KOHA F NGO

19/04/2026

Gjatë kësaj jave u mbajt me sukses takimi vetëdijesues për hemofilinë, i organizuar nga organizata jonë, me qëllim rritjen e ndërgjegjësimit dhe informimit për këtë gjendje.

Ky aktivitet tashmë është pasqyruar edhe nga mediat, për çka i falënderojmë për mbështetjen dhe vëmendjen e dhënë.

Falënderojmë përzemërsisht të gjithë doktorët dhe profesionistët shëndetësorë për kontributin dhe angazhimin e tyre të çmuar, si dhe të gjithë të pranishmit që morën pjesë dhe e bënë këtë takim të suksesshëm.

Së bashku vazhdojmë të rrisim vetëdijen dhe të mbështesim komunitetin tonë. 🤍

Takim vetëdijesues për hemofilinë

17/04/2026

Sot, në Ditën Botërore të Hemofilisë, rikujtojmë rëndësinë e ndërgjegjësimit, përkrahjes dhe angazhimit të përbashkët për personat që jetojnë me këtë sëmundje.
Hemofilia nuk është vetëm një sfidë shëndetësore, por edhe një thirrje për më shumë kujdes, trajtim të duhur dhe mbështetje institucionale.

Faleminderit mediave për hapësirën dhe mbështetjen në përhapjen e këtij mesazhi të rëndësishëm.

,

Afërdita Ukimeraj & Ibrahim Svirca - Mirëmëngjesi Kosovë 17.04.2026

15/04/2026

Pas një angazhimi të madh dhe shumë përkushtimi, sot ndihemi mirënjohës që arritëm të sjellim në vëmendje një çështje kaq të rëndësishme.

Nuk ishte vetëm një organizim, ishte një përpjekje për të bërë një ndryshim real. Kjo temë meriton shumë më tepër vëmendje, dhe ky është vetëm hapi i parë.
Krenar për çdo hap që u bë për të ngritur zërin për hemofilinë në Kosovë.

Faleminderit secilit që kontribuoi dhe të gjithëve që ishin pjesë e këtij organizimi, si dhe mediave që ndihmuan në shpërndarjen e ketij mesazhi te rëndësishëm.

https://www.facebook.com/share/v/18Q5ZuJRun/?mibextid=wwXIfr

04/04/2026

📌KOMUNIKATË

Të nderuar,

Urojmë të jeni mirë.
Kemi kënaqësinë t’ju ftojmë të merrni pjesë në një event edukues “Trajtim për të gjithë ( Treatment for All) dhe Vetë vendimmarrje ( Self decision making)” të dedikuar për personat e prekur me hemofili dhe familjarët e tyre. Ky event synon të ofrojë informacion të vlefshëm, mbështetje dhe një hapësirë për ndarjen e përvojave mes pjesëmarrësve.

Gjatë këtij eventi, do të keni mundësinë të dëgjoni ekspertë të fushës së hemofilisë, të
mësoni më shumë rreth menaxhimit të kësaj gjendjeje dhe të ndani përvoja me të tjerë që përballen me sfida të ngjashme.

Ju lutemi të konfirmoni pjesëmarrjen tuaj duke dërguar emrin, mbiemrin dhe numrin e telefonit në njërin nga numrat e mëposhtëm:

+383 49 124 888
+383 44 100 844
+383 45 505 597

Me padurim ju mirëpresim në këtë event të rëndësishëm dhe të dobishëm.

29/03/2026

European Haemophilia Consortium (EHC)

Nga 27 deri më 29 mars, në Emer KOHA F , në Samitin e WBD-së në Beograd, mori pjesë edhe Doktoresha (Transfuziologe) Fetije Daciq. Ky aktivitet mblodhi së bashku pacientë, kujdestarë, profesionistë të kujdesit shëndetësor, përfaqësues të Organizatës Kombëtare Anëtare (NMO) të EHC-së, studiues dhe avokatë.

Programi i aktivitetit u përqendrua në të ardhmen e kujdesit për gratë dhe vajzat me çrregullime të gjakderdhjes, politikat dhe praktikat më të mira, si dhe strategjitë për bashkëpunim në nivelin e NMO-së.

24/03/2026

Njoftim

Ftohen të gjithë personat e prekur me Hemofili A dhe Hemofili B që të paraqiten në Qendrën Kombëtare të Kosovës për Transfuzionin e Gjakut për kryerjen e matjes së përqindjes së faktorëve të koagulimit (Faktori VIII dhe Faktori IX), si dhe testimin për inhibitorë.
Këto analiza janë shumë të rëndësishme dhe të nevojshme për:
vlerësimin e saktë të gjendjes shëndetësore të pacientëve me hemofili,
përcaktimin dhe qasjen në terapi të rregullt profilaktike,
planifikimin më të mirë dhe më cilësor të furnizimit me terapi për personat me hemofili në Kosovë.
Andaj, ju inkurajojmë që të gjithë personat e prekur me Hemofili A dhe B të paraqiten për kryerjen e këtyre analizave dhe në këtë mënyrë të kontribuojnë edhe në përmirësimin e planifikimit të trajtimit dhe furnizimit me terapi.

Qdo ditë pune nga ora 08-10 mëngjes
Deri me datën 10.04.2026

11/12/2025

Nën udhëheqjen e drejtorit tonë, z.Ibrahim Svirca, Kosovo Hemophilia Foundation shpreh falënderimin dhe vlerësimin për mundësinë e pjesëmarrjes në këtë punëtori të rëndësishme, organizuar nga PRAK me mbështetjen e IHS Project.

Si një organizatë që për vite të tëra ka funksionuar dhe funksionon kryesisht mbi bazë vullnetare, pjesëmarrja në evente të tilla është thelbësore për forcimin e kapaciteteve tona dhe për avancimin e misionit tonë në mbështetje të pacientëve me hemofili dhe çrregullime të tjera të gjakut.

Ky aktivitet na mundësoi të bashkohemi me organizata dhe këshilla të pacientëve nga komuna të ndryshme të Kosovës, duke reflektuar së bashku mbi sfidat e financimit, identitetin organizativ dhe rëndësinë e rrëfimit të ndikimit tonë në mënyrë autentike. Për ne, këto qasje janë të domosdoshme për të ndërtuar partneritete më të forta dhe për të amplifikuar zërin e komunitetit tonë.

E vlerësojmë lartë këtë iniciativë dhe besojmë se aktivitete të tilla kontribuojnë drejtpërdrejt në zhvillimin strategjik të organizatave të pacientëve në Kosovë. Presim me interes vazhdimin e punëtorisë dhe bashkëpunimeve të tjera që ndihmojnë në përmirësimin e shërbimeve dhe mbështetjes për pacientët tanë.

Me respekt,
KOHA F
Shoqata e të Drejtave të Pacientëve në Kosovë - PRAK

09/12/2025

Ja Pse Diagnostifikimi është shumë me rëndesi:

17/12/2024

Thirrje për Aplikim – Anëtar i Bordit të Kosovo Hemophilia Foundation

Kosovo Hemophilia Foundation fton të gjithë individët e interesuar, përfshirë ata që janë të angazhuar për mbështetje dhe avancim të komunitetit të personave me hemofili, që të aplikojnë për t’u bërë pjesë e bordit drejtues të fondacionit.

Kush mund të aplikojë?

Të gjithë individët që janë të interesuar për çështjet shëndetësore, sociale, dhe mbështetëse që lidhen me hemofilinë dhe komunitetin përkatës.
Të motivuar për të kontribuar në zhvillimin dhe mbështetje të aktiviteteve të fondacionit.

Dokumentet e nevojshme:

Letër motivimi (arsyet pse dëshironi të bëheni pjesë e bordit), deklaratën e plotësuar dhe një kopje të letërnjoftimit.

Si të aplikoni?
Dokumentet tuaja mund t’i dërgoni në: [email protected],

Për më shumë informacione, na kontaktoni në të njëjtën adresë emaili.

Bashkohuni me ne për të bërë një ndryshim për komunitetin e hemofilisë në Kosovë!