03/12/2025
A History of Woman Strength
Ngjarja përmbyllëse e projektit global One Day For All
Mbrëmjen e 30 Nëntorit, Rotaract Club Prishtina Ulpiana organizoi ngjarjen “A History of Woman Strength”, një mbrëmje reflektuese, artistike dhe njerëzore dedikuar forcës, historisë dhe rolit të gruas në shoqërinë tonë.
Ngjarja ishte pjesë e projektit ndërkombëtar , një iniciativë e që këtë vit bashkoi rreth 80 klube Rotaract nga mbi 30 vende të botës.
Projekti u nda në dy faza:
1–25 Nëntor: fushata sensibilizuese me histori reale të dhunës ndaj grave;
25–30 Nëntor: organizimi i ngjarjeve lokale nga secili klub pjesëmarrës.
Vepra artistike “Kosovarja”
Në qendër të mbrëmjes sonë ishte ekspozita fotografike multimediale “Kosovarja”, nga fotografi Afrim Hajrullahu, me soundtrack origjinal të krijuar për veprën nga Lis Boshtrakaj.
Kjo vepër sjell jetën dhe rezistencën e grave kosovare gjatë viteve ’90, gra që punuan, protestuan, u përballën me dhunë dhe mbajtën gjallë shpresën e një populli.
Përmes fotografisë, zërit dhe muzikës, “Kosovarja” krijon një rrugëtim emocional që nderon rolin e grave si shtyllat e mbijetesës dhe të dinjitetit në periudhat më të vështira të historisë sonë.
Qëllimi i ngjarjes
Të nderojmë fuqinë e gruas jo vetëm përmes fakteve dhe statistikave, por përmes artit, kujtesës, dialogut dhe bashkëbisedimit.
Pas shfaqjes së veprës, vazhduam me një diskutim të hapur mbi rolin e gruas sot, një bisedë e nevojshme, e sinqertë dhe e thellë.
Falenderojmë nga zemra Afrim Hajtullahu, Lis Boshtrakaj, Sami Ahmeti & Hotel Sirius, Valentina Rexha & Pronto, Ridvan Ademi & Che Bar, dhe ekipin e jashtëzakonshëm të Rotaract Prishtina Ulpiana.
Forca e gruas është forca e shoqërisë. 💛
