26/11/2024
OJQ APRFK organizon ekspozitën “Ngjyrat e Trashëgimisë Sonë”
Në kuadër të projektit të mbështetur nga Drejtoria e Kulturës, Rinis dhe Sportit, OJQ APRFK (Avancimi i Pozitës të Rinisë dhe Fëmijëve në Kosovë) ka organizuar ekspozitën me temën “Ngjyrat e Trashëgimisë Sonë”. Ky aktivitet synon të promovojë vlerat e trashëgimisë kulturore përmes artit vizual, duke sjellë në qendër të vëmendjes ngjyrat, format dhe simbolikat që përfaqësojnë pasurinë e traditës sonë.
Ekspozita përfshin punime artistike nga krijues të rinj dhe profesionistë, të cilët kanë interpretuar trashëgiminë kulturore përmes syve të tyre, duke përdorur teknika dhe materiale të ndryshme. Ky event është një mundësi e shkëlqyer për të rritur ndërgjegjësimin mbi rëndësinë e ruajtjes dhe promovimit të trashëgimisë sonë kombëtare.
OJQ APRFK falënderon DKRS-në për mbështetjen e këtij projekti.
