7 Arte

03/06/2026

7 Arte mirëpret marrëveshjen e arritur ndërmjet Komunës së Mitrovicës dhe Trepça Sh.A për objektin e ish-Kinemasë në lagjen Tuneli i Parë.

Pas më shumë se katër vitesh avokim dhe angazhim për rikthimin e kësaj hapësire në shërbim të komunitetit, e shohim këtë si një hap të rëndësishëm drejt transformimit të saj në një qendër kulturore dhe komunitare.

Besojmë se ky bashkëpunim hap rrugën për një të ardhme të re për këtë aset të rëndësishëm të qytetit të Mitrovicës dhe banorëve të Tunelit të Parë. Ne do vazhdojmë të promovojmë dhe avokojmë për transformimin e objekteve të pashfrytëzuara e me potencial për ekonominë kreative e cila njëherit do të gjeneronte vende të reja të punës në Mitrovicë.

28/05/2026

Pas performancave poetike dhe performancës muzikore në natën kryesore të Festivalit të Letërsisë ZaNa, mbrëmja vazhdon në 7Arte me DJ Wise, i cili do ta përmbyllë natën me atmosferë dhe ritme deri në orët e vona.

28/05/2026

Sot nga ora 16:00 në 7Arte Academy!

Të enjten, nga ora 16:00 në 7Arte Academy, hapet ekspozita “Body”, një ekspozitë me punime të realizuara nga fëmijët në kuadër të punëtorive të artit të organizuara gjatë Festivalit të Letërsisë ZaNa.

Përmes vizatimeve, ngjyrave dhe formave të ndryshme artistike, fëmijët kanë eksploruar temën e trupit si hapësirë e identitetit, emocioneve dhe mënyrës se si e shohin veten dhe botën përreth tyre.

Ekspozita sjell një perspektivë të sinqertë, kreative dhe të lirë, duke krijuar një hapësirë ku arti bëhet formë e shprehjes dhe komunikimit.

—

On Thursday, starting at 16:00 at 7Arte Academy, the exhibition “Body” will open, featuring artworks created by children through the art workshops organized as part of the ZaNa Literature Festival.

Through drawings, colors, and different artistic forms, the children explored the theme of the body as a space of identity, emotions, and the way they see themselves and the world around them.

The exhibition brings an honest, creative, and free perspective, creating a space where art becomes a form of expression and communication.

28/05/2026

7 Arte, në kuadër të edicionit të 16-të të Mitrovica Green Fest, shpall Thirrje Publike për Artistë për realizimin e projekteve artistike që eksplorojnë marrëdhënien ndërmjet njeriut, natyrës dhe biodiversitetit. Në një kohë të krizës klimatike, humbjes së habitateve […]

22/05/2026

Sot, në Ditën Ndërkombëtare të Biodiversitetit, po ndajmë disa momente nga vizita që e kemi realizuar në kuadër të “Eco-Art-Lab” në fermën e Diakonie Kosova së bashku me nxënësit e klasave të 6-ta të SHFMU “Musa Hoti” në Mitrovicë.

Përmes kësaj eksperience, nxënësit patën mundësinë të kalojnë kohë në natyrë, të mësojnë më shumë për kafshët, bimët dhe rëndësinë e kujdesit ndaj mjedisit dhe biodiversitetit. Aktivitete të tilla i ndihmojnë fëmijët të krijojnë një lidhje më të afërt me natyrën dhe të kuptojnë sa e rëndësishme është ruajtja e saj për të ardhmen tonë të përbashkët.

Falënderojmë Diakonie Kosova & Diakonie Training Center për mikpritjen dhe përvojën e bukur të ndarë me nxënësit gjatë kësaj vizite.

Ky aktivitet është realizuar në kuadër të projektit “Building Sustainable Futures through Culture in Mitrovica”, i mbështetur nga Hans Wilsdorf Foundation dhe Ministria e Kulturës dhe Turizmit

18/05/2026

Creative Corner, 2011

XX

14/05/2026

Netët muzikore të Green Fest ndër vite 💚

XX

13/05/2026

Përgjatë muajve mars–maj, 7Arte filloi zbatimin e programit “Eco-Art-Labs”, i cili ka për qëllim krijimin e grupeve të gjelbra nëpër shkollat fillore të qytetit, me synim ngritjen e vetëdijesimit për çështjet mjedisore që na preokupojnë. Programi synon që, përmes ligjëratave, diskutimeve dhe aktiviteteve kreative, të nxisë mendimin kritik, bashkëpunimin dhe vetëdijesimin mbi përgjegjësitë që secili prej nesh ka ndaj ambientit.

Përmes aktiviteteve kreative, edukative dhe interaktive, nxënësit patën mundësinë të mësojnë më shumë rreth mbrojtjes së mjedisit, sfidave ekologjike dhe rëndësisë së kujdesit ndaj natyrës, përmes diskutimeve mbi çështjet mjedisore, shfaqjes së filmave me tematika ekologjike, si dhe aktiviteteve artistike dhe praktike si riciklimit kreativ dhe përdorimit të materialeve natyrore.

Deri më tani, ky program është zbatuar në shkollat: SHFMU “Musa Hoti” dhe “Andon Zako Çajupi” në Mitrovicë, “Skënderbeu” në Vaganicë dhe “Elena Gjika” në Tunelin e Parë, ndërsa puna me këto grupe të krijuara do të vazhdojë edhe në muajt në vijim.