09/10/2026
Gratë dhe personat me aftësi të kufizuara në Deçan dhe Klinë informohen për mundësitë në bujqësi
Deçan/Klinë, 9 tetor 2026 – Gratë dhe personat me aftësi të kufizuara nga zonat rurale të Komunës së Deçanit dhe Komunës së Klinës u informuan sot për mundësitë e trajnimeve dhe skemave të granteve në sektorin e bujqësisë, përmes dy sesioneve informuese të organizuara nga Syri i Vizionit, paradite në Deçan dhe pasdite në Klinë, në bashkëpunim me drejtoritë komunale të bujqësisë.
Gjatë sesioneve, pjesëmarrësit morën informacione praktike për kriteret e përfitimit, mënyrën e aplikimit, plotësimin e formularit të aplikimit, si dhe mbështetjen që ofrohet përmes projektit “Seeds of Inclusion in Kosovo: Bujqësi e Qëndrueshme, Punësim dhe Shërbime të Përmirësuara Sociale për Gratë dhe Personat me Aftësi të Kufizuara”.
Takimet synuan që informacioni për mundësitë e mbështetjes të arrijë drejtpërdrejt te gratë dhe personat me aftësi të kufizuara në zonat rurale, duke u krijuar atyre mundësi më të mëdha për fuqizim ekonomik, punësim dhe zhvillim të aktiviteteve të tyre në bujqësi.
Bashkëpunimi me drejtoritë komunale të bujqësisë në Deçan dhe Klinë kontribuon në informimin e qytetarëve dhe në lehtësimin e qasjes së tyre në mundësitë e mbështetjes në sektorin e bujqësisë.
Sesioni i paradites në Deçan dhe ai i pasdites në Klinë janë pjesë e ciklit të sesioneve informuese që Syri i Vizionit po zhvillon në komunat e përfshira në projekt, me qëllim që përfituesit potencialë të kenë informacion të qartë dhe të drejtpërdrejtë për mundësitë që ofrohen.
Si mund të aplikoni?
Të interesuarit mund të aplikojnë në këto mënyra:
👉 Online: Duke plotësuar formularin online të aplikimit: https://docs.google.com/forms/d/1VGeb_UvXyXHzZj4z6b4-ug3JjaJ6ddA9-dATFxz5k3o/viewform?edit_requested=true
👉 Fizikisht: Në zyrën e Syri i Vizionit, në adresën Sadri Kelmendi 48, 30000 Pejë.
Udhëzimet e plota për aplikim janë të publikuara në faqen e Syri i Vizionit: https://shorturl.at/kZuFk
Afati i fundit për aplikim është 2 nëntor 2026, ora 16:30.
Projekti “Seeds of Inclusion in Kosovo: Bujqësi e Qëndrueshme, Punësim dhe Shërbime të Përmirësuara Sociale për Gratë dhe Personat me Aftësi të Kufizuara” financohet nga Agjencia Austriake për Zhvillim (ADA), në kuadër të International Partnerships Austria, bashkëfinancohet nga Diakonie ACT Austria / Brot für die Welt dhe zbatohet nga Syri i Vizionit, në partneritet me Brot für die Welt.
