Handikos Mitrovica

01/06/2026

Faleminderit të gjithëve që morën pjesë në festën e 1 Qershorit!

Ishte kënaqësi të shihnim kaq shumë buzëqeshje, gëzim dhe energji pozitive nga fëmijët.

Faleminderit fëmijëve, prindërve, performuesve dhe të gjithë bashkëpunëtorëve që kontribuuan në realizimin e këtij aktiviteti.

Faleminderit OJQ Mundësia, Down Syndrome Kosova dhe Shqipet e Vogla për atmosferën e mrekullueshme që krijuan në festë.

Së bashku festuam një ditë të veçantë kushtuar fëmijëve dhe rëndësisë së përfshirjes së secilit prej tyre.

Gëzuar 1 Qershorin!🤍

31/05/2026

🎈 1 QERSHORI – DITA NDËRKOMBËTARE E FËMIJËVE 🎈

FESTË PËR FËMIJËT

Ju ftojmë të bëheni pjesë e një dite të mbushur me gëzim, argëtim dhe kreativitet për fëmijët!

Shfaqje me kukulla “Kësulkuqja”
Përgatitur nga Blendon Ahmeti, me përkrahjen e OJQ Mundësia.

🎶 Program artistik

* Këngë dhe valle nga Shqipet e Vogla
* Performanca nga Down Syndrome Kosova
* Këngë dhe recitime nga fëmijët e Handikos Mitrovica

Një aktivitet që promovon miqësinë, barazinë, talentin dhe përfshirjen e të gjithë fëmijëve.

Data: 1 Qershor 2026
Ora: 18:00
Vendi: Qendra e Kultures “Rexhep Mitrovica”.

Aktiviteti mbështetet nga Komuna e Mitrovices ( DKRS), dhe realizohet në bashkëpunim ndërmjet:
Shqipet e Vogla • OJQ Mundësia • Down Syndrome Kosova • Handikos Mitrovica

“Çdo fëmijë meriton të buzëqeshë, të luajë dhe të shkëlqejë!”

27/04/2026

♿ Një hap tjetër konkret drejt komuniteteve më të qasshme!

Në kuadër të projektit EMPOWERED, është instaluar me sukses një ashensor për personat me aftësi të kufizuara në ndërtesën komunale të
Komunes së Mitrovicës, duke mundësuar qasje më të lehtë në shërbimet publike për të gjithë qytetarët.

♿️Ky aktivitet përfaqëson një shembull të rëndësishëm se si përpjekjet e përbashkëta mund të largojnë barrierat fizike dhe të përmirësojnë përfshirjen në nivel lokal

🤝 Nisma është realizuar përmes bashkëpunimit të Komunës së Mitrovicës, në kuadër të projektit Empowered WB.

Përfshirja nuk është vetëm një qëllim – është një proces që e ndërtojmë së bashku, hap pas hapi
Empowered WBKomuna e Mitrovicës

08/04/2026

Sot u mbajt një workshop në Handikos Mitrovica me temë shumë të rëndësishme - trajtimi i izolimit social dhe vetmisë tek personat me aftësi të kufizuar.

Gjatë këtij workshop u diskutuan sfidat që përballen këta persona në përditshmëri si dhe rëndësia e përfshirjes sociale, mbështetjes emocionale dhe krijimit të mundësive të barabarta për të gjithë.

Aktivitete të tilla janë thelbësore për ngritjen e vetëdijes dhe përmirësimin e cilësisë së jetës së personave me aftësi të kufizuara.

01/04/2026

01/04/2026

Zyra Ligjore e Avokatit Rinor Sahiti ka realizuar një ligjëratë informuese në formë vullnetare, me fokus në garancitë kushtetuese dhe të drejtat ligjore të personave me aftësi të kufizuara.

Ky aktivitet kishte për qëllim informimin dhe ndërgjegjësimin e kësaj kategorie lidhur me të drejtat e tyre, si dhe promovimin e barazisë dhe respektimit të dinjitetit njerëzor në përputhje me legjislacionin në fuqi.

Zyra jonë mbetet e përkushtuar në avancimin e të drejtave dhe mbështetjen e vazhdueshme për një shoqëri më të drejtë dhe gjithëpërfshirëse.

26/03/2026

Sot në Handikos patëm kënaqësinë të mirëpresim staf shëndetësor, të cilët erdhën nga Drejtoria e Shëndetësisë, në bashkëpunim me Qendrën Kryesore të Mjekësisë Familjare “Nexhat Çuni”.
Ato mbajtën një ligjëratë të vlefshme mbi rëndësinë e shëndetit oral tek fëmijët me aftësi të kufizuara.

E vlerësojmë shumë përkushtimin dhe këshillat e dhëna, të cilat kontribuojnë drejtpërdrejt në përmirësimin e kujdesit dhe mirëqenies së fëmijëve tanë.

18/03/2026

Sot e qendrën e Haandikos Mitrovica, patëm kënaqësinë të mirëpresim Drejtoreshën e Shëndetësisë në Komunën e Mitrovicës, znj. Albina Kastrati Rama.

Gjatë kësaj vizite, së bashku me drejtoreshën, stafin e Handikos Mitrovica, anëtarët dhe prindërit, u zhvillua një diskutim i hapur lidhur me punën dhe shërbimet që ofron organizata, si dhe nevojat dhe sfidat me të cilat përballen personat me aftësi të kufizuara.

Po ashtu, znj. Rama u njoftua nga afër me sesionet individuale që Handikos Mitrovica realizon në vazhdimësi për mbështetjen dhe zhvillimin e përfituesve të saj.

E falënderojmë znj. Rama për vizitën, për interesimin dhe për ndjenjën e sigurisë dhe përkrahjes që ajo përcolli tek anëtarët e Handikos-it.

02/03/2026

1 Marsi – Dita e përdoruesve të karrocës ♿

Sot, në këtë ditë që na kujton rëndësinë e barazisë, respektit dhe gjithëpërfshirjes, vajza nga Kosovo Leadership Academy vizituan Handikos Mitrovica.

Me shumë dashuri dhe ndjeshmëri, ato sollën lodra të ndryshme për fëmijët tanë, duke respektuar bashkëmoshatarët e tyre dhe duke dhënë një shembull të bukur se si duhet të jemi si shoqëri – të barabartë, solidarë dhe mbështetës ndaj njëri-tjetrit.

Faleminderit nga zemra për këtë gjest domethënës dhe për buzëqeshjet që sollët sot

Gjithëpërfshirje
____________________

March 1 – Wheelchair Day ♿

Today, on this meaningful day that reminds us of equality, respect, and inclusion, girls from Nga Kosovo Leadership Academy visited Handikos Mitrovica.

With kindness and open hearts, they brought various toys for our children, showing respect for their peers and setting a beautiful example of how we should be as a society — equal, supportive, and inclusive.

Thank you for this thoughtful gesture and for the smiles you brought today!

27/02/2026

1 Mars – Dita Ndërkombëtare e Përdoruesve të Karrocës♿️

Karroca nuk është kufizim.
Është liri. Është pavarësi. Është dinjitet në lëvizje.

Mos shihni mëshirë tek një përdorues i karrocës.
Mos shihni kufizim.
Mos shihni pamundësi.

Shihni forcën.
Shihni aftësinë.
Shihni njeriun përpara karrocës.

Në këtë 1 Mars, Handikos Mitrovica promovon respekt, barazi dhe përfshirje për çdo person që lëviz me rrota — sepse aftësia nuk matet me hapa, por me zemër.