Njoftime për Podujevë

08/08/2026

Gjumi nuk është luks – është një nga nevojat më të rëndësishme të organizmit.

Shumë prej nesh sakrifikojmë orët e gjumit për punë, telefon, rrjete sociale apo angazhime të tjera, pa e kuptuar se mungesa e gjumit ndikon drejtpërdrejt në shëndetin tonë.

Një gjumë cilësor ndihmon në:
🛌 Rikuperimin e trupit dhe trurit.
🧠 Përmirësimin e kujtesës dhe përqendrimit.
❤️ Shëndetin e zemrës.
🛡️ Forcimin e sistemit imunitar.
😊 Përmirësimin e humorit dhe uljen e stresit.

Mungesa e vazhdueshme e gjumit lidhet me lodhje kronike, ulje të performancës, rritje të rrezikut për sëmundje dhe një cilësi më të dobët të jetës.

Mos e neglizhoni gjumin. Ai është po aq i rëndësishëm sa ushqimi i shëndetshëm dhe aktiviteti fizik.

🎥 Shikoni videon dhe kujdesuni më shumë për shëndetin tuaj.

07/08/2026

01/08/2026

NJOFTIM

Shoqata Atdhetare “Salih Çekaj”, me seli në Zvicër, njofton se më 4 gusht 2026, duke filluar nga ora 09:30, do të organizojë homazhe në Podujevë dhe në disa lokalitete të Llapit, për të nderuar dëshmorët, martirët dhe heronjtë e kombit.

Mirë se vini! 🇦🇱

01/08/2026

Urime ditëlindjen dhe pensionimin, Behxhet Gashi!

Me rastin e ditëlindjes dhe pensionimit tuaj, ju urojmë shëndet të plotë, lumturi, mbarësi dhe shumë vite të qeta e të gëzuara pranë familjes dhe njerëzve të dashur.

Mirënjohje dhe respekt i veçantë për kontributin, përkushtimin dhe shërbimin tuaj të çmuar në shërbim të Republikës së Kosovës. Puna dhe angazhimi juaj do të mbeten gjithmonë të vlerësuara.

Gëzuar ditëlindjen dhe ju priftë e mbara në këtë kapitull të ri të jetës!

01/08/2026

20-VJEÇARJA NGA PODUJEVA KTHEHET NË SHTËPI, POLICIA MBYLL RASTIN E ZHDUKJES

Ka përfunduar rasti i zhdukjes së një 20-vjeçareje nga Podujeva, e cila ishte raportuar e humbur më 4 korrik 2026.

Sipas Policisë, e reja është kthyer në shtëpinë e familjes në gjendje të mirë shëndetësore. Gjatë intervistimit, ajo ka deklaruar se ishte larguar me vullnetin e saj dhe se gjatë kohës sa kishte munguar nuk ishte keqtrajtuar apo maltretuar nga askush.

Po ashtu, është intervistuar edhe personi me të cilin ajo kishte qëndruar, ndërsa pas procedurave të nevojshme, 20-vjeçarja është rikthyer në familje me pëlqimin e saj dhe të prindërve.

Me këto zhvillime, Policia e konsideron rastin e personit të raportuar si të zhdukur të sqaruar.

01/08/2026

Me dhimbje dhe pikëllim të thellë njoftojmë familjarët, miqtë, dhe të gjithë dashamirët se më datë 01.08.2026 u nda nga jeta më i dashuri ynë:

Dr. Mr. Sci. Muharrem Xh. Avdiu

(01.12.1954 – 01.08.2026)

Varrimi i të ndjerit do të bëhet sot, më datë 01.08.2026, në ora 13:00, në varrezat në Arbëri (Dragodan), komuna Prishtinë.

Familja Avdiu pret vizita ngushëllimi për tri ditë: 2, 3 dhe 4 Gusht (e diel, e hënë, e martë), nga ora 09:00 deri në ora 17:00, në Hotel Grand në Prishtinë.

Me respekt e pikëllim për më të dashurin tonë,
Familja Avdiu

30/07/2026

Të nderuar qytetarë,

Ju njoftojmë se ky është orari i ri i grumbullimit të mbeturinave, i cili do të zbatohet sipas planit të publikuar.

Ju rikujtojmë se shërbimi i grumbullimit të mbeturinave do të ofrohet vetëm për konsumatorët që kanë kontratë me kompaninë Natyra SH.P.K.

Për lidhjen e kontratës ose për informata shtesë, mund të vini në zyrën tonë në Rrugën "Nuhi Gashi", nr. 207, Podujevë.

Ju falënderojmë për bashkëpunimin dhe mirëkuptimin.