04/06/2026
Nga kjo kodër do të ngrihet një simbol që do t’u flasë brezave për sakrificën, guximin dhe dashurinë për atdheun. Memoriali i UÇK-së do të jetë një kujtesë e përhershme se liria që gëzojmë sot u fitua me mund, gjak dhe heroizëm.
Ky projekt nuk po ndërtohet vetëm për të sotmen, por për historinë tonë. Ai do ta zbukurojë tërë këtë anë dhe do të bëhet një vend ku çdo shqiptar do të ndjejë krenari, respekt dhe përgjegjësi për ta ruajtur të vërtetën e luftës sonë çlirimtare.
Me shumë kënaqësi ju njoftojmë se mbështetja për këtë vepër tashmë ka filluar. Çdo ditë po shtohen njerëzit e vullnetit të mirë që po japin kontributin e tyre, duke dëshmuar se respekti për UÇK-në dhe për ata që sakrifikuan për lirinë e Kosovës mbetet i gjallë dhe i palëkundur.
Në ditët në vazhdim do të fillojmë publikimin e emrave të donatorëve dhe mbështetësve të projektit, si shenjë mirënjohjeje për secilin që po bëhet pjesë e kësaj vepre madhore. Çdo kontribut është një nderim për historinë tonë dhe një investim në kujtesën kombëtare.
Le të bashkohemi që këtë memorial ta ndërtojmë së bashku, ashtu siç u bashkua populli ynë në ditët më të vështira për të mbrojtur lirinë dhe dinjitetin kombëtar.
Lavdi dëshmorëve
Me respekt
Këshilli Organizativ
Share Memoriali i UÇK-së
