06/10/2026
REAGIM I OVL-UÇK – DEGA NË KAÇANIK
Organizata e Veteranëve të Luftës së UÇK-së – Dega në Kaçanik, shpreh shqetësimin dhe kundërshtimin e saj të fuqishëm lidhur me ngjarjet e djeshme në Prishtinë dhe mënyrën e ndërhyrjes së Policisë së Kosovës ndaj veteranëve dhe protestuesve.
E dënojmë çdo përdorim të pajustifikuar të forcës ndaj veteranëve të UÇK-së dhe kërkojmë që të hetohet në mënyrë të menjëhershme dhe të paanshme çdo rast i tejkalimit të mundshëm të kompetencave policore. Përgjegjësia duhet të kërkohet si nga urdhëruesit, ashtu edhe nga zbatuesit, nëse hetimet konstatojnë shkelje të ligjit.
Njëkohësisht, kërkojmë nga institucionet kompetente që të sqarojnë rrethanat e ndalimit dhe paraburgimit të anëtarit të Kryesisë së OVL-UÇK-së, Ekrem Selimi, si dhe Fadil Zogajt, dhunën e ushtruar ndaj bashkluftëtarit tonë Gazmend Bytyqit dhe veteranëve të tjerë.
Veteranët e UÇK-së kanë të drejtë të protestojnë dhe të shprehin pakënaqësitë e tyre në mënyrë paqësore. Po ashtu, çdo veprim i institucioneve të sigurisë duhet të jetë në përputhje me ligjin, proporcional dhe i arsyetuar.
Veteranët e UÇK-së nuk janë njerëz që mund t’i nënshtrosh me shkopinj, gaz dhe uniforma policore!
Veteranët e UÇK-së nuk e përkrahin dhunën ndaj institucioneve që janë krijuar me mund, por nuk mund të përballojnë provokimet qëllimkqija prandaj i lusim që të përmbahen nga këto provokime.
Kërkojmë përgjegjësi, transparencë dhe trajtim dinjitoz për veteranët e luftës.
Kolonel Xhabir Xharku
OVL-UÇK – Dega në Kaçanik
