Roja e Kohes

07/07/2026

DREJTËSI, SIGURI DHE VEPRIM!

Dje qytetarët u bashkuan për të ngritur zërin kundër dhunës dhe pasigurisë. Nuk kërkojmë privilegje, por kërkojmë një shtet ku ligji zbatohet për të gjithë dhe ku jeta e çdo qytetari mbrohet.
Çdo armë pa leje është një rrezik për shoqërinë. Çdo vrasje e pazbardhur është një plagë për drejtësinë. Heshtja nuk është zgjidhje, veprimi është.
Falënderojmë të gjithë qytetarët që morën pjesë në këtë marsh paqësor dhe treguan se zëri i bashkuar mund të kërkojë ndryshim.
Siguria është e drejtë, jo privilegj. Drejtësi për qytetarët. Kosova meriton rend, siguri dhe drejtësi.

03/07/2026

03/07/2026

KOMUNIKATË PËR PUBLIKUN DHE FTESË PËR PROTESTË PAQËSORE
Shoqata "Roja e Kohës", e shqetësuar nga ngjarjet e fundit që kanë cenuar sigurinë publike dhe jetën e qytetarëve, fton të gjithë qytetarët, organizatat e shoqërisë civile, aktivistët dhe të rinjtë t'i bashkohen protestës paqësore.
📅 Data: E hënë, 06 korrik 2026
🕖 Ora: 19:00
📍 Nisja: Fillimi i shesh*t në Podujevë
➡️ Marshimi: Deri te objekti i vjetër i Komunës së Podujevës.
Kërkesat tona drejtuar institucioneve të Republikës së Kosovës janë:
Rishikimi dhe ashpërsimi i Ligjit për Armët, me dënime më të rënda për posedimin dhe përdorimin e paligjshëm të armëve.
Formimi urgjent i një reparti të specializuar për parandalimin e dhunës në komunitet, në bashkëpunim me Policinë e Kosovës dhe institucionet përkatëse.
Investime reale në shërbimet e shëndetit mendor dhe zgjerimin e qendrave për trajtimin e traumës dhe çrregullimeve emocionale.
Kontrolle më të rrepta për dhënien e lejeve për armë dhe forcimin e mekanizmave të mbikëqyrjes sipas ligjit.
Fushata të vazhdueshme sensibilizuese për edukimin e qytetarëve kundër dhunës dhe përdorimit të armëve.
Përgjegjësi institucionale për dështimet në parandalimin e rasteve të dhunës.
Protesta do të jetë tërësisht paqësore dhe qytetare. Qëllimi ynë është të kërkojmë veprime konkrete për rritjen e sigurisë publike dhe mbrojtjen e jetës së çdo qytetari.
Siguria është e drejtë e çdo qytetari. Të bashkohemi për një Podujevë dhe një Kosovë më të sigurt.
Shoqata "Roja e Kohës"

25/05/2026

https://youtu.be/iRFA9vntDGY?is=FpPu8UW-gMRLQfWe

✔️ Njoftohu me Video të reja nga TV LLAPI 👇Abonohu duke klikuar këtuhttps://www.youtube.com/c/TVLlapiOfficial

12/04/2026

Mbrëmë, nën organizimin e Rojes së Kohës, u mbajt një ceremoni e veçantë në nderim të figurave që i dhanë drejtim rrugës së lirisë së Kosovës.
Në këtë mbrëmje u dekoruan për kontributin e tyre në Betejën e Terrnavës të 30 Gushtit 1990 – betejën e parë dhe nismëtare të luftës për liri:
Me titullin Gjeneral për rrethin e Llapit – Kadri Avdiu dhe titullin Komandant i përgjithshëm – Shaip Terrnava.
Në ketë mbrëmje Sheqir Podvorica ushtar i UÇK-së i plagosur në luftë dhe dhe djali i Isa Podvoricës luftetar në ketë betejë, ja dhurojë çelësin e Odës së tij kryetarit të Rojes së Kohës Shaip Terrnava si dhuratë për shoqatën përmes z.Kujtim Hyseni si ma i riu në këtë mbrëmje dhe njëkohësisht imam i Xhamisë së Bellopojës, Kujtimi shperndau edhe dekorimet për grada z. Kadri Avdiu dhe Shaip Terrnava.
Kjo betejë shënoi fillimin e një rrugëtimi të gjatë, të mbushur me sakrificë, që vazhdoi me përkushtim dhe luftë deri në çlirimin e Kosovës.
Në këtë ceremoni u promovua edhe kënga “30 Gushti 1990”, kushtuar kësaj beteje historike dhe atyre që e nisën këtë rrugë të lavdishme.
Roja e Kohës mbetet e vendosur që të ruajë kujtesën historike dhe të nderojë ata që sakrifikuan për lirinë që e gëzojmë sot.
Lavdi luftëtarëve të lirisë! 🇦🇱

30/03/2026

KOMUNIKATË PËR MEDIA
Të nderuar qytetarë,
Veprimet e z. Shkelzen Gashi përbëjnë një ndër rastet më të rënda të shtrembërimit të historisë sonë kombëtare në hapësirën publike.
Të quash Masakrën e Tivarit “trillim”, të denigrosh figura si Isa Boletini, dhe të hedhësh pretendime të rënda ndaj UÇK-së pa fakte të verifikuara, nuk është mendim – është deformim i qëllimshëm i së vërtetës.
Akoma më shqetësuese janë përpjekjet për të relativizuar dhe shtrembëruar masakrat e kryera gjatë gjenocidit serb në Kosovë në vitet 1998–1999.
Këto deklarime, me vetë përmbajtjen e tyre, përkojnë me narrativat që historikisht janë përdorur kundër Kosovës dhe popullit të saj.
Modeli i përsëritur – deklarata të rënda e më pas kërkim faljeje – nuk e zhbën dëmin.
E vërteta historike nuk është diçka me të cilën mund të eksperimentohet.
Ne kërkojmë nga Prokuroria e Shtetit që të trajtojë me seriozitet maksimal këto raste dhe të vlerësojë nëse këto deklarime përbëjnë shkelje ligjore, duke ndërmarrë veprimet përkatëse në përputhje me ligjin.
U bëjmë thirrje qytetarëve të Republikës së Kosovës:
të jenë vigjilentë ndaj çdo narrative që dëmton të vërtetën historike
të mos bien pre e përpjekjeve për relativizim të krimeve
të mbrojnë me vendosmëri dinjitetin dhe historinë tonë
E vërteta nuk negociohet.
Sakrifica nuk njolloset.
Dinjiteti nuk cenohet.
Me respekt,
Shaip Terrnava
Kryetar të Roja e Kohes

29/03/2026

REAGIM PUBLIK – MJAFT MË ME HESHTJE!
Të nderuar qytetarë,
Kosova po përballet me një realitet të rëndë dhe të papranueshëm. Brenda një periudhe shumë të shkurtër kemi pasur 5 raste të rënda që kanë tronditur vendin:
Rasti aksidental në Pestovë, si pasojë e papërgjegjësisë
Rasti i vrasjes në Pejë
Rasti i vrasjes së trefishtë në Majac të Podujevës
Këto nuk janë më raste të izoluara.
Kjo është një situatë alarmante.
Si Shoqata “Rojet e Kohës”, kemi pritur një reagim shumë më të ashpër dhe konkret nga institucionet përgjegjëse.
Por fatkeqësisht, deri tani, ajo që kemi parë është mungesë vullneti dhe neglizhencë serioze.
Pa dallim motivi – qoftë aksident, konflikt apo krim i organizuar – një gjë është e qartë:
jetët po humben për shkak të dështimit institucional dhe mosveprimit në kohë.
Kur informacionet ekzistojnë dhe nuk veprohet…
kur rreziku dihet dhe nuk parandalohet…
atëherë kjo nuk është më rastësi – është përgjegjësi.
Ne nuk mund të heshtim!
Prandaj, nëse institucionet vazhdojnë të qëndrojnë pasive,
Shoqata “Rojet e Kohës” do të detyrohet të organizojë PROTESTË,
në mbrojtje të jetës, sigurisë dhe dinjitetit të qytetarëve.
Sepse: Jeta e qytetarit nuk është statistikë
Siguria nuk është luks
Drejtësia nuk mund të vonohet
Mjaft më! Koha për veprim është tani.
Kryetari: Shaip Terrnava

20/03/2026

AKADEMI PËRKUJTIMORE
36-VJETORI I HELMIMEVE
të nxënësve dhe arsimtarëve shqiptarë
Në kujtim dhe nderim të nxënësve dhe arsimtarëve që përjetuan helmimet e vitit 1990 – një nga ngjarjet më të dhimbshme në historinë e arsimit dhe popullit shqiptar.
📅 23 Mars 2026
🕕 Ora: 18:00
📍 Teatri “Avdush Hasani” – Podujevë
Organizuar nga
Shoqata “Rojet e Kohës” – Podujevë
Ju ftojmë të merrni pjesë në këtë akademi përkujtimore.