09/10/2026
REAGIM PUBLIK I OJQ CECDFRIENDS
SOT NUK MUND TĂ‹ HESHTIM!
Dy jetë u shuan sot në Livoç të Gjilanit.
Në një shoqëri ku dhuna ndaj grave dhe vajzave vazhdon të marrë jetë, nuk mjaftojnë më deklaratat e ngushëllimit pas tragjedive.
Kërkojmë veprime konkrete dhe përgjegjësi institucionale.
OJQ CECDFRIENDS u bën thirrje institucioneve të Republikës së Kosovës:
🔴 Qeverisë dhe Kuvendit – ta trajtojnë dhunën me bazë gjinore dhe femicidin si çështje të nivelit të urgjencës kombëtare dhe të shqyrtojnë forcimin e kuadrit ligjor për trajtimin e tij si vepër penale të veçantë.
🔴 Institucioneve të drejtësisë dhe sigurisë – të forcojnë mekanizmat e parandalimit, mbrojtjes dhe reagimit ndaj rasteve të dhunës.
🔴 Institucioneve arsimore – të investojnë në edukimin e të rinjve për barazinë, respektin dhe mospranimin e dhunës.
🔴 KPM-së dhe mediave – të reagojnë ndaj përmbajtjeve që normalizojnë, promovojnë ose justifikojnë seksizmin, urrejtjen dhe dhunën ndaj grave.
Nuk na duhen vetëm fjalë pas tragjedive.
Na duhen politika, ligje, institucione dhe veprime që shpëtojnë jetë.
Gratë nuk janë statistikë.
Vajzat nuk janë statistikë.
Çdo jetë e humbur është një dështim që duhet të na zgjojë të gjithëve.
Nuk kemi më gra për t’i humbur.
Nuk kemi më nëna, motra, bija e gra për t’i qarë.
Është koha të veprojmë. Është koha të mos heshtim.
OJQ CECDFRIENDS
Për një shoqëri pa dhunë, me drejtësi, dinjitet dhe siguri për çdo grua dhe vajzë
