Departamenti i Gruas i BIK

07/10/2026

MUALIME E DALLUAR (Reportazh)
Agime Sogojeva
Një ëndërr e kahmotshme iu shndërrua në mision të jetës!
Mualimet në mbarë Kosovën vazhdojnë të japin një kontribut të rëndësishëm në edukimin fetar dhe formimin e brezave, duke përcjellë dije, vlera dhe mësime për jetën.

05/10/2026

Në Xhaminë Qendrore në Shtime u mbajt programi kulturor-fetar “Hyrje në Kuran”, organizuar nga Departamenti i Gruas pranë KBI-së Shtime, me rastin e përfundimit të mësimit të shkronjave dhe fillimit të leximit të Kuranit Famëlartë nga 22 nxënës të mësueses Emine Tërshani-Asllani.

Programi shënoi një moment të veçantë për nxënësit, të cilët pas përfundimit të mësimit të shkronjave arabe, nisën një etapë të re në mësimin dhe leximin e Kuranit Famëlartë.

Në kuadër të programit, Dr. Florentina Tërmkolli foli për rëndësinë e mësimit të Kuranit Famëlartë, duke theksuar vlerën e edukimit kuranor në formimin e fëmijëve dhe në kultivimin e vlerave dhe parimeve islame që në moshë të hershme.

01/10/2026

Departamenti i Gruas në Prishtinë përmbylli aktivitetet e muajit të Mevludit

Departamenti i Gruas në Prishtinë përmbylli aktivitetet e muajit të Mevludit me një program fetar të organizuar në Xhaminë “Sylejman Mustafa”.

Programi nisi me këndimin e ajeteve nga Kurani Famëlartë dhe tekbiret, të interpretuara nga nxënëset e kësaj xhamie. Më pas, mualimja Teuta Raifi, e cila udhëhoqi programin, paraqiti një përmbledhje të shkurtër mbi jetën dhe veprën e Pejgamberit Muhamed a.s.

Në fjalën e rastit, koordinatorja e Departamentit të Gruas në Prishtinë, Kadrije Dragusha-Ademi, vlerësoi angazhimin e mualimeve dhe punën e tyre gjatë aktiviteteve të zhvilluara përgjatë muajit të Mevludit.

Ligjëratën me temën “Gjurmët që ndryshojnë rrugët” e mbajti dr. Florentina Tërmkolli, përfaqësuese e Departamentit të Gruas pranë Kryesisë së Bashkësisë Islame të Kosovës. Përmes shembujve dhe mesazheve nga jeta e përditshme, ajo trajtoi rëndësinë e gjurmëve të mira që njeriu lë pas vetes dhe ndikimin e tyre në jetën e individit dhe të shoqërisë.

Programi u përmbyll me një bashkëbisedim ndërmjet të pranishmeve dhe mysafireve, gjatë të cilit u parashtruan pyetje dhe u shkëmbyen mendime rreth temave të trajtuara.

28/09/2026

Në Xhaminë “Hatunije”, në Prishtinë, u mbajt programi fetar me temën “Drita që Ndriçoi Botën- Muhamedi a.s.”, i organizuar në kuadër të aktiviteteve kushtuar muajit të Mevludit.

Programin e udhëhoqi mualimja Fehime Gashi-Jusufi, e cila në hapje përcolli fjalën përshëndetëse dhe uroi të pranishmit për pjesëmarrjen në këtë organizim.

Për figurën dhe shembullin e Pejgamberit Muhamed a.s. ligjëroi znj. Vaxhide Podvorica-Bunjaku, udhëheqëse e Departamentit të Gruas pranë Kryesisë së Bashkësisë Islame të Kosovës.

Në ligjëratën e saj, ajo foli për rolin e Muhamedit a.s. si udhërrëfyes për njerëzimin, duke vënë në pah shembullin e tij në besim, moral, mëshirë dhe marrëdhëniet me të tjerët. Ajo theksoi rëndësinë që mësimet dhe vlerat e tij të reflektohen në jetën e përditshme të besimtarëve.

Pjesë e programit ishte edhe interpretimi i ilahive nga Arbenita Maliqi Rexhepi.

25/09/2026

“Nëse veç 1 euro ka hy nga Serbia për Bashkësinë Islame, unë më s’jam Myfti i Kosovës”, “Çlirimtarët nuk i kemi për burgje.., ata do të kthehen!”.

Shkëputje nga fjala e Myftiut Naim ef. Tërnava në përurimin e Xhamisë qëndrore në Lipjan

25/09/2026

Në Xhaminë e Klinës, Departamenti i Gruas organizoi një ligjëratë kushtuar jetës dhe mësimeve të Pejgamberit Muhamed a.s., në kuadër të aktiviteteve të muajit të Mevludit.

Programin e hapi mualimja Mirsije Musliu, e cila përshëndeti të pranishmet dhe një fjalë përshëndetëse e mbajti koordinatorja e departamentit të gruas në Klinë znj. Ganinete Bojaj.

Ligjëratën kryesore e mbajti znj. Vaxhide Podvorica-Bunjaku, udhëheqëse e Departamentit të Gruas pranë Kryesisë së Bashkësisë Islame të Kosovës. Në ligjëratën e saj, ajo trajtoi aspekte nga jeta dhe shembulli i Pejgamberit Muhamed a.s., duke përcjellë mesazhe dhe këshilla për të pranishmet.

Në pjesën e fundit të programit, fjalën e mori dr. Florentina Tërmkolli, e cila përcolli mesazhe në kuadër të këtij organizimi.

Programi u përmbyll me një dramë islame të përgatitur për këtë rast.

24/09/2026

Në kuadër të aktiviteteve të muajit të Mevludit, Këshilli i Bashkësisë Islame në Vushtrri, përkatësisht Departamenti i Gruas, organizoi tribunën islame me temë “Ndriçues i jetës, gjallërues i zemrave”, kushtuar jetës dhe mësimeve të Pejgamberit Muhamed a.s. Në këtë aktivitet morën pjesë rreth 200 gra dhe vajza.

Programin e hapi koordinatorja e Departamentit të Gruas në Vushtrri, Rovena Klinaku, e cila përshëndeti të pranishmet dhe mysafiret e këtij organizimi.

Ligjëratën e mbajti znj. Vaxhide Podvorica-Bunjaku, udhëheqëse e Departamentit të Gruas pranë Kryesisë së Bashkësisë Islame të Kosovës, e cila trajtoi shembuj nga jeta e Pejgamberit Muhamed a.s., duke u ndalur te mëshira, durimi, dashuria dhe udhëzimi që përcillet përmes shembullit të tij.

Në kuadër të tribunës ligjëroi edhe teologia Agime Sogojeva, e cila përcolli mësime dhe reflektime mbi jetën e të Dërguarit të Allahut dhe rëndësinë e zbatimit të mësimeve të tij në jetën e përditshme.

Programi u pasurua me ilahi të interpretuara nga ilahistja Merita Burrniku, ndërsa nxënësit, fitues të Garës së Diturisë në nivel kombëtar, prezantuan një pjesë teatrale me mesazh edukativ.

21/09/2026

Në Xhaminë “Medina” në Fushë Kosovë u mbajt program me rastin e përfundimit të Hatmes së Kuranit nga 11 nxënës.

Në kuadër të programit, katër nxënës bënë hyrjen në Kuran së bashku me nënat e tyre, duke shënuar fillimin e rrugëtimit të tyre në mësimin e Kuranit.

Fjalën përshëndetëse e mbajti mualimja Sherife Kryeziu, ndërsa ligjëratën e mbajti dr. Florentina Tërmkolli, e cila foli për rëndësinë e mësimit të Kuranit dhe edukimit të brezit të ri.

Duaja e Hatmes u bë nga mualimja Meka Ilazi, ndërsa në përmbyllje u bë edhe shpërndarja e certifikatave për nxënësit që përfunduan Hatmen e Kuranit.

Programi u pasurua me këndim të Kuranit, ilahi dhe poezi kushtuar Pejgamberit Muhamed a.s.

21/09/2026

21/09/2026

Në Xhaminë e Kaçanikut të Vjetër u mbajt Dua e Hatmes së 11 nxënësve, në kuadër të aktiviteteve të muajit të Mevludit. Ky aktivitet shënoi përfundimin e leximit të Kuranit nga nxënësit e parë të kësaj xhamie që përfundojnë Hatmen.

Programi nisi me lexim të Kuranit nga 11 nxënësit, të cilët përfunduan leximin e tij nën udhëheqjen e mualimes Ajnure Topojani Ceka, njëherësh koordinatore e Departamentit të Gruas pranë Këshillit të Bashkësisë Islame në Kaçanik. Në fjalën e saj, ajo foli për punën dhe përkushtimin gjatë procesit të mësimit të nxënësve.

Ligjëratën kushtuar jetës dhe shembullit të Pejgamberit Muhamed a.s. e mbajti Vaxhide Podvorica-Bunjaku, udhëheqëse e Departamentit të Gruas pranë Kryesisë së Bashkësisë Islame të Kosovës. Ajo përcolli mesazhe mbi jetën, moralin dhe mësimet e të Dërguarit të Allahut, Muhamedit a.s.

Në kuadër të programit u interpretuan edhe ilahi nga mualimja Blertona Kriva.