04/05/2026
DEKLARATA E PLOTE:
Deklarata e Asamblesë Antikapitaliste lidhun me Protestën e Bllokut Antikapitalist për 1 Maj.
Sot, pas përfundimit të protestës së 1 Majit së Bllokut Antikapitalist, policia në masë t’konsiderueshme, kanë ndalë protestueset/it që ishin duke u shpërndarë, edhe kanë eskalu situatën tu i arrestu 4 protestues prezent në të.
Pas 9 vjetësh që Asambleja Antikapitaliste organizon protestën e 1 Majit, sivjet shteti ka vendosë të thirret në ligj edhe të arrestojë pjesëmarrës për kinse protestë ilegale. Ky intervenim i policisë, aspak s’na befason, sidomos që vjen në shprehje në momentin kur ne kundërshtojmë shtypjen e punëtorëve, pjesëmarrjen e Kosovës në përkrahjen e gjenocidit në Palestinë si dhe shefat e oligarkët që po i mbron pushteti shtetëror dhe të gjitha partitë. Kjo aq më shumë vëretohet me faktin që një protestuesi i është mveshë edhe dënim absurd për “thirrje për kryengritje”.
Aktivitetet s’janë klandestine, por përkundrazi, publike e të hapuna. E ne kumtojmë që rrugët nuk i takojnë policisë por janë tonat, se në fund të ditës na e i kem pagu edhe na i kem ndërtu. E pra na as nuk kena kërku, e as s’kemi me kërku asnjëherë leje për me dalë në rrugët e sheshet tona.
Ne sot kemi dalë jo me kërkesa për pushtetin, se nuk ka kuptim t’ju shtrohen kërkesat atyne që krijojnë kushte për punëtore e puntëorë mu vra, lëndu, ngacmu, e poshtnu në vende të punës, e as atyne që jau majnë zhagun kapitalit vendor e ndërkombëtar, e pushteteve gjenocidale Sioniste. Ne kemi dalë si kushtrim për organizim kolektiv nëpër sindikata radikale, nëpër mahalla, nëpër fakulltete, grupe tona shoqnore, nëpër qytete e rrugë, e ta marrim pushtetin në duart tona, te vetë-organizohemi në frymë të horizontalitet, solidariteteit dhe frymës revolucionare, kundër patriarkatit, kapitalizmit, shefave e pronarëve, homofobisë, ksenofobisë, militarizmit, nacionalizmit e çdo sistemi tjetër që shtypë e që fut ndasi ndërmjet neve si klasë punëtore.
Ne i thërrasim të gjithë të organizohemi që ti marrim mjetet e punës, ti marrim tokat, fabrikat, zyret e rruget ne duart tona, e ta krijojmë atë shoqni për të cilën sot po e thërrasim: një shoqëri të lirë e të barabartë. Përderisa votat nuk sjellin ndryshim, por veç ndrrim të atyne që marrin ma shumë pushtet – atyne që punojnë kundër interesave të punëtorëve, ne protestojme e revoltohemi!
Protestuesit janë liru, e rastet janë referu më tutje për gjykatë. Kjo neve nuk na zbraps, por përkundrazi na vërteton faktin që nëse vota edhe injorohet – rezistenca jonë s’mundet!
Deri herën tjetër që shihemi në rrugë!
Asambleja Antikapitaliste
1 Maj 2026
