë.

22/06/2026

Forumi Kosovar i Aftësisë së Kufizuar rishpall thirrjen për angjazhimin e një Eksperti për Zhvillimin e Udhëzimit Administrativ mbi Procedurat e Përfitimeve për Familjet e Fëmijlve me Aftësi të Kufizuara.

📆 Afati i fundit për aplikim është deri më 29 qershor 2026
📩 Aplikimet mund të dërgohen në email adresën: [email protected]

15/06/2026

Shtyhet thirrja deri me datë 17 qershor, per përzgjedhjen e ekspertit për zhvillimin e Udhëzimit Administrativ mbi Procedurat e Përfitimeve për Familjet e Fëmijëve me Aftësi të Kufizuara.

12/06/2026

📍Forumi Kosovar i Aftësisë së Kufizuar, mbajti sot takimin e grupit punues për Projektligjin për Vlerësimin, Njohjen e Statusit, Përfitimet dhe Shërbimet për Personat me Aftësi të Kufizuar.

👉Anëtarët e grupit punues patën rastin që ndër të tjera të diakutojnë për instrumentet e vlerësimit të aftësisë së kufizuar.

🔍Ky aktivitet po realizohet në kuadër të projektit “Asgjë për ne pa zërin tonë”, i cili zbatohet nga Forumi Kosovar i Aftësisë së Kufizuar në partneritet me Save the Children Kosova/o, financohet nga Agjencia Suedeze për Bashkëpunim Ndërkombëtar dhe Zhvillim.

Address

St Tringe Smajli
Pristina
10000

Telephone

038 4000 55

Website

http://www.kdf-ks.org/

Alerts

Be the first to know and let us send you an email when Kosova Disability Forum posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Kosova Disability Forum:

Want your organization to be the top-listed Non Profit Organization in Pristina?