Këshilli i Bashkësisë Islame - Pejë

17/10/2026

16/10/2026

📢 NJOFTIM

🌸 TRIBUNË PËR VAJZA DHE GRA 🌸

Të dashura vajza dhe gra, ju ftojmë të merrni pjesë në tribunën me temën:

“Grua e shëndetshme, familje e lumtur, shoqëri e fortë!” 💗

📅 Dita: E shtunë
🕜 Ora: 13:30
📍 Vendi: Kuran Kursi “Mehmet Akif Ersoy”

15/10/2026

THIRRJE PËR SOLIDARITET DHE NDIHMË HUMANITARE

TË BASHKOHEMI PËR JEHONA VOKSHIN NGA PEJA!

Këshilli i Bashkësisë Islame në Pejë nesër ditë e premtë, datë 16.10.2026 organizon aksion humanitar - SEXHADE në të gjitha xhamitë e territorit të Pejës për grumbullimin e mjeteve financiare në ndihmë të bashkëqytetares sonë, Jehona Vokshi, e cila po përballet me një sëmundje të rëndë, leukeminë akute limfoblastike të qelizave T.

Jehona po lufton kundër leukemisë akute limfoblastike të qelizave T dhe aktualisht po merr trajtim në Turqi.

Asaj i duhet transplant i palcës, për të cilin nevojiten edhe 100.000 €.

Ministria e Shëndetësisë së Kosovës ka marrë përsipër të mbulojë 70% të shpenzimeve, por spitali Acibadem në Turqi nuk e ka pranuar fletëgarancinë e Ministrisë dhe kërkon që pagesa e plotë të kryhet paraprakisht.

Të dhënat bankare për kontribut

Banka: BKT BANKA
Swift Code: NCBAXKPR
Account Nr.: 19200047640211771
IBAN: XK0519200047640211771
Emri: Jehona Vokshi

Tel.: +383 49 125 132 –
Hekuran Vokshi (bashkëshorti)

Me këtë rast, u bëjmë thirrje të gjithë besimtarëve, qytetarëve, familjeve, bizneseve dhe njerëzve vullnetmirë që t’i bashkohen këtij aksioni humanitar, duke kontribuar sipas mundësive të tyre.

Sot, Jehona ka nevojë për ne!

Le të dëshmojmë edhe një herë se Peja është qytet i solidaritetit, humanizmit dhe zemërgjerësisë. Në momente të tilla, bashkimi ynë mund të bëhet shpresë për një jetë.

🤲 Asnjë kontribut nuk është i vogël kur bëhet fjalë për shpëtimin e një jete.

🤲 Allahu i Madhërishëm ia lehtësoftë sëmundjen Jehonës, i dhëntë shërim të plotë dhe i shpërbleftë të gjithë ata që kontribuojnë në këtë vepër humane!

KËSHILLI I BASHKËSISË ISLAME – PEJË

BASHKË PËR JEHONËN

13/10/2026

Faqja zyrtare e Departamentit të Gruas (BIK) - Dega Pejë

13/10/2026

Doli nga shtypi numri i ri i revistës “Dituria Islame”, që shënon 40-vjetorin e botimit të saj (nr. 431, tetor 2026). Në këtë numër mund të lexoni:

Editorial
4 T’i ruajmë vlerat në botën që po ndryshon!
Editorial
Fetare
5 Koncepti kuranor i petkut dhe fenomeni i zhveshjes
Prof. ass. dr. Valmire Batatina – Krasniqi
9 Qetësia e zemrës në një botë të trazuar
Evzal Sinani
12 Teknologjitë e reja dhe formësimi i qëndrimeve juridike islame
Dr. Bashkim Aliu
15 Inteligjenca Artificiale dhe shkenca e Fikhut (Jurisprudencës):
Prof. dr. Abdullah Ibrahim Zejd el Kilani
19 Statusi i pasurisë dhe rregullat e trashëgimisë në Islam
Edukim dhe familje
22 Edebi i marrëdhënies me prindërit sipas “El Edeb el Mufred” të Imam Buhariut
Dr. Valon Myrta
28 Fëmijët tanë po rriten nga prindërit apo nga ekranet?
Nada Dosti
Edukim dhe shoqëri
31 Dija dhe karakteri në epokën e inteligjencës artificiale
Haki Sahitaj
34 Këshilla të sahabëve
Dr. Sedat Islami
37 Çfarë mësova nga jeta e Muhamedit a.s. dhe çfarë na mëson ajo sot?
Sadat Topanica
40 Misioni i imamëve dhe dialogu i tyre në revistën “Zani i Naltë” (1923-1928)
Haxhere Shabani
45 Rregullimi i së drejtës për lirinë e ndërgjegjes dhe fesë në Hungari
Ejup Ramadani
Histori dhe civilizim
48 Historia e pandarë shqiptare
Sadik Mehmeti & Ramadan Shkodra
54 Vështrim historik mbi kontributin e revistës “Dituria Islame” në historiografinë shqiptare
PhD cand. Agon Krasniqi
Aktualitet
57 Kriteret e paraqitjes së hoxhallarëve në emisionet televizive
Granit Sadiku
Reportazh
59 Drejt gjurmëve të dijes – studentët bursistë të BIK-ut në seminarin njëjavor në Turqi
Aktivitete
61 Myftiu Tërnava kërkoi nga Prokuroria Speciale zbardhjen e plotë të dokumentit të pretenduar si “Top Secret 2”

Revistën “Dituria Islame” mund ta siguroni në librarinë “Dituria Islame” në Prishtinë (https://www.facebook.com/librariadituriaislame, dhe në të gjitha selitë e Këshillave të Bashkësisë Islame në të gjitha qendrat e Kosovës

12/10/2026

THIRRJE PËR NDIHMË

https://www.facebook.com/share/1DcMWVkUL9/?mibextid=wwXIfr

Jehona Vokshi ka nevojë për ndihmë.

Jehona po lufton kundër leukemisë akute limfoblastike të qelizave T dhe aktualisht po merr trajtim në Turqi.

Asaj i duhet transplant i palcës, për të cilin nevojiten edhe 100.000 €.

Ministria e Shëndetësisë së Kosovës ka marrë përsipër të mbulojë 70% të shpenzimeve, por spitali Acibadem në Turqi nuk e ka pranuar fletëgarancinë e Ministrisë dhe kërkon që pagesa e plotë të kryhet paraprakisht.

Të dhënat bankare për kontribut

Banka: BKT BANKA
Swift Code: NCBAXKPR
Account Nr.: 19200047640211771
IBAN: XK0519200047640211771
Emri: Jehona Vokshi
Tel.: +383 49 125 132 – Hekuran Vokshi (bashkëshorti)

Çdo kontribut ka rëndësi.
Së bashku mund t'i japim Jehonës shpresë dhe mundësi për shërim…

🤲 Zoti Fuqiplotë e shëroftë Jehonën dhe i dhuroftë forcë asaj dhe familjes së saj!

10/10/2026

Kryetari i Bashkësisë Islame të Kosovës, Myftiu Naim ef. Tërnava u prit në takim nga kryeministri i Republikës së Kosovës, z. Albin Kurti.

Myftiu Tërnava e uroi kryeministrin Kurti për zgjedhjen e presidentes së re, znj. Justina Shiroka-Pula, për të cilën tha se zgjedhje e saj si presidente shmangu zgjedhjet e katërta parlamentare në më pak se dy vjet dhe mundësoi kthimin te stabiliteti institucional.

Në takim u diskutua për bashkëpunimin e mirë dhe ecurinë e projekteve të përbashkëta, solidaritetin e humanitetin qytetar dhe vlerat shoqërore e kombëtare, situatën e dinamikat politike në rajon e më gjerë, por edhe për aktgjykimin e padrejtë dhe të pasaktë në shkallën e parë të Dhomave të Specializuara në Hagë, ndaj ish krerëve të UÇK-së, Hashim Thaçi, Kadri Veseli, Rexhep Selimi dhe Jakup Krasniqi, si dhe për punën përpara për sukses në apel.

Kryeministri shprehu mirënjohje dhe falënderime për rolin konstruktiv dhe kontributin e çmuar të Bashkësisë Islame të Kosovës për popullin tonë, teksa tha se është përherë kënaqësi të takohet me Myftiun Tërnava.

07/10/2026

Me ndjesi të veçanta përgëzoj akademiken Justina Shiroka-Pula për zgjedhjen në detyrën e Presidentes së Republikës së Kosovës.

Jam i bindur se, me përvojën dhe përkushtimin e saj, Presidentja Shiroka-Pula do ta ushtrojë këtë përgjegjësi me dinjitet, duke kontribuar në ruajtjen dhe kultivimin e unitetit e të bashkëpunimit institucional e politik, në forcimin e institucioneve dhe në përfaqësimin e denjë të Republikës së Kosovës.

Përgëzoj gjithashtu subjektet politike për arritjen e marrëveshjes për zgjedhjen e Presidentes, e cila i dha vendit stabilitet institucional, si dhe për miratimin e Ligjit për Dhomat e Specializuara në Hagë, nga i cili presim drejtësi.

E nderuar Presidente, në misionin tuaj fisnik dhe në ushtrimin e përgjegjësive tuaja të larta shtetërore, do të keni mbështetjen dhe bashkëpunimin e sinqertë të Bashkësisë Islame të Kosovës, të institucioneve të saj dhe timen si Myfti i Kosovës, gjithmonë në shërbim të së mirës së vendit dhe interesit të popullit tonë.

Zoti ju dhëntë forcë e urtësi në përmbushjen e kësaj detyre dhe e bekoftë Kosovën e popullin e saj!

Myftiu i Kosovës,
Naim ef. Tërnava

06/10/2026

REPUBLIKA E KOSOVËS

KOMUNA E PEJËS

Nr. 01-112/03-0015105/2026
Datë: 06.10.2026

Mbikëqyrësi i drejtpërdrejtë, duke u bazuar në nenin 51 të Ligjit numër 08/L-197 për Zyrtarët Publikë, nenin 18 dhe 19 të Rregullores (QRK) numër 15/2023 për Procedurën e Pranimit në Shërbimin Civil, nxjerr këtë:

VENDIM

Ndalohet rezervimi i varrezave në varrezat e qytetit Pejë.

REPUBLIKA E KOSOVËS

KOMUNA E PEJËS

VENDIM

Ndalohet rezervimi i varrezave në varrezat e qytetit Pejë.

* Ky vendim merret me qëllim të menaxhimit dhe shfrytëzimit sa më racional të hapësirave ekzistuese duke pasur parasysh kapacitetin e kufizuar dhe nevojën për sigurimin e hapësirave për rastet e varrimeve.
* Rezervimet e reja nuk do të pranohen deri në krijimin e hapësirave të reja ose deri në vendimin tjetër të Komunës Pejë.
* Kërkohet që kjo masë të respektohet dhe të zbatohet nga të gjitha njësitë dhe personat përgjegjës për administrimin dhe mirëmbajtjen e varrezave.

ARSYETIM

Duke parë se mundësia e shpronësimit të tokës për varrezat e qytetit për shkak procedurale vonohet dhe krijimi i hapësirave për varreza të reja për momentin është në kohë të vonuar.

Kërkojmë që ky vendim të respektohet meqë duhet të jenë hapësirat e gatshme për raste mortore.

Prandaj e kemi parë të arsyeshme që për momentin të vëmë masën e ndalimit të rezervimit të varrezave deri në momentin që e sigurojmë hapësirën e re për varreza të reja.

Vendimi iu dorëzohet:

* Bashkësisë Islame Pejë.

05/10/2026