23/01/2024
Përurimi i Projektit Mjedisor në shkollën e Mjekësisë
Eko Klubi - SHM Mjekësisë në bashkëpunim me Organizata Syri i Vizionit, kanë organizuar ceremonitë inaguruese të investimeve për zgjerimin dhe krijimin e hapësira të reja gjelbëruese në shkollë si dhe janë mbajt ligjërata e shpërnda broshura në fushën e mbrojtjes se mjedisit dhe ndryshimeve klimatike.
Përmes këtij projekti Eko klub në këtë shkollë ka arritur të zgjerojë hapësirat e gjelbërta në hapësirat e jashtme të shkollës ku përpos qe është intervenuar në rregullim e hapësirave të oborrit të shkollës dhe hapësirat parapa shkollës qe kanë qenë në një gjendje të te keqe mjedisore.
Eko-klubi përmes këtij projekti ka arritur qe të bëjë mbjelljen e mbi 200 drunjtë dekorues dhe bimëve tjera qe ndikojnë drejtpërdrejtë në përmirësimin e kualitetit të jetës duke zvogëluar ndotësit e ajrit me kultivimin e bimëve dhe zvogëlimi i substancave ndotëse në ajër.
Ngritjen e vetëdijesimit të nxënësve: djemve dhe vajzave mbi rreziqet shëndetësore të cilat burojnë si pasojë e ndotjes dhe degradimit të mjedisit ( ajrit, ujit , tokës, dhe ushqimit, ku 428 nxënës kanë ndjekur ligjëratat e mbajtura nga eko-klubi mbi rëndësinë e ruajtjes së ambientit dhe ndalimin e ndryshimeve klimatike.
Eko-klubi tashme ka zhvilluar kapacitete për të krijuar dhe implementuar projekte dhe kampanja në fushën e mjedisit dhe ndryshimet klimatike, si dhe zvogëlimi i emetimit të gazrave/mekanizmave të dëmshëm në ambient.
Rritje të vetëdijes mbi praktikat pozitive të nxënësve të shkollës lidhur me mbrojtën e ambientit dhe ndryshimet klimatike.
Investime këto që do të ndikojnë drejtpërdrejtë në parandalimin e ndryshimeve klimatike dhe rritjes së përgjegjësisë ndaj ruajtjes së ambientit si dhe ngritjen e kapaciteteve të eko-klubeve në realizimin e kampanjave vetëdijesuese mbi rëndësinë e ruajtjes së mjedisit dhe parandalimin e ndryshimeve klimatike duke filluar që nga shkollat.
Të pranishëm në këto ceremoni ishin anëtarë e Eko-klubeve, nxënës të shkollave, drejtorët dhe mësimdhënësit e shkollave, Drejtori i Arsimit si dhe përfaqësues të Caritasi-t Zvicerran.
Investime të tilla së bashku me eko-klubet janë duke u bërë edhe në shkollën e artit “Odhise Paskali”, dhe shkollën e muzikës “Halit Kasapolli” në Pejë.
Ceremonia inaguruese është një rezultat i punës së Eko-klubeve të shkollave dhe investimeve në shkollat e tyre në kuadër të projektit YENI “Aksioni për ndryshime Klimatike dhe Mbështetja e Mjedisit në Kosovën Perëndimore 2022-2024” që synon të mbështesë dhe fuqizoj Këshillat e Nxënësve dhe Eko Klubet qe të jenë aktiv në fushën e mjedisit dhe ndryshimeve klimatike.
Projekti implementohet nga Syri i Vizionit, në mbështetje nga Caritasi Zvicerran dhe Ministria e Zhvillimit Rajonal në partneritet me Komunën e Pejës.
