17/08/2026
PËR TË GJITHË,
Gjendja e klubit tashmë po shihet qartë nga të gjithë. Kërkesa jonë për largimin e kryesisë tashmë është duke u përkrahur gjerësisht.
Për këtë përkrahje dhe solidaritet, ju falënderojmë të gjithëve,
Sot kemi një kërkesë ndaj lojtarëve tanë, për të cilët kemi respektin maksimal, duke ju falënderuar për kontributin tuaj të jashtëzakonshëm gjatë këtyre viteve. Jeni pikërisht ju ata që e keni mbajtur klubin gjallë.
Ne e dimë se pothuajse secili prej jush është detyruar të punojë edhe në një punë të dytë për ta mbajtur familjen, pasi këta persona të papërgjegjshëm nuk kanë qenë korrektë me ju, duke ua vonuar pagat me muaj e muaj.
Tani, kur ende nuk i kanë kryer pagesat ndaj jush, ne e dimë se edhe juve ju është mbushur kupa. Ju kanë humbur motivimin dhe krenarinë,
Prandaj, kërkesa jonë ndaj jush është që të mos vazhdoni të paraqiteni në klub, pasi ata po ju përdorin për ta mbajtur klubin peng.
Mos e ulni më krenarinë tuaj. Nëse ju nuk pranoni të vazhdoni të luani nën këto kushte, atëherë edhe atyre u ka ardhur fundi, ashtu siç po shihet tashmë!
