Bereqeti Dega - Podujevë

06/10/2026

Falënderim për donacionin e çmuar për shkollën tonë!

Në kuadër të Bashkësisë Islame vepron Shoqata “Bereqeti”, e cila përmes angazhimit dhe përkushtimit të saj vazhdon të jetë pranë komunitetit dhe institucioneve tona arsimore.

Me shumë mirënjohje, falënderojmë Koordinatorin e Shoqatës “Bereqeti” për Podujevë, ish-nxënësin e shkollës sonë dhe Imamin e Xhamisë së Gërdocit, z. Nehat Bajrami, për donacionin e ofruar për shkollën tonë.

Donacioni përfshin pajisje të ndryshme, veshmbathje dhe materiale të tjera, të cilat do të jenë në shërbim të nxënësve dhe komunitetit tonë shkollor.

Është veçanërisht e bukur kur ish-nxënësit rikthehen te shkolla e tyre jo vetëm me kujtime, por edhe me kontribut, kujdes dhe mbështetje konkrete.

Shprehim mirënjohjen tonë të sinqertë për Shoqatën “Bereqeti” dhe z. Nehat Bajrami për këtë gjest human dhe bujar. Urojmë që bashkëpunimi ynë të vazhdojë edhe në të ardhmen, në të mirë të nxënësve dhe komunitetit tonë.

Faleminderit për mbështetjen dhe zemërgjerësinë!

05/10/2026

Dega e Shoqatës Humanitare “Bereqeti” në Podujevë ka shpërndarë pako ushqimore për 50 familje në nevojë.

Këto pako janë donacion nga Qeveria e Republikës së Kosovës, përmes Ministrisë së Financave dhe Ministrisë për Punë, Familje dhe Vlera të Luftës Çlirimtare.

Shoqata Humanitare “Bereqeti” shpreh mirënjohjen e saj për Qeverinë e Republikës së Kosovës dhe institucionet përkatëse për mbështetjen dhe bashkëpunimin, si dhe për ekipin monitorues për angazhimin dhe përcjelljen e procesit.

Bereqeti – gjithmonë pranë familjeve në nevojë!

01/10/2026

07/09/2026

Shoqata jonë Bereqeti – Dega në Podujevë ka pranuar një donacion prej 120 palë këpucësh, të dhuruara nga donatori i njohur Muhamet Dushi.
Kjo ndihmë do t’u shpërndahet familjeve në gjendje të vështirë ekonomike, duke kontribuar në përmirësimin e kushteve të tyre të jetesës.

Shprehim mirënjohjen dhe falënderimin tonë të sinqertë për z. Muhamet Dushi për bujarinë dhe mbështetjen e tij të çmuar.

Zoti e shpërbleftë për këtë vepër të mirë dhe ia shtoftë të mirat!

01/09/2026

Shoqata “Bereqeti” me mbështetje për nxënësit në fillim të vitit të ri shkollor

Me rastin e fillimit të vitit të ri shkollor, Shoqata “Bereqeti” dega në Podujevë e cila vepron nën ombrellën e Këshillit të Bashkësisë Islame të Podujevës, ka realizuar një aktivitet humanitar në mbështetje të fëmijëve dhe familjeve në nevojë.

Në kuadër të këtij aktiviteti, janë shpërndarë 110 çanta shkollore të kompletuara me mjete shkollore, si dhe veshmbathje për nxënësit.

Zoti i shpërbleftë të gjithë kontribuuesit dhe i dhëntë suksese nxënësve tanë në rrugën e dijes!

31/08/2026

Sot, shoqata jonë pranoi 10 çanta shkollore të kompletuara, të pajisura me fletore dhe mjete të tjera të nevojshme për mësim, të dhuruara nga fondacioni “Kusha me Femën”.
Këto mjete shkollore do t’u dorëzohen fëmijëve nga familjet me gjendje jo të mirë ekonomike, me qëllim që t’ua lehtësojmë fillimin e vitit të ri shkollor dhe t’u ofrojmë mbështetjen e nevojshme.

Një falënderim i veçantë shkon për imamin punëtor, z. Amir Tahiri, i cili mundësoi që kjo ndihmë të realizohet përmes shoqatës sonë.

Faleminderit për besimin, përkrahjen dhe solidaritetin!

13/08/2026

Shoqata jonë ka ndihmuar 13 familje në nevojë, duke iu dhuruar nga 100 euro.

09/06/2026

Bashkësia Islame e Kosovës shpreh falënderimin e përzemërt për gjithë besimtarët, të cilët me përkushtim dhe besim kontribuuan në kryerjen e ibadetit të kurbanit.

Me këtë rast, njoftojmë besimtarët se falë kontributit dhe besimit tuaj, këtë vit janë therur 18234 kurbane.

Lusim Zotin e Madhëruar që gjithëve t’ua ketë pranuar sakrificën dhe therjen e kurbanit!

Mirësia juaj, shpresë për të tjerët!

26/05/2026

Këto dy ditë, për nder të Kurban Bajrami, shoqata jonë realizoi këto aktivitete humanitare:

▪️ Shpërndarjen e 130 pakove ushqimore dhe higjienike
▪️ Shpërndarjen e 4 mijë kg miell
▪️ Dhurimin e 855 palëve mbathje për fëmijë
▪️ Ndihmën për 20 familje me nga 50 euro secila
Falënderojmë nga zemra të gjithë donatorët dhe bamirësit për mbështetjen dhe kontributin e tyre.

26/05/2026

Sot shoqata jonë Bereqeti pranoi 1000 euro donacion nga donatori Besart Rama.
Kjo ndihmë do të shpërndahet tek familjet me gjendje të rëndë ekonomike.

Ky kontribut për shoqatën tonë erdhi falë imamit të nderuar z.Faruk Murati.

Zoti ia shtoftë të mirat donatorit dhe e shpërbleftë me të mira për bujarinë dhe humanitetin e tij!