03/04/2026
📢 Reagim për gjendjen e mbeturinave në Lokalitetin Obiliq i Vjetër
Të nderuar përfaqësues të institucioneve përgjegjëse,
Gjendja e mbeturinave në Lokalitetin Obiliq i Vjetër vazhdon të mbetet shqetësuese dhe e papranueshme për banorët e kësaj zone. Siç vërehet edhe në terren, mbeturinat po qëndrojnë për një kohë të gjatë pa u grumbulluar, duke krijuar rrezik për shëndetin publik dhe duke dëmtuar pamjen e lokalitetit tonë.
Si Kryetar i Këshillit të Lagjes Obiliq i Vjetër, kërkojmë nga institucionet përgjegjëse që të ndërmarrin masa të menjëhershme për trajtimin e kësaj situate, duke siguruar:
• Grumbullim të rregullt të mbeturinave
• Menaxhim më efikas të pikave të grumbullimit
• Parandalim të përsëritjes së situatave të tilla në të ardhmen
Banorët e Lokalitetit Obiliq i Vjetër meritojnë shërbime të rregullta dhe një ambient të pastër. Prandaj, presim reagim dhe veprime konkrete në afat sa më të shkurtër nga institucionet përgjegjëse.
Në të kundërtën, do të jemi të detyruar të vazhdojmë ngritjen e këtij shqetësimi edhe në instanca të tjera përkatëse.
Me respekt,
Kryetari i Këshillit të Lagjes
Obiliq i Vjetër ⚠️
