Voice of Roma, Ashkali and Egyptians

17/06/2026

🌈🏃‍♂️ Bëhuni pjesë e aktivitetit më plot ngjyra të verës!

Në kuadër të Festivalit Multikulturor “Festojmë Ngjashmëritë Tona”, ju ftojmë në aktivitetin “Vrapojmë me Ngjyrat”, një ditë e mbushur me argëtim, energji, sport dhe miqësi për të gjitha moshat.

Më 26 Qershor 2026, në Parkun e Gërmisë, fëmijë, të rinj dhe familje nga të gjitha komunitetet do të bashkohen për një vrapim unik me ngjyra, ku çdo hap simbolizon respektin, barazinë, miqësinë, bashkëpunimin, solidaritetin dhe diversitetin.

⭐ Aktiviteti do të hapet nga futbollisti i njohur Samir Ujkani, i cili do t’i bashkohet pjesëmarrësve në startin simbolik të vrapimit.

Përveç vrapimit me ngjyra, do të ketë:
🎨 Hedhje simbolike të ngjyrave
⚽ Lojëra sportive dhe aktivitete rekreative
🎵 Muzikë dhe atmosferë festive
📸 Zona për fotografi
🏅 Mirënjohje dhe çmime simbolike për pjesëmarrësit

Vishni maicat e bardha, merrni familjen dhe shokët tuaj dhe ejani të festojmë së bashku larminë që na bashkon!

📍 Parku i Gërmisë
🕚 Ora 11:00
📅 26 Qershor 2026

Ju mirëpresim! 🌈✨

17/06/2026

🎶 Bëhuni gati për një mbrëmje të paharrueshme me muzikë live!

Më 26 Qershor 2026, duke filluar nga ora 19:00, në Sheshin “Adem Jashari” në Prishtinë, do të performojnë Florent Abrashi, Jimmy Mustafa Band dhe Trio Band në kuadër të Festivalit Multikulturor.

Ju pret një atmosferë e jashtëzakonshme, muzikë e mirë, energji pozitive dhe shumë surpriza gjatë gjithë mbrëmjes.

📍 Sheshi “Adem Jashari”, Prishtinë
🕖 Ora 19:00
📅 26 Qershor 2026

Mos mungoni - ejani të festojmë së bashku në një natë plot muzikë dhe argëtim!

17/06/2026

🎓🤝 Vazhdojnë takimet e mentorimit me studentët

Në kuadër të programit “Mbështetje plotësuese për studime akademike” për studentët e komuniteteve rom, ashkali dhe egjiptian, i financuar nga HEKS/SDC, mentori Ergjan Mehmeti ka mbajtur takimin e radhës me studentët e tij.
Gjatë takimit u diskutua për ecurinë e studimeve, sfidat dhe mundësitë për zhvillim akademik e profesional. 📚✨
Mentorimi luan një rol të rëndësishëm në fuqizimin e studentëve, duke ofruar udhëzim, mbështetje dhe motivim për të arritur sukses në studime dhe më gjerë. 🌟💪

🎓🤍

17/06/2026

ALB
🎉 Festojmë ngjashmëritë tona!

Nga 23–26 Qershor 2026, Prishtina bëhet sërish qendër e diversitetit kulturor me edicionin e 8-të të Festivalit Multikulturor.

Ju ftojmë të bëheni pjesë e aktiviteteve që promovojnë dialogun, kreativitetin, artin dhe bashkëjetesën: Muzeu Mobil, ekspozita fotografike, debat publik, nata e poezisë slam, workshop kreativ, dialogu i biznesit, vrapimi me ngjyra dhe koncerti përmbyllës.

📍 Prishtinë
📅 23–26 Qershor 2026

Bashkohuni me ne për të festuar kulturat, historitë dhe vlerat që na bashkojnë!

SRB

🎉 Slavimo naše sličnosti!

Od 23. do 26. juna 2026. godine, Priština ponovo postaje centar kulturne raznolikosti kroz 8. izdanje Multikulturnog festivala.

Pozivamo vas da budete deo aktivnosti koje promovišu dijalog, kreativnost, umetnost i zajedništvo: Mobilni muzej, fotografska izložba, javna debata, veče slam poezije, kreativna radionica, poslovni dijalog, trčanje u bojama i završni koncert.

📍 Priština
📅 23–26. jun 2026.

Pridružite nam se u slavljenju kultura, priča i vrednosti koje nas povezuju!

ENG

🎉 Celebrating Our Similarities!

From 23–26 June 2026, Prishtina will once again become a hub of cultural diversity during the 8th edition of the Multicultural Festival.

Join us for a series of activities that promote dialogue, creativity, art, and inclusion: the Mobile Museum, photography exhibition, public debate, slam poetry night, creative workshop, business dialogue, color run, and the closing concert.

📍 Prishtina
📅 23–26 June 2026

Come celebrate the cultures, stories, and values that bring us together!

17/06/2026

📍 Ekspozita Mobile në Gjakovë tashmë është e hapur për publikun!

Me kënaqësi ju njoftojmë se Ekspozita Mobile “Voices on the Move: A Traveling Exhibition of Heritage and Identity” ka hapur dyert në Galerinë e Arteve pranë Pallatit të Kulturës “Asim Vokshi” në Gjakovë dhe tashmë po mirëpret qytetarë, nxënës dhe vizitorë të shumtë.

Gjatë vizitës, pjesëmarrësit kanë mundësinë të njihen më nga afër me historinë, kulturën, identitetin dhe kontributin e komuniteteve rom, ashkali dhe egjiptian në Kosovë, përmes materialeve historike, rrëfimeve personale dhe elementeve autentike kulturore.

Ekspozita po shërben si një hapësirë e rëndësishme edukative dhe kulturore, duke nxitur dialog, reflektim dhe mirëkuptim ndërkulturor tek të gjithë vizitorët.

✨ Ju mirëpresim ta vizitoni ekspozitën, e cila do të qëndrojë e hapur në Gjakovë deri më 21 Qershor 2026.

Ky projekt realizohet me mbështetjen e UNMIK-ut.

16/06/2026

Festivali Multikulturor nuk është thjesht një ngjarje që fillon dhe përfundon; ai është një ftesë për reflektim, dëgjim dhe rishikim të mënyrës se si e shohim njëri-tjetrin, i bazuar në idenë e barazisë në aspektin e të qenurit njeri.

Për të mësuar më shumë rreth festivalit dhe mesazhit të tij, shikoni intervistën e plotë me kolegun tonë Denis Avdiu në Klan Kosova.
https://www.youtube.com/live/CIKDYB8iIik?si=aK3dEMtM4vbaR0S_

16/06/2026

Maturantët nga komunitetet rom, ashkali dhe egjiptian morën pjesë në Panairin e IBCM-së

Në kuadër të fushatës “Edhe Unë Dua të Studioj”, e cila realizohet në kuadër të projektit “Mbështetje Plotësuese për Studime Akademike për Studentët e Komuniteteve Rom, Ashkali dhe Egjiptian”, maturantë nga këto komunitete morën pjesë në aktivitetin Info Day & Career Day 2026 të organizuar nga International Business College Mitrovica (IBCM).

Gjatë vizitës, pjesëmarrësit patën mundësinë të njihen nga afër me programet akademike, ambientet universitare dhe mundësitë e zhvillimit profesional që ofron IBCM. Ata morën pjesë në demonstrime praktike në laboratorët e mjedisit, teknologjisë, elektronikës dhe kompjuterëve, ku u prezantuan metoda moderne të të nxënit përmes eksperimenteve, projekteve dhe aftësive digjitale.

Maturantët gjithashtu ndoqën prezantime të programeve studimore, sesione informuese dhe ture udhëzuese në kampus, duke fituar informacione të vlefshme për jetën studentore dhe mundësitë e studimit. Një pjesë e rëndësishme e aktivitetit ishte sesioni i orientimit në karrierë, i cili i ndihmoi të rinjtë të reflektojnë mbi hapat e tyre të ardhshëm akademikë dhe profesionalë.

Në kuadër të Panairit të Karrierës, pjesëmarrësit patën mundësinë të takojnë përfaqësues të kompanive dhe institucioneve të ndryshme, të informohen rreth praktikave profesionale dhe mundësive të punësimit, si dhe të kuptojnë më mirë lidhjen ndërmjet arsimit të lartë dhe tregut të punës.

Pjesëmarrja në këtë aktivitet shërbeu si një mundësi e rëndësishme për maturantët nga komunitetet rom, ashkali dhe egjiptian që të eksplorojnë mundësitë e studimeve të larta, të frymëzohen nga përvoja të suksesshme dhe të forcojnë motivimin e tyre për të vazhduar rrugëtimin akademik.

Fushata “Edhe Unë Dua të Studioj” synon të promovojë qasjen në arsimin e lartë dhe të inkurajojë të rinjtë nga komunitetet rom, ashkali dhe egjiptian që të ndjekin studimet universitare dhe të investojnë në zhvillimin e tyre profesional dhe personal.

16/06/2026

🎓 Muharrem Xhemajli do të përfaqësojë IBCM-në në Greqi pas suksesit në garën ndërkombëtare VirtuEU
🇪🇺 Si rezultat i këtij suksesi, Muharrem Xhemajli do të përfaqësojë IBCM-në në ngjarjen EVBB në Selanik, Greqi, këtë qershor, duke pasur mundësinë të prezantojë idetë dhe arritjet e tij në një platformë ndërkombëtare.
Muharrem Xhemajli, përfitues i programit “Mbështetje Plotësuese për Studime Akademike” dhe student i Menaxhmentit të Biznesit në IBCM, së bashku me ekipin e tij, arriti të fitojë vendin e parë në projektin ndërkombëtar VirtuEU, duke përfaqësuar kolegjin me përkushtim dhe ekselencë.
🏆 Projekti fitues:
Leadership in Times of Change – një projekt që thekson rëndësinë e lidershipit në mbështetjen e të rinjve për t’u përballur me sfidat dhe ndryshimet e vazhdueshme të shoqërisë moderne.
Ky sukses dëshmon potencialin, përkushtimin dhe aftësitë e Muharremit, duke shërbyer si frymëzim për të rinjtë e tjerë që ndjekin rrugën e arsimit dhe zhvillimit profesional.
👏 Urime Muharrem Xhemajli për këtë arritje të jashtëzakonshme dhe suksese në përfaqësimin e IBCM-së në Selanik!

15/06/2026