Departamenti i Gruas i BIK

30/07/2026

Garat e Kur'anit

30/07/2026

08/07/2026

Kurset verore po gjallërojnë xhamitë në mbarë Kosovën

Pushimet verore janë shndërruar në një mundësi për edukim, mësim dhe argëtim për qindra fëmijë e të rinj, të cilët po ndjekin kurset verore të organizuara nga Departamenti i Gruas i Bashkësisë Islame të Kosovës, me degët e saj në të gjitha komunat e vendit.

Përmes një programi të pasur edukativ, pjesëmarrësit po njihen me mësimet themelore islame, leximin e shkronjave të Kuranit, besimin, moralin, pastërtinë dhe praktikën e namazit. Krahas pjesës mësimore, kurset përfshijnë edhe aktivitete rekreative e sportive, lojëra edukative, punëtori kreative, gara, shëtitje në natyrë dhe vizita të ndryshme, duke krijuar një ambient të ngrohtë ku fëmijët mësojnë, socializohen dhe kalojnë pushimet në mënyrë të dobishme.

Mualimet e Departamentit të Gruas po japin përkushtimin maksimal për t’u ofruar fëmijëve një program sa më cilësor dhe gjithëpërfshirës.

Përmes këtyre kurseve, Departamenti i Gruas synon të forcojë lidhjen e brezit të ri me vlerat fetare e morale, duke ofruar një program që ndërthur dijen, edukimin dhe argëtimin në shërbim të formimit të një gjenerate me vlera dhe përgjegjësi.

Kurset verore po zhvillohen në shumë xhami të vendit e objektet kulturore islame të cilat kanë zgjuar interesim të madh tek fëmijët.

Këtë vit rreth 3 mijë nxënës janë bërë pjesë e kurseve verore në mbarë vendin, një pjesëmarrje që dëshmon suksesin dhe ndikimin e këtyre programeve në edukimin dhe formimin e brezit të ri.

05/07/2026

Ceremoni solemne e Hatmes për nxënësit e kursit të mësimbesimit në Xhaminë e Bardhosh*t

Në Xhaminë e Bardhosh*t u organizua ceremonia e Hatmes për 12 nxënës të kursit të mësimbesimit, prej tyre 10 vajza dhe 2 djem, të cilët përfunduan me sukses leximin e Kuranit Famëlartë.

Programi u hap me leximin e ajeteve të para të shpallura të Kuranit, “Ikra” (Lexo!), e cila u pasurua më tej me tekbire dhe salavate të interpretuara nga nxënësit.

Në fjalën e saj përshëndetëse, mësuesja e tyre Kadrije Dragusha-Ademi falënderoi të pranishmit për pjesëmarrjen, ndërsa shprehu mirënjohje të veçantë për nxënësit, duke vlerësuar përkushtimin, disiplinën dhe angazhimin e tyre gjatë gjithë procesit të mësimit.

Në organizim morën pjesë udhëheqësja e Departamentit të Gruas pranë Kryesisë së Bashkësisë Islame të Kosovës znj. Vaxhide Podvorica-Bunjaku, si dhe koordinatorja e Departamentit të Gruas në Podujevë, Sala Mehmeti-Hajdari.

Me këtë rast, znj. Vaxhide Podvorica-Bunjaku përgëzoi mësuesen për punën e palodhshme në edukimin fetar të brezave dhe për kontributin e saj në kuadër të Departamentit të Gruas në Prishtinë. Ajo mbajti edhe një ligjëratë me temën “Vlera e mësimit të Kuranit”, duke theksuar rëndësinë e lidhjes së vazhdueshme të brezave me Librin e Allahut.

Duanë e Hatmes e bëri znj. Sala Mehmeti-Hajdari.

Në shenjë vlerësimi për përkushtimin dhe suksesin e tyre, nxënësve iu ndanë certifikata dhe dhurata.

Përmbyllja e ceremonisë u shënua me një moment tejet emocionues, kur nxënësit i dhuruan mësueses së tyre, Kadrije Dragusha-Ademi, një letër falënderimi, si shprehje e respektit, dashurisë dhe mirënjohjes për përkujdesjen dhe përkushtimin e saj gjatë gjithë rrugëtimit të tyre në mësimin e Kuranit.

30/06/2026

24/06/2026

Dua Hatme në Han të Elezit

Në Han të Elezit u organizua programi i Duasë së Hatmes, ku 38 nxënëse përmbyllën me sukses leximin e tërësishëm të Kuranit.
Programi u zhvillua nën udhëheqjen e mualimes Xhevrije Dërguti Vila.

Në kuadër të aktivitetit, psikologia Gyltene Dërguti mbajti një fjalë rasti, ndërsa ligjëratën kryesore e mbajti Dr. Florentina Trmkolli, e cila foli për rëndësinë e lidhjes së vazhdueshme me Kuranin dhe vlerat që ai kultivon në jetën e besimtarit.

Programi u pasurua me lexim të pjesëve nga Kurani, dramë të përgatitur nga nxënëset, si dhe me interpretimin e dy ilahive nga grupi i nxënëseve.

Në përmbyllje, mualimja Xhevrije Dërguti- Vila bëri Duanë e Hatmes, duke lutur Allahun e Madhëruar që t’i begatojë nxënëset me sukses dhe qëndrueshmëri në rrugën e dijes dhe të besimit.

Programi përfundoi me ndarjen e diplomave për nxënëset që përfunduan hatmen.

12/06/2026

U mbajt programi i duasë së hatmes nga nxënëset e xhamisë së Shipolit

Në xhaminë e Shipolit në Mitrovicë u mbajt programi i duasë së hatmes nga nxënëset që vijojnë mësimet fetare pranë kësaj xhamie, nën udhëheqjen e mualimes së Emire Myrta.

Programi u karakterizua nga recitime të Kuranit dhe momente domethënëse që pasqyruan përkushtimin e nxënëseve në rrugën e mësimit dhe të lidhjes së tyre me Librin e Allahut.

Të pranishmit i përshëndeti edhe znj. Vaxhide Podvorica- Bunjaku, udhëheqëse e Departamentit të Gruas pranë Kryesisë së Bashkësisë Islame të Kosovës, e cila në fjalën e saj theksoi rëndësinë e kultivimit të një raporti të vazhdueshëm me Kuranin, si dhe rolin e çmuar të gruas në edukimin dhe formimin e brezave të ardhshëm.

Në përmbyllje të programit u bë dua që Allahu i Madhëruar ta pranojë mundin dhe përkushtimin e nxënëseve, ta bëjë dashurinë e tyre për Kuranin dritë në zemrat e tyre, bekim për familjet dhe mirësi për shoqërinë.

01/06/2026

1 Qershori festohet me aktivitete të shumta për fëmijët në Vushtrri

Me rastin e Festës së Fëmijëve- 1 Qershorit, Departamenti i Gruas pranë Këshillit të Bashkësisë Islame në Vushtrri,organizoi një program festiv dedikuar fëmijëve, duke sjellë gëzim, argëtim dhe momente të veçanta për pjesëmarrësit.

Programi u hap me fjalën përshëndetëse të kryetarit të Këshillit të Bashkësisë Islame në Vushtrri, i cili përgëzoi të pranishmit dhe uroi fëmijët për festën e tyre, duke theksuar rëndësinë e kujdesit dhe përkushtimit ndaj brezave të rinj.

Më pas, fjalë rasti mbajti udhëheqësja e Departamentit të Gruas, pranë Kryesisë së Bashkësisë Islame të Kosovës, znj. Vaxhide Podvorica- Bunjaku, e cila uroi fëmijët me rastin e dy festave- Festës së Kurban Bajramit dhe 1 Qershorit. Ajo shprehu dëshirën që fëmijët të jenë gjithmonë të lumtur, të shëndetshëm dhe të suksesshëm në rrugëtimin e tyre jetësor.

Programi vijoi me pika artistike, lojëra dhe aktivitete të ndryshme argëtuese, të përgatitura posaçërisht për fëmijët.

01/06/2026

Duaja e Hatmes në Xhaminë e Veternikut, certifikohen nxënëset që përfunduan leximin e Kuranit

Në Xhaminë e Veternikut në Prishtinë u organizua programi i “Duasë së Hatmes” për nxënëset që kanë përfunduar leximin e Kuranit Famëlartë.

Programi filloi me fjalët përshëndetëse për të pranishmet, ndërsa më pas koordinatorja e Departamentit të Gruas pranë Këshillit të Bashkësisë Islame në prishtinë, znj. Kadrije Dragusha-Ademi prezantoi punën dhe aktivitetet e këtij departamenti.

Më pas Dr. Florentina Tërmkolli- zyrtare në Departamentin e Gruas pranë Kryesisë së Bashkësisë Islame të Kosovës, mbajti një ligjëratë rreth rëndësisë dhe vlerës së leximit të Fjalës së Allahut, duke theksuar ndikimin e Kuranit në formimin shpirtëror dhe moral të besimtarit.

Pjesë e programit ishte edhe leximi i ajeteve kuranore nga nxënëset, pas së cilës u bë Duaja e Hatmes, duke shënuar kështu përfundimin e një etape të rëndësishme në rrugëtimin e tyre të mësimit të Kuranit.

Në këtë organizim ishte e pranishme edhe znj. Esra Kera, asistente e Zyrës për Çështje Fetare (Diyanet) në Kosovë.

Në fund, nxënëset u pajisën me certifikata mirënjohjeje për angazhimin dhe suksesin e treguar. Programi u përmbyll me një bashkëbisedim të ngrohtë mes të pranishmeve

18/05/2026

Shtatë zëra, një qëllim: Avancimi në leximin e Kuranit!