Shoqata e Matematikanëve të Gjilanit

23/06/2026

📢 NJOFTIM PËR ORGANIZIMIN E TRANSPORTIT PËR NXËNËSIT PJESËMARRËS NË KAMO 2026

Shoqata e Matematikanëve të Gjilanit njofton se ka organizuar transportin nga Gjilani për në Prizren dhe anasjelltas për nxënësit që do të marrin pjesë në Olimpiadën Kombëtare të Matematikës – KAMO 2026.

Nxënësit pjesëmarrës janë:

🔹 Klasa VII
• Ani Kosumi
• Eni Kosumi
• Elea Hajrullahu

🔹 Klasa VIII
• Amar Hismoni
• Earta Kosumi (NYSS Prishtinë)
• Vesa Xhymsh*ti (NYSS Prishtinë)

🔹 Klasa IX
• Arban Asllani

🚌 Nisja për në Prizren do të bëhet më 27.06.2026 (e shtunë), nga kampusi i shkollave të mesme në Gjilan.

Nxënësit duhet të paraqiten në vendin e nisjes jo më vonë se në orën 13:15, ndërsa nisja e autobusit do të bëhet në orën 13:30.

Lusim nxënësit e lartcekur që ta konfirmojnë pjesëmarrjen e tyre te prof. Sami Shurdhani, në numrin 044 211 179, në mënyrë që të finalizohen detajet organizative të transportit.

Të gjithë garuesve u dëshirojmë suksese dhe rezultate sa më të mira në KAMO 2026.

17/06/2026

PO VAZHDOJNË TË MBAHEN TRAJNIMET PA PAGESË PËR MATURANTËT

Në kuadër të bashkëpunimit ndërmjet Drejtoria Komunale e Arsimit DKA - Gjilan dhe Shoqatës së Matematikanëve të Gjilanit, po vazhdojnë të mbahen trajnimet përgatitore pa pagesë për Testin e Maturës Shtetërore 2026.

Ky program, i cili po realizohet në ambientet e Gjimnazit Natyror “Xhavit Ahmeti”, ka zgjuar interesim të madh te maturantët gjilanas, të cilët çdo ditë po ndjekin ligjërata nga lëndët e Matematikës dhe Gjuhës shqipe.

Përmes këtij projekti, maturantëve po u ofrohet mbështetje shtesë akademike dhe mundësi për përgatitje sa më cilësore për Testin e Maturës Shtetërore 2026.

Falënderojmë mësimdhënësit e angazhuar për përkushtimin e tyre, si dhe të gjithë maturantët për seriozitetin dhe angazhimin e treguar gjatë zhvillimit të trajnimeve.

Maturantëve tanë u dëshirojmë suksese në vazhdim të trajnimeve dhe rezultate sa më të mira në Testin e Maturës Shtetërore 2026.

09/06/2026

MOMENTE NGA DARKA SOLEMNE E KUPËS SË ANAMORAVËS 2026

Një mbrëmje e veçantë, e mbushur me respekt, miqësi dhe frymë bashkëpunimi, e cila do të mbahet mend gjatë nga të gjithë pjesëmarrësit.

Në kuadër të Kupës së Anamoravës 2026, kjo darkë solemne bashkoi mësimdhënës, drejtues institucionesh dhe mysafirë nga të gjitha trojet shqiptare, përfshirë Preshevën, Bujanocin, Kumanovën, Shkupin, Durrësin, Fushë Kosovën, Drenasin dhe shumë qytete të tjera.

Përtej matematikës dhe garës, kjo mbrëmje dëshmoi fuqinë e bashkimit, shkëmbimit të përvojave dhe vullnetit të përbashkët për mbështetjen e gjeneratave të reja të talenteve shqiptare.

Kupa e Anamoravës po shndërrohet në më shumë se një olimpiadë matematike — ajo po bëhet një urë bashkëpunimi që lidh mësimdhënësit dhe nxënësit shqiptarë kudo që ndodhen.

Ishte një mbrëmje e bukur dhe plot emocion, ku u krijuan miqësi të reja, u forcuan lidhjet profesionale dhe u dëshmua se arsimi dhe dija janë vlerat që na bashkojnë më së shumti.

Një mbrëmje e denjë për një ngjarje që synon të shndërrohet në traditë.

09/06/2026

NESËR FILLOJMË ME KURSET PA PAGESË PËR TESTIN E MATURËS SHTETËRORE 2026!

Në bashkëpunim me Drejtorinë Komunale të Arsimit në Gjilan, po u ofrojmë maturantëve tanë një mundësi të shkëlqyer për përgatitje dhe avancim drejt suksesit.

Ju mirëpresim dhe ju dëshirojmë shumë suksese!

NESËR FILLOJNË KURSET PËRGATITORE PA PAGESË PËR TESTIN E MATURËS SHTETËRORE 2026

Drejtoria Komunale e Arsimit në Gjilan, në bashkëpunim me Shoqatën e Matematikanëve të Gjilanit, njofton të gjithë maturantët e Komunës së Gjilanit se nesër fillojnë kurset përgatitore pa pagesë për Testin e Maturës Shtetërore 2026.

Sipas agjendës së publikuar, pjesëmarrësit duhet të paraqiten në ambientet e Gjimnazit Natyror “Xhavit Ahmeti” në orën 15:00, ku fillimisht do të bëhet regjistrimi dhe sistemimi i pjesëmarrësve.

📅 E mërkurë
📍 Gjimnazi Natyror “Xhavit Ahmeti”
🕒 Fillimi: ora 15:00

Programi i ditës

▪️ 15:00 – 15:20 – Regjistrimi dhe sistemimi i pjesëmarrësve
▪️ 15:20 – 15:30 – Prezantimi i programit të kurseve
▪️ 15:30 – 18:30 – Zhvillimi i kurseve përgatitore

Kurset do të organizohen çdo ditë pune deri më 19 qershor 2026, në 6 grupe të ndara, dhe do të përfshijnë:

✔️ 2 orë Matematikë
✔️ 2 orë Gjuhë Shqipe

Ftojmë të gjithë maturantët e regjistruar që të respektojnë orarin e përcaktuar dhe të përfitojnë nga kjo mundësi e ofruar për një përgatitje sa më të suksesshme për Testin e Maturës Shtetërore 2026.

Mirë se vini!

06/06/2026

HERONJTË E VËRTETË TË KUPËS SË ANAMORAVËS 2026 NUK QËNDRUAN NË PODIUM, POR PRAPA TIJ.

Faleminderit ekipit të mrekullueshëm që, me përkushtim të rrallë, profesionalizëm, sakrificë dhe punë të palodhshme, e shndërroi Kupën e Anamoravës 2026 në një histori suksesi, krenarie dhe kujtimesh të paharrueshme.

P.s. në foto mungojnë prof. Agim Maliqi dhe prof. Armend Limoni.

06/06/2026

U MBYLL ME SUKSES KUPA E ANAMORAVËS 2026

Me ceremoninë përmbyllëse të mbajtur sot në Kamenicë, u përmbyll me sukses edicioni i parë i Olimpiadës Rajonale të Matematikës “Kupa e Anamoravës 2026”, një ngjarje që mblodhi 65 nxënës të talentuar nga Gjilani, Kamenica, Vitia, Novobërda, Presheva, Bujanoci, Kumanova dhe Shkupi.

Në ceremoninë e ndarjes së çmimeve morën pjesë Kryetari i Shoqatës së Matematikanëve të Gjilanit, Bregan Isufi, Drejtori i Drejtorisë Komunale të Arsimit në Kamenicë, Selami Klaiqi, Drejtori i Drejtorisë Komunale të Arsimit në Gjilan, Jeton Rexhepi, si dhe Kryetari i Degës së Shoqatës së Matematikanëve të Gjilanit në Kamenicë, Agon Mahmuti, të cilët përgëzuan nxënësit për sukseset e arritura dhe theksuan rëndësinë e mbështetjes së talenteve në matematikë.

Fituesit e Kupës së Anamoravës 2026 janë:

Kategoria e parë

Arbër Rrahmani (Kumanovë) – Vendi i parë
Unik Kryeziu (Gjilan) – Vendi i dytë
Anik Spahiu (Kamenicë) – Vendi i tretë

Kategoria e dytë

Amar Hismoni (Gjilan) – Vendi i parë
Diell Misini (Viti) – Vendi i dytë
Elea Hajrullahu (Gjilan) – Vendi i tretë

Me këtë rast, shprehim mirënjohjen tonë të veçantë për Ministrinë e Arsimit, Shkencës, Teknologjisë dhe Inovacionit, në veçanti për Zëvendësministrin z. Përparim Kryeziu, për përkrahjen institucionale dhe mbështetjen e dhënë në realizimin e këtij aktiviteti. Falënderim të veçantë meritojnë gjithashtu Kryetari i Komunës së Kamenicës, z. Kadri Rahimaj, dhe Drejtori i DKA-së në Kamenicë, z. Selami Klaiqi, për kontributin e tyre të çmuar në organizimin dhe mbarëvajtjen e këtij edicioni.

Një falënderim i sinqertë shkon edhe për Hello Academy of Education për sponsorizimin e aktiviteteve të olimpiadës, si dhe për Hotel Astoria Luxury & Spa për mikpritjen dhe mbështetjen e ofruar gjatë organizimit të kësaj ngjarjeje.

Falënderojmë gjithashtu të gjithë nxënësit pjesëmarrës, mësimdhënësit, koordinatorët dhe prindërit, të cilët me angazhimin dhe përkushtimin e tyre i dhanë vlerë dhe dinjitet kësaj gare.

Në fund, mirënjohja jonë më e thellë i takon ekipit të palodhur të Shoqatës së Matematikanëve të Gjilanit, i cili me profesionalizëm, përkushtim dhe punë të vazhdueshme bën të mundur organizimin e aktiviteteve që promovojnë dijen, talentin dhe ekselencën akademike.

Urime të gjithë fituesve dhe pjesëmarrësve për rezultatet e arritura!

06/06/2026

PROBLEMET E KUPËS SË ANAMORAVËS 2026👇

06/06/2026

REZULTATET PRELIMINARE 👇

Ankesat behen permes e-maili: [email protected]

Afati i ankesave: deri ora 14:30.

06/06/2026

PO MBAHET KUPA E ANAMORAVËS 2026 NË KAMENICË

65 nxënës të talentuar nga Gjilani, Kamenica, Vitia, Novobërda, Presheva, Bujanoci, Kumanova dhe Shkupi po marrin pjesë në Olimpiadën Rajonale të Matematikës “Kupa e Anamoravës 2026”, e cila po zhvillohet sot në Kamenicë.

Ky aktivitet po bashkon talentet më të mira të matematikës nga Anamorava dhe trevat shqiptare, duke krijuar një hapësirë të veçantë për garë, bashkëpunim dhe shkëmbim përvojash ndërmjet nxënësve dhe mësimdhënësve.

Përmes kësaj olimpiade synohet identifikimi, promovimi dhe zhvillimi i talenteve të rinj në matematikë, si dhe forcimi i lidhjeve arsimore ndërmjet komunave dhe qyteteve shqiptare në rajon.

Kupa e Anamoravës 2026 shënon edicionin e parë të kësaj gare, me synimin që të shndërrohet në një traditë të rëndësishme të matematikës shqiptare.

Matematika bashkon talentet shqiptare në Kamenicë!

05/06/2026

Gjithçka është gati.

Nesër, në Kamenicë, do të shkruhet kapitulli i parë i një gare që synon të bëhet traditë.

Talentet më të spikatura të matematikës nga mbarë trevat shqiptare do të mblidhen në Kupën e Anamoravës 2026, për të dëshmuar dijen, përkushtimin dhe shpirtin e garës.

Skena është gati të mbushet me emocionet e Olimpiadës.

Mirë se vini në Kupën e Anamoravës 2026.