Federata e PingPongut e Kosovës

08/10/2026

Nga 11 deri më 18 tetor 2026, vëmendja e pingpongut evropian zhvendoset në Arena Stožice, Ljubljana, Slloveni, ku Kosova do të jetë pjesë e garës më prestigjioze individuale të kontinentit, Kampionatit Evropian Individual 2026, të organizuar nga ETTU.

Në këtë ngjarje të rëndësishme të kalendarit evropian, Kosova do të përfaqësohet nga sportistët Kreshnik Mahmuti dhe Shega Hashani, të shoqëruar nga trajneri Ridvan Hashani.

Delegacionit të Kosovës do t’i bashkohet edhe Kryetari i FPPK-së, Nehat Çitaku.

Kampionati Evropian Individual mbledh në Ljubljana ndër lojtarët më të mirë të kontinentit, ndërsa programi i garave përfshin single për meshkuj dhe femra, dyshe për meshkuj dhe femra, si dhe dyshe të përziera (Mixed Doubles). Sipas ETTU-së, faza preliminare nis më 11 tetor, ndërsa shorti kryesor nis më 13 tetor. Kampionët evropianë në kategoritë individuale do të shpallen më 18 tetor.

Kjo garë paraqet një mundësi të rëndësishme për sportistët tanë që të konkurrojnë në skenën më të lartë evropiane dhe të përballen me disa prej emrave më të mirë të pingpongut kontinental. Për më tepër, rezultatet e këtij Kampionati do të kontribuojnë drejtpërdrejt në European Mixed Team Ranking, i cili lidhet me kualifikimin për garën Mixed Team në European Games 2027 dhe rrugën evropiane të kualifikimit olimpik.

Për ta ndjekur pjesëmarrjen dhe rezultatet e përfaqësuesve të Kosovës gjatë Kampionatit, klikoni në linkun zyrtar: https://www.ettu.org/european-individual-championships/

07/10/2026

🏓 TOP 8 | U11 & U17

Të dielën, 11 tetor, Ferizaj bëhet arenë e garës për më të mirët e grupmoshave U11 dhe U17.

📍 Palestra “Astrit Bytyçi”, Ferizaj
🏓 TOP 8
📅 11 tetor

06/10/2026

Më 11 tetor në SHMU "Astrit Bytyqi" do të zhvillohet turneu “Top 8” për grupmoshat U11 dhe U17, në kuadër të aktiviteteve të Federatës së Pingpongut të Kosovës.

Garat do të fillojnë nga ora 10:00, ku lojtarët më të mirë të këtyre grupmoshave do të përballen mes vete.

Turnetë “Top 8” konsiderohen ndër garat më të forta të vitit, pasi në to përballen lojtarët më të mirë të grupmoshave përkatëse, duke sjellë konkurrencë të lartë dhe përballje të drejtpërdrejta për kreun e renditjes.

05/10/2026

📸Disa nga momentet e Kupës së Kosovës 2026!🏓

05/10/2026

🏆 KUPA E KOSOVËS 2026 | KAMPIONËT JANË SHPALLUR! 🇽🇰

Një fundjavë me rivalitet, ndeshje të forta dhe finale që u vendosën deri në pikën e fundit!

🥇 SENIORË | MESHKUJ
KPP Liria – 3:1 ndaj KPP Lidhjes së Prizrenit

👉Konstantinos ishte vendimtar për Lirinë, duke siguruar dy fitore në finale: ndaj Kreshnik Mahmutit (3:1) dhe Ziver Gunduz (3:0).

🥇 SENIORË | FEMRA
KPP Gjilani F – 3:2 ndaj KPP Prishtina F

👉Finalja shkoi deri në ndeshjen e pestë, ku Zana Bllaca siguroi fitoren vendimtare.

🥇 U15 | MESHKUJ
TTC Ferizaj – 3:1 ndaj KPP Priping

👉Për TTC Ferizaj, Rejan Krasniqi ishte ndër figurat kryesore në rrugën drejt trofeut.
👉Denat Makolli shkëlqeu për Pripingun në gjysmëfinale, me dy fitore ndaj Olti Behlulit dhe Selim Azazit, duke e dërguar skuadrën në finale.

Urime kampionëve, finalistëve dhe të gjitha skuadrave pjesëmarrëse! 👏

04/10/2026

02/10/2026

Bashkëpunim për zhvillimin e pingpongut në Kosovë

Kryetari i Federatës së Pingpongut të Kosovës, Nehat Çitaku, së bashku me Sekretarin Fadil Luta dhe Anëtarin e Bordit, Sheremet Hoti, zhvilluan takim me Ministrin e Sportit dhe Rinisë, Blerim Gashani.

Gjatë takimit u diskutua për bashkëpunimin ndërmjet Ministrisë dhe FPPK-së, arritjet e pingpongut kosovar në vend dhe arenën ndërkombëtare, sfidat me të cilat ballafaqohet si dhe planet e përbashkëta në vazhdim, përfshirë organizimin e garave ndërkombëtare në Kosovë.

FPPK mbetet e përkushtuar për zhvillimin dhe promovimin e pingpongut në vend dhe përfaqësimin dinjitoz të Kosoves në arenën ndërkombëtare.

02/10/2026

30/09/2026

HISTORIKE: Zana Bllaca bëhet pingpongistja e parë kosovare e ftuar në STIGA Masters U11

Pingpongistja e re kosovare Zana Bllaca do ta përfaqësojë Kosovën në STIGA Masters U11, një prej turneve më prestigjioze evropiane për talentet e reja të tenisit të tavolinës.

Turneu do të mbahet më 24 dhe 25 tetor 2026, në Blegny të Belgjikës, në afërsi të Lièges, dhe do të mbledhë 14 prej pingpongisteve dhe 14 prej pingpongistëve më të mirë të Evropës në kategorinë U11.

Pjesëmarrja e Zana Bllacës në këtë ngjarje është historike për pingpongun kosovar. Ajo është pingpongistja e parë nga Kosova e ftuar zyrtarisht në STIGA Masters U11, duke shënuar një arritje të jashtëzakonshme për sportin e vendit.

Në listën zyrtare të lojtarëve të konfirmuar për turneun, Zana Bllaca figuron në kategorinë U11 Girls Singles, me shënimin KOS, krahas talenteve të reja nga Turqia, Franca, Gjermania, Finlanda, Portugalia, Çekia, Rumania, Suedia, Letonia, Moldavia dhe Belgjika.

Kjo ftesë është rezultat i talentit, punës dhe përkushtimit të vazhdueshëm të Zana Bllacës, si dhe mbështetjes së familjes, trajnerit, klubit dhe Federatës së Pingpongut të Kosovës.

Për Kosovën, kjo nuk është vetëm pjesëmarrje në një turne ndërkombëtar. Është një moment që dëshmon se talentet kosovare po arrijnë të depërtojnë në skenat më të rëndësishme të pingpongut evropian.

Në Blegny, Zana Bllaca do të ketë mundësinë të garojë kundër talenteve më të mira të kontinentit dhe ta përfaqësojë Kosovën në një ngjarje të veçantë sportive.

Kosova është krenare me ty, Zana! 🇽🇰🏓